رواية فاز القلب
الفصل الثاني والعشرون 22
بقلم/يارا عبد العزيز
سمعت صوت حركة مازن و هو جايي و كمان شميت ريحة البرفن بتاعه اديت الفون للممرضة
حياة بخوف :- خلاص اتفضلي مش عايزة امشي لو سمحتي
الممرضه:- انا هرن على الشرطة
حياة :- لا امشي بالله عليكي دلوقتي امشي
الممرضه باستغراب:- ماشي
مازن جيه و حياة قعدت بسرعة على الكرسي اللي وراها
مازن :- جبتلك عصير اهو يحبيبتى لسه مهبطة
اول مرة تسمع منه كلمة حبيبتى حسيت ان قلبها بدأ ينبض خدت نفس عميق و اتكلمت بعصبية
مش عايزة حاجة خليه لنفسك
مازن بصدمة:- ايه دا فيه ايه اي التحول دااا ما كانا كويسين من شوية
حياة بدموع :- طلقني و وديني لبابا يا مازن ارجوك و الله و انا هحاول اسامحك بس طلقني كفاية عليا اللي انا فيه لو سمحت
مازن بغضب و ضيق :- يوااااه هو اللي هنعيده هنزيده كل شوية قولتلك مش هطلقك انتي فاااهمة و بلاش تختبري صبري عليكي اكتر من كدا و انتي هتسامحيني و انتي معايا
ويلا بقى عشان دورك عند الدكتور جيه
حياة في نفسها:- يا رب انقذني منه يا رب اي معجزة من عندك
نوح رجع البيت مع سارة و صفاء دخلوا بيتهم بعد ما جابوا الدبل و هو طلع شقته هو و عائشة
دخل اوضة النوم ملاقهاش موجودة بدأ يدور عليها في البيت كله و ملاقش ليها اثر فتح الدولاب بخوف و ملاقاش هدومها
نوح بغضب مفرط: لييييه يا عائشة ليييه
خرج من البيت بسرعة و نزل راح العمارة اللي فيها أهل عائشة ، فتحت صفاء الباب
عزة :- اهلا يا نوح تعال يحبيبى
دخل نوح البيت
عزة :- اوماال عائشة فين مجتش معاك ليه
نوح حس ان قلبه وقف و اتكلم بخوف شديد:- هيي مش هنا
محمود :- لا مش هنا هي مش في بيتك
نوح :- عائشة خدت هدومها و مشيت من البيت انا قولت انها جت هناا
عزة اتكلمت بخوف شديد
يعني ايه لمت هدومها و مشيت ايه اللي انت بتقوله داااا
محمود :- اهدي يا صفاء نفهم انتوا اتخانقـ..توا تاني مع بعض يا نوح
نوح بعصبية:- هتكون راحت فييين بنتك راحت فين يا عمي محمود لو هي قايلكلكوا تقولوا كدا عشان هي مش عايزة تروح معايا قول
محمود :- انت بتقول ايه يا نوح و احنا هنخبيها ليه يعني انا المرة اللي فاتت وقفت معاك عشان بنتي اللي غلطت لكن انا دلوقتي من حقي اعرف عملت ايه في بنتتتي و هي فين دلوقتي
نوح بعصبية:- معرفش معرفش و الله
وقتها دخل خالد :- فيه ايه مالكم
عزة بدموع:- اختك مشيت من بيت جوزها و مجتش على هنا هتكون راحت فين شوف اختك فين يا خالد دي لسه تعبانة يا رب تحميها يا رب
خالد:- اهدي بس يا ماما كمل و هو بيروح يقف قدام نوح و بيتكلم بعصبية مفرطة و غضب :- عملت ايه لاختي خلاها تمشي يا نوح و ايه اللي حصل ما بينكم و بعدين جايي تقولنا هي فين و احنا مستأمنينك عليها
نوح بعصبية:- خالد و الله هي ما ناقصك نلاقيها الاول و بعدين نبقى نشوف اللي انت بترغي فيه داااا
خالد :- ما هو اختي مختفية بسببك عملت فيها
كمل بغضب :- قول بدل ما و الله هزعلك مني و جامد وديت اختيي فين
نوح تجاهله و بص لعزة :- خالتي لو جت رني عليا و عرفيني انا هروح اشوفها عند نور صاحبتها يمكن تكون رحتلها
نور :- عائشة انتي متأكدة ان اللي عملتيه دا صح
عائشة بدموع :- عايزني اقعد معاه و اشوفه بعيني و هو قاعد يزلـ..ني و اشوفه و هو مع واحدة تانية دول راحوا يجيبوا الدبل يا نور فاهمة يعني جوزي اللي حبيته من قلبي عايز يتجوز عليا و قدام عيني مكنتش هقدر
نور خدت عائشة في حضنها و عائشة فضلت تبكي بشدة
نور:- اهديييي يحبيبتى اهدييي حقك على قلبي و الله
عائشة ببكاء:- قلبي وجعاني اوي يا نور من ساعة ما اتجوزنا و انا عايشة في جحيم و الله العظيم ما بحب مازن و الله العظيم ما بحبه انا بقيت بكرهم كلهم
نور فضلت تبطبطب عليها لحد اما عائشة هديت
نور :- هتعملي ايه
عائشة:- هدور على شغل و هشتغل و هعتمد على نفسي مش عايزة حاجة من حد
نور :- طب و اهلك هتعملي معاهم اييه
عائشة :- ابويا مرضيش ياخدني عندهم لما قولتله عايزة اطلق وقف مع نوح من غير ما حتى يسألني ايه اللي وصلني لاني احاول اقـ...تل ابني
نور :- طب روقي و هنعدي الفترة ديي مع بعض بس يا عائشة ابنك من حق ابوه انه يعيش معاه
عائشة و هي بتنسد راسها على المخدة:- انا هربي ابني بنفسي مش عايزة من حد حاجة
نور :- ماشي يحبيبتى ريحي دلوقتي و نبقى نكمل كلامنا بعدين
عائشة '- لا مش عايزة انام انا هخرج اقعد برا في الصالون شوية
اروى كانت ماشية في المول و مركزة في الفون بتاعها و هي نازلة السلم و فجأة اتكعبلت و وقـ..عت من على السلم
يحبيبتى يبنتي حد يطلب الاسعاف بسرعة
بصيت اروى بألم شديد للناس اللي موجودين حواليها و بعدين رجعت بصيت لنفسها و هي شايفة الد....م بينزل منها بصتله بخوف شديد و اتكلمت بهمس
ابني
قالت الكلمة دي و اغمى عليها ، اسعفوها و نقلوها المستشفى بسرعة
عائشة و نور كانوا قاعدين في الصالون و فجأة الباب بدأ يخبط بقوة
عائشة بخوف :- مين دااا
نور :- مش عارفه هقوم افتح
عائشة:- استني يا نور بصي الاول من العين السحرية و شوفي مين قبل ما تفتحي
نور :- حاضر
بصيت للعين السحرية بصدمة شديدة و اتكلمت بهمس:- عائشة دا نوح
عائشة بخوف شديد و هي بتبلع ريقها:- اييييه هعمل اييه
نور :- بصي ادخلي انتي جوا و انا هقوله انتي مش هنا
عائشة بخوف :- ماشي
دخلت عائشة جو و نور اتنهدت و فتحت الباب
نور :- نوح ازيك عامل ايه
نوح :- عائشة هنااا
نور :- عائشة لا مش هنا هو انت مش لاقيها و لا ايه
نوح :- يعني هي مش عندك
نور :- لا مش عنديي هو كويسة صح
نوح بعصبية :- لو كلمتك ابقي قوليلي و قوليلها ارجعي احسنلك و قوليلها انك لو حتى في المريخ نوح هيجيبك
نور بخوف :- ما ماشي
عائشة كانت واقفة ورا باب الأوضة و سامعه جت تتحرك بخوف وقعـ..ت الكرسي اللي كان وراها
عائشة بخوف شديد وهمس :- يختاااي
نوح :- هو مش انتي عايشة لوحدك الصوت دا جاي منين
نور بتوتر :- هااا هت هتلاقيها قطة دخلت من الشباك ولا حاجه اصلي سايبه مفتوح
نوح لاحظ توترها راح ناحية الاوضة