قصة ملتزمه غيرت لي حياتى
البارت الثامن 8
بقلم/منه محمد
ذهبت "سرين" إلى "حنان"
سرين : حنان
حنان وهى تلتفت لها : ايوه
سرين : حنان انا عايزه اعتذرلك عن الكلام اللي قولتهولك
حنان : كلام ايه؟
سرين : لما اترقيت على لبسك
حنان : متقلقيش يا حبيبتى انا مسامحاكى من زمان
سرين بتعجب : بجد !!
حنان : اه
سرين : انت طيبه اوي يا حنان
حنان : جزاك الله خيراً ده من ذوقك وانا قبلت اعتذارك خلاص
سرين : طب هو احنا ينفع نبقى صحاب مدام اتصالحنا
حنان : اه طبعاً
وتبادلوا ارقام الهواتف ثم ودعتها وذهبت
سرين بخبث : طيبه اوي وهتسهل عليا المهمه
مرت الايام واصبحوا اصدقاء جداً وكانت "سرين" تتحدث مع "حنان" كثيراً وكانت "حنان" دائماً تقدم لها النصائح ف تدعي "سرين" انها تقبلتها لكنها ف الحقيقه تضايق ف قد كانت تظن انها تتكبر عليها او انها تدعي انها ميثاله و لا تخطئ ابداً وهذا تفكير اغلب الناس عندما يقدم لهم احداً النصيحه
سرين : عارفه يا حنان انا مبسوطه انى عرفتك انت حد طيب اوي
حنان : جزاكى الله خيراً يا حبيبتي
سرين : وانا استفدت منك جداً وانس خلاص مش هكلمه تاني
حنان : احستني، لازم تبعدى عن العلاقات المحرمه عشان ربنا يكرمك ويرضي
سرين : هو انا ممكن اسألك سؤال ؟
حنان : اتفضلي
سرين : هو انت ليه بتتكلمي كده ليه مبتتكلميش زينا عادي ؟
حنان : للاسف يا صديقتي احنا اللى مبقناش بنتكلم صح ودخلنا على كلامنا كلمات داخليه من لغات تانيه على اساس احنا كده هنبقى مثقفين ونسينا لغتنا اللى هى لغه القرآن الكريم واللى ربنا اختارها لانها لغه غنيه وهى كمان لغه اهل الجنه بس احنا للاسف استبدلنها بلغات اخرى اقل غنى من لغتنا الجميله ف لما بقي حد يتكلم العربى الفصيح بقى هو اللى غريب سبحان الله
سرين : اممممم، كلام جميل
مثلت الاقتناع لتجاريها لكن بداخلها الشعور عكس ذلك
سرين : طب بقولك ايه انا عملتك اد ع الفيس وفلو ع الانستا اصدقى طلب صداقه ع الفيس و متابعه ف الانستا
حنان بمزاح : شاطره بدأتى تتعملي اهو
سرين : هههه شوفتى بقى انا شاطره ازاى، المهم انت مبقلتهومش لحد دلوقتي
حنان : اه انا مخدتش بالي معلش اصل مش بفتح كتير
سرين : ليه؟
حنان : بحسهم مضيعه للوقت الواحد يقعد عليهم وقت قليل ياخد منهم اللى عايزه احسن وخلاص
سرين : صح بس عشان تنعرف على بعض اكتر
حنان بضحك : حاضر يا جميل لما اروح هابقى اقبلهم ان شاء الله
كانوا يجلسون فى كافتريا قرب النيل
انس : اها عملتى ايه؟
سرين : زى ما قولتلى بالظبط عملتها اد ع الفيس والانستا ومعايا رقمهما كمان وصاحبتها بسرعه طلعت عليا نياتها خالص
انس : حلو اوى، دلوقتى بقى هنبتدي الخطوه التانيه؟
سرين : ايه هي؟
انس : هتجيبلي كام صوره كده وسيبى الباقي عليا
سرين بشك : هتعمل بيهم ايه؟
انس : بره عنك الحوار ده؟
سرين : انس اوعي يكون اللى ف دماغي صحيح
انس : اى كان اللى فدماغك اعملي اللى بقولك عليه وخلاص
سرين : بس احنا متفقناش على كده
انس : لا بقولك ايه انت قولتي هتنفذي اللى بقولك عليه من غير نقاش
سرين : بس
انس بمقاطعه : بس ايه انت نسيتى ان احنا بنعمل كده عشان هى عايزه تفرقنا عن بعض
سرين : بس يا انس دى شكلها طيبه فعلاً
انس : ده قناع هى بتعمل كده عشان تقنعك انها طيبه مثالية واحنا بقى هنكشف كدبها ونفقها ده ، فكري كويس
ثم ذهب وتركها وهى فى حيره من امرها