رواية شمسي وقمري
الفصل العشرون والأخير 20
بقلم/زهرة الربيع
عاصم اول ما شافو قال...اهلا بجوز خطبتي ايه يا بطل جاهز للموت ولا افطرك الاول وطلع سلاحو وصوبو عليه
راغب بصلو باستهزاء وقال بسخريه...كنت متأكد ان الحركات التافهه دي متطلعش غير من شخص تافهه زيك وكمل بغضب وقال...شمس فين
عاصم قال ببرود...في قلبي..شمس في قلبي ده مكانها الطبيعي
عاصم ضم اديه بغضب وقال بسخريه...معتقدش تقبل تفضل في مكان وسخ زي قلبك انطق حابسها فين
عاصم ضحك وقال..حابسها..ايه بقى الي مخليك متأكد اني حابسها شمس معايا هنا برضاها بمزاجها اول ما كلمتها جاتلي جري اتنين بيحبو بعض خلي عندك دم واطلع منها
راغب ضحك بسخريه وقال...اتنين بيحبو بعض والله ضحكتني ..هي لو كانت بتحبك كان بقى ده منظرك كنت وقفت تهددني بسلاحك كنت خطفتها من الاساس
عاصم اتنرفز بس مبينش وقال..انا هناديهالك تقولك بنفسها هيه عايزه مين فينا بس المفروض لما تقولك مش طايقه خلقتك حفاظا على رجولتك تطلقها ده لوكان عندك منها يعني
راغب كتم غضبو بالعافيه وقال بتمتمه..اللهم طولك يا روح يا رب صبرني وابتسم بالعافيه وقال..تمام يلا نطلع لها
عاصم قال...لا يا حبيبي..انا الي هطلع لها انت هتفضل هنا مع الرجاله وبص لرجالتو وقال...خدو بالكم ليه مش عايزه يتحرك من مكانو وطلع عند شمس
شمس كانت رايحه جايه في الاوضه ومرعوبه على راغب اول ما انفتح الباب قالت بلهفه..راغب
بس كان عاصم بصلها بغضب وقال...ده انا ..عاصم ..تحفظي الاسم ده كويس علشان ده الاسم الوحيد الي هتنطقيه من هنا ورايح..يلا قومي معايا
شمس قالت بخوف..على فين
عاصم شدها من دراعها وقال بفحيح...حبيب القلب تحت...عايز يشوفك
شمس قالت بفرحه...راغب تحت
عاصم اتنرفز وقال...اه تحت جيه لقضاه تعالي علشان تشوفيه قبل ما يودع
شمس قالت برعب استنه.. استنه يا عاصم ...يا عاصم حرام عليك..انا ..انا عارفه انك تعبت معايا وكنت متمني نتجوز بس..بس ده نصيب وانت شب كويس و
قاطعها عاصم وقال بسخريه..والف واحده تتمناني مش كده انا مش محتاج تواسيني بالكلام ده لان الي انا بعوزه باخده وانتي كمان مش هتكوني لحد غيري امشي معايا يلا
شمس قالت بتوتر..طب..طب يعني هو..هو ملوش ذمب سيبو يمشي
عاصم قال بنظره مرعبه...وخايفه عليه كمان...على العموم انا مستعد اخليه يمشي..بس تقوليلو انك مش عيزاه واتخليه يطلق...لو طلقك كان بها..اما بقى لو مقدرتيش تقنعيه ملوش معايا غير رصاصه.. وضحت
شمس بلعت ريقها بتوتر وقالت...طب يعني انا ممكن مقدرش...
قاطعها عاصم وقال بحزم وغضب...لو مطلقش هخلص عليه مفهوم مش هعيد تاني
شمس هزت راسها بالموافقه وهيه ميته رعب وعاصم قال...برافو عليكي يلا وشدها بقوه ونزل بيها
راغب كان مستنيه بتوتر وكل شويه يبص في الساعه ورجالة عاصم كانو حواليه وماسكين السلاح
شمس نزلت مع عاصم واتفاجأت بالرجاله والسلاح ولقت راغب وحدو وخافت عليه جدا
راغب اول ما شافها ابتسم بفرحه وكان هيجري عليها من شده لهفتو بس رجاله عاصم مسكوه وقربو اسلحتهم منو
شمس خافت جدا وقربت منو ببطأ وكانت بتبصلو بدموع ومش قادره تنطق
راغب كان بيبص في عيونها الي وحشوه قوي وقال..انتي كويسه يا شمس...اذاكي عملك حاجه
شمس ابتسمت وسط دموعها وقالت...انا بخير...وانت
راغب ابتسم وقال وعنيه بتلمع وقال...انا مشتاق لك قوي
شمس كان نفسها تحضنو وتبكي في حضنو واتقولو انو وحشها اكتر بس حاولت تبان اقوى وقالت..احم...انا..اناعايزه اطلق...مش...مش هينفع نكمل...علشان انا مش ..مش بحبك و..و
شمس نزلت دموعها ومقدرتش تكمل وراغب كان بيبصلها بابتسامه وهو اصلا مش مصدق الي بتقوله قال بابتسامتو الجميله...و ايه كمان كملي
عاصم اتقدم عليهم بغضب وقال..طلقها..كلامها واضح مش عيزاك طلقها واكسب حياتك
راغب بصلو بغضب وقال...مش هطلق..شمس مراتي وهتفضل مراتي اقتلني ..يلا اديني قدامك
عاصم شد اجزاء سلاحو وعنيه بتطق شرار وصوبو عليه بغضب مرعب بس شمس وقفت قدامو بحمايه وقالت بخوف..لا لا هو هو هيطلق هيطلق والله هيطلق وبصت لراغب وقالت..ارجوك..ارجوك طلقني يلا يا راغب ابوس ايدك
راغب ابتسم وقرب منها مفيش بينهم خطوه ورما حاجه كانت في ايده بسرعه عند رجل عاصم وفي ثانيه المكان اتعبى دخان وبقى يخنق
راغب بسرعه البرق شد شمس وجري بيها ناحيه الغابه وعاصم ورجالتو بقو يحاولو يشوفو حاجه بس مش شايفين من الدخان والكل بقى يكح بشده وعاصم كان هيتجنن وقال بغضب وزعيق...هقتلك يا راغب.. هقتلك يا حيواااااان
راغب كان ماسك شمس من ايدها وبيجرو بسرعه شديده في الغابه ومش عارفين من فين يطلعو منها ولا هينفع يقفو كانو بيجرو وبس
عاصم كمان جري هو ورجالتو بعيد عن الدخان وكل واحد شد سلاحو وعاصم فرقهم كل واحد من ناحيه يدورو عليهم
راغب وشمس كانو بيجرو بس شمس فجأه اتكعبلت وقعت على الارض و صرخت بقوه
راغب وقف بخضه وبصلها بخوف لما لق رجلها اتعورت وبتنزف...قال يا خبر..رجلك بتنزف
شمس قالت بتعب وهيه بتنهج ..ايوه ومش ..مش هقدر اكمل اناخلاص ..خلاص مش
.مش قادره اكمل ..انت امشي امشي وسبني يا راغب وانبي
راغب مسك وشها بين اديه وقال بحزم...شمس..شمس بصيلي ..انا..انا مش همشي من غيرك ..يلا ..يلا حاولي علشان خاطري قومي معايا واول ما وقفت شالها وفضل مكمل شويه لحد ما لقو حته فيها اشجار كتير واستخبو وراه وراغب قعد شمس بخوف وقلع القميص بتاعو وبقى يربط لها رجلها وقال ..بتوجعك جامد
شمس هزت راسها بلا.. وهيه بتبصلو بعشق واضح في عيونها
راغب تاه في عيونها الجميله الي بتجننو وقال بتوهان..وحشوني..عيونك اوي
شمس نزلت عيونها بكسوف وضحكت بخفه وقالت...ده وقت نحنحه يعني
راغب ضحك وقال...نحنحه..تصدقي انا الي غلطان
شمس ضحكت وراغب لسه هيكلمها تلفونو رن قال...ايوه يا عمر ايه يا ابني كل ده
عمر قال بتوتر..مصيبه يا راغب...اهلو مش في البيت لا امو ولا اختو حتى
راغب وقف وقال بدهشه.ايه ازاي انت مش الصبح قولتلي كل شيئ تمام
عمر قال.. ايوه...انا كنت جمب الفيله بتاعتو وكانت الانوار مفتوحه وسألت الخدم قالو موجودين بس طلع كدب طلع عامل حسابو وهما مش في الفيله ده فيلم اتعمل علينا
راغب قال بتوتر..طيب..طيب بص اتصرف بسرعه واطلب البوليس وتعالى على العنوان الي سبتهولك بس بسرعه مفيش وقت خالص
راغب قفل معاه وقال بتوتر.. يلا ياشمس حاولي تمشي معايا
شمس قالت بخوف..فيه ايه
راغب قال مفيش..كنت باعت عمر على اساس ياخد حد من اهل عاصم نهددو بيه وكنا فاكرين انهم في الفيله بس طلع عامل حسابو ومأمنهم يلا مفيش وقت لازم نحاول نبعد قد ما نقدر
شمس حاولت تقف وبالعافيه بقت تمشي معاه وفضلو مكملين
عاصم كان بيدور هو ورجالتو في كل حته وهيتجنن.. لحد ما شاف المكان الي كانو متخبين فيه وشاف اثار رجلين ودم على الارض ابتسم بغضب وكمل
شمس للاسف مكانتش قادره تكمل ورجلها وجعاها قوي وراغب كل شويه يقعدها ترتاح وكانت تعبت جدا بس راغب شاف رجاله عاصم من بعيد شدها واستخبى بيها بسرعه
شمس لسه هتتكلم راغب حط ايده على بقها وقال بهمس...اششس ولا كلمه
وفضل باصص على رجاله عاصم لحد ما بعدو وبصلها ونزل ايده ببطأ من على شفايفها وبلع ريقه بتوتر من قربها المهلك لاعصابو وقال...انا ..اسف...على كل حاجه...سامحيني
شمس كانت بتبصلو وتايهه في عيونه وقربت منو وباستو برقه شديده وقالت بهمس..بحبك
بقلمي..زهرة الربيع
راغب اتسعت عنيه بشده كان حرفيا هيموت من الفرحه والصدمه في نفس الوقت شدها عليه جامد وباسها بقوه وشغف شديد وبعد عنها بالعافيه وقال بهمس...بعشقك..اوي...اوي...انا لو مت دلوقتي هبقى مبسوط
شمس لسه هترد اتفاجأو بصوت عاصم من وراه بيقول...انت فعلا هتموت...بس متسبقش الاحداث
عاصم كان مصوب سلاحو على راغب شمس اتفزعت وقالت لراغب ..بهمس...لما قولتلك مش وقت نحنحه زعلت
راغب ضحك وقال..اخرسي دلوقتي
عاصم قال بغضب..بتقولك ايه
راغب كان عايز يضيع وقت لحد ما عمر يوصل قال..بتقولي انها عايزه تطلق
عاصم قال ..اممم لا خلاص انا كده كده هموتو حتى لو طلقك اتشهد اعمل حاجه لاخرتك
راغب كان بيبصلو بغضب شديد وقال.. انت متحامي في سلاحك واجهني راجل لراجل ده لو كنت راجل اصلا
وشمس كانت خايفه وقالت..ارجوك يا عاصم خلاص اديه اخر فرصه هخليه يطلق والله
عاصم مردش عليها وكان هيتجنن من راغب خاصه انو شافو وهو بيبوسها حط السلاح في جيبه وهجم عليه وبقي يضر*بو بقوه بس راغب وقعو على الارض ونزل فيه ضر*ب بعن*ف وشده وهو بيقول..شمس..مراتي..مراتي انا..فاهم مراتييييي وعنيك متجيش عليها..ولا تشوفها في احلامك
عاصم كان وشو بقى عباره عن د*م طلع سلاحو بالعافيه وراغب مسك ايده وبقى يحاول يبعد السلاح بس سمعو صوت عربيه البوليس
عاصم او لما سمع الصوت بص لراغب بغضب وفجأه طلعت رصاصه من المسدس وشمس صرخت بقوه وقعدت على الارض
عمر جيه جري وقال برعب...راغب...راعب انت كويس..بس اتفاجأو براغب وقف وابتسم وقال ..هيجرالي ايه يعني....اكيد مش ده الي هيقتل راغب الصفتي في الاخر
شمس وقفت وجريت عليه حضنتو بقوه وراغب بادلها الحضن بقوه وشوق ولهفه وقال..حمد الله على السلامه يا شمسي
شمس ابتسمت وبعدت عنو بكسوف بس اتحولت ملامحها لحزن والم لما شافت عاصم واقع ومضروب ومتصاوب
راغب حضنها وقال...يلا بينا علشان ترتاحي هو هيقوم متقلقيش
راغب مشي مع شمس وعمر..و الشرطه خدت عاصم على المستشفى لانو اتصاب وهيكملو التحقيق بعد ما يقوم
شمس رجعت بالسلامه على القصر هيه وراغب وعاشو اجمل وقت سوا ...عاصم اتسجن بعد ما طلع من المستشفى اما ايناس مع الوقت شمس بقت تضايقها وتغيظها سافرت علشان مش قادره تستحمل..مصطفي كمان زيها فقد الامل مع الوقت
راغب مقدرش يسامح ابوه ابدا رغم محاولات شمس ..وشمس مقدرتش تفتكر حاجه بس قرررت تصنع ذكريات جديده بتبتدي براغب وتنتهي بيه
بعد سنه في احتفال كبير في قصر الصفتي احتفال غير عادي بيجمع تلت مناسبات سعيده كان فرح عمر وشهد بيوافق عيد جواز راغب وشمس..وتخرج شمس من الجامعه بتقدير امتياز
عمر كان قاعد جمب شهد ومبسوطين جدا عمر قال..بحبك اوي
شهد شاورتلو بمعني انا كمان وعمر قرب منها هيبوسها بس راغب جيه فجأه وقال..مش دلوقتي خالص اكيد يعني
شهد اتخضت واتكسفت جدا وراغب بارك لهم وقال...عارف مين جاي انهارده
عمر قال..مين يا غلس
راغب قال بفرحه..مش هتصدق حاتم الحسيني وهنا مراتو
عمر قال..ايه ده بجد والله قلك جاي
راغب قال..اه اخيرا فضيلنا راغب لسه بيتكلم شاف شمس الكون ظهرت بفستانها الدهبي الي مطلعها بطله اجمل من الشمس راغب فضل متنح في جمالها وراح لها وقال...ايه الجمال ده كلو اول مره اشوف الشمس بالليل
شمس ابتسمت وقالت..انا ملاقيش منك غير الكلام وبس ده الي فالح فيه
راغب قال ..يخربيت الفصلان غلطت في ايه انا علشان الفضايح دي الي يسمعك بتقولي.. كلام وبس يقول عليا ايه ..وشدها وقال بوقاحه...يقول الراجل مبيعرفش في الاصول
شمس ضحكت بقوه وقالت..انا بتكلم على بنتك الزنانه يا اما كنتو اجلتو الفرح لحد ما تكبر شويه يا اما تساعدوني بقى مش راضيه تسكت ومش عارفه اكلم حد
راغب قال بضحك ..دي احسن حاجه فيها انها مش مخلياكي تكلمي حد ده انا غيران من عيون الناس الي هتطلع عليكي كمان عايزه تكلميهم وشال الطفله الي كانت معاها وقال..وبعدين قمر حبيبه بابا كبرت عندها شهرين ونص عايزاها تكبر ايه تاني ده عمر كان يموتنا لو اجلنا اكتر
شمس ضحكت واتفاجأت بعربيات كتير وراجل بهيبه وطله جذابه نزل هو وبنت قمه في الجمال ودخلو ماسكين ادين بعض والحب في عيونهم دول هنا وحاتم...ابطال روايتي تحدي مع الشيطان
راغب اتقدم عليهم بفرحه وسلم على حاتم وحضنو وقال..ابن الحسيني واحشني يا راجل
حاتم ضحك وقال..وانت اكتر والله وعرفو على هنا وسلمو على بعض
وحاتم قال ... ايه يا راجل اعرف اخبارك من الجرايد تتجوز و تخلف وانا معرفش
راغب قال بضحك ..ده قضاء الله ولازم ينفذ
حاتم ضحك من قلبو وشمس وقفت جمب راغب وقالت بغيظ.. لا والله قدر الله وما شاء فعل يا سيدي
راغب ضحك وشد شمس عليه وقال..مدام شمس الصفتي مراتي
حاتم سلم باحترام وقال..اهلا يا مدام ربنا يكون في العون
شمس ضحكت وحاتم قال..دي هنا مراتي
هنا سلمت عليها ومشيت هيه وشمس وراغب فضل مع حاتم وسلمو على العريس والعروسه وراغب قال..اخوك المجنون مجاش معاك ليه
حاتم ضحك وقال..سليم... ما انت عارفو ذيك ملوش في الحفلان المحترمه
راغب ضحك وقال..عارفو ومعاه حق..بس اضطرينا بقى نكبر ونحتفل بطريقه محترمه هنعمل ايه ومن الحب ما قتل...وبقو يضحكو سوا
وشمس سابت قمر بنتهم مع منيره وفاديه وقعدت مع هنا وقالت..انتي معاكي اولاد
هنا قالت..اه معايا سليم ٥ سنين ومنى سنتين... سبتهم مع ندى اختى اصلها معايا في نفس البيت
شمس قالت ربنا يخليهملك
هنا قالت ربنا يخليكي..مقولتليش متجوزين عن حب اصل جوزي كلامو كتير عن جوزك
شمس ضحكت وقالت..لا دي كانت قصه غريبه هتستغربي ومش هتصدقي مفيش داعي احكي
هنا ضحكت وقالت..مش هتكون اغرب من الي حصل معايا..وقالت بهمس..اصل انا كنت الاول هتجوز سليم اخو حاتم فجاه لقتني مرات حاتم
شمس قالت بزهول..ايه اخوه..ده انتي حكايتك اغرب لا انتي تحكيلي بقى وفضلو سوا يحكو ويتكلمو لحد ما سمعو راغب بيقول في المايك
اهلا بالحضور الي شرفونا الحفل الغريب ده وقال بضحك طبعا احنا ديما مميزين انهارده مش بس بنحتفل بجواز صديقي واخويا عمر لا كمان انهارده بحتفل بتخرج مراتي وحببتي بتقدير امتياز مبروك يا باشمهندسه
الناس بقت تصقف وتبارك لشمس وراغب كمل وقال..كمان زي انهارده شفت اجمل عيون في الكون لاول مره كانت اول مره اقابل شمس واتجوزتها في نفس اليوم انا مخلص يا جماعه
الكل ضحك وراغب نزل وقف جمب شمس وقال..عايز اقولها كل سنه وانتي في قلبي..وكل يوم وكل ساعه وكل دقه من قلبي انتي الشمس الي نورت كل دنيتي ...بقيتي الدنيا كلها
الكل كانو بيصورو وبيصقفو وحاتم كان حاضن هنا وبيبصو عليهم بحب
شمس عيونها دمعو وقالت بحب وكسوف..كل سنه وانت معايا يا قلبي
راغب طلع خاتم غالي جدا لبسهولها وباس ايدها وقال بعشق واضح في عيونه كل سنه وانتي معايا يا
شمسي وقمري..وكل حياتى
اصابتنى عيناكي يا شمسي حين وقع عليكي نظري
رأيتك صدفه فنهار قلبي يا اجمل صدفه في عمري
يا بسمه الحياه لعيني ويا اروع ما كتب في قدري
رايت النور في عيناكي واصبحتي شمسي وقمري
تمت بحمد الله
وايضا زورو قناتنا سما القاهر للروايات
من هنا علي التلجرام لتشارك معنا لك
كل جديد من لينك التلجرام الظاهر امامك