رواية سيدة القصر
الفصل الثامن والعشرون 28
بقلم/منال عباس
بعد مرور أكثر من ساعتين وفى انتظار الجميع بقلق
خرج الطبيب من حجرة العمليات ليخبرهم
لؤى بلهفه : طمنى يا دكتور ..
الطبيب : الحمد لله العمليه تمت بنجاح والاتنين كويسين ...
أشرقت : نقدر نشوف البنات
الطبيب : الحقيقه صعب حاليا ...ساعتين بس هيكونوا تحت الملاحظه وبعدها هيخرجوا لحجرتهم ...
كان الجميع يشعر بالفرحه لسلامه الفتاتين ..
منى بصوت منخفض : سعاد انا شاكه فى حاجه
ومش قادرة أسكت اكتر من كدا ...
سعاد : خير حبيبتي ..قلقتينى
منى : أنا كل ما أبص فى وش وفاء دى افتكر اللى حصل زمان ....
سعاد : مش انتى قولتى انك بتشبهى ...يعنى مش متأكدة ...
منى : شكلها وتصرفاتها وكمان أن ريم زى ما سمعت أن النسب كلها متطابقه
تقاطعها سعاد : ايوا علشان طلعوا أقارب ..
منى لا يا سعاد : دول مش بس أقارب دوووول توأم ...
سعاد : انتى بتقولى ايه ..عايزة تقولى أن ريم بنت وفاء ..
منى : لا العكس ..لوسيا اخت ريم التوأم بنات آينور
سعاد : كلامك دا مش سهل وهيعمل مشاكل كبيرة
وانتى مش متأكدة يا وفاء ...
منى أنا هحكيلك كل حاجه...علشان أرضى ضميرى.... كان ليا صديقه معانا فى فريق التمريض فى المستشفى اللى كنت شغاله فيها اسمها حكمت .
فلاش باااااااك
منى : الف سلامه عليكى حبيبتى...أن شاء الله تقومى بالسلامه
حكمت : دا عقاب ربنا ...
منى باستغراب : انتى بتقولى ايه يا حكمت !
حكمت : ايوا يا منى .دا عقاب ربنا على اللى عملته
زمان سيبينى اعترفلك قبل ما اقابل رب كريم يمكن تقدرى تصلحى اللى عملته ويغفرلى ...جاتلى سيدة من سيدات المجتمع زى الهوانم اللى بنشوفهم فى التليفزيون وقالتلى بالحرف شايفه الشنطه دى وفتحتها امامى لقيتها مليانه فلوس ..
حكمت : ايوا يا هانم مش فاهمه ..حضرتك عايزة ايه ..
السيدة : فى ست لسه واصله دلوقتى وهى فى حالة ولادة ...
حكمت : أيوا دى مدام آينور ..بس لسه ما ولدتش
السيدة : عايزة اول ما تولد ..تجيبي ليا الطفل اللى هتولده سواء كان ولد ولا بنت ...
منى : يا خبر يا حكمت دى جريمه وبعدين عملتى ايه
حكمت : الشيطان لعب بيا وخصوصا أن قبلها ست ولدت طفل ميت وما سألتش عنه ومشيت ...قولت فى نفسي اخد الطفل اللى هتولده مدام آينور وأحط بدل منه الطفل الميت
لكن يشاء العليم أن مدام آينور ولدت توأم كانوا بنتين زى القمر شبه الأجانب من جمالهم قولت فى نفسي كويس ..على الأقل تروح بعيل ووقتها عرفتها أن البنت التانيه مات ت
واخدت طفله منهم ...واديتها للست هانم دى وقتها اديتنى شنطه الفلوس ....
فكرت أن الدنيا ضحكت ليا ....
واتجوزت وعدت السنين وربنا كرمنى وحملت
وفرحت اوووى لحد ما حصل ليا الحادثه وفقدت الجنين ...ومش بس كدا الدكتور قال مش هينفع اخلف تانى ...وقتها عرفت ان دا عقاب ربنا ..
مفيش كام يوم رجعتى من المستشفى على بيتى
الشقه ولعت بينا ...وخسرت كل حاجه ...
انا عارفه انى أذنبت حاولى تلاقيهم ...البنت مع الست اللى كانت لابسه أسورة علي شكل تعبان
انتى شوفتيها يومها يا منى ..
منى : ايوا فاكراها ..مش دى اللى قولتى عليها مدام وفاء قريبه زوجك ..
حكمت : هى لا قريبته ولا حاجه ...
منى : ودى هنوصل ليها ازاى ...لا حول ولا قوه الا بالله
حكمت وبدأ التعب يزيد حتى لفظت أنفاسها الأخيرة وفضل سرها معايا طول السنين دى .
عودة من الفلاش
سعاد : يالهوى دى حكايه ولا فى الخيال ...
ومين هيصدق كدا ...منه لله وفاء حرمت الاخوات
من بعضهم ..والله اعلم باللى عملته تانى
لم تنتبه كلاهما بأن حسام كان يستمع لكل شئ
مر الساعتين وخرجت الفتاتان إلى حجرة عاديه
تجمع الجميع معهم
أشرقت : حمدالله على السلامه يا بنات الف حمد والف شكر ...
لوسيا بصوت متعب : انا مش عارفه اشكرك ازاي يا ريم ..
ريم بنفس الالم : احنا اخوات ما تقوليش كدا
سامح : انا بجد شاكر ليكى يا ريم ..انقذتى روحى
ابتسمت له ريم وهى تبحث بنظرها عن لؤى
لتجده يقف والدموع تتلأ فى عينيه
حسام وهو يتابع كل شئ
حسام : الحمد لله يا بنات انكم قومتوا بالسلامه
وان شاء الله اول ما تستعيدوا صحتكم هيكون عقد القران للجميع ...
مراد : ايوا عايزين نفرح ...ربنا يسعدهم ..
كانت وفاء تقف كالغريبه فلا تنطق اى شئ كل ما يهمها ..كيف تتخلص من تلك الوريثه ...
سامح يلا يا سعاد انتى ومدام منى ...نسيبهم يرتاحوا ..والحمد لله ان ربنا نجاهم...
منى : انا هروح على بيتى ..والحمد لله ان ربنا طمنى عليكم واقتربت من ريم ولوسيا وهى تحتضنهم فهى تعرف سرهم ...
حسام : على فين يا ست منى
منى : انا قعدت كتير ..ثم انت عارف الشغل مش هينفع اغيب اكتر من كدا ...
حسام : سيبك من الشغل دا ..وان كان على الشغل
ف زى ما انتى شايفه كدا ...ريم و لوسيا هيحتاجوا تمريض معاهم فى البيت ..على ما يستردوا صحتهم
وحضرتك خبرة ...وبعد كدا المستشفى اهه بتاعت باسم خطيب بنت اختك سندس يعنى مش بتاعت حد غريب ..ممكن تشتغلى فيها ..
باسم : ايوا يا طنط ...ومن دلوقتى نكتب عقد تعيينك لو تحبي .....بقلم منال عباس
منى : بس
سعاد : ما بسش ولا حاجه ..انا ما شبعتش منك ...
سندس : وافقى يا خالتو فرصه اشوفك وانتى بتدي حقن ل ريم ولوسيا
يضحك الجميع على خفه ظلها..
سندس : يلا بقي يا بنات خفوا بسرعه انتم وحشتونى اوووووووى...
تمر الايام واليوم عودة لوسيا وريم إلى القصر
تدخل الفتيات حيث يجدون القصر مزين والانوار فى كل مكان ..
احضر لؤى المطرب سامو زين
وأمسك يد ريم ليتراقصا على صوت المطرب سامو زين...
لأنك معايا، لأنك معايا في كل لحظة وكل ثانية
ومش بعيدة، ومش بعيدة ولو بعيدة دايما عليّ
حبيبي معاك، حبيبي معاك أنا بنسى كل الدنيا ديّ
لحظة لقاك، لحظة لقاك روحي بترجع ثاني ليّ
وياك أنا بنسى العالم بنسى الناس
وإنت معايا مش عايز حاجة ثانية خلاص
جنبك أنا كل الدنيا دي ما تشغلنيش
مش عايز حاجة غير إنك ما تسبينيش
وياك أنا بنسى العالم بنسى الناس
وإنت معايا مش عايز حاجة ثانية خلاص
جنبك أنا كل الدنيا دي ما تشغلنيش
مش عايز حاجة غير إنك ما تسبينيش
إيدي في إيديك، إيدي في إيديك ولهفتي بتبان عليّ
وبشوف حاجات، وبشوف حاجات كثير حلوة عيشاها ليّ آه
وياك أنا بنسى العالم بنسى الناس
وإنت معايا مش عايز حاجة ثانية خلاص
جنبك أنا كل الدنيا دي ما تشغلنيش
مش عايز حاجة غير إنك ما تسبينيش..
صفق الجميع لهم
باسم : الحمد لله انكم رجعتوا نورتونا
ريم بحب : انا بشكرك اوووى يا لؤى
لؤى : انا اللى بشكرك انك فى حياتى
ليأتى صوت حسام مفاجئا الجميع
حسام : اتفضل يا شيخنا
ينظر الجميع إلى مصدر الصوت
ليجدوا حسام ومعه المأذون ...
أشرقت بفرحه شديدة : احلى حاجه عملتها يا حسام
حسام : الاولاد عانوا كتير الفترة اللى فاتت وآن الاوان علشان يفرحوا .وفرصه الكل موجود
والاولاد والآباء .اعتقد مفيش حد عنده مانع
ليقاطعه صوت وفاء
وفاء : ازاى الكلام دا ...بنتى لسه راجعه من المستشفى..لازم ترتاح الاول
سامح : اطمنى يا طنط لوسيا هحطها فى عنيا وهحافظ عليها .
مراد : نشوف رأيي لوسيا
نظرت لوسيا إلى والدتها بحزن فهى حزينه منها ومن أفعالها
لوسيا : انا موافقه يا بابا
مراد : يبقي على بركه الله...ثم نظر إلى سندس
وانتى يا سندس يا بنتى تقبلى الزواج من ابنى
سندس : ايوا والنبي يا اونكل بسرعه
ضحك باسم ..فهو يعلم كم هى طيبه وتلقائيه
لؤى : وانتى يا ريم يا حبيبتي
ريم بخجل : اللى يشوفه خالووو حسام وخالو سالم وخالو مراد ...وطبعا نانوو أشرقت
ليقف كلا من حسام وسالم ومراد بفرحه بجانب ريم
حسام وهو يحتضنها بحب : يا روح خالو من جوا
يا بنت اغلى الناس ربنا يرحمها
سالم : فعلا انتى بنت الاصول ريم الغاليه بغلاوة آينور ...
مراد : انتى المنقذه لبنتى ..زى والدتك الله يرحمها
كانت المنقذه لينا كلنا
يجلس المأذون ويتم عقد القران للجميع
المأذون بارك الله لكما وبارك عليكما وجمع بينكما في خير...
باسم : خلاص بقينا ازواج يا روح قلبي
سندس : ايوا يا واد يا جوزى
باسم : اموت انا فى دلعك يا دوسه
سامح : لوسيا حبيبة قلبي وعشقى ...الف مبروك علينا
لوسيا بحب : حبيبي انت
لؤى : انا مش هقولك بحبك ..لانك عارفه كل دا
ريم : اووومال هتقول ايه
لؤى : هقولك كل حاجه عملى بس لما نطلع فوق اوضتنا ..
حسام : قبل ما تمشي يا حضرة المأذون
عايز اقول حاجه انتبه له الجميع .