رواية حارسي العزيز
الفصل العاشر والأخير 10
بقلم ولاء
نصر ... سحب الذنات ولسه هيضرب زينه يجري محمود ع زينه ويضرب رصاصه ف قلبه
صقر.... بسرعه يتكلم عبر اللاسلكي ويقول
صقر.... هجوووم
تتدخل القوات بسرعه وتقبض ع كل الموجودين
زينه... بابا بابا كلمني رد عليا انت شايفني
يابابا ارجوك رد عليا
يجي صقر بسرعه ويشيل محمود ويطلب الإسعاف
(ف المستشفى)
زينه وساميه ورائد منصور متواجدين عند حجرة العمليات
يخرج الدكتور
زينه.... بابا اخباره ايه كويس
الدكتور... البقاء لله
نزل الخبر ع زينه مثل البرق الساطع
منصور... لا حول ولاقوة الا بالله لله الامر من قبل ومن بعد ربنا رحمة من ال كان هيحصل يادكتورة زينه مفروض تكوني مرتاحه
زينه... مش بترد
وساميه ف حالة من العياط الهستيري
يجي صقر مسرعآ
صقر.... خير يافندم حصل ايه
منصور... ايه ال جابك ياصقر عملت ايه
صقر... كلهم تحت الرقابه مش عاوز حضرتك تقلق
ينظر صقر الي زينه يلاقيها ف حالة من الصدمه
صقر... زينه عيطي اعمل اي حاجه بلاش السكوت ده ارجوكي طيب اشتمي اعملي اي حاجه يازينه
زينه... تنظر إليه ومش بترد
تشيل ايد صقر من عليها وتخرج من المستشفى وصقر وراها
تفضل زينه تمشي وهي مش بتتكلم وصقر ماشي وراها
وهي ساكته وهو ماشي وساكت بردو
وبعد وقت طويل
صقر... خلاص يازينه كفايه كده علشان خاطري
زينه... تلتف ال صقر وهو بيتكلم وتترمي ف حضنه
زينه... كنت بتقول انا فين وانتي فين يازينه كنت بتقول أن انت حارس وانا بنت وزير
اكتشفت دلوقتي أن بنت الوزير خلاص ضاعت مستقبلها مش واضح انا واحدة هفضل عايشه ف الظلام مدي الحياة ياصقر
طيب انا اعمل ايه دلوقتي هقابل الناس ازاي بعد كده
لا وكمان مااات وسابني لوحدي أوجه كل ده لوحدي طيب كان يفضل يشيل عني شويه طيب كان يستني علشان افضل أعاتب فيه واقوله ليه يعمل كده
تفضل زينه تتكلم وهي بتعيط لحد ما تفقد الوعي
(منزل صقر)
الباب يخبط
أمنه... افتحي الباب بسرعه ياهاجر
هاجر... تفتح الباب الحقي ياماما دا صقر اخويه
أمنه تجري من مكانه عليه علشان تطمن
صقر... مش وقته يا هاجر بسرعه افتحي الاوضه بتاعتك كل ده وصقر شايل زينه بين ايديه
أمنه... خير يابني ف ايه
صقر... بعدين ياماما المهم دلوقتي انا هدخلها اوضه هاجر وبعدين هاجي اتكلم معاكي
يدخل صقر الغرفه ويضع زينه ع السرير وهي نايمه مش حاسه ب الدنيا
يخرج صقر الي أمه
ويحضنها...
صقر.... وحشتيني ياست الكل انا مش عاوز ابعد عنكم تاني ابدا
تجري هاجر ع اخوها وتفضل تبكي
هاجر... كنت عاوز تموت قبل ما اتجوز ياصقر طيب هات طقم الحلل الاول وتعيط بصوت
صقر... ياعني طقم الحلل اهو مني انا عارف ان احنا عيله عقلها تعبان وأثناء الحديث الفون بتاع صقر يرن
صقر... الو
ساميه... بنتي فين ياصقر انا قلقانه عليها
أمنه تأخذ الفون من ايد صقر
أمنه... بنتك ف الحفظ والصون مش عاوزاكي تقلقي بنتك نايمه ف اوضه بنتي وانا هكون معاها ربنا يصبر قلبكم يارب ع ال انتم فيه
ساميه... انا مش عارفه اشكرك ازاي ربنا يبارك فيكم
(ف صباح ثاني يوم)
يصحي صقر من النوم ع صوت هاجر
هاجر... صقر قوم اصحي
صقر... خير يا هاجر في ايه
هاجر.... اصحي زينه مش موجوده في البيت انا صحيت مشوفتهاش جمبي قوم شوف راحت فين
ولسه بتتكلم ياأتي اتصال ال صقر
صقر.. الو
ياسين... الحق ياصقر زينه هتطلع بث مباشر ع التلفزيون دلوقتي انا هروح اطلع ع الخبر دلوقتي بسرعه روح شوف الموضوع ده
يقوم صقر من ع السرير مسرع ويلبس ويخرج يجري
(ف محطه البث)
المخرج... جاهزة يادكتورة زينه
زينه... ايوه جاهزة
المخرج... ااااكشن
زينه... اهلا انا الدكتورة زينه محمود عفيفي بنت الوزير محمود عفيفي
أبويه مات امبارح اتقتل ب الرصاص طبعا الكل هيتعاطف معاه
لا احب اقولكم أن أبويه سارق خير البلد دي أيوة سارق خيرها ال أجدادنا حافظه عليه ال انا مفروض دكتورة وبستكشف كل ده الكل طبعا فاكر أن انا كنت بستكشف ده علشان والدي يروح يتاجر براحته بقا
بس انتم معاكم حق تقوله اكتر من كده انا لو كنت مكانكم هقول كده بردو
انا بس عاوزه اقول حاجه واحده
اي وزير أو رئيس بيحلف اليمين وهو واثق أن هو مش هيعمل بيه
انت ليه بتعمل كده طيب قدام الله عز وجل هتعمل ايه هتقول ايه ل ربنا انا حلفت بيك يارب وبعدين خنتك طيب ليه الدنيا فيها ايه يستاهل علشان نعمل كده لما يبقى وزير ويعمل كده هنسيب ايه للناس التانيه
انا اسفه اني طولت عليكم بس ارجوكم يبقا فيه رقابه ع الكبير قبل الصغير ف البلد دي
المخرج... كااااات
زينه تقوم من ع الكرسي وتخرج تمشي
طاقم العمل.... دكتورة زينه انتي كويسه
زينه مش بترد وتخرج تلاقي والدتها قدامها تاخدها ب الحضن
زينه... انا غلطانه ياماما
ساميه... لا ياحبيبتي انتي مش غلطانه انتي صح انتي كده صح
زينه تذهب ال المنزل وتحضر شنطة هدومها وتسافر مع ولدتها برا
(بعد مرور سنه من الحادث)
يوم فرح هاجر ع ياسين
ياسين... وأخيراً بقاااا دا انا كنت فاكر أن هو حلم ومستحيل يابت ياهجووور
هاجر... اه انت مفروض تحمد ربنا أن أبيه صقر وافق عليك
صقر ... أبيه داا ايه الاحترام ال ف الآخر ده دا انتي عمرك ماعملتيها
هاجر... بس ياصقر مش تقولي أن انت عندك أصحاب حلوين كده دا انا كده استعجلت
ياسين... نعم ياروح امك
يضحك الجميع
ولسه بيتكلمه وهما ع الكوشه تدخل زينه بطلتها الحلوة وفستانها الرقيق
صقر... بقا واقف مش مصدق نفسه
هاجر... كنت عارفه أن انتي هاتيجي يازينه
زينه... مقدرش مجيش ياهاجر
صقر.... انتم عرفتم بعض كده امتي وكنتي فين كل ده يازينه
هاجر... دا احنا بنتكلم من اول ما سافرت برا يابني
زينه... انا كنت بحاول أخرج من ال انا فيه ياصقر
صقر... طيب انتي دلوقتي كويسه بخير
زينه... انت شايف ايه انا بخير خالص اهوه
ينظر صقر ال زينه نظرة حب زاي ما يكون عاوز يقولها اوعي تمشي تااني انا انتظرت كتير اوي علشان اشوفك تاني
زينه. تنظر ال صقر وتقول
وَيَظُنُّ أَنَّ عَيْنِي قَدْ تَمِيلُ لِغَيْرِهِ , وَلَا يُعْلَمُ بَانَهَا
لَا تَنْظُرْ الَا لِعَيْنَاهُ , وَ يَخَافُ انَّ قَلْبِي يَعْشَقَ سِوَاهُ
وَلَا يَعْلَمُ انَّ قَلْبِي لَمْ يَغْرَقُ الَا بِهَوَاهُ."
صقر يضحك وياخدها ف حضنه
تمت بحمد الله
وايضا زورو قناتنا سما القاهر للروايات
من هنا علي التلجرام لتشارك معنا لك