قصة ملتزمه غيرت لي حياتى
البارت الرابع عشر 14
بقلم/منه محمد
الام : زميلتاااااك اه قول كده بقى عايز تخطب واحده من البنات المايعه اللى كنت بتمشيلي معاهم زمان
انس بضحك : اهدي يا امي مالك اتعصبتي كده الموضوع مش كده خالص
الام : يا سلام بتقولي واحده معاك ف الكليه يبقى ايه؟
انس : يا ماما لا انا خلاص ربنا تاب عليا و بطلت اكلم بنات و الله
الام : اومال مين دى بقى ان شاء الله
انس : هاحكيلك على كل حاجه بس بالله عليكي متقاطعنيش وتسمعي للاخر
كانت الفتاتان يذاكران معاً فى منزل "حنان"
سرين : بس شوفتي انس اتغير ازاى ده بيعتذر ده عمره ما عملها ايام ما كنت مرتبطه بيه
حنان : انا عايزه افهم انت عايزه ايه دلوقتي بتجييه سيرته ليه كل شويه؟
سرين : اسفه بس الموضوع غريب فعلا !!
حنان : بردو ملناش دعوه
سرين : صح صح عندك حق ثم اكملت بخبث : بس تفتكري مين السبب ف التغير ده
حنان :يوووه وانا ايش عرفني ومش مهتمة اعرف و ذاكري يلا
سرين : اممم ماشي
رنت الجمله فى اذن "حنان" فهى سعيده بذلك التغير لكن لا تعرف لما
انس : وبس كده يا ست الكل هو ده اللى حصل
الام : يعني انت كنت عايز تسوء سمعه البت
انس بخجل من نفسه : اه للاسف وبدعي ربنا كل يوم انه يغفر لي الذنب ده
الام : وانت بقي فاكر لما تروح تقدملها هتوافق عليك بعد كل اللى عملته فيها ده
انس : منا اعتذرتلها وهى خلاص سامحتني
الام : اه فا يقوم العشم ياخدك تتجوزها
انس : بس انا حبتها يا امي حبيت تدينها واخلاقها البنت دى مختلفه عن بنات كتير عرفتهم، محافظه على نفسها ده غير انها غيرت فيا حاجات كتير و خلتني اغير نظرتي للحياه
ربتت امه عليه بحنان وقالت له : خلاص يا ابنى صلي استخاره واللى فيه الخير يقدمه ربنا