قصة فرق سن
البارت الثالث 3
بقلم/منه محمد
في اليوم التالي كانت مع صديقتها ف الكليه وحكت لها كل شئ حدث معاها في الفتره الاخيره
شروق بحماس : ايوه بقي حب الطفوله رجع و الشقاوه هتتبدتي
نهى : نقطيني بسكاتك كده
شروق : الله ومالك مضايقه ليه انت مش قولتي انك بتحبيه
نهى : ايوه بس محتاجه وقت عشان اعرف مشاعره ناحيتي ايه؟
شروق : انت مش بتقولي متربين سوا
نهى : ايوه بس مش عارفه حاسه اكنه بيعاملني زي الطفله
شروق : لااا ده تلاقيه عشان لسه راجع م السفر مش فاكر حاجه
نهى : يمكن
شروق : طب صحيح هتعملي مع زياد
ضربت يدها علي رأسها و كأن الموضوع غاب عنها تماماً : اااخ انا نسيت ده هايولع فيا
شروق : ليه؟
نهى : عشان رن عليا امبارح و انا كنسلت عليه وقفلت التلفون
شروق : يالااااهوي ده اخر مره عملتي كده عمل معاكي خناقه كبيره وقعدنا اسبوع نراضي فيه، ده لو شافك دلوقتي هايعمل منك كفته
واثناء ما كانوا يتحدثن لمحوه من بعيد
نهى : يالاهوي ده زياد احنا لازم نستخبي منه بسرعه قبل اما يشوفنا
شروق : هنروح فين؟
نهى : حمام البنات ده المكان الوحيد اللي لا يمكن يدخله (دماغ شغاله مش بتنام)
عاد "حسن" من الخارج، ف وجد والدته و هي خارجه من المطبخ و ترتدي مريله المطبخ و ترتب راسها بوشاح (رتبه الامهات) وتمسك بالمغرفه في يدها
كوثر وهي تضع يدها في خصرها : كنت فين يا شملول ؟
حسن : كنت زهقان فقولت اتمشي، ثم اكمل وهي متعجباً من هيئتها : ليه في حاجه يا ماما !!
كوثر : طب مدام انت زهقان من قعده اوي كده انزل هتهلي طلبات البيت بدل ما انت لازم تتسرمح
حسن : حاضر يا ماما
كوثر : امسك ، و اعطته ورقه كبيره جعلته يحدق فيها بصدمه
حسن : كل ده !!
كوثر : دي طلبات الشهر كله ولا اخليك تزل كل يوم تجيب طلبات اليوم بيومه
حسن : لا انزل اجيبهم مره واحده احسن، و ادار ظهره ليغادر
كوثر : استني
حسن : ايه تاني يا ماما
كوثر : بعد ما تخلص تعدي علي بنت عمتك ف الكليه
حسن : ليه؟
كوثر : هو ايه اللي ليه عشان توصلها و لا عايز البت تروح لوحدها
حسن : ما هي بتروح لوحدها عادي
كوثر : حسنننن
حسن : حاضر حاضر
شروق : وبعدين بقي احنا هنفضل محبوسين هنا؟
نهى : استني بس شويه و نبقي نطلع
شروق : شويه ايه احنا بقالنا نص ساعه هنا
امام باب الكليه نزل من السياره
حسن : طب الاقيها فين دي انا دلوقتي، ثم اخرج هاتفه واجري مكالمه : الو ايوه يا ماما بقولك ايه معكيش رقم نهى، وانا هجيبه منين لما سافرت مكنش لسه عندها تلفون اصلا، طيب حاضر ابعتيه يلا، سلام
كانت تختلس النظر كي تتأكد انه غير موجود
شروق : ها مشي
نهى : مش عارفه
فجاه سمعوا صوت رنين الهاتف
نهى : يالاهوب ده اكيد هو اللي بيتصل اعمل ايه دلوقتي
ف الاسفل
حسن : و بعدين بقي دي شكلها حد تنك ومييردش علي ارقام غريبه
شروق : بقولك ايه ردي وخلاص هي موته ولا اكتر يعني
نهى : اه ما انت مش غرمانه حاجه، نظرت إلي الهاتف ف وجدته رقماً غريباً : ده رقم غريب !!
شروق : عادي هتلاقيه هو بس بيتكلم من تلفون حد تاني ماهو بخيل ما بيشحن رصيد
نهى : الو
حسن : ازيك يا نهى
نهى : مين معايا
حسن : انا حسن
ابعدت الهاتف عنه اذنها وضعت يدها مكان السمعه ثم التفت بصديقتها بهمس : ده حسن
شروق : بجد !!
نهى : هوووس وطي صوتك، ثم اكملت بنره رقيقه : ايوه يا حسن
حسن : انت روحتي فين؟
نهى : معلش بس كنت بكلم صحبتي
حسن : طب انت فين؟
نهى : ليه؟
حسن : لا اصل كنت معدي من هنا فقولت اوصلك لو خلصتي ولا انت لسه مخلصتيش محاضرات
نهى : لا لا خلصت طب انت فين طيب وانا هجيلك
حسن : انا واقف عند باب الكليه من بره
نهى : طب ثواني و هكون عندك، سلام
حسن : مع السلامه
اغلقت الهاتف و فتحت حقيبتها واخرجت علبه صغيره في ادوات التجميل خاصتها
شروق : ايوه يابا شكلها هتولع معاكي