رواية شمسي وقمري
الفصل السابع عشر 17
بقلم/زهرة الربيع
طلقني وهدفعلك المليون الي دفعتو في الجاريه بتاعتك يا راغب بيه.. قالتها شمس وهيه في قمه العصبيه والغضب
راغب اتسعت عنيه بشده وكان مش مستعد انو يواجها بس حاول يتمالك نفسو وقال...اهدي يا شمس اديني فرصه افهمك الي حصل و
بس شمس قاطعتو وقالت بحده...مش محتاجه تفهمني مش عايزه اسمع حاجه..انا فهمت كل حاجه ونزلت دموعها وقالت..كنت غلطانه ..غلطانه لما فكرت ان فيه حاجه حقيقيه بنا طلعت مشتريني بفلوسك زي ما بتشتري اقل غرض عندك ..وقالت بزعيق..مشتريني ليلتين تتبسط فيهم يا حقييير
فاديه ومنيره وحتى ايناس جم على صوتها وعمر قال..احم..طب انا هجيلك وقت تاني
راغب هز راسو بالموافقه وعمر مشي وفاديه قريت على شمس وقالت..فيه ايه يا حببتي فيه ايه
شمس قالت بغضب..فيه انكم كلكم كدبتو عليا انا عرفت راغب باشا اتجوزني ليه ...وقربت من راغب وقالت بغضب ودموع..طلقني..طلقني بالذوق بدال ما ارفع قضيه وسيرتك تبقى على كل لسان
قالت كده وبصت لامها وقالت...يلا يا ماما هنمشي
راغب وقف قدامها وقال بقلق...ارجوكي اديني فرصه افهمك بس
شمس قالت وهيه بتمشي ..انا فهمت الي المفروض افهمو
راغب مسك ايدها وقال..بس كده حرام المفروض تخليني اشرحلك الي حصل
شمس زقت ايده وقالت..بلاش انت تتكلم عن الحرام وانا قولتلك مش عايزه افهم حاجه..يا ريت تطلقني وتخلصني بقى..يلا يا ماما
شمس مشيت ولسه هتطلع من باب القصر راغب جري عليها وقال..انا اسف بس مش هتطلعي من هنا يا شمس
شمس قالت بتحدي..ومين هيمنعني بقى..انت
راغب قال وهو بيحاول ميتعصبش..اطلعي فوق وهنتفاهم لما تهدي
بس شمس ولا كأنها سمعاه وكانت هتمشي بس راغب شدها بحركه سريعه وشالها غصب عنها وطلع بيها فوق
شمس كانت بتحاول تخليه يسبها وبتضربو جامد بس راغب مش مأثر فيه ضرباتها الضعيفه واخدها بالاجبار على اوضتهم ودخلها وقفل الباب
شمس اول ما نزلها قالت بعصبيه..انت حيوان انا عايزه امشي من هنا
راغب ابتسم وقال ببرود..والله لو عرفتي تطلعي امشي
شمس حاولت تفتح الباب مقدرتش قالت..هات المفتاح يا راغب احسن اصوت والم عليك الخلق
راغب ضحك وقرب منها وقال...متغيرتيش يا شمس لسه زي ما انتي قويه..وجميله..وعنيده وهبله كمان
شمس بصتلو بغيظ وقالت ..انا هبله.
راغب هز راسو وقال..ايوه هبله..لما تبقى متخيله اني هفرط فيكي بسهوله كده بعد ما كنت هموت ولاقيكي تبقى هبله وعبيطه كمان
شمس قعدت بيأس وقالت بدموع..انت عايز مني ايه انا عرفت كل حاجه عرفت انك دفعت لابن عمي علشان تتجوزني بدالو ..وعرفت انك اتجوزتني من غير ما اعرف حتى وعلى حسب كلامك معايا فهمت انك نولت غرضك مني عايز ايه تاني طلقني بقى كفايه الي ضيعتو من عمري
راغب اتأثر بدموعها ونزلت دموعو وقعد عند رجلها وسند راسو على رجلها وقال بدموع..معاكي حق انا ..انا غلطت معاكي اوي انا كمان كنت هطلقك يوم ما عملتي الحادث وانتي زعلتي ومشيتي بس ..بس انا عملت كل ده معاكي علشان انا طول عمري بشتري كل حاجه بالفلوس وفاهم انها تشتري اي حاجه انا كنت ١٥ سنه لما ابويا طلق امي قدام عيني علشان يرجع فلوسو ..قلها مقدرش استغنى عن شقى عمري...بس عادي قدر يستغنى عنها وعني انا كمان باعنا بالساهل وراح للست الي ساومتو وقلتلو طلقها وارجعلك فلوسك
شمس كانت بتسمعو بزهول شديد وراغب كانت دموعو بتنزل بغزاره وساند راسو على رجلها بتعب ووجع وقال...منظر امي وهيه منهاره لانو باعها بالطريقه دي والنظره الي في عيونها مش هنساها لحد ما اموت نظره حسره وكسرة نفس وكمل بغضب وقال.. يومها عقلي قدر يستوعب قاعده واحده بس ان الفلوس هيه محور الكون واغلى من اي حاجه اغلى من حب زوج لزوجتو واغلى من حب اب لابنه طلعت اغلى من اسرتنا الي باظت في لحظه
ومسح دموعو وقال بقوه..بس امي..امي قالتلي..لا لاياراغب..تفكيرك غلط في حجات كتير اقوي من الفلوس.. والفلوس متقدرش تشتريها..زي الحب مثلا وحاولت اصدقها اتمرمطت ومرضتش اقبل من ابويا جنيه واحد من فلوسه الي باعنا علشانها وكملت حياتي بطريقه امي وفتحت اول شركه ليا كانت صغيره بس كنت مبسوط بيها كانت شركه من بتوع بابا عايز يبيع اسهمو فيها واشتريتهم علشان اثبت لنفسي اني اتخطيت الماضي وكان معايا شركا فيها بس كنت مبسوط خصوصا..لما رجعت من السفر
شمس قالت باستغراب هيه مين
راغب قال بدموع...ايناس..بنت عمي وكمل بسخريه وقال..وحب حياتي .. فضلت معانا في البيت وكان حبي ليها بيذيد مع كل نفس بتنفسو حبتها قوي واتخطبنا وكنا هنتجوز جهزنا اكتر من حاجه سوا بس رجعت الفلوس تثبتلي انها اقوى من اي حاجه... واحد من الشركا الي معايا في الشركه عرض عليها اسهم في الشركه وتبقى شريكه فيها بس .بس تسبني..و...وتج..وتجوزو...و...وافقت
راغب بكي بشده وشمس حطت ايدها على بقها بصدمه وصعب عليها حالو قوي ونزلت دموعها وقالت..اشششش اهدى اهدى مفيش حد يستاهل
راغب بصلها بدموع وقال...قالتلي..قالتلي انا عندي طموح مش هتقدر تحققهالي قالتلي انت قدامك مشوار طويل على ما تبقى قد ماجد انا اسفه بس دي فرصه عمري... سابتلي الدبله واتجوزتو مهتمتش لقلبي الي داست عليه ولا روحي الي انتهت وكمل بغضب وقال..يومها اتأكدت ..اتأكدت ان الفلوس فعلا هيه كل حاجه وهتفضل كده فضلت اتعامل بالمبدأ ده وكل حاجه ليها مقابل لحد ما قابلتك يا شمس
شمس بصتلو بدموع وراغب قال....لما شفت عيونك وسحروني كنت راكب اغلى عربيه عندي بس انتي بهدلتيني يومها وكنتي هتضربيني كمان كأنك مش شايفه الهيبه الي الكل بيحترمها حبيت في الاول اغيظك وتبقى ملكي زي اي واحده بدفعلها بس رفضتيني ورفضتي فلوسي انتي اجمل حاجه حصلتلي لما كنتي تبصيلي باستحقار كنت بحس نفسي صغير قوي مش راغب الصفتي الي الكل بيعملو الف حساب ..بس لما تبصيلي بنظرة اعجاب او نظره حلو من عيونك ساعتها بحس ان ليا قيمه بجد... لو سبتيني هرجع اسؤ من الاول انا محتاجلك ارجوكي يا شمس
شمس اتنهدت بحزن وقالت..يا راغب انت محتاج تسامح محتاج تنسى محتاج تلاقي نفسك مش محتاجني ولا محتاج حد يكملك..حاول تنسى يا راغب
راغب قام وقف وقال بعصبيه..انسى ايه هو انا بحكيلك حلم وحش دي حياتي ...كل حاجه بتفكرني.. ايناس عايشه معايا وديما بفتكر ازاي باعتني و..ولابابا .انا اصلا بالعافيه بنطقها ...ومش بقابلو ولا بسمحلو يكلمني انا بقيت مش عايز حتى اسمع اسمو
وقرب منها ومسك ايدها وابتسم وسط دموعو وقال.بس...بس انتي معايا ...مش انتي هتفضلي معايا انتي مش هتسبيني مش كده
شمس بصتلو بدموع وقالت...لا...للاسف انا كمان هسيبك ياراغب
راغب ساب ايدها وبعد بحزن شديد وشمس قالت بدموع..ارجوك افهمني وجودي جمبك مش هيغير حاجه انت محتاج تحس ان فيه حد معاك وخلاص مش محتاجني انا لشخصي وكملت بالم وقالت...احنا المفروض متجوزين بس انت مشاعرك لشخص تاني ايه الي ممكن يكون بنا حتى الصداقه مستحيله بعد الي عرفتو انهارده
راغب قال بيأس..براحتك ياشمس الي انتي عيزاه هيحصل حتى لو مصره على الطلاق هطلقك بس عايزك تعرفي ان مشاعري كانت لايناس انما دلوقتي ملهاش اي شئ جوايا ولا حتى الكره انا دلوقتي مش بفكر غير فيكي
شمس اتفاجأت واتسعت عنيها بشده وراغب كمل وقال..مكن متصدقيش بس من ساعت ما بعدتي عني وانا مش مشغول غير بيكي يا شمس
شمس فضلت ساكته ومردتش
راغب اتنهد وقال...على العموم زي ما قولتلك الي هيحصل من هنا ورايح الي انتي عيزاه وبس ...انا بس ليا عندك طلب
شمس قالت..طلب ايه
راغب قال ..انا حابب تأجلي قرارك يومين اتنين عمر صاحبي هيخطب وانا وعدتو اعملو الحفله هنا ومش حابب انو يتم طلاقنا قبل خطبتو ..هو مبسوط ومش عايز حاجه تأثر على فرحتو كمان خطبتو عندها ظروف كده وعايزين نفرحها
شمس ابتسمت وقالت..تمام..نخلص الخطوبه ونتفق
راغب هز راسو بالموفقه ومشي ناحيه الباب ولسه هيخرج التفت لشمس وقال .
شمس..هو مين الي قلك علي حكايه جوازنا
شمس اتنهدت وقالت... مش مهم مش هتفرق
راغب قال..انا هتفرق معايا..مصطفى الي كلمك مش كده
شمس قالت بسرعه..لا طبعا وكملت بحزن وقالت...وهو مصطفى هيقلي انا قبضت تمنك
راغب اتنهد وقال..امال مين ارجوكي انا لازم اعرف
شمس قالت..مش ضروري يا راغب انا كان المفروض اعرف من زمان .ارجوك كفايه مشاكل
راغب قال بغضب مكتوم ...المشاكل جابها الي ادخل ما بنا قوليلي مين يا شمس..ايناس
شمس قالت بنرفزه..لا لا مش ايناس...هو كل حاجه عندك ايناس..عاصم الي قلي ارتحت
راغب برق بدهشه وقال..عاصم..وعاصم عرف ازاي
شمس قالت..معرفش رنلي وقلي انو عرف كل حاجه وحكالي
راغب اتحولت ملامحو لغضب اعمى ونزل بسرعه من غير ما يرد على شمس الي كانت خايفه يتهور وبتنادي عليه بس ولا كانو سامع
راغب نزل وكانو منيره وفاديه مستنينو بقلق وفاديه قالت..ايه ياراغب هديت
راغب كان ماشي بغضب زي الاعصار قال وهو مكمل ...تمام متقلقوش احنا اتفاهمنا ورايا مشوار ضروري وراجع
راغب مشي بسرعه وفاديه ومنيره بقو يقولو الحمد لله انها هديت
ايناس اول ما سمعت كده كانت هتتجنن ازاي ممشيتش كانت فاكره انها هتخلص منها دخلت اوضتها بعصبيه وعملت مكالمه وقالت..ايوه يا ماجد
ماجد قال بغرور ..ها سمعيني اجمل الاخبار
ايناس قالت بعصبيه...زفت..اتصالحو
ماجد وقف بدهشه وقال..ايه..ازاي ده انا سامعو بنفسي وهو بيكلمها ويحكيلها الي حصل
ايناس قالت..ايوه حكالها وعملت فيلم كده وفي الاخر اقنعها ..اسمعني كويي انا مليت من البنت دي عملالي فيها ملكه جمل العالم والرجاله عمالين يجرو وراها وانا زهقت قررت اسلمهالك ايه ليك فيها
ماجد لمعت عيونه وقال..ليه قوي ..بس هنعملها ازاي
ايناس ابتسمت وقالت ..ازاي دي سبهالي بس عايزاك تخلصني منها يعني تاخد غرضك منها ومشوفش وشها تاني
ماجد قال بفرحه..اعتبريها مكانتش في حياتك اصلا
ايناس قالت..تمام اسمع بقى هتعمل ايه.
عند راغب وصل المستشفى الي عاصم بيشتغل فيها وعمل مشكله مع الامن علشان يدخل يقابل عاصم
عاصم سمع صوتو بيزعق ويقول..بقولك ابعد انت وهو ...انت يا حيوااااان..انت يا واااااطي اطلع
عاصم اتحولت مللمحو لغصب اعمى وطلع وهو هينفجر من الغضب وقال..نعم...عايز ايه احنا هنا مش في سوق ده مستشفى وفيه مرضى لو مش واخد بالك
راغب قرب عليه وابتسم بشر وقال..عارف ان فيه مرضى وهذودههم مريض..وبص لواحد من الممرضين وقال..جهزو للدكتور سرير محترم يليق بوضعو... واتقدم على عاصم بغضب مرعب
عند شمس كانت قاعده بتوتر وجالها اتصال ردت وجالها صوت شخص متعرفوش بيقول...شمس هانم
شمس قالت ايوه انا نعم
الشخص قال...انا فرد امن في مستشفي عاصم زين ..راغب بيه جوز حضرتك عامل مشكله كبيره هنا ومشتبك مع دكتور عاصم فلو تسمحي عاصم بيه طلب انك تيجي يمكن يوافق يرجع معاكي
شمس قفلت معاه وجريت بتوتر من غير ما تفكر حتى
فاديه شافتها بتجري بقت تناديلها بس موقفتش ولا حتى ردت عليها
فاديه استغربت وقلقت جدا ورنت لعاصم
شمس اول ما طلعت شافت تاكس لسه بتوقفو طلع اتنين شباب منو وخدروها وحطوها في التاكس و