رواية فاز القلب
الفصل الخامس والثلاثون والأخير 35
بقلم/يارا عبد العزيز
بصتله عائشة بصدمة شديدة و هي مش مستوعبة الجملة
:- دا اللي هو ازاي مش فاهمة هو مش انت قولتلي اني طالق و انا في المستشفى و لا انا كنت بحلم ولا ايه مش فاهمة
نوح بتنهيدة :- انا رديتك في نفس اليوم انتي لسه على زمتي
عائشة بغضب :- و لسه جاي تفتكر تقول
نوح بغضب :- انا مكنتش هقول بس انتي اللي اضطرتيني اعمل كدا بسبب تصرفاتك و انك ماشية تقولي لي دا و دا انك مطلقة لا انتي عمرك ما هتتحرري مني غير بعد موتي....
عائشة بغضب مفرط:- كنت قولتلي انت عارف انا عيشت ايه بسببك عارف كمية الوجع... اللي انا كنت فيها بسبب انك طلقتني و لا نسيت صح انت المهم عندك انت و بس تبقى مرتاح مش مهم اي حد تاني
نوح :- انا مبقتش فاهمك انتي عايزة ايه بالظبط و الله ما بقيت فاهمك
عائشة بتنهيدة:- عايزة اروح وصلني عند بابا لو سمحت
نوح مسك ايديها بحب :- انا و الله ما كنت هقول عشان تاخدي وقتك في البعد و التفكير تعرفي برغم ان بعدنا لكن عمرك ما بعدتي عني لحظة كان لازم بيحصل حاجه تخليني اجيلك تاني و نبقى مع بعض تحسي ان ابننا هيفضل رابطنا ببعض لاخر عمرنا
عائشة ببأبتسامة:- برغم انه اتعرض للخطـ...ر اكتر من مرة الا انه متبت في الدنيا و مش عايز يسيبه في الاول انت لحقته و بعدين خالد
نوح بأستغراب:- مش فاهم خالد ازاي
عائشة :- هو مقالكش
نوح :- مقليش ايه ايه اللي حصل
عائشة بدأت تحكيله عن الستات اللي حاولوا انهم يسقطـ.وها و بدأت تحكيله اللي حصل بالتفصيل
نوح دور العربية بغضب مفرط من غير ما يتكلم عائشة استغربت سكوته بس قاطع سكوتهم صوت عائشة
عائشة:- هو انت كويس
نوح :- خالد في القسم صح امك قالت كدا انا هطلعك على البيت و اروحله
عائشة:- تمام
وصل نوح عائشة البيت و راح القسم عند خالد و طلب يشوف الستات دول
خالد :- هم جاين دلوقتي حاول تهدا
هز راسه بغضب مفرط
دخلوا الستات و وقفوا التلاتة ، نوح خد مسـ..دس خالد بسرعة و راح وقف قدامهم
خالد بخوف:- نوح متعملش حاجه تندم عليها اهدى
نوح تجاهله و هو بيحط المـ..سدس في راس واحدة فيهم بغضب مفرط
نوح بصوت جهوري:- مين اللي قالكوا تحاولوا تأذوا.... مراتي و تنزلوا... ابني اخلصي انتي و هي بدل ما هفجـ..ره في دماغكم واحدة واحدة
واحدة من الستات بخوف :- هنقولك يبيه بس بلاش المسـ..دس
نوح بصوت عالى جدا:- اخلصييي
:- الست الست صفاء هانم عمة حضرتك هي و بنتها هي بنتها متفقتش معانا بس احنا عرفنا انهم هم الاتنين
نزل نوح المسـ..دس بصدمة شديدة من ان عمته ممكن تعمل حاجة زي كدا و في مين في حفيدها
داليا كانت قاعدة في الصالة و فجأة جرس الباب رن قامت تفتح اتفاجأت بعمار واقف قدامها
عمار ببأبتسامة:- ازيك انا جارك الجديد ساكن في الشقة اللي قصادك ملاقيش عندك شوية فلفل اسمر لو سمحتى
داليا ضحكت غصبن عنها:- دا انت مش طبيعي بجد
عمار بحب :- يمكن عشان بعشقك مثلا
داليا:- سيبت البيت ليه
عمار:- مبقتش قادر اقعد فيه مش عايز غير اني ابقى معاكي انتي و بس
داليا:- عمار ان لسه في عدة طليقي مينفعش
عمار:- انا مش هعمل اي حاجه خالص و بعد ما العدة تخلص لينا كلام تاني بس فكري هو دا كل اللى انا طالباه منك و بس يا داليا
داليا:- تصبح على خير انا عايزة انام
عمار ببأبتسامة:- طب و الفلفل الاسمر
داليا:- تصبح على خير يعمار
قالت كلامها و قفلت الباب براحة و هي حاسة بفرحة من اهتمامه بيها
داليا:- استغفر الله العظيم مينفعش دلوقتي خالص
صفاء كانت قاعدة في البيت و قامت مفزوعة هي و سارة على صوت الجرس و خبط الباب فتحت الباب و انصدموا لما شافوا نوح و خالد و معاهم الشرطة بصتلهم بخوف شديد
نوح :- مالك مصدومه كدا ليه دا حتى دي زيارة متوقعة ولا كنتي مفكرة انك مش هتنكشفي
صفاء بخوف شديد:- قصدك ايه
نوح بغضب مفرط :- قصدي انتي عارفه كويس بس لييييه هاااا ليييه يعمتي دا ابني كنتي عايزة تقـ..تلي ابني اللي لسه مجاش الدنيا ليييه كل دا عشان تبعديني عن امه و تجوزيني بنتك
صفاء بغضب :- كنت بحميك منها البت دي مبتحبكش و من ساعة ما اتجوزتها و انت مشوفتش معاها يوم عدل
نوح :- تقومي تسلطي ستات يروحوا و يحاولوا يسـ..قطوها
صفاء :- نوح اسمعني
نوح بمقاطعة و صوت عالي جدا ارعبهم :- مش عايز اسمع منك اي حاجه كفاية بقى كفاية كل اللي حصل بسببك لو مكنش خالد لحق عائشة في الوقت دا كان زمان ابني ما...ت و مراتي حياتها في خطـ..ر انتي ايه يشيخة جبرووووت
صفاء كانت لسه هتتكلم بس العساكر مسكوها هي و سارة
سارة ببكاء:- و الله يا نوح قولتلها بلاش بس هي اللي مرديتش انا مليش دعوة
نوح تجاهلها و خدتهم الشرطة و مشيوا ، خالد مشي معاهم و نوح طلع شقته
بعد مرور شهر
حياة كانت راجعة من الدرس و لاقيت بابها قاعد في الصالون
عاصم :- جت بنتي الشاطرة
حياة ببأبتسامة:- مساء الخير يا بابا
عاصم :- مساء النور يحبيبتى تعالي كنت عايزك في موضوع مهم
حياة :- خير
عاصم :- فيه واحد متقدملك
حياة كانت لسه هتتكلم بس قاطعها صوت مازن العالي جدا و اللي هز اركان الڤيلا
مازن : متقدملها ازاي و هي متجوزة يا عمي
عاصم بغضب :- ايه دا انت ازاي دخلت هنا
مازن بغضب :- مش مهم المهم اللي انت قولته دلوقتي متقدملها ازاي و بنتك لسه على زمتي
عاصم :- احنا رفعنا قضية الطلاق خلاص و عاجلا ام اجلا هنكسبها و هطلق بنتي منك
مازن بغضب :- الكلام دا على جثـ..تي
حياة كانت بصالهم بخوف شديد و هي حاسة ببعض الدوخة
حياة :- مازن امشي دلوقتي لو سمحت
مازن بغضب :- اسكتي انتي مش شايفة ابوكي بيقول ايه
عاصم بغضب :- أعلى ما في خيلك اركبه يا ابن علي انت هتطلق بنتي يعني هطلقها
مازن كان لسه هيتكلم بس قاطعها صوت حياة القوي و هي بتقع على الارض جري عليها مازن و عاصم بخوف شديد
مازن بخوف :- حياة حياة ردي ايه اللي حصل حياة حد يطلب الدكتور بسرعة
رن عاصم على الدكتور اللي جيه في غضون ربع ساعة
مبروك المدام حامل
بصله عاصم بصدمة شديدة عكس مازن اللي كان فرحان جدا بالخبر و حياة كانت مبسوطة جدا بس خايفة من رد فعل عاصم
مازن قعد جنب حياة بحب كبير و فرحة :- حياة انتي حامل يعني احنا هنكون اب و ام
كمل و هو بياخدها في حضنه :- انا اسعد واحد في الدنيا و الله
عاصم بصدمة:- ازاي حصل دا
مازن :- دي مراتي يا عاصم بيه و دلوقتي حامل بي ابني كمان انا مستحيل أطلقها.... مستحيل
عاصم و هو بيبص لحياة :- مقولتيش ليه يحياة سلمتيله نفسك سلمتي نفسك لي اكتر واحد اذاكي..... و بلتي نفسك بحتة منه دلوقتي بقيت في بطنك ليه يبنتي
حياة :- بابا مازن اتغير و هو بيحبني و انا كمان بحبه لو سمحت يا بابا متقفش في طريق سعادتي لو سمحت
عاصم :- يعني انتي عايز تروحي معاه
حياة :- ايوا يا بابا و انا متحملة نتيجة اختياري
عاصم :- روحي يحياة بس الغلطة الجاية بفورة يا ابن عالي صدقني لو جت بس اشتكيت منك لتكون مطلقها و غصبن عنك
مازن بفرحة شديدة:- اوعدك اني عمري ما هزعلها اوعدك
خرج عاصم و سابهم
مازن بفرحة شديدة:- انا بعشقك هو احنا خلاص اتصالحنا صح حياة انتي وافقتي ترجعيلي
حياة :- بس هفضل خايفة يا مازن اتمنى انك متخلنيش اندم على قراري دا
مازن :- اوعدك اني عمري ما هزعلك... و اني هخليكي اسعد انسانة في الدنيا و انتي معايا
عائشة:- ماما انا مبسوطة اوي اوي
عزة :- و ايه اللي باسط قمورتي اوي كدا
عائشة:- الدكتورة قالتلي اني ابتديت في التاني ههههههههه كل اما ابني بيكبر اكتر بفرح اوي عشان بيقرب يخرج و هشوفه و اشيله على ايدي
عزة :- و لما يخرج و يلاقيكي بعيدة عن ابوه هو هيبقى مبسوط
عائشة:- امممممم اكيد لأ
عزة :- يبقى ليه يعائشة مش كفاية كدا بقى يحبيبتي مش كفاية كدا على جوزك دا مبطلش مجي هنا طول الشهر اللي فات و محاولات عشان ترجعيله مش كفاية على قلبه وجع... بقى و على قلبك انتي كمان انا عارفه انك لسه بتحبيه
عائشة:- انا ضايعة و مش عارفه اعمل ايه انا بحب نوح اوي بس في نفس الوقت مش عارفه انسى
عزة :- ما انتي مدتتيش لنفسك فرصة تنسي يحبيبتى مينفعش نفضل واقفين في مكانا و نقول هننسى ادي لجوزك فرصة لو مش عشانك و عشانه عشان ابنك يستحق يعيش مع امه و ابوه
عائشة:- يعني اعمل ايه
عزة :- ترني على جوزك تقوليله يجي ياخدك
عائشة بتفكير:- لا مش هرن هروح انا لوحدي و هعمله مفاجاه ايه رأيك
عزة بفرحة:- الف بركة يحبيبتى ربنا يكملك بعقلك كمان و كمان
دخلت عائشة و لميت هدومها و خدت شنطتها و راحت بيتها هي و نوح بعد حوالي تلت ساعات كان رجع نوح من الشغل
عائشة:- هو اتأخر اوي كدا ليه ادي عيب.... اللي يتجوز دكتور
فتح نوح الباب و اتفاجأ جدا من اللي قاعدة في الصالة مستنيها
نوح راح بسرعة و قعد جانبها:- انتي بجد
عائشة:- اوماااال يعني بهزار
نوح بفرحة شديدة:- لا لحظة لحظة كدا انتي مش جاية تاخدي حاجه من الشقة او
عائشة قاطعته و هي بتحط ايديها على بوؤه:- انا بحبك و اكتشفت اني مقدرش اعيش من غيرك
نوح بفرحة شديدة:- قولي و الله
عائشة ببأبتسامة:- و الله
حضنها بقوة و هي بيمسك فيها و خايف تسيبه تاني:- انا بعشقك
عائشة:- و انا كمان
بعد مرور سبع شهور كانت الساعة اتنين بعد نص الليل
عائشة:- نوح نوح قوم انا شكلي بولد
نوح :- نامي يحبيبتي
عائشة:- و الله شكلي بولد المرة دي
فتح عينيه بسرعة:- طب اهدي و خدي نفس ماشي اهدي
عائشة بألم شديد و صوت عالي:- بسرعة بالله عليك انا مش قادرة
شالها بسرعة بعد ما لابسها اسدال و حط طرحة على شعرها و خرج و اتجه للمستشفى
خالد :- خلاص يا عم انت خيالتنا رايح جاي فيه ايه
نوح :- يا رب استرها يا رب اكيد هيبقوا كويسين
محمود :- متخافش يحبيبى هيبقوا كويسين هم الاتنين
خرج الدكتور راحوا كلهم عنده
مبروك جالك ولد زي القمر
حمد نوح ربنا و كل الموجودين حمدوا ربنا
في غرفة عادية في المستشفى عائشة كانت ماسكة البيبي و نوح جانبها
عائشة بدموع:- شكله حلو اوي صح
نوح و هو بيمسح دموعها:- شبهك
عزة :- يتربى في عزكوا يا رب
عائشة:- هنسميه ايه
نوح :- مروان ايه رأيك
عائشة:- جميل اوي يحبيبى
خالد اول اما شافهم جت في دماغه داليا و اتخيلهم و هم قاعدين مكان نوح و عائشة خرج من المستشفى بعد ما باركلهم و راح عند داليا
داليا كانت قاعدة و اول اما سمعت الجرس قامت تفتح انصدمت اما لاقيت خالد
داليا:- خالد
خالد :- ايه مش هتقوليلي ادخل
داليا:- انا قاعدة لوحدي و جوزي مش موجود هنا
خالد بصدمة شديدة:- جوزك
داليا:- ايوا انا اتجوزت عمار ابن خالي من تلت شهور و حاليا حامل في الشهر الاول
خالد بفرحة مزيفة :- مبروك
داليا:- الله يبارك فيك
خالد :- سامحيني يا داليا
داليا:- تعرف لو كنت جيت قبل ما عمار يدخل حياتي كنت هقولك استحالة اسامحك بس ربنا طلع عوضه جميل اوي جميل لدرجة انه نساني كل صعب عيشته في حياتي ربنا يوفقك انا خلاص مبقتش زعلانة منك
خالد :- ربنا يريح قلبك عن اذنك
داليا:- اتفضل
مشي خالد و داليا قفلت الباب
داليا و هي بتحط ايديها على بطنها:- تعال نرن على بابا نشوفه اتأخر ليه
حياة كانت قاعدة بتاكل فشار و بتعيط في نفس الوقت
مازن :- مالك يحبيبتى
حياة :- مش عارفه حسيت اني عايزة اعيط فعيطت
مازن خدها في حضنه بحب كبير و ابتسم:- تيجي نعيط سوا
حياة و هي بتمسك فيه:- مش عارفه لو مكنتش معايا الفترة دي كان ممكن يحصلي ايه محدش مستحمل تقلباتي المزاجية زيك بجد شكرا لوجودك ربنا يديمك ليا
مازن :- انا بعشقك بكل تقلباتك المزاجية دي و بعدين الدكتورة قالت ان دا من الحمل كلها شهر و هتولدي
بعد مرور سنة مازن و حياة جابوا بنوتة زي القمر و سموها سيدرا و عمار و داليا جابوا ولد سموه أسر و خالد اتجوز نور صاحبة عائشة بعد ما حس بميل ليها و هي كمان بدلته نفس الشعور و هي حاليا حامل في التالت
عائشة بضيق :- يبني بطل عياط بقى اعمل ايه اكتر من كدا ناقص اقلب ارجوز عشان تضحك و تبطل عياط
نوح خرج من الحمام و بصلها و ابتسم :- بتكلمي نفسك
عائشة:- بكلم ابنك اللي مش مبطل عياط دا تعال شوفه كدا
نوح راح عندهم و شال مروان على ايديه و مروان بدأ يسكت
عائشة بصدمة:- دا ازاي
نوح :- ابنك بيحب يشوفنا مع بعض و بيزعل لو كنت هنا و مش قاعد معاكوا من ساعة ما كان في بطنك و هو مبيحبنيش ابعد عنكوا
عائشة:- هيطلع بيحبك اوي على فكرة
نوح :- تؤ تؤ هو بيحب منبعدش عن بعض بيحبني انا و انتي بنفس الدرجة
عائشة:- بس انا بحبك اكتر منه على فكرة
نوح ببأبتسامة و هو بيحضنها و شايل ابنه:- و انا بعشقك يعمري ربنا يديمكوا ليا و ميحرمنيش منكوا ابدا
تمت بحمد الله
وايضا زورو قناتنا سما القاهر للروايات
من هنا علي التلجرام لتشارك معنا لك
كل جديد من لينك التلجرام الظاهر امامك