قصة بعدك قاتلى
البارت الاول1
بقلم اسماء محمد
بعد ان حصلت عليه بالحلال، ترا بعد الزواج يكون الحب في ابهى صورة و اجمل ما يكون في الوجود.......
في يوم من الايام بعد ان اسرعو بها الى المستشفى و ما هي الا لحظات حتى قبض الله عز و جل روحها، خرج الطبيب بعد ذلك و قال، لاحدى صديقاتها فلانة عظم الله اجركم، ان صديقتك و طفلها في ذمة الله ، فبكى كل الحاضرون و حوقلو انا لله و انا اليه راجعون لا حول ولا قوة الا بالله🌹🌹
____________________
هيام ( عمري ٢٢سنة خريجة محاسبة مخطوبة لود عمتي عمار ) عمار مقيم في السعودية شغال في شركة إنشاءات ، ما عشنا قصة حب ، عمتي حبت تخطبني لولدا و أهلي وافقو ( نحنا بتين هيام و رشا ، ماما اسمها وصال و ابوي جابر) عمتي مرة بوبارية و بتحب تتباها بولدا و بناتا( عندها ناهد عزبة و عندها بت و ولد ، و شهد طالبة في الجامعة ) بصراحة وضعهم فوق الممتاز الدنيا ضحكت ليم ناس مرطبين و عيونم ملانة ،، نحنا ناس بسيطين في كل حاجة و متواضعين مع كل خلق الله و ما بتخلعنا نعمة زول الحمد لله قنوعين و و اسرتنا متماسكة و بنحب بعض .......
♧♤ بسم الله جسمي كلو مكسر حي يا الله وين تلفوني ؟ رشا رشا منو رفع لي تلفوني ؟ ،، رشا = هاك دا تلفونك ،،، هيام = عندك شنو بتلفوني؟ = أعصابك هي ، كان مجدوع لميتو ليك ،، هيام = كذابة انتي هسي جيتي بيو داخلة ،، رفعت راسي رشا اختفت فتحت التلفون قلبتو ما لقيت حاجة قلت اتأكد من رصيدي، لقيتو ناقص خمسمية جنيه ، ( المعفنة دي سرقتني ) مشيت بوراها جرت ورا امي ، يا أمي بتك دي ما اول مرة تسرقني خلي ترجعو ،، رشا = يمة كنت عايزة افعل خدمة قروشي نقصت حولتا منا خمسمية بس ،، وصال= يخسي عليك يا هيام سكيتيا عشان خمسمية جنيه انا بديك الخمسمية تاني تسالي اختك ،،، هيام = يا أمي أنا ما زعلانة على الخمسمية زعلانة عشان سرقتني لو سألتني ...... ، ابوي جا خاشي مالكم أصواتكم عاليآ ( كلنا بصوت واحد مافي شي ) بصراحة ابوي عصبي و مسيطر و كلامو فوق الراس مافي زول بكسر ليو كلمة ، خطبني لعمار بدون ما يسألني بس كلمني ( يا هيام انت ح تنخطبي لعمار ) قلت حاضر لانو مافي زول في حياتي قلت خير يمكن ربنا كاتب لي السمح ( هيام بت بيضا و جميلة بمعنى الكلمة كانت مكسرة الدفعة عندها صحبات عزيزات ، لنا ، رايا)
● انخطبت لعمار قبل شهر و بدينا نتكلم لكن ما كتير لسع في حواجز ، لكن عمار لطيف و كلامو حلو يتحبا بسأل مني و يطمن علي و بسالني اذا محتاجة شي ، لكن انا ما بحب الرسميات عايزة نكون زي اي حبيبين نزاعل ، نراضي بعض ، نحب بعض اكتر ، رسايل و رومنسيات نفسي في الحاجات المجنونة ،، رايا = انت مالك مستعجلة هو مر شهر ولا مر دهر . ،،، لنا = عمار خجول ،، انت حاولي افتحي معاه مواضيع يمكن يسهل ليك ،، هيام = لااا .. هو لازم يبادر اشمعنى انا ....... أثناء ما كنا بناقش في الموضوع عمار اتصل مسكت التلفون الووو