البارت الثلاثون 30
بقلم أسماء محمد
وتستمر المتاهة..والسفر بين المطاراتوالدول..
وهي تجهل كما في كل مرة أين هي وماذا يخبى لها القدر...
كل ماقررت تسأله هم وين..تتردد وتصد عنه..
مع انها تدري انه ينتظرها تسأل وتستفسر..
وماراح يعلمها لحتى تبداء هي بسؤاله..
أسندت راسها على مقعد الطائرة ..
وهي تتذكر ليلتهم الاخيرة في باريس كيف كانت مريحة ومستحيل تنساها...
قلبها تطمن على اهلها من كلمة طلعت منه..لكنها حست انه صادق فيها..
وداها لعالم ديزني..
وهذي المدينة ابدا ماكان في خيالها انها ممكن تزورها..
أول مادخلوا المدينة اخذ غازي خريطة لمدينة الالعاب..
وهو يشرح لهديل عن المهرجان اللي بيسوونه ابطال ديزني و راح تبداء بعد ساعتين..
توجهوا لـ الألعاب وكل ما اختار غازي لعبة..
هديل تمشي بشكل سريع هاربة منه..لان العابهم كبيرة ومرتفعة وهي تخاف منها..
غازي بلعانة\اثبتي مكانك ان هجيتي مرة ثانية شلتك وركبتك اللعبة غصب عنك..
هديل\ما ابى العب..العابهم بايخة..
جلست على مقاعد البطة دونالد وجلس جنبها..
غازي\غريب أمرك..رشا وشوق ينبسطون بالألعاب مع أنهم اكبر منك..
بس أنتي مايعجبك شيء..
هديل بغرور\وش جاب الثرى لـ الثريا..
غازي بنظرات سخرية\تطولين خواتي أنتي بس..
هديل\ماهم أقصى طموحاتي..
غازي\وش تكون أقصى طموحاتك؟؟؟
هديل\طموحاتي بعيدة عن عالمك ووجودك..
غازي\أسمعك كملي...
هديل\ما أبيك تعرفها..
غازي\أنتي خلصتي الجامعة؟؟
هديل\أنت تدري أني ماخلصتها..
غازي\وليش ماخلصتيها؟؟!
هديل بسخرية\لاني طلعت في رحلة ترفيهية مع اشخاص معقدين لدولة مجهولة..
غازي يتجاهل سخريتها\تبين تكملين دراستك؟؟
هديل\مو وقتها ألحين..
غازي\ليش وش اللي شاغلك هالفترة ماتكملين دراسة..؟؟
هديل\تبي تعرف اللي شاغلني عن دراستي؟؟
غازي\اذا تكرمتي..
هديل\شاغلني الأسر وكيف أتخلص منه..بعدها يمكن افكر بالدراسة..
غازي\معناتها ماراح تكملي دراستك..
هديل\واذا ماكملت دراسة مو مهم..تخصصي ماكنت مقتنعة فيه..
غازي\ليش مادخلتي الطب.؟؟
هديل باستفهام\كيف عرفت اني اتمنى الطب؟؟
غازي\مو ضروري تعرفين..
هديل بطفش\كان صعب علي أدخل الطب..المجتمع مايساعد أبداً..
وأخواني مابيرضون اشتغل بالمستشفى وفيه اختلاط..
غازي\واذا أنا سمحت..تكملي؟؟
هديل\لا..لأن هلي مو راضين بالطب وأنا ماراح أعصيهم..
غازي\بس هلك راضين..
هديل باستفهام\من هلي اللي راضين؟؟
غازي\أنا..
هديل بشطانة\مو معترفة فيك..لذلك رأيك مايهمني...
غازي يبتسم\الواقع مو منتظر اعترافك..
هديل\وأنا مو مجبورة اتناقش معك...
غازي\حن نتكلم عن مستقبلك..
ماعندي مانع تكملي دراستك..
هديل\في الرياض..؟؟
غازي\اذا حابة تكملي دراستك كملي بس مو في آسيا..
هديل بصد\أجل ما أبي أكمل هذا قراري..
غازي\أعتقد أن قراراتك بيدي وبأمري..
هديل بسخرية\عندي فضول اعرف كيف راح تجبرني على الدراسة..
مثلا يعني بتكفخني..ولا بتركلني..أو يمكن تقطع شعري؟؟
غازي يوقف\مافيـــه مشكلة الا ولها حل عندي..
هديل\المفروض أخاف ؟؟
غازي\أنتي دوووم خايفة وهذا شيء ماراح يتغير..
هديل\لا ماني خايفة..لا تاخذ مقلب بنفسك وتتوهم أنك قوي واني اخاف منك..
غازي بهمس\ياليــــت لو كنتي فعلاً مثل ماتدعين ماتخافين مني..
هديل\أنت تتوهم..
غازي\أتوهم انك خوافة؟؟
هديل بفخر\ايـــه انا ماني خوافة..مو أنام بقسم لحالي وأعيش بمكان مافيه الا وحوش..
غازي يمسك يدها ويسحبها توقف..وقفت وبعدت عنه وهم يمشون..
غازي\ايه واللي يقفل الأبواب ويحط وراها كرسي..
وينام وتحت راسه مقص ومستعد للهجوم وش تسمينه؟؟
وقفت متصنمة بمكانها وناظرت فيه بقهر..
هديل بعصبية\كيف عرفت؟؟
مشى ومارد عليها وهي تعيد السؤال عليه وتشتمه وتتوعد فيه..
كيف عرف اني انام والمقص تحت راسي..
ولا الكرسي اللي احطه ورى الباب واقفله..
كيف يدري وانا متاكدة اني اقفل الباب..
أمسكت بذراعه ووقفت قدامه وكأنها بحركتها هذي راح تخوفه وتجبره على الكلام..
هديل بغضب\كيف عرفت؟؟
غازي\ســــر..مايصير أقوولك..
هديل\لا يصير..قووول..
غازي يلم يده على كتفها ويدخلها بمكان مظلم شوي..
هديل باعتراض\وين موديني بعد يدك عني..
غازي بصوت خفيف\هششششش لاتتكلمين في هذا المكان..
هديل تقلده بصوت خفيف\ليــــــش؟؟
غازي يبتسم على حركتها\هذا المكان احــم بسم الله الرحمن الرحيم
هديل شهقت وتلفتت حواليها\بسم الله الرحمن الرحيم..
الله ياخذك قوول آمين..طلعني من هنا..
غازي\مو توك تقولين انتي ماتخافين..؟؟
هديل\يا مجنون هذؤلاء أعوذ بالله مايلعبون طلعني..
غازي\مانقدر نطلع الا من الجهة الثانية..
هديل\لا لا لا انت كمل انا بارجع..
غازي\خلاص ارجعي وانا اكمل..بس انتبهي منهم لاتهاوشينهم يحولونك..
هديل جلست على ركبها\يومـــــه لاااااا ما ابى أظل هنا طلعني..
غازي يوقفها وهو يضحك عليها..
غازي\افــــا وانا اقووول معي ذيبة ماتخاف..
هديل تمسكت فيه\عسى الذيابة تنهش عظامك طلعني..
غازي\هههههه طيب بس لا تصارخين يسمعونك..
مشت معه وهي تسبه وهو يضحك عليها..
كانوا في بيت الرعب وشخصيات مرعبة معروفة وغير معروفة تتحرك بالمكان..
تقرب منهم بشكل سريع وتطلع اصوات مخيفة..
لما تصرخ بصوت عالي يحط يده على فمها..
ويهددها انهم ممكن يشلونها معهم لان الدمى مسكونة بسم الله الرحمن الرحيم..
هديل\والله لأقول لهم ياخذونك معي..
غازي\أنا ماسويت شيء بس أنتي ملقوفة وتسبينهم..
هديل تمسكت فيه بقوة وتصرخ\أعوذ بالله منكم عساكم الجرب..
غازي\هههههه ما تتوبين..
بعدها عنه بالغصب وقربها من دمية متحركة لمصاص دماء..
بس هي تمسكت فيه بالقوة وسحبته معها لحتى طاحوا بحضن الدمية..
هي تبكي وهو يضحك..
خرجوا وأول ما التفت عليها بكسته على بطنه بقووووة..
هديل بقهر\مرة ثانية تحرم تدخلني بيوت مسكونة يا السكني..
غازي\من الخواف ألحين؟
هديل بعناد\ماهوب أنا ..
رجعت لواقعها على صوته..
ألتفتت عليه وهو ينبها على الحزام تربطه لان الطيارة راح توقع بالمطار..
ربطت حزامها وهي تنتظره يتكلم ويقول هم وين..
غازي\اسالي..ترى مو صعب السؤال..
هديل\أسال؟؟
غازي\ايه..السؤال اللي برأسك وتبين تعرفينه اساليه..
هديل باستغباء مقصود\كم عمرك؟؟
غازي يبتسم\ماهو هذا السؤال اللي في بالك..
هديل\صح مو هو بس كم عمرك؟؟
غازي\كم تعطيني عمر؟؟
هديل بسخرية\عشرين سنة..
غازي\ضعف عمرك ونقصي منها ثلاث سنين..
هديل شهقت\كنت أدري انك شايب مخرف..
غازي\مفكرة نفسك تجرحين بكلامك..؟؟
هديل\ما أعتقد فيه شيء يجرحك او يعذبك لأنك جلمود يالشايب..
غازي\طيب يا بيبي قومي ننزل الطيارة موقعة من ساعة وأنتي تهذرين..
نزلوا من الطيارة وهي كالعادة تتلفت حواليها ربما تعرف علم البلاد..
صرخت بانتصار\سويسر لاند عرفت من دون ما أسالك..
غازي\ههههههههه كفووو يا ماجلانة..
هديل\تمصخر بكيفك المهم ماسالتك..
غازي\طفلة<<با الايطالي
هديل تناظرهـ بعصبية\لايكون تسبني..
غازي بابتسامة\وأنا أقدر أسبك..؟؟
هديل\طبعاً ما تقدر..
توجهوا للفندق وهديل تتذمر من البرد..
وتشترط غرفة لها لوحدها بس غازي مطنشها ومارد عليها..
دخلوا الجناح وانبسطت لما شافت سريرين بالغرفة..
أنتبهت لنظراته الساخرة..خرجت من الغرفة ونامت بالصالة .
كانت بالمول تنتظر صديقتها سامية وبنت اختها شهد..
شهد هي صديقة هديل اللي بالجامعة..
وللمرة الثالة تمسك نفسها ماتقوم وتتوطى في بطن عبدالله..
عبدالله بغضب\لا تعال اجلس معنا احسن وش رايك..؟؟
غادة\عبيييييد والله ان ما كفيت لسانك وخليت عنك المشاكل..
لا اكلم علي واقوله انك تضارب في المول..
عبدالله\ماشفتي هذا الصيني كيف يبحلق بعيونه فيك..؟؟
غادة\يمكن عاجبه فستاني ولا لون شعري..
نعنبو ابليسك وش بيشوف فيني غير العباية عشان يبحلق..
وش اللي جابك معي ..؟؟
عبدالله\لا والله..قولي والله..أجل تبين تتسوقين لحالك تعقبين..
غادة\مايعقب غيرك يالبدوي..
عبدالله بصوت عالي\هيه هيه وين مدرعمة أنتي واياها..
كان يقصد شهد وسامية اللي قربوا منهم يبون يجلسون..
غادة\عبيد لا تفضحنا هذؤلاء صديقاتي..
عبدالله يعتزي\أبو حسين..مواعدة خوياتك بالمول ياوغدة..؟؟
غادة\قووول آآآمين..
عبدالله\الله يبارك فيني..
غادة\انقلع خلني اسولف مع البنات..
عبدالله\اعذرونا يابنات بس لاتجلسون معنا..
أرجعوا لهلكم..
سامية\هههههه ماندل الطريق..
عبدالله\كلمي هلك يجون ياخذونكم ..
كفاية وغدة وحدة تحت مسئوليتي مانيب في حاجة لوغدتين غيرها..
شهد\ههههه صدقت والله انهم وغدات ياأبو حسين..
عبدالله\والله أنك كفوو و ماانتي بوغدة مثلهم يا أم حسين..
شهد بخبث\يابختك ياغادة في ولد أخوك النشمي..
عبدالله\تراها ماتعرف قدري..
شهد\ماعليك منها يالشيخ ولد الشيوخ..
مانبى نزعجكم خلاص الشيخ قال نمشي يالله ياسامية..
عبدالله يوقف وبصوت عالي\علي الطلاق ماتمشون خذوا راحتكم مع خويتكم الوغدة..
بس ان شفت وحدة منكم معتبة الطاولة اسلخها عند الجزار..
مشى طالع من عندهم وشهد تمدح فيه وتنفخه بالكلام..
شهد\ياعسى عمرك طويل يا الشيخ الكريم المغوار يافارس البيداء وطاوي الصحراء..
غادة\خلاص انكتمي طلع بعد ماطلع روحي...
سامية\أنتي مصيـــــــــــــــــــبة..
شهد\هههههه ياختي خبرة مع المراهقين والبزارين..
غادة\يابنات حاط دوبه من دوبي ناشب لي في كل شيء..
شهد\عندنا وعندك خير..بس انتي عامليه مثل مايحب..
احترميه ناقشيه ولاتفرضين عليه رايك بالغصب..
خذي رايه واهتمي فيه..بتشوفينه يلين معك ومايحاول يعاندك بكل شيء..
غادة\خليه منك الحين حسابه في البيت..
وش صار على بعثتك؟؟
شهد\قالوا يازين جامعات الرياض..
سامية\هههههه وهم صادقين..
غادة\ليه ماتتزوجين سعيدان وتهجين..؟؟
شهد\لبى ذا الطاري..بس سعد مهندس ماحن في مقامه عساه البط..
سامية\يبط العدوووو وجعوووه
شهد\يوجع سعيدان ويقطع مصارينه..
سامية\شهيييييد لاتدعين الرجال..
غادة\بلى بلى خليها تدعي عليه وش حارك انتي؟؟
عساه البط اللي يبطه هو واللي في بالي..
سامية\ياصديقات السؤ الغيبة حرام..
شهد\المرة الجاية قوليله يجي يجلس معنا عشان ماتصير غيبة..
واللي في بال غادة خليه يتفضل بعد..
سامية\غادة شهودة لاتخلون قلوبكم تقسى..
كونوا طيبات مثل ماعهدتكم..
غادة\بالنسبة لي الطيبة ما أكلتني الا التراب..
خليني افصل لي ثوب من القسوة عله ينفعني..
شهد\وش ربحنا من طيبتنا وسذاجتنا الا طعووون بالظهر وحن مانستاهل..
سامية\ومافيه أحد يستاهل تقلبون قلوبكم وتدعون شخصية غير شخصيتكم عشانه..
غادة\القوة ماجاتنا من عدم..اللي تعرضت له علمني درس ما بانساهـ..
سامية\يعني راكان انتصر عليك..؟؟
غادة\كل شيء بحسابه ومصيري ادفعه الثمن غالي..
شهد\لاتعني نفسك عشانه غدوو احقريه مثل ماحقرت سعد..
شوفيني مبسوطة بحياتي بعد ماكنت اظن ان سعادتي معه..
غادة بوعيد\لا..أنا لي حق عند راكان ولازم يرد لي الحق..
واللي يسكت عن حقه يستاهل المذلة..
شهد\براحتك..الانتقام يمكن يرضيك لفترة قصيرة وبعدها بتفقدي لذته..
سامية\تتكلمي من تجربه شهودة..؟؟
شهد تبتسم\ايـــه انتقمت لنفسي منه وماني ندمانة على اللي صار..
بس في النهاية هو بيكمل حياته وانا مثل ماتشوفون أحاول اكمل بس ماقدرت..
غادة\بالعكس انبسطي باللي سويتيه..
ياليت لو تصير معي نفسي سالفتك ويرجع يخطبني راكان واول مايسالني الشيخ والرجال مجتمعين..
أرد بكل صوتي لا ما ابيه ياشيخ..
شهد\في مجلس مليان حريم قال ماله عازة فيني ومايبيني..
وفي مجلس مليان رجال قلت ما ابيه..
سامية\واخوانك وابوك وش يكون موقفهم والمجلس مليان رجال ينتظرون موافقتك..
مافكرتوا الا بانفسكم أنانيات..
وعلى فكرة ياشهد ترى سعد خطبك من ابوك مرة ثانية وابوك عطاك له..
بس باقي ما قالوا لك..والحين مالرايك أهمية..
شهد تبتسم بخبث\وانا موافقة ..
غادة مصدومة\نعم؟؟
شهد\ايه موافقة..أهاني مرة وأهنته بالمثل..
جرحني وجرحته..طعني وطعنته..
تعادلنا وش المانع مانبدى من جديد..
سامية\يعني مو متوقعة منه جرح او اهانة..
شهد\يمكن..بس أكيد بيكون معلوم عنده انه لو جرح بينجرح..
ولو اهاني باهينه..
غادة\ولو كسرك ودفنك حية ؟؟
شهد\اشرب من دمــــه..
غادة تبتسم\ماعاد يمدي..
سامية\غادة تفكرين براكان؟؟
غادة\من احتقاري له أحتقر نفسي اذا فكرت فيه..
أنا ما باسعى عشان انتقم منه..بس ان توفرت لي الفرصة فما راح اضيعها أبداً..
قاموا البنات من على الطاولة ومايدرون وش المكتوب..
أو اذا تحققت امانيهم هل بيكونون قد كلمتهم وينفذون تهديداتهم..
وينتقمون لأنفسهم..
ورداء القسوة اللذي فصلته غادة لنفسها..
هل تنتزعه يداً ما من عليها أم يصبح جلداً جديداً لكيانها..؟
كانوا بالسيارة ماشين من المطار متوجهين للمزرعة ..
مارضت تجلس جنبه فاضطرت ام غازي تجلس جنب طالب قدام..
بعد نظرات تهديد ناظرت فيها لشوق..
وصلوا المزرعة وكانت ماريا باستقبالهم بعد ماكلمها غازي..
شوق طلعت لغرفتها بجناح أمها وقلبت كل اغراضها تدور على بوكها..
مع انها متأكدة ان البوك كان معها في روما..
دخلت أمها وشافت الدنيا معفوسة ..
أم غازي\شوق ؟؟
شوق\والله بارتب كل شيء بس خليني ادور على بوكي..
أم غازي\أنا ابي اعرف وش اللي في البوك وراجك بهالشكل..؟؟
شوق\بطاقاتي وفلوس بس..
أم غازي\شوق وش اللي في البوك؟؟
شوق جلست بتعب\فيه ورقة تخصني وما ابيها تضيع مني..
أم غازي\وش اللي في هالورقة؟؟
شوق\سر سري أنا..
أم غازي\أجل احمدي ربك ان البوك ماضاع..
شوق\هاهـ؟؟
أم غازي تمد على شوق بالبوك وتحطه بيدها..
وشوق مصدومة ومو مصدقة انها تشوف بوكها رجع لها..
ضمته غير مدركة لردة فعلها وهي تناظر بامها ودموعها بعيونها..
شوق تضم امها\فديتك يومه فديتك..رجعتي لي روحي..
ام غازي تبتسم\الله يعين وش هالسر اللي قاطع قلبك..
أشكري طالب لانه هو اللي لقى البوك..
شوق برعب\وشهو..طالب وش سوى؟؟
أم غازي\هو اللي عطاني البوك..
شوق جلست بسرعة وفتحت البوك ويدينها ترجف تنفست براحة لما شافت الصورة موجودة..
ضمت البوك مرة ثانية..وانتبهت على امها تهز راسها وتروح لغرفتها..
خرجت الصورة وتاملتها وهي تبتسم ..
لفت الصورة وناظرتها من ورى شهقت بقوووة لما قرئت الكلام..
بخط جديد وبقلم جديد وربما بقلب جديد أنكتب المكتوب..
لا لا مستحيل يكون شافها ..
بس اكيد شافها والدليل الكلام اللي كتبه ..
ورى الصورة ...
وقح كيف يسمح لنفسه يفتش بوكي..
قليـــــــــــــل ادب متخلف..
ياربـــــــــــــي كيف احط عيني بعينه الحين.
جالسين بالصالة وعلي يحاول يقنع ابوهـ باللي موصيه عليه هادي..
ابوعلي\ما اقنعتني..لا مايحتاج تدرس برا..
غادة\وهو صادق ابوي مايحتاج ادرس برا..
علي\خليك محضر خير واسكتي..
غادة\علاوي ترا الموضوع عني انا يعني انا اللي اسافر وادري برا..
علي\أنتي حاولي تفهمي وجهت نظرنا..
غادة\اسلم يا ابو عبدالله اسمعك..
علي\أنتي مو محتدة على الشغل والحمدلله الخير واجد..
بعد الثانوية ما اخذتي الا سنتين حاسب وبعدها توظفتي..
وانتي كنتي تتمني تدرسي التخصص اللي خبرك بس انا مارضيت..
وانتي ماتعديتي على كلامي..وهديل تمنت طب وماسمحت لها عساها الجنة..
لما قالي هادي عن موضوع دراستك معه في بريطانيا صديت عن الموضوع..
بس الحين اسالك بالله العظيم ياغادة اذا باقي الدراسة في خاطرك والله ما اردك..
غادة وقفت وحبته على راسه\عسى عمرك طويل يا الغالي..
والله ويشهد ربي علي ماشلت بخاطري عليك عشان التخصص..
كلمتك تمشي علي ان رضيت او مارضيت..
ما اكذب عليك واقول ماهو في خاطري ادرس هندسة..
ويكون لي تصاميمي وديكوراتي..بس الحين صعب اسافر او ادرس..
علي\ليه صعب وش اللي مخوفك؟؟
غادة\مو خايفة من شيء بس ما ابي اترك أمي وابوي وهلي..
علي\وسلامة هلك هذؤلاء هم بخير..
وترى السالفة كلها طيارة راميتك بلندن وطيارة شاحطتك السعودية..
غادة\بجد علاوي ما ابى اسافر او ادرس مو في بالي..
ابوعلي\والله ياغادة ان رضيتي بالدراسة مايوديك لندن غيري..
بغصة<<وهديل لوكانت موجودة كنت باوديها تدرس الطب ولو شليتها على ظهري..
غادة تقبل يده\الله يرحمها..هديل صارت عند الرحمن..
ولا لها بالطب والدراسة الحين اي حاجة..
مطالب الدنيا يايوبه مالها قيمة عند النعيم اللي هديل تعيش فيه الحين..
عساها من سكان الجنة ..
وأوعدك افكر بالموضوع وارد لك خبر..
آآآآآآآآآآآهـ ياغادة ياليتها بالجنة وانا دافنها بيديني ومطمن عليها..
باكون سلمتها لربي ورديت الأمانة..
بس الغالية ويــــــن؟؟وش صار فيها؟؟
يارب عفوك وورحمتك بعبدك.
في أنترلاكن بسويسرا
هديل برجفة\افسخ جاكيتك..
غازي\لا كفاية اللي انتي لابسته..مابتقدري تتزلجي بكل هذي الملابس..
هديل\ما ابى اتزلج يامجرم ما قلت لك طلعني بهالثلج..هات الجاكيت..
غازي يمسك يدها ويسحبها وراهـ..ويبتسم على تحلطمها عليه..
فسخته قفازات يدينه ولبستهم على قفازاتها..
حتى الايشارب اللي كان ملفووف على رقبته أخذته من عليه بالغصب..
ولفته على الايشارب حقها..
والحين تطلب منه يعطيها الجاكيت..
هديل\ما باتزلج لاتقول ماقلت لك..
غازي\أمشي يالدب القطبي..من شاف شكلك قال ماعمرها شافت ملابس..
هديل تثبت قبعت الثلج على راسها وحوالين أذونها ومو باين منها الا راس خشمها وعيونها..
لانها لافة الايشارب على رقبتها وفمها من البرد..
هديل\ما باتزلج..
غازي\اختاري تتزلجي لوحدك او اخذ زلاجة مزدوجة نتزلج عليها انا وانتي..
هديل\اختار اما ترجعني الفندق او دحرج نفسك من فوق هذا الجبل..
غازي\ماتتوبين..
اخذ زلاجة مزدوجة وسحبها لها..
صرخت وضربته مع صعوبة الحركة اللي تحس فيها..
بس هو جلسها على الزلاجة وجلس وراها وهو يضمها من ورى ويثبتها..
هديل سبته وشتمته حاولت تعضه بس الايشارب منعها من العض..
هديل\لا وقف بانزل وانت تزلج براحتك ما ابى ما ابى..
غازي بهمس خبيث\يا الله دعاء السفر..
أول ما انطلقت الزلاجة بدأت صرخت هديل المرعوبة..
كان يتزلج بمهارة بس في نظر هديل كان يرميهم من اعلى الجبل بتهور..
كل ما ارتفعت الزلاجة وضربت في الارض..
كانت تلتفت عليه وتضربه على راسه وبطنه وهو يضحك عليها لما ترجع تتمسك فيه..
وأخيراً وقفت الزلاجة خرجت منها قبله ولما شافته يطلع منها ورجل ع الزلاجة ورجل على الثلج..
دفته بقوووة وطيحته على الأرض..
تدحرج كم مرة وهي ركضت عنده وجلست على ركبها قريب منه..
وصارت تلم الثلج بيدينها وتحطه عليه وكأنها تدفنه وهو يضحك ويبعد الثلج عنه..
غطى الثلج صدره ورقبته وهو كل مارفع الثلج عنه رجعته عليه وتضرب يدينه..
غازي بمرح\يعني تبين تدفنيني ولا تسوين رجل الثلج..
هديل\لا ابي ادفنك مـــــــت مـــــــــــــــــت ..
غازي بشهقة درامية\بسم الله علي من الموت..
هديل مستمرة في دفنه\لا لا مـــــــت مت..
غازي\طيب وأنتي وش يصير فيك اذا انا مت..
فكري بنفسك ..
هديل\مالك شغل انت مــــــــــت والأمور طيبة من بعدك..
غازي\فكري بنفسك..
بعدت شوي من الثلج اللي على وجهه وقربت منه..
هديل\صدق اذا أنت مت..وش يصير بعدين..
غازي يسحب يده من تحت ركبتها ويبعد الثلج من على عيونه..
غازي\لاتخافيــــــن مأمن عليك..بتكونين بخير اذا صار ومت..
هديل\اممممممم أجل مت..
ورجعت تدفنه بالثلج سحب يدينه منها وبعد الثلج عنه..
وقفت قبل لايوقف ويمسكها..
ركضت بعيد عنه بس لثقل حركتها ما امداها تبعد الا وهو ماسكها..
غازي\وين وين يالدب القطبي؟؟
سدحها على الثلج وهي تترجاهـ مايسوي مثلها ويحط الثلج عليها..
هديل\ما باعيدها والله والله..
غازي\اسحبي كلامك..
هديل\اي كلام..؟؟
غازي\لما قلتي اموت اسحبيها يالله..
هديل\طيب لاتموت..
غازي رفعها وجلسها ..
هديل بلهانة\لاتموت انتحر ..
غازي يهز راسه باسى\ماتتوبين..
قبل لا تحزر هو وش ممكن يسوي..
مد يده وسحب الايشاربز من رقبتها..
صرخت وسحبت نفسها منه بس هو ثبتها على الأرض ونزل قبعتها..
انتثر شعرها على الثلج وبان وجها الأبيض خدودها الحمر وراس انفها الاحمر..
شالت بيدها ثلج ورمته عليه..
سوا كورة ثلج كبيرة وقربها منها..
حطت يدينها على وجها بسرعة من دون ماتحسب حساب لاي شيء ثاني..
وبدت تصرخ بهستريا لما حست بالثلج داخل كنزتها على صدرها..
لان غازي دخل كورة الثلج داخل الكنزة..
جلس يراقبهاوهو مبسوط على شكلها وهي تنتفض تبي تخرج الثلج اللي تحسه بيجمدها..
وقفت فسخت الجاكيت الثقيل اللي هي لابسته وسحبت الكنزة الصوفية من تحت عشان ينزل الثلج..
حست الدموع تتجمع بعينها من البرد ولان بعض الثلج علق بصدريتها ماقدرت تخرجه..
صدت عنه واخذت ايشارب لفته على راسها..
وتركت جاكيتها على الأرض ومشت تبي ترجع لاستراحة التزلج..
مامرت ثواني من مشت الا وهو يلفها عليه ويلبسها الجاكيت ويلصقها فيه..
غازي بهمس\اذا تبيني اموت..أنا ما أبيك تموتين..
دخلوا الاستراحة جلسها بمكان قريب من موقد النار..
لاحظ انها تقاوم النوم ..
فطلب لهم كاسين من القهوة السويسرية
طلب "اسبريسو" لهديل لانه يبيها تصحى وتكمل اليوم قبل السفر..
وهو اخذ قهوة سوداء ..
شافته وهو ياخذ الكوبين ولما مد لها بكاس..
مارضت تاخذهـ منه..
وقفت وطلبت لها كوب ثاني ورجعت تجلس بمكانها..
غازي بخبث\افـــــــا تثقين بالسويسري وماتثقين فيني..
هديل\ما اكون تلميذتك اذا ماحفضت الدرس..
نومتني مرة مستحيل أسمحلك تعيدها ثاني..
غازي يرفع حاجب\مافيه مستحيل عندي..
نزلوا بالعربات المعلقة مثل ماطلعوا..
توجهوا لمطعم صيني تعشوا ورجعوا الفندق..
كان يشتغل على الاب توب وهي جالسة على الأرض بنفس الغرفة ..
خلص شغله وقفل الجهاز ثم انسدح على سريرهـ..
غازي ويده على عيونه\قومي نامي..
هديل وهي لامة مخدة على صدرها وتشوف فلم..
هديل\ما ابي انام مو نعسانة..
غازي\ورانا سفر بكرة نامي عشان ماتتعبين..
هديل\لا تشيل هم يالشايب أنت نام وريح..
عشان تسوق الطيارة ..
غازي يبتسم\رايقة اشوف..
هديل\عادي بس بجد احس بنشاط غير طبيعي..
غازي\هذا من اللي شربتيه..
هديل عصبت\ماشربت شيء لا تتبلاني..
غازي\من اللي شرب القهوة اسبريسو؟؟
هديل\طيب قهوة وش فيها؟؟
غازي\الله يسلمك يابيبي القهوة تنشطك وتطير النوم من عيونك..
وأنا طلبتها لك لانك كنتي راح تنامين وحن نتزلج..
هديل\ومن طلب منك تشربني قهوة منبهة؟؟
غازي رجع يده على عيونه\دايـــخ بانام قومي نامي لاتوهقيني بكرهـ..
هديل تبي تقهرهـ رفعت صوت الفلم عشان تزعجه..
غازي\والله اذا أنا شايب فانتي بزر على حركتك هذي..
هديل تستفزهـ\نام يالشايب مافيك حيلة..
غازي\طيب واذا قام الشايب الحين ووراك حيلته من يفكك منه؟؟
أنتظر ردها بس هي ماردت عليه الا انها قفلت التلفزيون وطفت النور اللي بالغرفة..
جات بتطلع من الغرفة بس هو منعها..
لما مسك يدها فزت بخوف لانه كان نايم على السرير والحين واقف جنبها وقريـــب منها..
هديل بخوف\والله العظيم طفيته..
غازي\أدري والحين نامي..
هديل\ما احس بالنوم ..
غازي\لازم تنامي مرت 6ساعات من شربتي القهوة راح مفعولها خلاص..
هديل تحاول تسحب نفسها عنه بس ماقدرت
هديل\والله مو نعسانة ..
غازي يثبتها على الجدار ويقرب منها\أنا وش قلت؟؟
هديل\ايه بانام انا نعسانة بانام..بكره ورانا سفر لازم أنام..
ركز عيونه عليها وقرب وجهه من وجها..
غمضت عيونها بسرعة وصدت تبعد وجها عنه وقعت شفايفه على خدها ..
همس باذنها\ماكنت ابيها الا في مكانها بس انتي ماتتوبين..
بعد عنها وسحبها بهدؤ سدحها على سريرها وغطاها وهي متخشبة من الخوف..
خرج من الغرفة وسكر الباب ونام بالصالة .
تشنجت عضلاتها من كثر ماهي شادة اعصابها..
تناظر فيه وهو يلاعب غازي بالألعاب ويضحك معه..
من بعد ليلتهم الاولى في البندقية وهي تراقب تصرفاتها..
قفلت الباب عليها مرة ثانية بس تنبهت وفتحته قبل لا يحس عليها..
حذرت نفسها بانه لازم ماتخلي راجح يحس على شيء..
مسحت كل اللي بجهازها عن الماضي وعلاقتها فيه..
مسحت الذكريات اللي كتبتها على حياة سعود..
أوراقها الخاصة مخبيتها في بيت اخوها طالب في السعودية..
كانت رشا تمسح كل شيء له صلة او ليس له صلة بالسر ..
ســـر قد يقضي على حياتها ان اكتشفه راجح أو اكتشفه شخص ما غيره..
بينما كانت رشا تفكر بسرها وكيف تخفيه..
كان راجح يخطط لـ السيطرة على غازي الصغير..
ومن بعدها على رشا..
جلس جنبها وهو لاصق فيها وغازي بحضنه..
فزت من سرحانها وهي تحس فيه ملاصقها..
ارتبكت وحاولت ماتبين ..
راجح\ملامحه طالعة لسميه اكثر شيء..
رشا تبتسم\في البداية ماكان الا نسخة ابوهـ بس الحين بدء يتغير..
راجح\يكبر شوي ويصير يشبه جده راجح..
بلا غازي بلا بطيخ..خلك شيخ مثل جدك..
قول جدي..
رشا\وانت تبيه يسميك جدهـ؟؟
راجح يناظرها\أنتي وش تبينه يسميني؟؟
رشا ارتبكت\براحتك ا أنا بس سالت..
راجح\وانا سئلت..تبين يناديني ابوي..
رشا تسحب غازي منه وتحكم جاكيته عليه بسبب البرد وهي تضمه..
راجح\جاوبي..
رشا\هو يقول لغازي وطالب بابا..
مدري وش تبيه يقولك..
راجح\غويزي وطويلب لازم يدرون انهم خواله وبس ماهم ابووهـ..
أنا لحالي ابووهـ..
رشا رفعت راسها بخوف\لا انت مو ابوووهـ..
راجح\بأصير ابوووهـ ..
رشا وقفت وبعدت عنه وغازي بحضنها..
رشا\ما ابيه يتعلق فيك لو سمحت لاتعلقه فيك..
راجح\هو وضامنه بجيبي..
واللي ابيهم يتعلقون فيني باعلقهم وما يقدرون يستغنون عني..
حست ان الهواء ينحبس بصدرها ومو قادرة تتنفس..
الخوف من انه يكشفها بيشل عظامها ..
همست\لا..
راجح\بلى..
شال غازي منها وجلسه بعربية الاطفال..
لم يدهـ على كتفها ورجعوا الفندق..
وقرار اتخذته رشا ترجع عند غازي قبل لا يفوت الفوت.
دخلوا المزرعة وهديل مصدومة من شكل المزرعة..
الثلج اللي مغطي اسوارها واشجارها..
والثلج اللي مغطي ارضها الخضراء لحتى صارت بيضاء..
غيرها الثلج وعطاها منظر ثاني تماما ..
غازي\القسم اللي انتي فيه راح يكون بارد كثير..
انقلي اغراضك للقصر..
هديل بصدمة\لا أنا مرتاحة بقسمي..
غازي بحدة\لاتراديني..نفذي اللي قلته لك..
هديل بعناد\لا..ما ابى..
غازي\اعتقد انك صرتي تعرفيني وتعرفين اسلوبي لاتعاندي..
مابيخسر غيرك..
هديل سكتت وماردت عليه ..
نزلت من السيارة وتفاجئت بامه واخته جالسين على الشرفة في هذا البرد..
كانت تعتقد انها اخر مرة تشوفهم في روما..
ماطرى في بالها انها بترجع وتلقاهم في المزرعة..
كملت يبيني اعيش بالقصر واهله موجودين..
لايكون عمه وزوج اخته بيعيشون هنا بعد..
لانهم كلهم محارم لبعض شايف عادي اعيش معهم..
لو يموت ماانتقلت للقصر...
تمنت لو تقدر تصد عنهم وترجع لقسمها الخاص فيها..
لكن كان من الأدب انها تسلم على امه ولو بكلمة بسيطة..
ماهو خوفاً منه على ماهو احترام لهذه الأنثى..
نطقت السلام عليهم..
ردت ام غازي ..
أما شوق ما اهتمت لتواجد هديل وقامت تسلم على اخوها وتحضنه..
هديل تجاهلت شوق وكانها غير موجودة..
سالت أم غازي عن حالها واستئذنت تبي تروح لقسمها..
أم غازي صبت كوبين قهوة مدت لغازي ومدت على هديل..
ماكانت تبي تجلس معهم لانها متضايقة من قرار غازي..
ولانها لاحظت من اول ماصحى من النوم وهو متغير عليها..
وكانه غازي الوحش اللي عرفته باول يوم للغربة ..
ذاك الجلمود القاسي..
تسالت بصمت أين هو غازي الحنون اللذي كانت في رحلة معه طوال الاسبوعين المنصرمين ..
هل مات عندما دفنته بالثلج أم ضاع منها في جبال سويسرا..
من سمح لهذا الجلمود بالعودة..
لا أريـــــــــــــدهـ ..
أخذت الكوب من يد ام غازي واستئذنت منها
نزلت الدرجات وشت على الثلج مشتاقة تختلي بنفسها..
وتحاول تفهم وش اللي صار لحتى يقسى غازي ويهددها من جديد..
أول ماقفت عنهم ..تكلمت شوق بقهر..
شوق\مغــــرورة..مدري على أيش شايفة نفسها..
غازي بهدؤ\يحق لها..
شوق\يمكن نست انها خادمة..صحها من اوهامها وذكرها بها الشيء..
قامت شوق ودخلت القصر..ماتبي تتهاوش مع غازي..
أم غازي\غرقت ياغــــازي ..؟؟
غازي يناظر بقهوته\قلبـــــــــي حقود يومــه..ماينسى..
تنهدت أم غازي وهي تناظر بولدها..
جلست. جلست والخوف بعينيها تتأمل فنجاني المقلوب
قال يا ولدي لا تحزن فالحب عليك هو المكتوب يا ولدي...
يا ولدي قد مات شهيداً يا ولدي قد مات شهيداً من مات فداءاً للمحبوب
يا ولدي.يا ولدي
فكرت ودبرت كثيراً لكني لم أقرأ أبداً فنجاناً يشبه فنجانك
فكرت ودبرت كثيراً لكني لم أعرف أبداً أحزاناً تشبه أحزانك
مقدورك أن تبقى أبداً في بحر الحزن بغير رجوع
وتكون حياتك طول العمر طول العمر كتاب دموع
مقدورك أن تبقى مسجوناً بين الماء وبين النار
فبرغم جميع سوابقه وبرغم جميع حرائقه
الحب سيبقى يا ولدي الحب سيبقى يا ولدي
أحلى الأفكار
يا ولدي. يا ولدي
بحياتك يا ولدي امرأة عيناها سبحان المعبود
فمها مرسوم كالعنقود
ضحكتها أنغام وورود
والشعر الغجري المجنون يسافر في كل الدنيا
قد تغدو امرأة يا ولدي يهواها القلب هي الدنيا
لكن سماءك ممطرة وطريقك مسدود
فحبيبة قلبك يا ولدي نائمة في قصر مرصود
من يدخل حجرتها من يطلب يدها ..
من يدنو من سور حديقتها ..
من حاول فك ضفائرها يا ولدي
مفقود مفقود مفقود
يا ولدي . يا ولدي
وسترجع يوماً يا ولدي مهزوماً مكسور الوجدان
وستعرف بعد رحيل العمر بأنك كنت تطارد خيط دخان
فحبيبة قلبك يا ولدي ليس لها أرض أو وطن أو عنوان
ما أصعب أن تهوى امرأة ليس لها عنوان ليس لها عنوان
يا ولدي . يا ولدي.
لقراءة البارت الواحد والثلاثون من هنا