قصة بعدك قاتلى
البارت الخامس5
بقلم اسماء محمد
♡♡ اتخارجنا من الحنانة لنا سوت لي ميكب حلو و ظابط، لمن حصلنا البيت لقيت عمتي و بناتا و امي و ابوي و رشا و الجيران، في قلبي( وين عمار معقولة رايا قعدة تكذب علي ) .... طلعتا غرفتي مع لنا و رشا و رايا ... المغرب اذن الرجال فاتو الجامع صلو و عقدو ، عمتي و بناتا باركو لي و الجيران ( انا دا كلو ما هاميني وين عمار ) الساعة 9 جات صحباتي فاتو و انا نزلتا توبي و صليت العشا متأخرة( يا رب تسامحني) و مسكت تلفوني اتصلت ل رايا الووو ... انت كيف قدرتي تلعبي باعصابي هسي وين عمار حرام عليك و .......... ،، رايا = يا بت خلي روتين البكا دا انا ما كذبت عليك و الليل لسع ما انتهى اصبري ،، هيام = يعني عمار بجي بعدا ؟!! ،، رايا = اي بجي ما تنزلي توبك و ما تبكي عشان ميكبك ما يخرب ،، طيب ارتحت شوية لبستا توبي و صلحتا ميكبي و قعدتا منتظرة، ، كنت بفسبك بتلفوني جاتني رشا و قالت لي عمار تحت كنت ناوية انزل اسلم عليو قالت ما تنزلي بجيك هسي ،، و انا منتظرة على اعصابي عمار جا خاشي الغرفة قعد جنبي قالي الف مبروك بقيتي مرتي ،،، كنت ساكتة و بالي في حتة تانية ما كنت مجمعة مسك ايدي و لبسني المحبس و جاب لي مجموعة عطور( النجدة) باسني في راسي و مشى ،،، الصباح اتصلت ل رايا و حكيت ليها عاتبتني قالت لي دا الكنتي بتبكي عشانو قديتينا بسيرتو و ما قدرتي تنطقي قدامو ولا كلمة انت عار على الشلة و فصلت الخط( هسي دي مالا جنس جنترة)
♡♡ الليلة الدعوة عمار سألني اذا عايزة حفلة رفضتا قلت ليو نحنا خاشين على حياة مقدسة حفلة شنو نفتح على نفسنا باب جهنم قالي حاضر تأمري عرسي كان مسيخ على قول لنا ما عملت حفلة في صالة ، عرسي تم زي ما انا عايزة و عمار بقى نصيبي و طفيت نار الشوق و كملنا بعض و اكتمل حبنا على ما يرضي ربنا ،، سكنا في بيت عمتي البيت كبير فيو خدم تنضيف و طبخ و عشت احلى ايامي مع عمار حب و دلع ،،، بعد تلاتة شهور من زواجنا طلعتا حامل و عمار قرر يرجع السعودية لشغلو ،، كانت أصعب ليلة عندي تاني ح ارجع للشوق و الحنين ،، كان نفسي اقول ليو ما تسافر خليك جنبي ......
بعد سافر عمار بعدو قتلني امو و اخواتو خربو وش او بالأحرى وروني وشهم الحقيقي طلعو حاقدين و ما بريدوني كانو قعد يمثلو قدام اخوم ،، عمار ببعادو حفر مقبرتي