رواية فاز القلب
الفصل السادس 6
بقلم/يارا عبد العزيز
و فجأة فتحت عائشة عينيها و بعدت عنه ، فتح نوح عينيه و بصلها باستغراب من بعدها و استنها تتكلم
عائشة :- انا مش عايزة دلوقتي عايزة و انت معايا تكون بقلبك و عقلك مش بقلبك بس يا نوح مش عايزاك تندم على اللي هتعمله عشان وقتها مش هستحمل
نوح بصلها بألم شديد و كان حابس دموعه من النزول بس سرعان ما اتحولت ملامح وشه للسخرية
نوح :- و الله يعني هو دا السبب
بصتله بانتباه و استغراب كمل و هو بيمسك ايديها بكل قوته
يعني مثلا مش عايزيني اقرب لانك لسه بتفكري فيه عايزة تحافظي على نفسك مثلا عشان حبيب القلب
بصتله بصدمة شديدة من كلامه و مرة واحدة لاقى قلم... قوي منها نازل على وشه
نوح بغضب مفرط:- انتي اتجننتي بتمدي... ايديك عليا
عائشة بصتله بخوف شديد من اللي عملته و كمان الغضب اللي كان باين على ملامحه كل دا رعبها بمعنى الكلمة
نوح بغضب مفرط و هو بيمسك شعرها بقوة :- تصدقي بالله انتي بجد ما ينفع معاكي الاحترام بعد كدا و القلم... اللي خدته منك هرده
عائشة بصتله بدموع و صدمة كبيرة فيه ، ساب شعرها و قام و اداها ضهره سمع صوت جرس الباب راح يفتح لاقها عمته و سارة بصلهم و دخل و قعد على الكنبة دخلوا وراه
صفاء :- طب ما تقولوا اتفضلوا حتى يا ابن اخويا
نوح ببرود:- يعني هو انتي كنتي مستانيني اقول يعني يعمتي ما انتي دخلتي اهو
سارة :- اوماال عائشة فين
نوح كان لسه هيتكلم بس لاقى عائشة خارجة و هي بتبتسم
عائشة:- اهلا نورتوا
نوح استغربها بس عرف انها مش عايزة تشمت حد فيها ضحك بألم و سخرية و عائشة بصتله بغضب حاولت تداريه
صفاء بشك :- هو فيه حاجه ولا ايه
نوح وقتها استغل الفرصة و راح عند عائشة و حط ايديه على كتفها و هو شبه واخدها في حضنه ابتسمت غصبن عنها
نوح :- هيكون فيه ايه يعني فيه عريس و عروسة بيعشقوا بعض لسه متجوزين انبارح صح يحبيبتى
عائشة ببأبتسامة مصطنعة:- اه
سارة بصتلهم بغيظ شديد
عائشة بصيت لنوح و اتكلمت بهمس:- مش بقولك مريض ابعد احسنلك
نوح ببرود و همس :- اتظبطي بقى عشان مزعلكيش مني
سارة بغضب :- الباب بيخبط مش هتروح تفتح يا نوح
نوح راح فتح الباب لاقه خالد و اروى خد خالد بالحضن خالد و نوح اصحاب مقربين جدا
نوح ببأبتسامة:- مستنيك تيجي من الصبح
خالد:- مبارك يعريس
نوح:- تعالوا اتفضلوا
دخلوا اروى و خالد و سلموا على عائشة و كل الموجودين
خالد خد عائشة بالحضن تحت نظرات الغيرة من نوح:- صباحية مباركة يحبيبة اخوكي
عائشة مسكت فيه بقوة:- وحشتني وحشتني اوي
اروى في نفسها:- مش عارفه انا ايه المسكنة دي واحدة مع نوح هتبقى عايزة ايه تاني
و بعدين وجهت نظرها لنوح بصتله بأعجاب شديد
نوح راح عندهم و بعدهم بغيرة شديدة منه
خالد ببأبتسامة:- يعم دي اختي يا عم فيه ايه الواد دا طول عمره غيور كدا
نوح و هو بياخد عائشة في حضنه بتملك :- دلوقتي بقيت مراتي يباشا محدش يحضنها غيري
خالد بصله و ابتسم و طلع العلبة اللي فيها الخاتم و فتحه و اداه لعائشة
خالد :- دي حاجه صغيرة كدا انا عارف ان مفيش حاجه من مقامك
عائشة:- الله جميلة اوي روعة ربنا يديمك ليا يحبيبى
خالد:- دا إختيار اروى
عائشة :- شكرا يا اروى
وقتها قامت صفاء و راحت عندهم :- وريني كدا يا عائشة عايزة اشوفه
عائشة :- اتفضلي يا عمتي
صفاء بصتله بفحص و تمعن و اتكلمت بسخرية :- و دا عيار كام دا يا اروى
اروى بتوتر و خوف شديد:- ٢١ يطنط
صفاء بسخرية :- و الله ٢١ دا تقليد مش دهب حقيقى
بصلها الجميع بصدمة شديدة و خصوصاً اروى اللي بقيت بتصب عرقا من توترها و خوفها الشديد
نوح :- ايه اللي انتي بتقوليه دا يا عمتي
صفاء:- زي ما سمعت يا عين عمتك ايه يا خالد جايب لاختك دهب صيني طب كنت جبت اتنين كيلو فاكهه احسن
خالد بص لي اروى و راح وقف قدامها و اتكلم بغضب :- دا ازاي
اروى بتوتر شديد:- هفهمك هو هو و الله
خالد كان لسه هيمد... ايده عليه بس نوح وقف قصاده:- خلاص فيه ايه حصل خير و احنا اصلا مكناش عايزين حاجة كفاية وجودك
خالد جز سنانه بغضب شديد و بص لعائشة و حس انه احرجها بشدة قصاد اهل جوزها اتمنى لو يضرب.... اروى أو حتى يطلقها على الموقف اللي حطيت اخته فيه رجع بص لي اروى بغضب شديد اروى بصتله بخوف
اروى:- انا عملت كل دا عشانك
خالد بغضب و صوت عالي ارعب الكل :- اخرسي مش عايزة اسمع منك حاجه لينا بيت نتكلم فيه يلا
كمل و هو بيبص لنوح: معلش يا نوح انا مضطر استأذن دلوقتي و هبقى اجاي في وقت تاني
نوح :- و لا يهمك
خالد راح عند عائشة و قبل رأسها بحب اخوي:- حقك عليا انا و الله انصدمت زي زيك
عائشة:- اللي حصل دا خير ليك عشان حاجات كتير توضحلك و تعرف اني مكنتش بتبلى على مراتك ابدا و انا واثقة انك هتاخد القرار الصح
خالد وقتها افتكر اما كانت عائشة ديما تتخانق هي و اروى و ديما كان بيقف مع اروى لانه كان بيصدقها
خد اروى و خرج من الشقة
صفاء بسخرية:- هههههه و الله عال مفكرين انهم هيضحكوا علينا دا ايه العيلة دي مناسب ناس بيتعملوا بالتقليد لا و الله نسب يشرف فعلا
نوح بغضب جحيمي:- عمتي مش عايز اي كلام في الموضوع دا تاني و اي حد هيغلط في مراتي أو في اي حد من عليتها مش هرحمه و هزعله جامد و اتفضلوا بقى عايز انفرد بمراتي شوية لوحدنا
صفاء بصتله بأحراج هي و سارة و كانت لسه هتخرج من الباب بس بصيت لنوح و اتكلمت:- خليك فاكر اني حذرتك منهم و بكرة تشوف ان كلامي صح
نوح:- خدي الباب وراكي بقى
بصتله بغيظ و رزعت.... الباب وراها و مشيت
عائشة بصيت لنوح و وطيت راسها في الأرض:- انا اسفة على الموقف السخيف اللي حصل بسبب مرات اخويا
نوح رفع وشها و اتكلم بحدة:- اوعي تاني مرة توطي وشك في الارض حتى لو عشان مين انتي فاهمة
بصتله و ابتسمتله وقتها حسيت انه لسه زي ما هو لسه بيخاف عليها فضلوا يبصوا لبعض فترة و كأنهم بيسمحوا لعيونهم تقول هم اد ايه بيعشقوا بعض بس فاقوا هم الاتنين على مسدج جاية لعائشة بصيت للفون بصدمة شديدة و خوف كانت المسدج من مازن
انا عارف كويس اوي انك اتجوزتيه عشان تضايقني و تاخدي حقك مني عارف ان قلبك محبش و لا هيحب غيري زي ما انا عمري ما هحب غيرك اكيد جوازك مش هيستمر اطلقي منه يا عائشة و خليكي مع اللي قلبك اختاره خليكي معايا و انا هعمل كل حاجه عشان اسعدك "
بصيت للمسدج بصدمة شديدة و خوف شديد من نوح
نوح :- مالك مين بعت المسدج
عائشة بتوتر و خوف:- هااا لا مفيش حاجه دا الشركة
نوح :- و ايه التوتر دا كله وريني كدا