قصة ملتزمه غيرت لي حياتى
البارت الثالث عشر 13
بقلم/منه محمد
تغيرت حياه "انس" إلى الافضل اصبح شخصاً جديداً واصبح الناس يحبونه بعض ان كانت سمعته سيئه بسبب ما كان يفعله مع الفتيات
عاد إلى الكليه بعد انتهاء فتره عقابه ولاحظ الجميع التغير الملحوظ الذى طرأ عليه حيث غير طريقه ملابسه ف كان دائما ما يرتدي السلاسل والاساور (الحظظات) فى يده غير انه ربه لحيته خفيفه على وجهه
الكل تعجب من ذلك حتى "حنان" لكنها غضت بصرها عنه
سرين بهمس : بس بس حنان حنااان
حنان : ايه؟
سرين بصوت منخفض : هو مش ده انس؟
حنان بعمليه : اه هو
سرين : اتغير اوي
حنان : واحنا مالنا يا سرين
سرين : ايوه يعني انت مش ملاحظه كده
حنان : بردو ملناش دعوه قولي خيراً او اصمتي
سرين : خلاص هاسكت
واثناء خروجهم من المحاضره سمعوا صوتاً يناديهم
انس : انسه حنان
التفت إلى الصوت فوجدته وخفضت بصرها إلى الارض
انس : احم انا كنت عايز اعتذر عن اللى بدر مني قبل كده و ارجوا انك تسامحني
سرين : ايييه طيب انا هاسيبك دلوقتي ياحنان
لكن امسكت بيها كى لا ترحل وتتركها بمفردها
حنان : عفا الله عما سلف وانا سامحتك عشان ميبقاش بينا حاجه يوم القيامه وربنا يغفرلك فيما مضي ان شاء الله
انس بدهشه : بجد حتى بعد كل اللى عملته
حنان : سيدنا يوسف اتعمل فيه اكتر من كده وسامح بردو
انس : بجد شكراً اوي لحضرتك
حنان : احم بعد اذن حضرتك
ثم ذهبت هي و"سرين " واختفوا من امامه، احس بعدها بنظره مختلفه ل"حنان" فقد رأى فيها الطيبه والتسامح وشعر بالخزي والعار لما فعله في السابق
سرين : لا انا مش مصدقه انس بيعتذر وانت سامحتيه عادي كده ده كان عايز يبوظ سمعتك
حنان : وفيها ايه منا سامحتك بردو
سرين : اييه اه صح بس دى نقره ودى نقره
حنان بضحك : ازاى بقى يا ام العريف
سرين : عشان انا كنت هاعمل واتراجعت ف اخر خطوه انما هو عمل فعلا
حنان : مش مهم المهم انه حس بغلطته وندم عليه وبيحاول يغير من نفسه
سرين : صح عندك فعلاً بس تفتكري ممكن انس يتغير فعلاً
حنان : ليه لا مفيش حاجه بعيده على ربنا
كان "انس" يذاكر دروسه دخلت امه عليه وهى تحمل صينيه فيها بعض الشطائر وكوباً من العصير و طرقت الباب
انس : ادخل
الام : ربنا يا حبيبي يوفقك و يكرمك يارب، عملتلك بقى شويه سندوتشات تتسلي بيهم وانت بتذاكر
انس : شكراً يا امي بس انا صايم
الام : صايم ليه انهارده ايه؟
انس : انهارده الخميس
الام : ايوه صح نسيت خلاص ولا يهمك هاعملك فطار تأكل صوابعك وراها
وقبل يدها وقال لها : جزاكي الله خيراً يا امي ادعيلي بالله عليكي
الام : بدعيلك يا بني على طول ان ربنا يكرمك و يهديك ويصلح حالك
انس بتردد : ماما فى موضوع كنت عايز اتكلم معاكي فيه
الام بقلق : خير يا ابني
انس : انت طبعاً عارفه اني بقيت بشتغل وشغلي اتطور والحمد لله
الام : الحمد لله، بس انا بردو مش فاهمه انت عايز ايه يا بني؟
انس بتوتر : اناااااا انا عايز اتجوز
الام : ايه يا الف بركه لوووليييي
انس : براحه يا ماما انا لسه بقول عاوز لسه متجوزتش الله
الام : معلش تأثير الفرحه اصل كل اما كنت اقولك ترفض و تتضايق
اول مره اشوفك انت اللى بتطلب من نفسك
انس بمزاح : اهو بقى نعمل ايه مضطرين
الام : ولا يهمك انا هدورك على عروسه
انس : مفيش داعي انا محدد العروسه
الام : الله ده انت بتنمرني بقى يا ولاه اه خوفي لتكون اتجوزت من ورانا اصلا
انس بضحك : يا ست الكل اهدي مفيش حاجه من الكلام ده
الام : اومال مين بقى ست الحسن اللى انت منمر عليها
انس بخجل : واحده زميلتي ف الكليه