قصة بعدك قاتلى
البارت الثالث عشر13
بقلم اسماء محمد
♧♤ صحيت كسلانة و يومي جسمي بتنفخ زيادة ، جاتني سوسن( البت الشغالة عندي) نضفت البيت و رتبتو ، سوسن = الليلة ما سويتي الشاي ؟! قلت ليها و الله يا سوسن تعبانة اليلة من سريري ما قمتا ، قالت لي مافي مشكلة ح اسخن ليك موية مملحة تستحمي بيها و ان شاء الله جسمك ح يخف و ترتاحي ،، سوت الشاي و جابتو لي قلت ليها تعالي اشربي معاي ، شربنا الشاي سوا ، سوسن طيب مرة و ظريفة ، سوسن خلصت شغلها و لمن جات مارقة ناديتا و اديتا عباية و اتنين بجامة هزاز جداد ما لبستم ، فرحت شديد و دعت لي بالخير ،،، اتصلت علي لنا و قالت لي مناسبتا قدموها شهر قلت حي يعني ما احضر مناسبتك و الله زعلتا ، قالت ما مشكلة بعرفك ما بتقصري ،، قمتا استحميت بالموية الغلتا سوسن ، ارتحتا شديد قررتا امشي اقيل مع ناس امي و فعلآ مشيت قيلت معاهم و النهار كلو كنت خاتة راسي في رجلين امي و هي بتشبك لي اصابعا في شعري كنت مرتاحه و رشا كانت قعدة تعملي مساج في كرعيني رفعت راسي قلت لأمي، يمة لو ح تدلعوني زي دا يومي بحمل هههه ، كانت آخرة مرة اسمع فيها ضحكت امي ،،، ابوي جا خاشي البيت من الشغل تعبان و زهجان غير كل مرة كنت بمشي بسلم لأبوي المرة دي جاني هو و حضني عليو شديد و قالي ربنا يرضى عليك و باسني في راسي و مشا رقد في الصالون ،، مرقتا من ناس امي ، غشيت لنا و هديتا خاتم دهب و اتنين مزهرية عشان ما ح اقدر احضر المناسبة ، غشيت الدكتور قالي بتلدي طبيعي بعد اسبوع او اقل ،، رجعتا بيتي لمن جيت داخلة لقيت شهد و معاها صحباتا من الجامعة سلمت عليم ، و فتا وحدة منهم قالت مرت اخوك قعدة تمسح شنو؟! وحدة تانية قالت هي دا ما كريم دا لونا لانو مافيهو ولا اثراية، ، وحدة تانية ما شاء الله لكن أمانا ما بياض من وين دي؟؟ شهد = ما عارفة عمار جايبا من ياتو مستنقع اضاني لقط الكلام رجعتا قلت ليها من نفس المستنقع الجاية منو امك و عاينت للبنات و قلت ليم عمتي كوثر و ابوي اخوان من ام و اب واحد ،،، طبعآ احرجتا و مسحتا بيها الارض وما قدرت ترد طلعتا غرفتي و اتصلت ل رايا و حكيت ليها حسيت نفسي( حررتا فلسطين ، ) فصلت منها طوالي اتصلت ل عمار فيديو ،، عمار = لمح شبطو في رجليني قالي يا بت انت لابسة شبطي ، قلت ليو مافي شبط قدري كرعيني متنفخات ، اتكلمتا معاه للساعة عشرة ........
♧♤ حاسة بمغص ما طبيعي نفسي ح يقطع سبحان الله دا بول ولا شنو عاينت ، يا الله انا ح الدي هسي دي الموية نزلت ، عمتي ، عمتي كنت قعدة اصرخ و كورك ما جاني زول عمتي سمعتني و كانت جياني ناهد قالت ليها مافيها شي بس دي حركات منها عاوزة تقطع لينا نومنا زي يوم داك عمتي قالت خليني اتأكد .... مسافة و هم بيتجادلو لقايت ما اغمى علي ، لمن جات عمتي لقتني مغمى على او بالأحرى ميتةة