.jpg)
رواية جحيم معاق
الفصل العاشر 10
بقلم ولاء
يسري... ضحي مراتي ازاي مش فاهم
ممدوح... ماتتكلم ياصابر ف ايه ومين الراجل ال انت جاي معاه ده
صابر... بتلعثم ف الكلام اصل اصل الموضوع
ضحي... موضوع ايه يابابا وراجل مين ده ال جاي يقول دا جوزي هو في ايه
انا المعلم سلامه ... والراجل ده كان عليه فلوس من الكيف لامواخذه ولما شوفت السنيورة وعجبتني وطلبتها للجواز بتمن الفلوس ال عليه هو وافق وكت كتبها عليا بورقة وقالي اصبر عليها شويه لما تكبر وبعدين الناس تقولي دي اتجوزت
ياعني كده انا اوديكم ف داهيه
ضحي... كانت واقفه مش مصدقها ال الراجل ده بيقوله ومن القهر ال هي فيه كانت هتموت وهي واقفه
يسري... بابا الكلام ده صحيح الراجل ده بيقول ايه
ممدوح... مش عارف والله يابني انا لسه هفهم الموضوع ده
هدي... انت بعت بنتك للراجل ده يا ابو ضحي صحيح
صابر... عيونه ف الأرض مكسورة ومش عارف يرد
ممدوح.... يارامز اتصل ب المحامي بسرعه
كل ده كان بيحصل وماجدة فوق ع السلم والإبتسامة هطير من عيونها
ضحي... رد عليا يابابا انت صحيح جوزتني للراجل ده عملت كده فعلا
صابر... والله ياضحي أنا مكنتش قاصد اعمل كده انا اسف يابنتي
ضحي... تتكلم وهي بتضحك اسف ع ايه بنتك متجوزة مرتين دلوقتي وتقولي آسف دا انا كده بموت ب البطئ ب ال انت بتعمله فيا
يسري... يمسك ضحي من أيدها جامد ضحي اوعي تخافي انا معاكي وعمري ما هسيبك
سلامه... تسيب اي لامواخذه بقولك مراتي السنيورة دي مرات ودي الورقه ال تثبت كده وقدامك يوم ياحلوه وهاجي اخدك علشان مدخلش الحكومه ف الموضوع
يسيبهم سلامه ويخرج من المنزل
تيسير... والله انا قلبي حاسس ان دخلتك علينا كلها مشاكل وقرف
هدي... تيسير لو سمحتي اطلعي ع الاوضه بتاعتك
ضحي... ياعني ايه انا مرات مين انا ايه اصلا ف الدنيا دي كلها
عملت ايه علشان ابدأ حياتي بكل المشاكل والمصاعب دي
رد عليا ياعمي انا دلوقتي اعمل ايه
ممدوح... والله ياضحي انا هعرف الموضوع وهحل كل المشكله دي مش عاوز اشوفك زعلانه خالص
ممدوح... تعالي يا صابر معايا المكتب
يدخل صابر ويسري مع ممدوح المكتب
ممدوح... ديل الكلب عمره ما هيتعدل قولي الحقيقة ايه ال بيحصل بظبط
صابر... زاي ما هو قالك
ممدوح.... انا مش عبيط ولا هصدق الحوار ده كله
قولي الحقيقة بدل ما ادفن*ك مكانك وانت عارف ان اقدر اعملها
صابر... هو بيتكلم كله خوف من اخوه
بعد مدة من الحديث
يطلع يسري الغرفه بتاعته ويفضل يدور ع ضحي مش شايفها
يسري... ماما فين ضحي مش ف الاوضه
ماجدة... ضحي مشيت من بدري
يسري... مشيت ازاي ف وقت متأخر زاي ده
ماجدة ... ال زاي دي الخروج والدخول عادي ب النسبه ليها
يسري... الكلام معاكي بعدين ياماجدة خسارة فيكي اسمك والله مفروض نقولك ياخاينه هتليق عليكي اكتر
ماجدة... انت بتقول ايه
يسري ينظر إليها نظرة اشمئزاز ويخرج يدور ع ضحي
يفضل يسري يبحث عن ضحي ولم يجدها
(ف صباح تاني يوم)
هدي... ف اخبار ياممدوح عنها
ممدوح... ولا حس ولا خبر
رامز... انا دورت ف المستشفيات والأقسام بس مش موجوده
يسري... انا هتجنن هتكون راحت فين يابابا
تيسير... والله انا كمان بدأت اقلق عليها
هدي... انا عارفه هي فين
يسري... فين ياماما
هدي... مالكش دعوة المهم انت وابوك حل الموضوع بتاعها ده وانا هجيب ضحي
ممدوح... رامز اتصل ب اخوك رضا علشان عاوز اتكلم معاه
رامز... حاضر يابابا
يخرج ممدوح مع يسري
(ف حارة شعبية)
يسري... لو سمحت فين بيت المعلم سلامه
... القهوة بتاعته ع اول الشارع يابيه
يذهب يسري مع والده
ممدوح... السلام عليكم يامعلم سلامه
سلامه... وعليكم السلام اهلا وسهلا حضرتك شرفت
ممدوح... من غير لف ولا دوران انت ليك كام عند صابر اخويه
سلامه... والله انا ليا كتير اوي
يسري... واحنا جاين ندفع الفلوس ونهد عقد الجواز الباطل
سلامه... بس جوازي مش باطل جوازك انت ال باطل يابيه
ممدوح... كلمني انا يا معلم سلامه وانا هعملك ال انت عاوزه
(ف مكان آخر)
هدي... ضحي اخيرا لقيتك
ضحي... مرات عمي انتي عرفتي مكاني ازاي
هدي... انتي مش قولتيلي أن انتي لما تكوني مخنوقه بتروحي عند لبني صحبتك
ضحي... طيب وايه ال جابك كل المشوار ده
هدي... قومي يلا يا ضحي البسي وتعالي معايا
ضحي... مش هينفع انتي عاوزاني اروح للراجل الكبير ده ولا ادخل السجن
هدي... تعالي بس معايا وان شاء الله عمك هيحل الموضوع متخافيش
تقوم ضحي تلبس وتذهب ال البيت
تيسير... ضحي انتي كويسه انا قلقت عليكي بجد
ضحي.. كانت مبسوطه اوي أن ف حد لسه بيخاف عليها
ضحي... انا بخير الحمد لله
ماجدة... من امتي الحب ده كله
هدي... تروح عند ماجدة وتضربها ب القلم
ماجدة... انتي بتعملي ايه ياماما انتي مجنونه
هدي... اخرسي ولا كلمة اطلعي خدي هدومك واطلعي برا البيت ده فوراً
رامز... ف ايه ياماما ماجدة عملت ايه
هدي... اسكت يارامز يابني مش دي ال تعيش معاها حياتك ولا تفضل ام اطفالك
ماجدة هتمشي من البيت ده فوراً والعيال هتفضل هنا
ماجدة... انتي مجنونه انا مش هخرج من هنا غير ب عيالي
هدي... لما نتأكد الاول هما عيال مين اظن كلامي واضح
رامز ... ياماما ف ايه انا عاوز افهم
ضحي... بلاش تفهم فعلا يا رامز يابن عمي علشان هتتعب
ف نفس الوقت يدخل رضا
هدي... اهلا اهلا ب المصيبه الكبيره
رضا... انا مكنتش عاوز اجي هنا تاني اصلا مش عاوز اشوفكم
بس هو ال اتصل بيا
هدي... يامرحب بيك يابن بطني ياغالي
وفي أثناء الحديث يدخل يسري وممدوح
هدي... ايه ياممدوح عملت ايه
يسري... خير ياماما مش عاوزك تقلقي
ضحي.. ياعني ايه
يسري... ياعني انتي طالق ياضحي
هدي... انت مجنوووون يا يايسري