قصة بعدك قاتلى
البارت الثاني عشر12
بقلم اسماء محمد
♡♡ دخلت المطبخ عشان اسوي لينا حاجة على بال يجو البنات لقيت بهاراتي انتهت مافي غير فلفل مسكتا تلفوني اتصلت على لنا و قلت ليها جيبي ليك معاك توم و كسبرة ،،، كنت متسطحة في الكنبة جاتني خالتو حفصة( شغالة عمتي) قالت لي عندك كسبرة ؟؟ قلت ليها حي ما عندي لكن تعالي بعد شوية وصيت صحباتي يجيبو لي ولا كن جو انا بجيبو ليك ،، خالتو حفصة نزلت تحت و قالت لناهد هيام ما عندها كسبرة لكن شوية كدا البنات بجيبو ،، طبعآ ناهد ما صدقت انو ما عندي قالت حقارة مني ما عايزة أديم ، ناهد = كذابة هي متين قعدة تطبخ عشان يخلص بس ما عايزة تدي لكن ما على كيفا لانو ما جيباه من بيت ابوها !!! ،، ناهد جاتني و قالت لي عايزة كسبرة قلت ليها خلص عاينت لي و صرت وشها و خشت مطبخي و قعدت تقلب في العلب قلت ليها يا ناهد و الله مافي لكن صحباتي بجو هسي بيجيبوه، ، ناهد = صحباتك شنو انت قايلانا شحادين ، عمار مقصر معاك في شنو عشان تشحدي صحباتك ، هيام = يا ناهد الظاهر ما ح نتفاهم مع بعض اطلعي برا لو سمحتي قالت لي انت قايلة نفسك منو ، دا بيت ابوي انت التطلعي قلت ليها انا مرت عمار و حامل بولدو و عندي حق في البيت دا زيك ، ما استحملت كلامي نزلت العلب في الارض و بقت تكسر العدة زي المجنون تكسر و تنضم طمبجت المطبخ تمام ، عمتي جات جارية مالكم يا بنات ؟! كنت خايفة تضربني و تنزلي جناي ، كنت واقفة بعيدة منها و قعدة ابكي منظرا يخوف ،، عمتي مرقتا برا بصعوبة ........
● لنا و رايا جو و شافو منظر المطبخ سألوني حكيت ليم الحصل بالتفصيل صبروني ، قررتا امشي بيتنا لكن رايا منعتني قالت لي اقعدي في بيتك اصلا عملت كدا عشان تطلعي من البيت ، خليك قوية و ما تخافي منها ، انا متاكدة لو هرشتيها مرة وحدة ح تعمليك حساب ، تمام هيومة ما تزعلي عشان زعلك ما ينزل في الجنين ... انا محظوظة بصحبتكم ربنا ما يفرقنا من بعض قمتا استحميت ، لنا و رايا نضفو المطبخ و رتبوه و قعدنا للونسة ......
تلفون لنا ضرب ،، مالك ما عايزة تردي ،، لنا = دا قيس ما عايزة ارد عليو ،،، مالكم ؟ لنا = مشاكلين لينا اسبوع بس اتخيلي حظر رقمي ؟!!! انا و رايا عيوننا جات في بعض و ضحكنا ، قلت ليها يا لنا دي ما اول مرة يحظرك او تحظريو ، ردي ما تعذبي اكتر ،، لنا = ما برد ليو خلي يعرف قيمتي و يعمل لي حساب ،، شنو سبب المشكلة ؟؟ لنا = حلق شعرو بدون علمي و شالو كتير كمان ...... ههههه ضحكتا لمن بطني مغصتني و رايا دموعا عشرة عشرة من الضحك ،، اسمعيني حبيبتي لنو ، ردي ل قيس يمكن ضروري و معليش عشان حلق شعرو ههههه ما قدرتا امسك ضحكتي و لنا مغبونة مننا ،، اخيرآ لنا ردت ل قيس و قالي وين انتي قالت ليو في بيت هيام قاليها انا في بيتكم جيت و جبتا معاي الرجال ،، قيس طلب لنا من أهلها و وافقو العرس اتحدد بعد تلاتة شهور لنا ما استوعبت الحاصل الا لمن حصلت البيت ، اتصلت عليها و باركت ليها اليوم التاني مشيت ليها في البيت و قيلت معاها المسا جيت راجعة..
♧♤ حامل في الشهر التامن دي شهوري الاخيرة و حملي مصاحب ضغط جنين جسمي وارم و الدكتور قالي اتحركي كتير ، و ان شاء الله بتلدي بالسلامة ، عمار كان عاوز يرسل لي جهاز البيبي من السعودية ، رجع قالي احتمال يتأخر رسلي قروش أجيب الجهاز من هنا ......
بالليل كنت راقدة قعدة احضر في مسلسل حسيت بألم في بطني كنتا مطنشة لكن الوجع زاد ما استحملت صرختا لعمتي جاتني جارية شهد و ناهد برضو صحو عمتي قالت ولادتك لسع لكن قلت ليها يا عمتي ما مستحملة الوجع ، ودوني المستشفى الدكتور كشف لي قالي مافي حاجة بس الجنين اتحرك ،، الحمد لله الوجع راح ،، ناهد = ساي قطعتي نومنا ،، رجعنا البيت و كملتا نومي ..