رواية شمسي وقمري
الفصل السادس عشر 16
بقلم/زهرة الربيع
راغب قال بغضب ..بنت عمك الي بعتهالي وقبضت تمنها
دلوقتي بتسأل عليها...امشي من هنا احسنلك انا مش جاي على بالي اتخانق معاك
بس مصطفي قال باصرار...مش همشي الا لما اشوف شمس واتكلم معاها كمان
راغب ابتسم بطريقه تقلق...ودالو بوكس قوي وقع على الارض
البادي جارد قربو على راغب بس راغب قال...مكانك انت وهو لو ناديت على واحد من الي واقفين بره مش هتمشو على رجليكم
مصطفى وقف وقال بتعب..محدش يقربلو انتو اطلعو استنوني بره
الجردات طلعو ومصطفى قرب من راغب وقال بتحدي...انت مش عايزني اشوفها ليه خايف..خايف اقولها انت اتجوزتها ازاي
راغب بص لايناس لانو اتأكد انها هيه الي قالتلو مدام عارف ان شمس فقدت الذاكره بس ابتسم بسخريه وقال...واهتقولها ايه ها هتحكيلها انت عملت ايه
مصطفى قال بتحدي ..ميهمنيش..المهم عندي اشوفها هتخليني اشوفها والا هلاقي طريقه وهقولها انت اتجوزتها ازاي
راغب لسه هيرد اتفاجأ بشمس من وراه بتقول...وانا سمعاك اهوه ..عايز تقول ايه
راغب بصلها بغضب وقال..اطلعي فوق يا شمس انا مش قولتلك متنزليش يلا اطلعي
شمس لسه هترد مصطفى اتقدم عليها وقال بابتسامه ودموع..شمس..انا..انا مش مصدق اني رجعت شوفتك ..وحشتيني قوي عامله ايه
شمس بقت تبصلو جامد وقالت...انت مين ...انا مش فاكره حد مين حضرتك
مصطفى قال..انا مصطفى ابن عمك انا كمان نستيني ده احنا كنا ..وسكت شويه وقال..كنا صحاب قوي
شمس اتنهدت وقالت..اسفه يا مصطفى بس انا حتى امي نسيتها اتفضل اقعد
راغب قال بسرعه وعصبيه..هو مش هيقعد هو وراه شغل اتفضل اديك شوفتها يلا وريني جمال خطوتك
شمس بصتلو باستغراب وقالت..انت بتتكلم معاه كده ليه ..هو فيه ايه
راغب قال..دي مواضيع بيني وبينه ملكيش فيها
شمس بصت لمصطفى وقالت..طب انت كنت عايز تحكيلي حاجه..سمعتك بتتكلم عن جوازي من راغب هو فيه حاجه المفروض اعرفها
مصطفى بص لراغب بابتسامه مستفزه قاصد يوتره وراغب فعلا اتوتر وبص لمصطفى بتحزير وقال..كان عايز يقولك اني معزمتهوش في الفرح لاننا متخانقين وبص لمصطفى بنظره ترعب وقال..مش ده الي كنت عايز تقولو
مصطفي ابتسم لما عرف انو خاف وقال..طبعا ..انا همشي دلوقتي يا شوشو ورايا شغل كتير بس هرجع تاني
شمس هزت راسها وهيه مش فاهمه حاجه ومصطفى مشي
راغب فضل باصص لطيفه بعصبيه شديده وبص لشمس وقال بغضب .نزلتي ليه مش قولتلك خليكي فوق
شمس قالت بعصبيه..انت كمان نزلت مع اني قولتلك عايزه اتكلم معاك ضروري
راغب اتنهد وقال...نعم اتفضلي اتكلمي
شمس قالت...مش هنا هنتكلم فوق تعالى ورايا
شمس طلعت وراغب قال بدهشه... تعالى ورايا ..دي فكراني الحارس بتاعها ولا ايه واتنهد وقال
ربنا يعدي الايام دي على خير وطلع وراها
شمس كانت مستنياه واول ما دخل قال..نعم عايزه تقولي ايه ارغي
شمس قالت ..بص من غير لف ودوران عايزه اعرف احنا اتجوزنا ليه وازاي
بقلمي...زهرة الربيع
راغب اتوتر بس حاول ميبينش قال...ايه الاسأله الغريبه دي اتجوزنا زي ما الناس بتتجوز عادي
شمس قالت بنرفزه انا قولتلك من غير لف ودوران هو ايه الي عادي بقى حضرتك راغب باشا العظيم يتجوز بنت بسيطه زيي عايشه في حواري ليه لازم كلامك معايا يبقى منطقي
راغب ضحك ومسك ايدها ومشي بيها ووقفها قصاد المرايه وقال...الاجابه هنا المرايه دي هتجاوبك
شمس بقت تبص للمرايه باستغراب وبعد كده ابتسمت لما فهمت قصدو وقالت...قصدك عجبتك ..طب لو كان كده انت شوفتني فين اصلا وبعدين انا ازاي وافقت والشاب الي تحت ده واضح انو غني جدا ازاي يبقى ابن عمي انا حاسه ان فيه حاجه انتو مخبينها عني
راغب قال..ايه كل الاساله دي وبعدين انتي شاغله دماغك ليه خليكي في المفيد المهم اننا متجوزين وخلاص
شمس قعدت قصادو وقالت..يعني ايه متجوزين وخلاص انا عايزه اعرف كل حاجه عن حياتنا سوا ازاي كنا عايشين ازاي اتجوزنا وايه اول حاجه قلناها لبعض كنا بنحب بعض ولا لا
راغب بلع ريقه بارتباك قدام عيونها وقال بتوهان...جدا كنا بنحب بعض قوي..بس عرفنا متأخر
شمس بصتلو باستغراب وقالت..قصدك ايه
راغب خد بالو من الي قالو فوقف وبص بعيد وقال احم قصدي يعني اكيد بنحب بعض امال اتجوزنا ليه
شمس اتنهدت وقالت انا تايهه قوي مش عارفه ليه حاسه ان فيه حاجه غلط ..طب يوم ماعملت الحادث انت كنت فين وليه انا كنت لوحدي ومش معايا اي حاجه
راغب اتنهد وقال بحزن..علشان انا كنت غبي . احم اتخانقنا شويه وزعلتي مني ومشيتي لوحدك انا اسف بجد لانك كنتي لوحدك سامحيني ارجوكي
شمس فضلت بصالو شويه وركذت في عيونه وحطت ايدها على خده وقالت وهيه سرحانه فيه جامد ...عارف انا ليه صدقتك ومصدقه كل كلامك علشان انت الوحيد الي لسه موجود في بالي يعني عيونك فضلت ارسمهم ٣ سنين ولما شوفتك كنت مبسوطه قوي انا حاسه انك محفور جوايا حتى لو نسيت ملامحك انا مش عارفه الي بنا بس انا مبسوطه اني لقيتك
راغب نزلت دموعو وباس كفه ايدها بحنيه وقال..انا ...انا اسف...اسف اوي...انا معرفتش قمتك الا لما روحتي مني كنت هموت عليكي كان اقصى طموحي اني اشوفك مره واحده قدامي اوعي تسبيني تاني مهما زعلتك اوعي
راغب كان بيبصلها بعشق واضح في عيونه وشمس كمان وقرب منها جامد ولسه هيبوسها شمس فاقت لنفسها وبعدت بحرج ووقفت بعيد عنو وقالت..احم..انا..انا ...انا عايزه انزل افضل مع ماما شويه
راغب ضحك وقال..ماما..بالله ده وقت ماما ماشي على العموم امتى ما تحبي تنزلي انزلي
شمس كانت متوتره وحابه تتكلم وبترجع في كلامها
راغب بصلها بطرف عينه وقال..امم قولي..الي حابه تقوليه قوليه انا سامعك
شمس قالت بكسوف..كنت حابه اعرف حاجه اخيره..هو احنا..انا وانت يعني..كنا ازاي سوا احم..يعني انا مش عارفه علاقتنا كانت واصله لفين..يعني مش عارفه اقلع الطرحه لما نكون سوا ولا لا و
بس راغب قاطعها لما ضحك بقوه من قلبو اول مره يضحك كده وقال...الطرحه..بجد هموووت
شمس بصتلو بغيظ وقالت...يايا سلام الموضوع يضحك اوي كده
راغب حاول يبطل ضحك وقال...واكتر والله ..شوفي يا شمس انتي ..اعملي الي يريحك تقدري تفضلي بالطرحه او تتنقبي حتى وميل عليها وهمسلها وقال بوقاحه..بس الي بنا صعب عقلك يستوعبو دلوقتي موضوع يطول شرحو
شمس اتكسفت جامد وقالت..امممم تمام..فهمت..وقلعت الطرحه وفردت شعرها وقالت بتوتر.. انا..انا هنام..هنام شويه..وبعد كده ابقى انزل .....وراحت تنام وهيه مكسوفه موت ومش بتبصلو
راغب كان هيموت من الضحك على منظرها وهيه مكسوفه واقال..تحبي انيمك في حضني زي ما كنتي تحبي تنامي في الاول
شمس برقت بشده وفضلت بصالو بدهشه
راغب ضحك وقال..اهدي بهزر ..وبعدين بلاش لما تتفاجأي بحاجه تبصيلي كده عيونك بتقتلني
شمس بلعت ريقها بارتباك وشدت الغطا عليها وعملت نايمه
راغب ابتسم عليها وبقى يكمل شغل وهو مبسوط جدا وبيحمد ربو انها رجعتلو
في شركه صغيره كده كان مصطفى بيتابع شغلو وجيه ماجد وقال بعصبيه...هو انت هتعمل مشغول عليا انا كمان ليه برنلك مش بترد
مصطفى قال بلامبالاه وهوبيشتغل...مواضيعك بقت قديمه ومفيش منها اي فايده
ماجد بصلو بزهول وقال...كده وانت بقى مينفعش ترد عليا الا لو كان فيه فايده ليك
مصطفى قال باستفزاز...بالظبط..وياريت تسبني ورايا شغل
ماجد اتفاجأ بطريقتو وقال...تمام...براحتك يا درش بس متبقاش تجيلي لما تطبل فوق دماغك ومشي بعصبيه وهو وطالع شاف عاصم بيسأل على مكتب مصطفى فضوله خلاه يقف يشوفه عايز ايه
عاصم دخل لمصطفى وقال اذيك يا استاذ مصطفى انا دكتور عاصم زين ال
عاصم كان لسه هيعرفو بيه اكتر مصطفى قاطعو وقال..عارفك انت الدكتور الي كنت مخبي شمس عندك
عاصم بصلو بدهشه وقال..مخبي..تمام يبقى انت معاك الحكايه كلها
مصطفى قال بغرور..معايا الحكايه كلها وعارف انت جيت ليه اصلا ...انت ملقتش طريقه مع راغب فدورت عليا على امل احكيلك حاجه عن ماضيهم تدخلهم عن طريقها..بس للاسف انا مش هقدر اساعدك
عاصم قال ..وده ليه بقى
مصطفى قال ببرود..ده لان شمس بنت عمي وكنا مخطوبين وانا لسه بحبها وناوي ارجعها فاطلع من اللعبه دي علشان زحمت وملكش مكان فيها
عاصم ضحك وقال...لا والله ..ومين الي هيطلعني بقى انت
مصطفى قال بثقه..انا هطلع اي حد شمس دي نصيبي ومهما عدى علينا وقت هتفضل ليا ومنصحكش تدخل ..حابب تقول حاجه تاني ولا تلحق تشوف الي وراك
عاصم بصلو بسخريه ولبس نضارتو وطلع ولسه هيمشي ماجد وقفو وكان سمع كل حديثهم وقال..استني يا دكتور عاصم
عاصم بصلو باستغراب وقال...حضرتك تعرفني
ماجد قال..لسه عارفك من شويه انا عندي الي جيت لمصطفى علشانو
عاصم قال باهتمام قصدك ايه
ماجد قال ..تعالى نقعد في حته وانا عندي كلام هيعجبك تقدر بيه تطلع مصطفى وراغب من حياتها وللابد
في القصر عمر كان قاعد مع راغب وقال..زي ما بقولك يا راغب انا اول ما بعتولي صورتو اتفاجأت زيك كده الدكتور ده انا فاكرو كويس لما كنا بندور على شمس انا قابلتو وفضل يسأل اساله غريبه من فين وعيلتها مين وحجات كده واخد رقمي وقال هيكلمني لو عرف عنها حاجه
راغب قال بغضب مكتوم..زي ما اتوقعت سفرها قاصد ومحى اي حاجه توصلنا ليها
عمر قال طب هتعمل ايه دلوقتي
راغب قال..لسه مش عارف بس اكيد مش هسكت على الي عملو ...سيبك مني دلوقتي عملت ايه في موضوعك
عمر قال بفرحه...الحمد لله اخيرا وافقت..هنعمل خطوبه الاول على الضيق ونبقى نشوف
راغب قال.الف مبروك بس ليه على الضيق انتو هتعملوه هنا في الجنينه وهيبقي اجمل فرح ده فرح اخويا
عمر ابتسم وقال..والله انت اكتر من اخويا بس انت عملت معايا كتير وكتر خيرك كفايه كدا
راغب قال..كفايه ايه يا عبيط هو كلام وخلاص مش بقولك اخويا يعني مش عايزني افرح بيك ولا ايه الفرح هيتعمل هنا وتكاليفو عليا وممنوع النقاش كمان... وكمل بتردد وقال ..بس قولي انت يعني متزعلش مني بس حابب اسألك انت متأكد من الخطوه دي
عمر قال بضحك..ده انا كنت هموت على الخطوه دي يعني لو مكنتش متأكد كنت بطلبها ليه
راغب قال ...انا مش عايزك تزعل بس الي زي شهد دي مسأوليه و
عمر قال بابتسامه..طبعا فاهم وانا هحاول قد ما قدر مزعلهاش ولا اخليها تحس بحاجه انا بحبها قوي وهيه كانت خايفه زيك كده وبالعافيه رضيت عني
راغب قال بابتسامه..ربنا يهنيكم انتو اتنين تستاهلو كل خير و
بس قطع كلامو نزول شمس وهيه في قمه العصبيه وقالت بزعيق..طبعا لازم يستاهل الخير مش صاحبك
راغب بصلها باستغراب وقال..فيه ايه يا شمس مالك فيه حاجه ولا ايه
شمس بصتلو بكره شديد وقالت ...طلقني
راغب اتسعت عنيه بشده وقال بزهول... انتي بتقولي ايه احنا مش اتكلمنا وخلصنا من الموضوع ده فيه ايه تاني
شمس قالت بعصبيه ..فيه اني عايزه اطلق وهدفعلك المليون الي دفعتو في الجاريه بتاعتك يا راغب بيه و