رواية سيدة القصر الفصل الرابع عشر 14 بقلم/منال عباس

 

رواية سيدة القصر

الفصل الرابع عشر  14

بقلم/منال عباس

عند دخول الفتيات مع لؤى 

وجدوا أشرقت و لوسيا ووفاء وباسم  متواجدين  فى الهووول وملتفين حول إحدى السيدات  النائمه على الكنبه ...

لؤى : خير ...كلكم متجمعين على ايه ...

لتنظر سندس على تلك السيدة المربوط رأسها بالشاش ...لتصرخ فجأة مامااااا

تجرى هى وريم عليها ...

سندس : ماما حبيبتي ايه اللى حصل ....

ريم : طنط سعاد ...مين عمل فيكى كدا

وفاء : انتم مين ...هى نقصاكم انتم كمان ..

أشرقت : وبعدين معاكى يا وفاء ...

آسفه يابنتى ...اتفضلوا اقعدووو وانتم تعرفوا كل حاجه ....

لؤى وهو ينظر إلى باسم باستغراب ...

باسم : سندس ..هى تبقي والدتك 

 سندس ببكاء : ردى عليا يا ماما 

باسم : هى داخت من شويه وانا اديتها حقنه مهدئه 

سندس : يا حبيبتي يا ماما 

اقترب منها سالم 

سالم : انا آسف يا بنتى ...وموافق على اى تعويض 

سندس بصراخ : تعويض عن ايه ...مال الدنيا كله ما يعوضش ماما ...

ريم وهى تواسي سندس 

ريم : أهدى حبيبتى ...ونظرت إلى لؤى 

ممكن تساعدنا ناخد طنط ونمشي من هنا 

لؤى بحزن : ارجوكى يا ريم أهدى ...تفوق بس وان شاء الله هتكون كويسه ..بقلم منال عباس 

ريم : احنا مش عايزين نقعد هنا ...المكان دا مش بتاعنا. لو سمحت عايزين نمشي ..

باسم : أهدى يا ريم ...وان شاء الله هتكون كويسه 

أشرقت : كدا يا ريم .دا أنا بقول عليكى عاقله 

وفاء : هى ايه الحكايه ...ومين ريم دى كمان واللى معاها ...

لوسيا : ما يصحش اسلوبك دا يا ماما ...

لؤى : ريم تبقي خطيبتى ...

باسم : وسندس تبقي خطيبتى...

وفاء : ودا حصل امتى أن شاء الله ...

يأتى حسام ومعه مراد على أصواتهم العاليه 

حسام : هو فى ايه 

وفاء : تعالى يا مراد شوف خيبة ابنك ...جايب لينا ناس بيئه وبيقول خطيبي ...حتى لؤى تتعدى منه 

حسام : ما أسمحش ليكى تتكلمى عن خطيبه ابنى بالشكل دا ...فين خطيبتك يا لؤى 

لؤى : ريم يا بابا  وأشار لها

حسام : آسف يا بنتى ...وحقك عليا انا ..

وفاء : انتم احرار ..المهم ابنى ..انا مش موافقه على الجوازة دى ..ويلا يا بنت انتى خدى مامتك وامشي من هنا ...

سندس : ومين قالك انى ممكن اوافق اعيش مع واحده زيك ...

نظر إليها باسم ...

باسم : ليكى حق يا سندس ..وانا كمان همشي من هنا ...يلا بينا 

أشرقت : هو انا ماليش كلمه هنا ولا ايه 

سندس تعالى انتى وريم ...

سندس : احنا اتهنا هنا لو سمحتى عايزين نمشي 

أشرقت : مفيش حد هيمشي وكلامى هو اللى هيتسمع ...ونظرت إلى وفاء 

أشرقت : انتى غلطتى فى البنات أمامنا بدون داعى 

أمامك اختيارين 

تعتذرى ليهم ..أو تخرجى من هنا ...انتى فاهمه 

نظرت وفاء بحقد 

وفاء : آسفه يا سندس ...آسفه يا ريم 

أشرقت : النهارده خطوبه الولاد 

سامح على لوسيا ..لؤى على ريم ..باسم على سندس ...

سندس : انا مش هعمل اى حاجه قبل موافقه ماما 

أشرقت : طبعا حبيبتى...دى الأصول ...

جلس الجميع ينتظر حتى تستفيق سعاد 

سعاد وهى تفتح عينيها لترى سندس 

سعاد : سندس حبيبتى ..انتى جيتى هنا ازاى وعرفتى مكانى ...

سندس : هحكيلك..بس طمنينى عليكى 

سعاد : انا بقيت كويسه ..ويلا نمشي 

أشرقت بابتسامه : حمدالله على سلامتك يا بنتى

سعاد : الله يسلمك

باسم : حمدالله على سلامتك يا طنط 

سندس : دا دكتور باسم يا ماما اللى حكيت ليكى عليه ...وبدأت تقص عليها كيف حضرت هى وريم ...

أشرقت : دلوقتى كلنا هنا اهو. متجمعين 

وبعد اذنك يا ست سعاد ..بنطلب ايد سندس ل باسم ..وايد ريم ل لؤى 

سعاد : وهى ترى الفرحه فى عينين الفتاتين 

سعاد : على خيرة الله...

بدأ الجميع يهنئون بعضهم البعض 

نظرت سعاد الى سالم ...كان يقف بعيدا عنهم وعيونه تدمع بسبب ما حدث 

أشرقت ...يلا الغدا جاهز ويبقي عيش وملح وبالمرة نعرف بعضنا اكتر ...

ذهب الجميع إلى مائدة الطعام 

وفاء فى نفسها : بالسم الهارى ...بس والله ما هسيبكم تتهنوا ...

بعد تناول الغداء ...كان العمال يزينون المكان من أجل الخطبه فى الليل ..

سعاد : نستأذنكم احنا ...

سالم : ازاى بقي ..انتم اصحاب مكان ..وكمان الخطوبه 

سعاد : احنا مش عاملين حسابنا ..

أشرقت : الملابس كلها تحت امركم ...وانا خلاص اتصلت بمصنعنا وهيجيب ليكم واختاروا ...

       عند لوسيا وسامح 

سامح : ليه مامتك بتتعامل كدا يا لوسيا ..انا بدأت اقلق منها 

لوسيا : انت عارف ان ماما عصبيه ..بس فى الاخر بتنزل على مفيش

سامح : الحقيقه نانووو هى الوحيده اللي بتقدر عليها ...

لوسيا : انا والله زعلت من اللى حصل 

سامح : ما تعرفيش الخير فين ....

لوسيا : اسيبك بقي علشان ألحق اجهز 

سامح : طيب اجى اساعدك 

لوسيا : مش هينفع يا خفيف وجريت من أمامه ...

حسام : ست سعاد اتفضلى نشرب القهوة كلنا ونتعرف على بعض على ما الملابس توصل 

جلسوا جميعهم 

حسام : عرفينا بنفسك يا ريم 

ريم :  انا لسه بدرس فى كليه الطب ..ووالدى ووالدتى متوفين 

أشرقت : يا حبيبتي يا بنتى ...

ريم : والحقيقه انا عايشه مع طنط سعاد ...علشان مالناش أقارب ...

حسام وهو ينظر إليها يشعر أنه يعرفها من قبل : احنا هنا هنكون أهلك ويكفينى انك اختيار لؤى 

وانا بثق فى اختياره ...شكرته ريم 

مراد : وسندس  بتدرسي فى ايه 

سندس : فى الطب برضو ..ما دكتور باسم هو اللى مطلع عينيا فى المادة بتاعته 

ضحك الجميع على خفه دمها ...

سندس : انا بابا متوفى ومفيش غير ماما حبيبتي واخويا مسافر لندن ...

كان سالم عينيه على سعاد ..شعرت سعاد بنظراته 

فارتبكت ...

وصل العمال بالعديد من الفساتين 

أشرقت : يلا يا بنات ويلا يا ست سعاد علشان تختاروا اللى يناسبكم .....

اختارت ريم دريس اسود طويل مفتوحه فتحه صغيرة من على الرقبه أحضرت لها أشرقت عقد لكى ترتديه 

أشرقت : خودى العقد دا من الالماظ الحر ..هديتى ليكى حبيبتى ...البسيه ..

شكرتها ريم واحتضنتها ..فهى تعلم أنها طيبه القلب

أشرقت : شيلى السلسله والبسي العقد ..يا ريم 

ريم : مش هقدر اقلعها يا نانوو أصلها من ريحه ماما 

أشرقت : تعيشي وتفتكرى حبيبتى.. 

اما سندس اختارت دريس من اللون الازرق المرصع بالفصوص الألماظ كانت هى أيضا جميله 

أعطتها أشرقت هديه هى الأخرى اسورة من الالماظ 

أشرقت : ليه يا ست سعاد ما اختارتيش فستان 

سعاد : لا انا كويسه كدا ...وكتر خيرك يا ست الكل 

أشرقت : مش عايزاكى تزعلى من وفاء ....

وانتم هنا .زيكم زيها ...

سعاد : ربنا يكرمك ..

ارتدت لوسيا : الدريس الذى احضرته والدتها ...كانت تبدو جميله فالثلاث فتيات كالبدر فى تمامه 

نزلوا الى الاسفل وكل عريس ينتظر خطيبته بفارغ الصبر

لؤى : بسم الله ما شاء الله ما اجملك وطبع قبله على جبينها ....

سامح : اخيرا يا لوسيا دبلتى هتبقي فى ايدك عقبال ..ما تبقي فى حضنى 

باسم : القمر اللى مدوخنى اخيرا هتكون خطيبتى 

سندس : بس يا واد يا دكتور عيب كدا 

تبدأ الحفله بالرقص ويتراقص كل كابلز فى سعاده 

حسام : تسمحيلى بالرقصه دى 

أشرقت بحب : ابنى وحبيبي ..اكيد طبعا 

اما وفاء كانت تتراقص مع مراد 

وفاء : المسرحيه الهزليه دى هتخلص امتى 

مراد : الكل فرحان ..حاولى تفرحى انتى كمان 

يأتى سامح إلى سعاد 

سالم  : اتمنى تكونى سامحتينى 

سعاد : حصل خير يا أستاذ..

سالم : اسمى سالم ..طب ممكن أطمع واطلب منك ترقصى معايا 

سعاد : ما يصحش انا كبرت 

سالم : كبرتى ايه دا اللى يشوفك يقول اخت سندس ...

تضحك سعاد وتبدأ فى الرقص معه 

سندس : انت يا واد يا دكتور 

باسم بضحك : نعم يا مجننانى 

سندس : شوف عمك ..شكله بيرسم على ماما ...

باسم وهو ينظر إليهم : تقريبا كدا ....

وبينما الجميع فى جو ملئ بالفرحه والسعادة 

يأتى وفاء اتصال ...تبتعد عن الجميع 

وفاء : الو ...

المتصل : خلاص يا هانم كل حاجه تمام وجاهزين للتنفيذ ..

وفاء : برافووو عليكم ...انتظر منى ميعاد بالتنفيذ

   لقراءة الفصل الخامس عشر من هنا

تعديل المقال