رواية سيدة القصر
الفصل الخامس والثلاثون والثلاثون 35
بقلم منال عباس
طبعا مش عارفه اوصفلكم احساسي ازاى وانا بكتب البارت الاخير ...احساسي انى بودع ابطال عاشوا معايا الفترة اللى فاتت كنت كل شويه اتخيلهم امامى واكلمهم وأشعر مشاعرهم افرح لفرحهم واحزن لحزنهم بجد بيبقي صعب عليا وداعهم بس هو دا حال الدنيا ...هتوحشينى ريم انتى ولؤى
وسندس وخفه دمها ..وباسم الطيب ولوسيا هى وسامح وطبعا الجدة أشرقت وجميع ابطال الروايه يلا بينا نبدأ النهايه
بعد أن طلب لؤى من امن الفندق مراجعه جميع اسماء النزلاء ...ليجد اسم زين بالغرفه المجاورة لهم ...بحثوا عنه فلم يجدوا له أى أثر ....
لؤى : لو كان فى قاع المحيط ..هجيبه يعنى هجيبه....
ريم : لؤى ...
لؤى : نعم حبيبتى
ريم : عايزة امشي من هنا ...عايزة ارجع مصر ارجوك ...
لوسيا : وانا كمان ...سندس يبقي كلنا زى ما جينا سوا نرجع سوا ...
لؤى : بس انتم ذنبكم ايه ..كملوا اجازتكم
الجميع : احنا كلنا واحد يا لؤى
سامح : يلا نروح نحجز تذاكر الطيران انا كمان
نفسي قفلت من المكان ....
سندس : طيب هروح اسلم على وائل واودعه
لؤى : خلاص جهزوا نفسكم السفر النهارده ...
يلا يا باسم انت وسامح
سامح خليك انت مع البنات وانا هحجز لينا كلنا
وانت يا باسم روح مع سندس
باسم : عندك حق ...كدا افضل
وبالفعل أخذ باسم سندس وذهبوا إلى المطعم عند أخيها
استقبلهم وائل بترحاب ...
قصت عليه سندس ما حدث ..
وائل بحزن : مين الحيوان اللى اتجرأ على كدا
باسم : اللى عرفناه انه اسمه ...زين ...
وائل : زين !
باسم : انت تعرفه ..؟بقلم منال عباس
وائل : لا بس بيفكرنى بكلام زوجتى قبل ما تموت قالت إنه مصرى واسمه زين ...ومقدرتش اوصل لحاجه ...
سندس : ما تيجى معانا يا وائل ...دى ماما مشتاقه لرؤياك...
وائل : بس شغلى هنا ..
سندس : ارجوك يا وائل تعالى إجازة صغيرة وبعدين ارجع ...
وائل : خلاص يا سندس ...انا مسافر معاكم
فرحت سندس لذلك
واتصل باسم على سامح لحجز تذكرة ل وائل
عند زين الشهاوى
وصل زين الى المطار وحجز تذكرة سفر الى مصر فقد قرر الهروب خوفا أن يتعرف عليه أحد ...
وبالفعل وجد طائرة وسافر فى طريقه للعودة إلى القاهرة ...
عند حسام
مراد : وبعدين يا حسام ...احنا هنقعد ساكتين واحنا عارفين إن وفاء عند غارب الشهاوووى...
حسام : الشخص اللى بيراقبهم ...بيقول أنهم من وقت ما دخلوا هى وشريف ...محدش خرج إلى اللحظه دى ..ودا فى حد ذاته شئ مقلق..
سالم : بس دول ولاد عمنا ...هما اه غلطوا بس لازم نعرف ايه اللى بيحصل ليهم
حسام : ثوانى اللواء محمود يسرى بيتصل
رد حسام على اتصال صديقه اللواء ...
محمود : الحقيقه الاخبار اللى عندى مش تمام
حسام : خير فى ايه ...
محمود : التحريات أثبتت أن اللى عمل كدا وأخذ الجثه من المشرحه هو شريف ابن عمك ....بعد ما دفع فلوس كتير ... ودلوقتي جارى البحث عنه لمواجهته بالجريمة ....
حسام : طب ادينى وقت وهكلمك تانى لو عرفت حاجه عنه ...
اغلق حسام الهاتف واستدعى والدته
وأخبر الجميع باخر المعلومات ...
أشرقت : مستحيل ...شريف كان بيحب آينور
ازاى يقدر يعمل كدا ...
مراد : كل شئ بقي جائز ..اللى تخطف بنت وتدعى أنها بنتها بعد ما اوهمتنا كلنا أنها حامل ...وكنت كل ما اقرب منها ترفض بحجه أنها تعبانه
كله تمثيل فى تمثيل ....
خليتينى اروح اسجل بنفسي لوسيا بتاريخ مختلف
بحجه أنها تدخل المدرسه فى سن صغير ..
وانا صدقتها وعملت كدا ..اتاريها مش عايزة ميلاد لوسيا يكون نفس ميلاد ريم ...شيطانه فى صورة بنى آدم ...
أشرقت : حاول تنسي يا ابنى ..وربك كريم يمهل ولا يهمل .....بقلم منال عباس
بعد عدة ساعات
وصل زين الى قصر الشهاوى
غارب : معقول ...ايه المفاجئه دى ...
زين : حبيت افرحك برجوعى
غارب : يعنى خلاص اطمن وهتستقر هنا فى مصر ...
زين : ايوا يا بابا ...خلاص مش هسافر تانى .
غارب : دا احلى خبر .....يلا اطلع اوضتك وغير هدومك ....
على الطرف الآخر
تجمعت كلا من لوسيا و سامح وريم ولؤى وسندس واخيها وائل وايضا باسم فى الطائرة
سندس : باسم ..فاضل اد ايه ونوصل
باسم : كلها نص ساعه ونوصل لمطار القاهرة ومنه للقصر حبيبتى ...
سندس : أن شاء الله ...
كان لؤى يحتضن ريم ليطمئنها
لؤى : عايزك تنسي كل حاجه..وان شاء الله حبيبتي
هعوضك عن اللى فات
ريم : وجودك جنبي هو العوض والأمان حبيبي
مر الوقت ووصل الجميع على خير واستقل كل زوج هو وزوجته تاكسي إلى القصر ...
وصلوا جميعا فى وقت واحد
دخلوا ليجدوا أشرقت والجميع موجودين
الكل بفرحه لاستقبالهم ...
وقفت سعاد لا تصدق ما تراه
سعاد بدموع : وائل
وائل وهو يجرى عليها ويحتضنها ويقبلها : وحشتينا يا ست الكل
سلم الجميع على بعضهم البعض
أمرت أشرقت الخدم بتحضير عشاء فاخر للجميع ...
اثناء العشاء ...
حسام : ليه يا ولاد رجعتوا ...وما كملتوش اجازتكم هناك ..
صمت الجميع ..
أشرقت بقلق : انا حاسه ان فى حاجه شكلكم متغير ..ونظرت على ريم ..
أشرقت : ريم حبيبتى فى ايه ..هتدارى على نانووو
انفجرت ريم بالبكاء ...
التف حولها أشرقت وسعاد ومنى ...
أشرقت : فى ايه ...لؤى زعلك
ريم : لا ...
لؤى : انا هحكى ليكم
وقص عليهم كل ما حدث هناك
حسام : واضح أن غارب الشهاوووى وابنه كمان حسابهم تقل معانا ...
لؤى : حضرتك تعرفه يا بابا
حسام : ايوا ...وكدا هو اللى بدأ هو وابنه
انا كنت بحترمه لانه راجل عنده مبدأ
لكن بعد اللى حصل في الاخر وكمان زين وعمايله يبقي يستحمل وأخرج هاتفه واتصل على اللواء محمود يسري
حسام : خلاص يا محمود عرفت العنوان اللى شريف فيه ..وأخبره على عنوان قصر غارب
أمر اللواء محمود: بذهاب قوة الى قصر غارب الشهاوووى..وضبط وإحضار شريف ...
فى نفس الوقت يتصل غارب الشهاوووى ب مراد
مراد باستغراب : دا غارب يا حسام
حسام : رد عليه
مراد : الو ايوا يا غارب
غارب : عارف انك مستغرب اتصالى ...بس ليك امانه عندى لازم تستلمها ..
مراد : امانه ايه
غارب : وفاء وشريف ...انا سجلت اعترافهم بكل اللى عملوه ...خدعونا كلنا ...
استغرب مراد أمر غارب ...تمام مسافه الطريق هكون عندك ...
أشرقت : انا خايفه عليك يكون فخ يا مراد ...
حسام : انا وسالم هنكون معاه ...وهبلغ كل حاجه للواء محمود قبل ما نروح ...
وبعد وقت قصير وصل الإخوة الثلاثه إلى قصر غارب ...وبعدهم بدقائق وصلت الشرطه
وبالفعل أخرج غارب الشهاوووى شريط تسجيل عليه صوت وفاء وشريف بتفاصيل الحادثه كامله .
حسام : كل دا حصل لآينور بسببك يا وفاء !!
حرمتينا من اختنا علشان ..حقدك وطمعك ...
بعد سماع شريط التسجيل أمر اللواء محمود يسري بالقبض على كلا من شريف ووفاء بتهمه الشروع فى القتل والاغتصاب وسرقه. جثه وتدليس العداله .....
غارب : اظن آن الأوان نرجع اصدقاء زى زمان
حسام : دا اكيد ...ومنتظرينك بكرة على الإفطار
غارب : بكل سرور .
فى طريق العودة إلى القصر
سالم : ليه يا حسام ما واجهتش غارب بموضوع ابنه
حسام : فى الظروف دى ما كنش ينفع ...
الافضل نعزمه عندنا بكرة وبعدين نبدأ المواجهه
وخصوصا أن غارب .طلع شهم معانا ...وعلى الاقل هو اللى تستر على آينور بزواجها من أحد الموظفين عنده ....
وصل الثلاثه والجميع فى انتظارهم
قص حسام ما حدث وما سمعوه بالتسجيل ...
أشرقت : يااااه ...كل دا كان شر فيكى يا وفاء
الحمد لله خلصنا من شرها ..
صعد الجميع إلى النوم بعد يوم مرهق ملئ بالاحداث الحزينه .
فى صباح يوم جديد
استيقظ لؤى ولم يجد ريم بجانبه
بحث عنها ليجدها بالمكتب خاصته وترسم أحد الموديلات الحديثه
لؤى بانبهار : واوووو ايه الروعه دى يا ريم
ريم : دا هيكون اول تصميم ليا لمصنعكم
لؤى : قصدك مصنعنا يا حرم المدير
ريم بحب : عايزة يكون مكتوب على التيكيت آينور
لؤى : أوامرك كلها مطاعه يا موالاتى وأخذها فى حضنه يلتهم شفتيها فى قبله طويله.
يستيقظ الجميع ويخبرهم حسام أنهم فى انتظار غارب الشهاوووى لتناول الإفطار معهم
ريم :بس يبقي والد زين
حسام : اطمنى يا بنتى حقك لازم يرجع ..
وصل غارب ومعه ابنه زين
رحب بهم حسام ودعهم إلى مائده الطعام
وبدأ يعرف غارب بالجميع
حتى وقعت عينين زين على ريم ووائل
وقف زين مفزوعا ...
زين : انا افتكرت شغل عندى ..استأذنكم
ليمسك به وائل
وائل : لا لسه بدرى يا زين باشا وأمسك بيده
غارب : انتم تعرفوا بعض!!
وائل : اعز المعرفه ...الاستاذ المصون هو اللى قتل
مراتى و ابنى
زين بخوف : كداب ..ما حصلش
وائل : انا افتكرتك انت اللى كنت بتتردد على المطعم كتير ..
زين : ما كنتش اعرف انها مراتك ...وهى اللى داست
بنزين بسرعه فعملت الحادثه ...
ليقف لؤى هو الآخر ممسك بيد زين الأخرى
لؤى : ويا ترى انت كمان لما جيت حجرة زوجتى وحاولت اغت*صا*ب ها كان ايه الموضوع
غارب : كل دا حصل منك يا زين وصفعه صفعه قويه
زين : ايوا ...بس ما قصدتش اقتلها...انت اللى علمتنى اى حاجه حلوه وتعجبنى أحدها
غارب بانهيار : انا توبت بس ربنا بيعاقبنى بيك على اللى انا عملته فى حافظ زوج آينور
فلاش باااااااك
غارب : ارجوكى يا آينور ...انسي اللى فات انا لسه بحبك ...ومستعد اطلقك من حافظ ونتزوج
آينور : وانا ما اخونش اللى صانى وحافظ عليا وعلى كرامتى ...ابعد عنى وعن طريقي انا وزوجى انا بحبه افهم بقي
وقتها الدم جرى فى عروقى
كان حافظ مقدم تصميم هندسي ..كان هينقله نقله كويسه تحسن مستواه ...خوفت آينور تتمسك بيه اكتر ...وأمرت ناس راحوا سرقوا شقته بالتصميمات الجديدة ...كان قصدى أن آينور تلجئ ليا ...بس للاسف حافظ لما رجع ولقي الشقه مسروقه ..ما استحملش الخبر وتوفى وقتها ...
عيشت عمرى كله بأنب نفسي ....
ريم : يعنى انت السبب فى وفاة بابا ...
منك لله حرمتنى منه ...
غارب : انا موافق لأى عقاب ...انا وابنى ...
وائل : حق مراتى وحق ابنى ..انا اللى هاخده من ابنك وأمسك به يخنقه
امسكه باسم
باسم : لا يا وائل فى الشرطه هى اللى تحاسبه
ريم : انا مفيش حاجه هتعوضنى عن أهلى امشي يا غارب من بيتى ..روح منك لله
تمر الايام والشهور ...ويتم القبض على زين
ينعزل غارب عن الناس ...ويترك أعماله ....
فى صباح يوم جديد
تستيقظ ريم ...لتستعد للذهاب مع زوجها فاليوم لقاء تليفزيونى للحديث على احدث صيحات الموضه لللديزاينر ريم حافظ
تنزل الى الاسفل لتجد. الجميع فى انتظارها ..
ريم : كلكم صاحيين بدرى ليه
أشرقت : علشان نحتفل بيكى يا سيدة القصر
ريم بحب : ربنا ما يحرمني منكم
وبعد تصوير اللقاء
المذيعه : تحبي تقدم الشكر لمين
ريم : لله اولا ثم لاسرتى ...نانو أشرقت وزوجى لؤى واختى لوسيا وخالو حسام وخالو مراد وخالو سالم ..وزوجاتهم وباسم وسامح وصديقه عمرى واختى وحبيبتى سندس ....
المذيعه بضحك : كل دووول
ريم : هما دول عائلتى وسندى دوول أهل القصر
اللى جعلونى فيه سيدة القصر....
يصفق لها الجميع وتنتهى الحلقه
وفجأة تشعر ريم بالدوار
يجرى عليها لؤى ليسندها ..
لؤى بخضه : حبيبتى حاسه بايه
ريم بابتسامه : حاسه انى حامل
لؤى : الف سلامه عليكى حبيبتى..ثم ينتبه إلى جملتها ....
لؤى بفرحه : بتقولى ايه
ريم : بقولك حامل
يحتضنها لؤى ويهنئهم الجميع .
بعد مرور حوالى خمس سنوات
فى القصر
تجلس اشرقت وحولها مازن البالغ من العمر اربع سنوات ابن لؤى وريم ....ومعه حازم ابن باسم وسندس ...ولقاء ابنه سامح ولوسيا تقص عليه روايه سيدة القصر
مازن : الله دى قصه حلوة اووووى يا نانووو
عايزين قصه تانيه ...
آينور : دا وقت النوم يا حلوين ولو فى العمر عمر جديد . هحكى ليكم قصه جديدة .
تمت بحمد الله
وايضا زورو قناتنا سما القاهر للروايات
من هنا علي التلجرام لتشارك معنا لك