قصة بعدك قاتلى
البارت العاشر10
بقلم اسماء محمد
♡♡ رجعنا بخير و سلامة ،،، طلعنا فوق غيرتا ملابسي و لبست حاجة خفيفة مريحة ، عمار مشا قعد مع امو و اتونس مع اخواتو و ساهرو الليل كلو ، تاني يوم الصباح صحيت بدري صليت و جهزتا الشاي صحيت عمار شرب معاي و مرق يشوف اصحابو ، نزلتا تحت الكل كان طبيعي سالتا ناهد من العيال قالت لي فاتو الروضة ، بجد اشتقتا ليم ، اليوم مر سريع عمار جا راجع اتعشينا سوا برانا بمزاج ، رقدني في حضنو و قالي عايز اتونس معاك اوع تنومي زي يوم داك ، دا ياتو يوم قالي في اسمرة كنت قاعد احكي ليك عن حبي ليك و انت نمتي ، لا ما نمتا سمعتك لمن قلت لي كنت نايمة مع شهد صح ؟ قالي غيرو سمعتي شنو قلت ليو ما سمعتا حاجة ،، قالي و قلت لي ليك كمان (قبل ما اسافر مشيت بيتكم...................) امممم ما بتذكر كنت وين لكن بتذكر امي قالت لي عمار جا ودعنا ،
● عمار = صحي متين غيرتي وضع الغرفة ترتيب ظابط لكن ،، هيام = اي صح نفس اليوم جوني لنا و رايا نضفو البيت و انا نزلتا تحت طبختا ،، عمار = و ليه؟ لنا و رايا نضفو ؟! كيف تشغلي صحباتك ، و البيت كلو خدم ،، ( في اللحظة دي ما عرفتا اقول شنو ما حبيت عمار يعرف بالحقيقة حاولت انسيهو الموضوع لكن عمار كان مصر يعرف ) قالي صحي انت كيف اجهضتي ؟!! سكتا ،، هيام كيف خسرنا ولدنا ( ملامحو اتغيرت مية و تمانين درجة كانو ما هو )؟؟؟ قلت ليو وقعتا ؟ عمار = وقعتي كيف ، قلت ليو في المطبخ ، قالي و انت تخشي المطبخ لشنو ؟ دا إهمال منك ، انت المسؤولة عن خسارة ولدي ،، هيام ( كلامو وجع قلبي صرختا قلت ليو انا كيف اقتل ولدي امك السبب امك المسؤولة عن اي حاجة ،، في اللحظة دي اضطريت احكي ل عمار بالموقف الحصل مع عمتي في المطبخ ) عمار اتنفخ و غضب شديد حتى عروقو كانت بارزة ما قدرتا اهديو ولا قدرتا امنعو يتكلم مع امو ، نزل تحت و شاكلم كلهم و طعنم بكلام ، البيت كانو مافيهو زول غير عمار صوتو ملا المكان ،، عمتي كانت قعدة تبكي و تعتذر ليو و حالتا تزعل .......
♧♤ عمار جا خاشي الغرفة قلت ليو الموضوع ما يستاهل لزاني جيت خابطة في الارض ولا عاين لي ولا حاول يطمن علي او يرفعني من الأرض ، طلع فوق في السطوح ،، بعد شوية راق و استوعب غلطو جاني كنت واقفة في المراية قعدة ادهن شعري حضني من ورا ما اتكلمتا ضماني عليو شديد و قالي آسف قلت ليو ما تلمسني لو سمحتا ،، ضغت على بطني و قالي ما سمعتك قلت ليو عمار عمار ،، باسني في رقبتي جسمي كشا قعد يرواغ لقايت ما استسلمتا ليو ............. الصباح كان رايق ، قعدتا جنبو نزلتا راسو في رجولي و قعدتا اشبك اصابعي في شعرو و امررا براحة قلت ليو عمار قالي نعم ، قلت ليو الحصل امبارح كان غلط و مهما حصل تظل امك و بتحبك و بتتمنى ليك الخير امشي اعتذر منها ما حلوة تكون زعلانة منك و الحصل كان بالغلط و قدر ربنا كاتبو لي ، تمام اتفقنا ،، قعد و ختا ايدو على خدي و باسني في جبيني و قالي حاضر يا ست البنات ،، و فعلآ عمار مشى لامو ، قعد في الارض و مسك ايدا و قاليها يمة انا اسف امبارح اعصابي تلفت و ما اتصرفتا معاك صح يمة سامحيني باسا في يدها و راسا ، حضنتو و قالت ليو انا ما زعلانة منك و سامحني على الحصل ،، عمار و امو راضو بعض و دي احسن حاجة ..
♡♡ كنت قعدة اصلي تلفون عمار ضرب ، رد و طلع فوق طول لمن احترتا ، يكون قاعد يتكلم مع منو؟؟ جا راجع قالي اجازتي انتهت ( انا طبعآ اتجمدتا ، صريت وشي و ضيقتا عيوني و ما اتكلمتا فضلتا ساكتة ) يا هيوم انا مسافر ، قلت ليو ما تسافر قالي ح امشي اظبط اموري بعد أقل من شهر تحصليني ، ابيت نهائي قالي خلاص بقعد معاك شهر زيادة قلت ما عاوزة ، قالي طيب تلاتة شهور ، هزيت براسي (طيب) ...