قصة انا لست جاريتك
البارت الرابع والخمسون 54
بقلم اسماء محمد
سمع صوت قوي قريب منه..
وقبل لا يرفع راسه طار من مكانه بقوة..
وأنرمى على الأرض بقوة أكبــــــر...
رغم الألم وقسوة الضربة..
فتح عيونه بخفة..
حس بطعم الدم بفمه..
ورعشة تملكت جسمه ماله قدرة على السيطرة عليها..
وكأن الروح تنــــازع..
أبتسم بحنيـــن..
فهو راحل إليــــــها..
سينضم لعالم تنتمي له حمامته..
غاب عن الوعي بعالم الظلام..
وصورتها أخر مارأت عيناهـ.
إتصل سائق السيارة بالاسعاف..
واستمع لتدابير الإسعافات الأولية..
جس النبض..
التنفس..
عدم تحريك المصاب خوفاً على عظامه المكسورة إن كان هناك عظام مكسورة..
وصلت الإسعاف بوقت قياسي..
وتم نقله الى مستشفى المقاطعة.
عالية متمسكة بيد أمها بقوة وتهمس لها..
عالية بخوف\تنزلين معي أو اروح معاج..
ام فهد بهمس\علووي استحي على ويهج..مايكفي ساحبتني معاج الفندق...
فكي يدي يابنت..
عالية\معصي ما أهدج..تبين تخليني معاه بروحي..
ام فهد\ترى والله أقوله الحين يهفج طراق على ويهج..
فكي يدي يابنتي اسمعي الكلام..
عالية بتصميم\يومه حبيبتج أنا بنتج الوحيدة أهون عليج..
شوفيه راح مع فهوود خلينا نشرد من هني..
ام فهد طقتها على كتفها\فكي عني اشوف..قالت تبي تشرد..
والله بيجن الريال من هبالج..
عالية بغصة\يومه جاء..
ام فهد\يالله نزلي معاه وانا بارد البيت مع فهد..
عيب نترك ضيوفنا لحالهم..
عالية برجاء\يومه تكفين لا يأخذون غازي قبل أشوفه..
باجيكم بكرهـ من بدري انزين..؟؟
ام فهد\ولا اشوف رقعة ويهج شهر بحاله..
غزوي وسلمتي عليه قبل تسرين..والحين راعي ريلج وخليج مره سنعة..
وقبل لاترد على أمها فتح فهد الباب ومد يده لها يساعدها تنزل..
قربت من أمها بس امها دفتها بيدينها بخفة تبيها تنزل من السيارة..
نزلت وهي ترتجف من الخوف او من رهبة الموقف..
بعد لحظات بتكون مع عامر لوحدها..
وبيشوفها لأول مرة من دون حجاب وعباية..
ضمت فهد اللي كان يثبت عبايتها على كتفها..
انحرج فهد من عامر وأشر بيدهـ عشان ياخذها منه..
كتم إبتسامته على شكلها وقرب منهم..
عامر بهدوء\عالية فكي عن الريال عيب أحرجتيه..
فزت لما سمعت صوته قريب منها..
لما شافها ماتركت فهد مد يدينه وسحبها عن فهد..
مشى فيها لداخل الفندق ويده ماسكة يدها الباردة..
مشت وراهـ وهي تمنع نفسها بالموت لا تسحب يدها من يده وتهرب لامها..
وتتخيل شكل امها تتوطى في بطنها ولا تكفخها...
حست فيه قريييب منها مرة وهم في المصعد..
صارت تهاوش نفسها وتتحكم برجفتها..
دخلوا الجناح وقفت دقيقة وبعدها فسخت عبايتها ببطء..
وهي تتمنى لو بدلت فستانها قبل لا تجي الفندق..
دخل شنطتها لغرفة الونم ورجع لها الصالة..
قرب منها ووقف قبالها..
كانت منزلة راسها بخجل طاغي عليها..
ناداها باسمها..
ماقدرت ترد عليه ولا ترفع راسها..
وكأنها ماتعرفه ولا في يوم تكلمت معاهـ..
هي صح كان لها مواقف كثير واياهـ..
بس كانت بحدود وأدب..
والأهم بحجابها وعبايتها..
والليلة كل شيء غير..
حست بيده على وجها حبست نفسها وهو يرفع راسها له..
تعلقت عيونها بعيونه لثواني..
وخلال هالثواني تأكدت انها بخير..
لأن هذا هو عامر..
أبوها الطيب..
أخوها والسند المتين..
هو اللي حرمها من الحرمان ورجعها لامها..
عامر اللي حكمها من صغرها ورباها بكيفه..
ماحست بدموعها الا لما مسحها لها بأصابعه..
عامر\مبروك..أثرج حلوة وانا ما أدري..
ضحك على نظراتها المصدومة من كلامه..
تنهد بحسرة وباسها على جبينها..
عامر بحنية\مبروك ياعالية..
ماردت عليه الا بهزة خفيفة من راسها..
عامر\تقدرين تبدلين الحين على بال مايجي العشاء..
صدت عنه ودخلت غرفتها..
قفلت الباب ووقفت بمكانها ..
ويع ان شاء الله صج ماتستحين ليش ماتردين عليه وتقولين الله يبارك فيك..
يقولج حلوة وانتي واقفة مثل الخشب..
لو قال جيكرة كنتي بتكفخينه وتبطين راسه..
فتحت شنطتها وطلعت ملابسها وهي لازالت تعنف نفسها..
وتتشجع انها تتكلم معه عادي ..
انتبهت على القميص اللي امها مزهبته لها..
حطته بآخر الشنطة تحت ملابسها..
تتذكر كلام لين لها ..
بأن طلتها بعد فستان الزفاف الأبيض راح تظل محفورة براس زوجها..
أخذت فستان باللون الأحمر بدون اكمام..
قصير لحد الركبة..
كرستالات ناعمة محدد بها فتحة الصدر..
لبست الفستان مع اسوارة هادية من الذهب..
تأكدت من مكياجها وتسريحتها مرتبة..
ناظرت بنفسها كاملة بالمرايه..
وبعد ثواني شهقت بخوف..
لو يشوفني كذا وش يقول عني..
لا لا لازم ابدل وخزياااهـ..
عيب يشوفني متكشفه كذا..
وقبل لا تقرب من شنطتها دق عامر الباب وفتحه..
وقف يناظر فيها نظرات اول مرة تشوفها..
الأكيد مو عصبية وبعدها يعاقبها..
ولا نظرات الحنية المعهودة منه..
نظرات خاصة من عامر لــ عالية..
نظرات إعجـــــــــــاب..
تأملها بابتسامة صادقة انرسمت على وجهه..
ورضا تام واضح من ملامحه..
سبحان الله..
حبها بقلبه من سنين..
تكفل فيها ورباها..
الكل ملاحظ معاملته لها مثل معاملة لين..
بس لها هي بين العكس..
وحذرها لايوم تعتبره اخ..
لانه مستحيل يكون اخوها..
أنتبه عليها شايلة بجامة وتبي تبدل..
راح لها بسرعة ومسكها قبل تدخل غرفة التبديل..
عامر\وين رايحة
عالية بارتباك\ببــ..ـأنام..
عامر\تنامين وانا انتظرج..
عالية\
عامر\العشاء وصل..وبعديييين نامي..
عالية\مما ... ما ابي عشاء الحمد لله..
عامر\لا بيعجبج العشاء أنتي بس تعالي..
أخذ البجامة من يدها وهي كانت شادة عليها بقوة..
همس لها تتركها..وهي أنتبهت على حركتها..
تركتها وهو نزلها على السرير..
مسك يدها وخرجها معه لـ الصالة..
جلسها قريبة منه وعيونه لازالت تتأملها برضا..
عامر\سمي بالله..
نزلت راسها وفركت يدينها في بعض..
ريحة العشاء عذاب وهي جوعانة مرررة..
بداء خيالها يخونها وتتخيل نفسها تهجم على الطاولة..
وتاكل كل اللي عليها بشكل همجي..
وتشوف تأثير حركتها على وجه عامر..
عضت شفايفها تمنع نفسها لا تضحك على خيالها..
وهي تنصح نفسها لاتتهورين بكره تاكلين..اليوم ممنوع..
حست بشيء غريب على شفايفها..
فزت وناظرت الشوكة قريبة منها..
عامر\سمي بالله..
مدت يدها تاخذ الشوكة منه..
ماتركها لها وقربها من فمها مرة ثانية..
أكلتها بريق ناشف ولا قدرت تمضغها..
كحت غصب عنها بصوت مكتوم..
شربها مويا وهو يسمي عليها..
عامر\ترى كان نفسي باللي أكلتيها..
فتحت عيونها على وسعها..
عامر\ههههههههههه بعدج على نفس حركتج..
أتغشمر معاج..
عالية وقفت باحراج\الحمدلله..
وقف معها مسك يدها وجلسها عند التلفزيون..
جلس قريب منها..
عامر\عالية ماصارت تبين تقضين الليلة بدون ولا كلمة..
إنتي تعرفيني زين..ماهي اول مرة تشوفيني..
عالية باحراج\اا..اهل غازي بياخذونه؟؟
عامر بهدوء\ايه بياخذونه هم هله..
عالية بزعل\طيب متى بيرجعونه لنا؟؟
عامر\الولد ماهو لعبة شهر بالكويت وشهر بالسعودية..
ولانقول خذوه وهاتوهـ..مصلحته اهم من رغباتنا..
كلنا نبيه خواله وعمامه..
عالية\يعني مانشوفه مرة ثانية الا بعد سنة؟؟
عامر\لا عاد مو سنة..مانقوى فراقه..
بعد شهرين أخذك مع أمك وننزل السعودية ونشوفه..
عالية بخبث\وناخذهـ معنا..
عامر\ههههههههههههه لا مابناخذه معنا..مو قلت لج الولد ماهو لعبة..
عالية\هذا الحل مايرضيني..
عامر\لازم ترضين..فترة بيقضيها عندنا وفترة عند هله..
وانا وراجح اللي نقرر ماهو الحريم..
لو عليكم كل يوم وانتوا على خط السفر..
عصبت من ترييقته عليها..
جت بتقوم ماخلاها..مسك يدها وجلسها..
ارتبكت مرة ثانية من نظراته عليها...
كل همها تقوم وتبدل الفستان اللي تهورت ولبسته..
يمكن ترتاح وتخف رجفتها..
عامر\بردانة..؟؟
عالية بفرح \إيه..
ع بالها بيقول لها روحي بدلي ..
بس خالف توقعها لما قرب منها وضمها له بقوووة..
همست باسمه محتجة على اللي يسويه..
فاجئها وماسمح لها تتكلم ..
دخلت الصالة وفسخت عبايتها مالقت احد من اهلها موجود..
سمعت صوت التلفزيون جلست بعد ماطلبت من الخدامة تجيب لها شاهي..
كانت قناة دينية والشيخ يتكلم عن الصبر عند المصائب..
أندمجت مع كلام الشيخ وتأثرت بقصة قالها بصوت خانقته العبرة..
أنصدمت من صوت البكاء اللي سمعته كانت تظنه الشيخ..
بس لما كتمت الصمت ناظرت حوالينها ..
وشافته جالس بأخر كنبة وبالزاوية منها ولام يدينه على نفسه..
وقفت بسرعة وراحت عنده تركض..
غادة بخوف\عبوود بسم الله عليك..وش فيك حبيبي..
عبدالله مارد عليها وهي ضمته بقووة..
غادة\علي ضربك..أمك مهاوشتك..أحد زعلك قلي فديتك..
والله أخذ حقك منهم ياقلبي..
عبدالله يشد يدينه حواليها ويبكي..
عرفت إنه ماراح يقول لها..
لانها مو أول مرة تساله ولا يجاوبها..حتى ابوهـ وامه وأمها ما فهموا وش صاير له..
فضلت تقويه بكلامها له وتمنعه من البكاء اللي مخوفهم عليه..
غادة بزعل\عبوود الرجال النشمي يبكي..افا والله ياعبيد..
رجال وش كبرك وتبكي مثل الحريم..لو يعرفون أخوياك وعيال الحارة..
وش يقولون عنك..؟؟
عبدالله يكتم صوت بكاهـ بعد كلامها..
ويشد يدينه حواليها..
غادة\ايه خلك قوي..مايبكيك شيء..
والحين قوم غسل وجهك وتعال أبي أخذ رايك بموضوع وابي نصيحتك..
رجع لها بعد دقايق ووجهه مازال أثار البكاء عليه.
غادة\فديته الشيخ أبو وجه احمر.
عبدالله بصوت مبحوح\لا تقولين أحمر شايفتني بنت..
غادة\يخسون عندك بنات جماعة صويعد..
عبدالله\ذكرتيني بصويعد..يبي له كم كفخة..مطول لسانه اليومين اللي فاتوا..
غادة\لا تكفى ماذكرته عشان تفكر بهوشه جديدة.
ترى ربك ستر وابوك ماذبحك بعد هوشتكم مع عيالهم..
عيب عليكم المشاكل ماتنحل بهواش بمكان مخفي عن الناس..
عبدالله\فيه مشاكل ماتنحل الا بالضرب..
غادة\صح كلامك..بس ما احد يحل مشاكله بهالشكل الا الأغبياء..
والجاهلين واللي ماتربوا..
عبدالله\لا يا وغدة متربين ومتعلمين ونضارب..
غادة\ماكذب محمد لما سماكم قطاع طرق..
عبادلله\خلي عنك كلام الرجال..وقولي وش عندك..وش موضوعك..
ماعرفت وش تقوله..كانت تبي تحسسه أنها بحاجته ومعتمدة عليه..
عشان يتقوى ويفك عن البكاء الغريب اللي صاييبه..
غادة\اخاف أقولك وتبكي او تزعل..لانك صاير حساس كثير ورايك أشك فيه..
عبدالله عصب\أنا ابكي ومتى بكيت يالكذوووب.
قولي اللي عندك أشوف..
غادة\يعني أنت بتساعدني وتنصحني صح؟؟
عبدالله\ان شاء الله..يالله قولي..
غادة\ايه عندي مشكلة بالشركة..
وانا محتاجة شور رجااااال واعي وكبير وعاااقل..
الحارس عندي بالشركة...اااااا ياربي احم ....
عبدالله بعصبية\وشهو مسوي؟؟
غادة\ماسوى شيء مسكين على نياته وفيه خير..
عبدالله\طيب وش فيه تكلمي..
غادة\ايه تذكرت..عنده ولد تعبان وبيسوي له عملية..
ويبي ياخذ اجازة طويلة عشان يعالج ولده..
عاد مدري من احط حارس..سعودي مثله أو احط هندي؟؟
عبدالله\وليه ماهو بزوجك اللي يحل الموضوع؟؟
غادة بفشلة\راكان مسافر...وسامحني ازعجتك يالشيخ ..قلت يمكن تساعدني..
عبدالله\تعالي تعالي..وفيه سعودي متقدم لـ الوظيفة؟؟
غادة\ايوهـ فيه..
عبدالله\وتبين توظفين الهندي قبل السعودي يا وغدة
غادة مصدومة\يعني عادي يتوظف عندنا سعودي بالشركة.
عبدالله\ماتبونه يكون حارس
غادة\بلى نبيه حارس..
عبدالله\يعني بيكون برا الشركة..وش المانع ماتوظفينه..
ولا تثقين بالهندي..والسعودي ماتبووونه..؟؟
غادة\لا لا حياه الله السعودي قبل الهندي..
فديتك على النصيحة..لولا الله ثم أنت ماعرفت اختار..
عبدالله بفخر\حياك الله ولا ترددين مرة ثانية..
كانت بتساله عن سبب الزعل والبكاء..
بس فضلت تسكت..لانها ماتضمن تصرفه وردت فعله..
غادة\عبود أبوي وينه ألحين؟؟
عبدالله\أبوك مع ابوي..
غادة\هههههههههه قل قسم..أجل أبوي وأبوك أصحاب..؟؟
عبدالله\وش نسوي لازم أبوي يصاحب أبوك عشان أبوك لا يصادق أصدقاء السوء..
غادة\قصدك أبوي مصاحب أبوك عشان مايماشي نافخين الكير..
عبدالله\تعقبين أبوي مصاحب ابوك..
غادة\يوووهـ منك..طيب ابوي كيف حاله اليوم؟؟
عبدالله\الحمدلله بخير أحسن من أمس واللي قبله..
ترى بنروح العمرة تروحين معنا..
غادة\قالت لي امي..بخاطري أروح بس مدري..
عبدالله\وش اللي ماتدرين؟؟
غادة بقهر\ماهو بشغلك..عبوود تكفى بخاطري سؤال صغيرووووووووون وش كبره..
لاتردني تكفى طلبتك..جاوبني..
عبدالله\أستغفر الله العظيم من قبل لاتحلفيني..
ترى أبوي سبقك وحلفني بس حلفت ما اقوله..
غادة بصدمة\طيب انت ماتعرف سؤالي..
عبدالله\تبين تعرفين وش صار قبل لايدخل جدي المستشفى..صح؟؟
غادة بهدوء\ايه صح..جاوبني..
عبدالله\اللي أعرفه إن جدي زعلان..والزعل هو اللي تعبه..
غادة\قل والله..ندري انه زعلان بس وش اللي مزعله؟؟
عبدالله\ماقال..
غادة\تكذب علي.
عبدالله\ايه أكذب عليك..
علي بسخرية\حي الله أم الغيد..رئيسة الشركات ومديرة الأعمال ومدري وشهو..
زين تذكرتي عندك اهل..
غادة قامت وسلمت عليه وهي تضحك..
ردت بكذب\عاد وش اسوي الشغل فوق راسي..حتى الشركات الامريكية ناشبة لي..عنبو ماكان فيه غيري..
علي\هههههههههههه هذا وجهي اذا به احد دق بابكم وقال وش عندكم..
غادة بفشلة\بعدنا بأول المشوار..بكره ان شاء الله ربي يبارك لنا وتشتهر شركتنا اللي ماهي بعاجبتكم..
ماغير جالسين ننظر الباب والتلفون متى يطلبونا...
علي\ههههههههههه الله يتمم لكم على خير..
تدرين وين المشكلة..المجتمع مايثق بشغل المراءة..وخصوصا توكم مبتدئين..
غادة بخبث\طيب وش رايك تكون انت اول ضحايانا وتبرهن للمجتمع قد أيش حن كفووو ونرفع الراس..
علي بحذر\ابعدي عني وانشبي بزوجك هو اللي فتح شركتكم وعشمكم ..
غادة\افا ابوو عبدالله تردني وانا طلبتك..
علي\ياليييييييل الحريم اللي ماهو بخالص..هاهـ وش تبين اسوي؟؟
غادة\الفرع اللي أنت تشتغل فيه..سلمنا اياهـ شهر واحد بس ونسلمكم اياهـ باجمل وأحلى مايكون..
علي بفتنة\تبين البنك يطردني.؟؟ما اعتقد يسمحون لكم تجددون الفرع..
غادة\يا أخي أنت ليش أخوي..؟؟
علي\مدري إسالي امي ولا أبوي..
عبدالله\هههههههههههههه حلوة حلوة يوبه..
علي\هههههههه اعجبتك يا فرخي..
عبدالله\فري متش كوكلي افري دي...بس لاتعيدها مرة ثانية..
علي\ليتك نايم..
غادة\هههههههههههه لبى العنقليزي..علاوي تكفى حاول توسط لنا..
اذا أستخدمنا البنك وتعاقد معنا بتكون ضربة حظ قوية لنا..
علي\طيب واذا سودتي وجهي مع شلتك المهبولة..وحولتوا البنك لصالون تجميل وش أسوي بعمري أنا..؟؟
غادة\يعني ألحين تصميمي لبيتنا مو عاجبك؟؟وضيافة الرجال ما تهبلوا عليها أخوياك وجماعتنا..؟؟
علي\الكذب خيبة..واللله ماشاء الله عليك..شغلكم بضيافتنا شيء يرفع الراس..
عبدالله\يوبه متى بننقل هناك..؟؟
علي\شهر ان شاء الله وحن في بيتنا..
غادة\وششششششش قلت؟؟
علي\يقطع حنت الحريم يا شيخة..خلاااص باتوسط لكم وأشوف متى يسمحون لكم تبدون اذاااااااااا وافقوا..
غادة بفرح\خلاص أضمن موافقتهم..يالله فمان الله وراي بزنس..واااي يازين الشغل والحركتات..
عبدالله\سوي لنا نفق سري ولا يدرون ادارة البنك..عشان نسرقهم ونشرد..
علي\لازال تفكيرك إجرامي..تبي تسرق الدولة مع وجهك..؟؟
عبدالله\البنك ماهو الدولة..البنك هو الشعب..
علي بحسرة\ونعم التربية..
غادة\الله يصلحكم وبس..
فتح عيونه بتعب..
حرك راسه بصعوبة..
ونظراته تدور بالمكان الغريب اللي هو فيه..
من شعوره بالألم بجسمه تذكر اللي صار معه..
غمض عيونه وهو يتنهد بتعب..
لازال ينتمي لأهل الأرض..
أستغفر الله على قنوطه..
وحمد ربه على سلامته..
رفع نفسه بالقووة..
أنتبه ليده اليسرى مجبرة..
أعترف وهو يضحك..
شر البلية مايُضحك..
على الأقل انكسرت يده مثل يدها..
تمنى لو كانت يده اليمين..
عله يحس بعجزها..
عمياء ومكسورة يمينها..
ولا بقربها أحد غيرهـ..
يدها وتجبرت..
وإنكسار روحها ماجبرته..
ياجابر المكسور إجبر بخاطرها..
دخلت عنده الممرضة ورجعته لواقع هو حي وهي ماتت..
بعد لحظات دخل ماكس تطمن عليه..
سأله عن حاله..وتفاجئ بغضب غازي..
لما وقف بعصبية..
قطع المغذي عن يدهـ..
وبعد ماكس عنه بقوة..
ماكس بصدمة\ماذا تفعل..؟؟
مارد عليه صرخ بالممرضة بعصبية يطلب ملابسه..
خرجت بسرعة ونادت الطبيب..
دخل وحاول يفهم سبب عصبيته..
واذا كان أحد أساء له..
مارد عليهم الا بكلمات حاقدة على نفسه قبل لا تكون عليهم..
يبي يطلع من المستشفى بثواني..
وبما أنه بكامل وعيه ووقع يتحمل مسئولية أي شيء يصير فيه..
سمح له الطبيب بالخروج..
خرج من المستشفى وماكس معه..
طلب مفتاح السيارة من ماكس لكن مارضى يعطيه بسبب اصابته..
عصب من ماكس وضرب السيارة بجبيرته بقووووة..
حس بألم غي رمعقوول ولا عمره حس فيه..
ضربه مرة ثانية وثالثة..
بعده ماكس عن السيارة وصرخ فيه..
ماكس بحدة\هل جننت..؟؟ماللذي اصابك؟؟
مارد عليه بعده عنه وجلس في السيارة..
حرك ماكس السيارة من دون اي كلمة وهو يراقب ملامح غازي المتألمه و الغاضبة..
غمض عيونه والألم يذكرهـ بألمها ودموعها...
دخل الغرفة وقفل الباب بقووة..
قرب منها وهي تتراجع بخوف..
كفها اليمين على كتفها اليسار وتضغط عليه بقووة..
هديل تبكي\لاتضربني...والله يدي عورتني منك خلاص..
ما باتكلم معها مرة ثانية..
بس قول لها لاتــ.........
غازي بحدة\أقول لها أيش...؟؟
هديل بالم\ولا شيء..خلها تقول اللي تبي..الله بيحاسبها..
غازي\شوق كل همها توجعك بالكلام..
وضربتها قدامك..
هديل\ماتقصر ياما ضربتني قدامها وقدام غيرها..
غازي\انتي اللي تجيبينها لنفسك..
هديل تبكي\طيب ايه انا...استاهل انا ايه..
غازي بهدوء\طيب ليه تبكين الحين..؟؟
هديل جلست على الارض وحطت راسها على ركبتها..
نزل لمستواها وجلس ركبه ونص..
غازي\تتألمين..؟؟
هديل هزت راسها بالنفي\لا مايعورني ضربك..
مد يدهـ لكتفها صرخت فيه بخوف..
هديل برجاء\لاااا والله العظيم تعورني خلاص ابعد لاتلمسني..
بكره اضربني..اليوم خلاص ما اتحمل غير كتفي..
غازي بقهر\ماقصدت أضربك في الباب..
هديل ماصدقته\اتركنيييييييييي..
وقفت وبعدت عنه بس هو مسكها وجلسها على الكنبة ووثقها بقربه..
هديل\والله ما اتحمل اتركني..وشوق ما باتكلم معها ولا معك..
بس خلاااااااص لاتمد يدك علي...
غازي\اصبري اشوف كتفك...
هديل بألم\ما ابى..تكفى خلاص اتركني والله تعبانة..
نزل بلوزتها عن كتفها..وهي بشكل سريع ضمت يدينها على صدرها ورقبتها..
غازي\بعدي يدينك..
هديل\لا ابعد..اطلع من عندي ما ابيك تظل هنا..
لاتخاف أنضربت أقوى من هذا..
بكره اصير مافيني شيء وتقدر تكمل انتقامك..
ضغط على كتفها بقهر صرخت وهي تبكي..
مسكت يدينه بيدها تترجاه مايوجعها..
ضمها له وهو يهمس لها\ما اقدر أروح قبل لا أطمن عليك..
وقفت وبعدت عنه وصرخت فيه..
هديل تبكي\انا بخير..شوفني بعدني أتنفس..
تطمن بكره تلقاني مثل اليوم وأمس..
لاتخاف..ما باموت قبل يومي..
وما باموت قبل لا ترضي أخوك بقبرهـ..
ما باموت قبل لا ترضي جنونك...
وقف وراح لها بسرعة ..
غازي\الموت لاتطرينه..مالك فيه مجال..
هديل بحسرة\ياويلي ما أقسى قلبك..
باخل علي بالموت..
ضمها بقوووة...
يرد لها قهرها لأنها قهرته بذكر الموت..
من تعبها ما قاومته ولا بعدت عنه..
اللي يبيه بيسويه..
مايعرف حلال او حرام..
نزل بلوزتها وهو حاضنها وتفحص كتفها..
لاحظ تورم بنص الكتف...
ولونه يتغير شوي شوي للاحمر والاخضر..
مرر كفه عليه بهدوء مايبي يعورها..
من شكله مايلومها على بكاها بسبب الالم..
باسها على رقبتها وتركها بعد ماحلفته يبعد عنها...
ضرب يده مرة ثانية على باب السيارة..
لعل الألم يخليه يبكي..
أو تنزل دمعة وحدة..
لكن عيونه وكأن جفاف أصابها..
بخلت بالماء عليها..
خذاهـ ماكس لبيته وقرر يظل معه..
أتصل بصوفي وقال لها..
وتعجب من ردها لما قالت..
صوفي بحقد\متى يموت ويتركنا بسلام.
طلعت من دورة المياهـ ملتفة بروبها ومنشفتها على شعرها..
انصدمت لما مالقت ولدها بالغرفة..
عصبت..مافيه غيرها ام سيقان سرقته مثل كل مرة..
بدلت ملابسها نشفت شعرها وسرحته..
زاد بطوله يوصل لآخر كتفها..
لمته بكرهـ له..بتطلب من صوفي تقصه لها..الطويل ماعادت روحها تهواهـ...
ناظرت الأوراق اللي عطتها اياها صوفي..
أوراق ذياب شهادة ميلاد بتاريخ الولادة ومكان الولادة..
والأهم مسجل باسم إبوهـ..
كان بين الأوراق رسالة من مسفر..ماعرفت عنها صوفي..
قرأتها هديل لما كانت في المستشفى..
كلمات مهذبة ووعد صادق منه مايطريها لغازي ولا يوقله إنه بيوم شافها وكانت عندهـ..
فهمت من رسالته إنه مايدري إنها ميته بالنسبة لغازي وهلها..
حمدت الله على هالشيء بس ماتضمن الأيام يمكن يكتشف هالشيء والله اعلم بردت فعله..
سجل رقمه لها وعنوان بيته في السعودية..
وفي النهاية وعدها يرجع ويتطمن عليها..
تمنت من الله انه مايرجع ولا يعرف مكانها..
هو من اهل غازي..واللي تربطه صلة قرابة بغازي ماتبيه بحياتها..
متناسية بشدة إن أغلى إنسان بدنياها كله من غازي وينتمي له..
خرجت من الغرفة وتسمع صوفي تسولف وتهذر كانها تتكلم مع إنسان واعي وكبير..
شهقت لما شافت صوفي تبدل ملابس ولدها..
هديل بقهر\إتركي إبني ولا تمارسي عليه هوسك بالأزياء..
صوفي\إخرسي وإبقي مكانك ولا تتحركي..أريدك ان تريه وهو جنتل مان..
هديل\صوفي ألا تشعرين بالبرد..سيصاب بالبرد ...يا مهبولة<<عربي..
صوفي\يالـ الجمال..وولفي الوسيم..
قربت منهم وناظرت بولدها..صرخت بضحكة عالية لما شافت شكله..
هديل بحنية\يا قلبي عليهم...وش سويت فيك المهبولة..
هههههههه فديت العيون اللي تكبس..ما الومك يا الذيب..
ملبستك تنورة قليلة السنع..بس انا أوريك فيها الطويلة الخبلة..تحسب ماوراك ام..
صوفي\ماذا تقولين له؟؟
هديل تقهرها\سر صغير من ام لإبنها..
كيف تسمحين لنفسك أن تلبسيه تنورة كهذه..هو رجل وليس عارضة أزياء..
عنبو غيرك حتى تنورة البزارين مسويتها قصيرة وهم طولهم ربع ذراعي..
صوفي تضربها\تكلمي بلغة أفهمها..وهذه التنورة يلبسونها امراء أوربا ايتها الجاهلة...
هديل تبدل ملابس ذياب..وترد عليها بالعربي..
بسخرية\قلتيها أمراء أوربا ماهم بدو الصحراء..فديت البدوي المعسسسسب..
صوفي بقهر\اكرهك..
هديل\ههههههههههههه والله عاجبك ولدي روحي جيبي لك مثله..
وهـ فديته ماله شبيه..وش زينه أبو براطم صعنوونة..
صوفي\ماذا تقولين؟؟
هديل\مابك غاضبة..؟؟
صوفي\أفكر بعرض جديد..وهل تعلمين ماهي فكرتي..؟؟
هديل\لا..ماهي..؟؟
صوفي\هههههههههههه شيء جديد لم يحدث مثله من قبل في ساحة الأزياء العالمية..
هديل\الله يجيرنا من هبالك يا صوفي<<بالعربي..
ماذا أسمعك تكلمي..
صوفي\سأقوم بتصميم على عدة مراحل..
الأولى فتاة بسيطة جميلة راعية بقر..
هديل فهمت عليها\بقر ترافسك مع كل عارضاتك قولي آآآمين..
صوفي\هههههههههههه لا اعلم ماذا قلتي ولكنك غضبتي بالتاكيد..
هديل\اكملي يا منمشة...
صوفي\المرحلة الثانية ستكون لـ الرومنسية والزواج..سيتاقتلن العارضات بهذه المرحلة..
لاني سأستعين ببعض العارضين الشباب.
صوفي\الثالثة لإمراءة حامل..سيكون تصميماً دقيقاً..
وبعدها المرحلة الرابعة أحب مرحلة الى قلبي..
تصميم ملابس الأم مع طفلها الجميل..
وبكل تاكيد انتي وهذا الأمير ستكونان مصدر الإلهام لي..
هديل\تعقبين وتهبين مع سيقانك..تبي تسرقنا يا أمك..
وتعرض ملابسنا انا وإياك وتعرضها على العالم كل أبوهـ..
ماتدري غن هذا منقوود عندنا ويصير فيها قص رقاب..
صوفي\هههههههههههههههههههههه يا الهي اشعر وكاني حمقاء..
هديل\لست موافقة..
وولدي ولي أمري ومحرمي يقولك الخلا يامنمشة..بالعربي..
صوفي بعناد\لماذا..عزيزتي سيكون لك شهرة واسعة وكبيرة...
ستبدأين عملاً ناجحاً وتحققين مالم يحققه الكثيرون...
هديل\صوفي لقد قبلت العمل معك ولكن بشرطي..
صوفي\ان تكوني في الظل..ولا يعلم الصحافة بوجودك..حتى ماكس لن يعلم..
عزيزتي الهرب لن يكون حلاً..
هديل بقهر\بل هو حل بهذه الفترة من حياتي..
سأعمل بالخفاء معك صوفي..لربما أقرر ذات يوم العودة الى النور وترك الظل..
ولكن الآن لا اريد لشيء أن يعيقني عن الاهتمام بصغيري..
صوفي\حسناص هل قررتي الإنتقال معي إلى روما...؟؟
هديل\هل دبرتي لي شقة هناك..والمهم ان لا يكون ماكس على علم بتلك الشقة..
صوفي\كما إتفقنا شقة بعيدة عن ماكس ولا يعلم بوجودها..
لانها لصديقة برازيلية..قلت لها باني سأستخدمها وهي لاتمانع..
هديل\هذا جيد..سأرافقك الى روما..ولكن الاسبوع القادم..
لم استعد الآن..
صوفي اخذت ذياب\وولفي ستأتي لتعيش معنا هناك بروما..
وسأراك كل يوم..لن أسمح لك بالنوم لا ..لا لاتنم ايها الوسيم..
هديل\هههههههههههههه يفضل النوم على روية النمش..
صوفي تنزله بسريرهـ\بل فقد وعيه من سعادته بقربي..
هديل\هههههههههههههه والله وصرتي ترادين يا منمشة..
شغلت صوفي الكاميرا وصورت ذياب وهو نايم وصارت تنغزه من دون ماتنتبه عليها هديل..لحتى صحى من نومه..
شالته وشغلت التلفزيون على قناة أطفال..
وهديل جلست على اللاب توب حق صوفي ودخلت اليوتيوب..
لانها حاولت تفتح مواقع دينيه بس مافتحت معها..
كتبت القرآن الكريم..ودخلت على صورت النور بصوت السديس..
كان صوت الجهاز عالي..
واول ماسمعته صوفي ألتفتت على هديل بصدمة..
شبكت هديل السماعات وأستمعت لقرآن بإنصات..
بعد لحظات قفلت صوفي التلفزيون وقربت من هديل..
جلست معها على نفس الكنبة
صوفي بهدوء\ماذا تسمعين..؟؟
هديل بالعربية\مالا تفقهين..
صوفي\أريد ان أسمع...
شالت هديل السماعات وشغلت المكبر...
وأستمعت لـ السورة الكريمة مع صوفي..
لاحظت هديل كيف صوفي مركزة سمعها مع الشيخ وهو يقرأ..
ويدينها ملتفة على ذياب وتضمه بخوف..
أنتهت السورة وتفاجئت هديل لما صوفي حملت السورة بجهازها..
صوفي بهدوء وهي تقاوم دموعها\احببت ماسمعته..بالرغم من اني لم أفهم أي شيء..
هديل بحنية\انه القرآن ..كلام الله ..
صوفي بغصة\أعلم ذلك..
هديل برجاء\الله يهيدك وتسلمين<<<بالعربي..
صوفي\الحمدلله..
هديل تضحك\نعم صوفي الحمدلله دائماً.
ناظرها ولاحظ وجها أحمر وعيونها مفتوحة على آخرها تقوام دمعتها..
عامر بهدوء\تشبه لين الله يرحمها كثير..
عالية بصوت باكي\لا ما احد يشبه لين..
لم يده حوالين كتفها وقربها منه..
بكت بصوت عالي وهي تشهق بقووة..
عامر\علووي ماهو وقت مشاعرج الجياشة..
خلينا نروح الفندق وابكي على كيفج..
عالية بصوت مخنوق\تشبه لين...
عامر\أدري...هدي حالج مايصير..
عالية\ما اقدر..
طلعوا من الحديقة وتوجهوا لـ الفندق..
جلس جنبها وأحترم سكوتها ..
لحتى فاجئته بكلامها..
عالية\انا أدري انك تحبني...
دافعت عني عند أبوك وأنت واثق بأخلاقي..
بس لما ظلم لين انت ماسويت شيء..
عامر\كنت مسافر..
عالية\مالك عذر..كان لازم تكون موجود مثل ما برئتني قدامه تبرئها حتى هي..
ماصدقنا كلنا..أمي وانا وفهد وحتى لين..
حلفنا انها مو لين وماتسويها بس مارضى يسمعنا..
عالية\فيج خير فجي الباب..
لين\هههههههههه من قال فيني خير رووحي دارج وفكيني من حنتج..
عالية\وع ام أربعة واربعين قريبة من عندي أخاف تذبحني..
لين\وطي صوتج لا تسمعج تطب عليج..
عالية\لين عفية فجي الباب بانام عندج الليلة..
فتحت الباب لها تهاوشوا شوي وبعدها جلسوا يسولفون..
لين\جب ياللي ماتستحين كله ولا اخوي لاتسبينه..
عالية\جب أنتي بلاج ماتحسين بقهري لما يحبسني ..
لين\تستاهلين خلي عنج اللقافة..وأنا مو مثلج مو شايفة خير كل شوي برا البيت..
حتى لما تروح أمي لجمعت حريم تروحين واياها..
عالية\لاني اجتماعية مو مثلج مريضة توحد..
لين\ههههههههههههه وعامر عطاج دواج يالاجتماعية..
عالية\ياربي متى أتزوج واحد كشخة وحليييو ومايعرف عامر اهم شيء مايعرفه..
لين\طاح حظج ماتبينه يعرف أخوي فديته..
ياربي يبعث لي زوج رزة وزين ودين وقلب أبيض ويحبني ويحب امي وعامر وابوي ..
عالية تقاطعها\والجيران وولد عم ولد الجيران وراعي البقالة بآخر الشارع..
لين تدفها من جنبها\قومي عني باروووح..
عالية\وين رايحة..؟؟
لين\بأوضي وأصلي قيامي...وأنتي مابتصلين..؟؟
عالية عفست وجها\مو الليلة..
لين بضحكة\هههههههه ايه نسيت اللهم لا شماته..
لبست لين عبايتها وبدأت تصلي..
وعالية راحت غرفتها تبدل وبترجع عند لين تنام عندها..
سلمت من صلاتها وسمعت صوت ركض وصراخ ابوها بالبيت..
قامت وطلعت من غرفتها بسرعة وقفت عن الباب الا بوجه أبوها قدامها..
ابوعامر بغضب\الله.يابنت.
حسبي الله عليج من بنت..تبين تفضحيني بين الناس..
من وين جاية يالـ. الله ياخذج ويفكني منج.
سحبها من شعرها بقوة وضربها على الارض..
رفسها في بطنها وضربها بقسوة بكل جسمها..
عالية جات تركض وصارت تسحبه عن أختها..
ضرب عالية ورماها بعيد عنه..
وأستمر بضربه على بنته...
ابوعامر\والله مايبرد قلبي الا دمج يا الـ.
الله لا يسامحج ولا يبارك فيج ...
سحبها من شعرها بقووووة ونزلها على الدرج...
دخلها مجلس الرجال والمسدس في يدهـ..
ابوعامر\اسمع يالـ. هذي خويتك..
خذها الله لا يردك ولا يرده..عسى لابركة فيكم ولا في طوايفكم..
لين برعب وهي تبكي\يوووووبه ليييش..والله ماسويت شيء..
كنت اصلي يوبه والله كنت اصلي سامحني كنت اصلييييييي..
ابوعامر رفسها\جب ولا كلمة يامضيعة الدين والشرف..
راجعة باخر الليل وتقولين كنتي تصلين..
الله لا يقبل صلاتك يالكذابة يالـ.
سعود بصدمة\يارجال صل على النبي أنت وش تقول..لاتظلم بنتك وتظلمني ..
أذكر ربك وصل على النبي...
ابوعامر\والله أن ماقلت عليها قبول إن دمها يغطيك قبل يغطيها وانا حلفت...
سعود بقلة حيلة\قبلت فيها قبلت والله بس ابعد سلاحك عن البنت..
لاتبلانا بعد ماربي عافانا...
رماها على الارض عند أرجوله وأتصل بأخوهـ وقاله يجيب جارهم المملك ويملك على بنته وزوجها..
تم كل شيء بلمح البصر..
سعود اللي كان واقف قدام بيت أبو عامر..وسيارته عطلانة..
شاف بنت بعباية تلمع من كثر اكسسواراتها وألوانها..
تدخل البيت بالدس..
تحسب على ابليس وكمل تصليح سيارته...
تفاجئ برجال خارج عليه بسلاحه يهددهـ ويهاوشه..
دخل معه بعد التهديد وقفل عليه بالمجلس..
طلع يدور على البنت اللي دخلت بيته بعبايتها..
ثلاث بنات..
عالية لين وأسيل بنت أخته...
ولما شاف لين بوجهه بعبايتها تأكد إنها هي اللي جاية بآخر الليل مع رجال غريب..
ملك لهم ورماها عليه بكرهـ..
ابوعامر\انقلعي معه مالج أبو ولا أم وأهل..
اللي تبيع نفسها قبل أهلها مالها الا الشارع يا.
شهقت عالية بقووة وتعلقت بعامر اللي ضمها..
عامر\صح اللي صار اوجعها كثير وذبحنا اكثر..
بس شوفي رب ما أكرمه..تزوجت رجال طيب يخاف ربه..
احترمها ولا اهانها وقال هلج رموج علي ماتلفظ عليها وقسى قلبه..
احتواها تكلم معها عالجها من صرب أبوي لها..
دورت عليه بكل مكان ورحت السعودية ابي ارجع اختي منه..
بس لما شفتها مبسوطة معه وانا تعرفت عليه وفهمت السالفة..
ماحبيت احرق قلبها وأخذها من زوجها اللي ربي وفق بينهم رغم صعوبة إجتماعهم...
عالية\بس أبوك ماتركها بحالها..
يبي يرضيها فذبحها ..
عامر\خلاص يا عالية..ثلاثتهم ماتوا الله يرحمهم..
لاتعيدين في الماضي.
أخذ جواله وقام بيكلم برا الغرفة لان رشا تبي تنيم غازي..
فتح الباب وانتبه انه مقفول بالمفتاح..
ناظر رشا اللي كانت غافلة عنه وتبدل ملابس غازي قبل النوم..
أنا لازم أعرف سالفة هالباب..
صبر جميل والله المستعان...
طلب رقم شوق وكلمها لما لقى منها اتصالين
شوق\هلا عمي وعليكم السلام...
راجح\هلا فيك..كيفك وطالبه كيف حاله؟؟
شوق\الحمدلله بخير..أنت طمني عنك..؟؟
راجح\الحمدلله بخير ومرتاح..
شوق\دوم الراحة ان شاء الله..
راجح\وش فيك صوتك ماهو مطمني..؟؟
شوق\غازي..
راجح بهدوء\وش فيه..؟؟
شوق\مايرد علي..حتى مايكلم أمي..
وماهو راضي يجي السعودية..
أنا خايفة عليه..
راجح بقوة\لاتخافين عليه..اللي مثله يعيشون عمرهم وعمر غيرهم..
شوق\عمي لاتكون قاسي..تكفى خله يرجع أو يكلمنا..
قلبي مشتاق له كثير..كملت سنة وزيادة ياعمي ما تكلمت معه ولا واصلني..
راجح\خليه على حاله ياشوق..
متى ماحن رجع لكم..لاهو بقادر يرجع الميت..
ولا بيرجع الزمن سنين..
شوق بغصة\طيب أنت قلي وينه فيه..؟؟وأروح مع أمي وطالب ونشوفه..
انا أدري انه زعلان على موتها...والله يعلم باللي في قلبي لها..
بس انا ما ابى افقده ياعمي..انا ابي اخوي..ما ابي افقدهـ والسبب هديل..
راجح بحدة\أنتي ماتتعلمين..؟؟لساتك تحملينها سبب موت سعود..
ماكفاك انها ميته ميييييييييته ياشوق..والحين حتى بموتها بتحملينها هم اخوك..
ليه واخوك وش سوى فيها لا بنقول وش بقى ماسواهـ..؟؟
سعود ماااات وهديل ماتت..وكاس الموت بيدور علينا و كلنا بنشرب منه..
وغازي ماهو بخالد في الدنيا..أخوك مايستاهل تفكرين فيه وتهتمين لأمرهـ..
مجنون بكامل قواهـ العقلية..
قفل الخط من دون مايسمع رد شوق عليه..
مقهووور من حاله ومنهم..
هم مايدرون بآخر شهورها معه وش سوى فيها..
ماتدري انها زوجته وأغتصبها..
حاولت تنتحر صارت عمياء وحامل ومكسورة..
وماتت محروقة بفندق لانها ماتشوف طريقها..
باي حق يطالبوني ادور على مجرم..
وانا أحس الكون ضاق فيني وفيه..
يااااااارب لو يرجع الزمن وارجع بلحظة معها..
ما أخليها له ولو تذابحنا عليها..
قدرني أكفر عن ذنب شاركت فيه وكنت شيطان أخرس.
جلست ورى مكتب صوفي ورمت صوفي بالقلم..
صوفي بقهر\يا لـ الجمال تريدين مكتبي..كوني واقعية أيتها القزمة..
هديل بخبث\إذاً لاتحلمي بلمس صغيري أبداً..
صوفي\هل تعلمين باني أكرهك..؟؟
هديل تهز راسها\نعم أعلم عزيزتي..
صوفي\إذاً متى ستأتي صديقتك اللتي لاتثقين الا بها..
هديل\لن تتأخر..وعدتني ان تأتي..
صوفي\لابد من انها مثلك فتاة قزمة رثت الثياب..
هديل\وهل تعتقدين بانها ستكون فتاة طويلة ذات ساقين متعرجتان..
ووجه منمش..
صوفي\أخرجي من مكتبي..لا اريدك ان تعملي معي..
هديل\اممم أنا لا أثق بك..يجب أن نوقع بعض الأوراق لأضمن بانك لن ترميني خارجاً..
صوفي\ههههههههههه ماكنت لأفعل ذلك أبداً..ولك ان تطمئني المحامي يعمل على أوراق شراكتنا الخفية..
فالعمل عمل والصداقة صداقة..
هديل\صوفي كنت أمزح..
صوفي\انا لا أمزح..سيكون لك نصيب من أرباح العرض..فانتي صاحبة الفكرة..
هديل\لاتبالغي أنتي إستوحيتي الفكرة مني..
صوفي\هذا صحيح..انا أحتفظ بنصيبك من ارباح العرض الاول..
عندما صممت ملابس لفتيات الريف..
هديل\ماذا تعنين..؟؟
صوفي\أعني بأنه يوجد بحسابك الآن بعض الآلاف...
يارب رحمتك...
فتحتها علي من أوسع أبوابك..
هذاني اليوم بعيدة عنه..وميته بالنسبة له..يعني ماهو يدور علي..
ومعي ولدي ولك الحمد على سلامته من كل شر..
ومرت ايام ولادتي على خير ياربي..
واليوم بأشتغل وأأمن مصروف لذياب..
من يوم فارقته وأنا في خير...
إبعده عني بعد الشرق عن الغرب..
مالقيت بقربه غير العنى والضيق...
إحرمه مني ياربي..
وقدرني أقهره مثل ماقهرني..
دخلت السكرتيرة تعلن عن وصول الضيفة المنتظرة..
كانت جالسة بغرفة السكرتيرة..
معصبـــة من قلة الذوق اللي عاملها بها ذاك المتخلف..
من يحسب نفسه وكأني من عائلته يفرض علي أوامرهـ..
وقهرتني ثقته بنفسه..
بنتقابل كثير..
وقــــح..
انتبهت لـ السكرتيرة تناديها تدخل المكتب..
دخلت وألقت السلام...رغم شكها ان السلام راح ينرد عليها..
السلام عليكم..
هديل وقفت بفرح\وعليكم السلام ورحمة الله..
بنظرات مصدومة\أنتي....؟؟
هديل\إيه أنا..تذكريني...؟؟
ضمتها بقوووة وهي تضحك..
ياسمين بفرح\أكيد بتذكرك انتي اختي هديل...
هديل\فديتتتتك يا ياسمين.