رواية دقة قلب
الفصل السادس 6
بقلم/مريم
مريم:عمر انت ايه اللي جابك هنا انت بتراقبني و....
وقبل ماتكمل كلامها قام عمر شدها وحضنها ليه وهي اتصدمت واتسمرت ف نفس الوقت وبالصدفه سامر وهو معدي شافهم واقفين ف زاويه وبيحضنوا بعض سامر وقف وشه بقى عبارة عن كتله من الحمار والغضب بان على ملامحوا ومستعد يقتل اي حد ف اللحظه دي دلوقتي وطبعا هو مش عارف هو ليه متعصب اوي كده وقام ماشي من قدامهم ودخل الحمام وهو نفسه يروح ويقتل عمر ومريم ف نفس الوقت ومش عارف هوبيعمل كده ليه بس احنا عارفين
وبدأ يكلم نفسه في المرايا :انت مالك ومالها ماتتحرق بس لا مينفعش يحضنوا بعض كده في مكان عام ايوة انا متعصب عشان كده مش اكتر واقنع نفسه بكده
عند يوسف وكنزي ولمار يوسف قام وقالهم رايح اسلم وجاي طبعا مش هيقولوا لا بس كانو متعصبين المهم يوسف راح لاروى وقالها ازيك يا اروى عامله اي طبعا اروى عملت نفسها تقيله وقالت ببرود كويسه طبعا يوسف عشان يغيظها قالها مين القمر ده اروى اتغاظت وكان نفسها تولع في حنين وحنين اتكسفت ولسه راحه ترد عليه قامت اروى ردت بسرعه وقالت بنت عم مريم يوسف وهو بيبص لحنين وبيقول كان نفسي اسمعها منك ياجميل اروى ردت وقالت هتفرق رد وقال طبعا لما تطلع من بق العسل هتبقى حاجه تانيه خالص حنين ضحكت يوسف حب يستفز اروى اكتر قال الله هو العسل عنده غمازة كمان قامت اروى قالت انت جاي ليه قالها نفسي اعرف انتي بتتحشري ليه شوفتيني كلمتك دلوقتي حنين ردت وقالت خلاص ياجماعه هتتخانقوا عيب كده يوسف قالها اه بالحق اومال مريم مالها اروى ردت مالهاش واتفضل امشي من هنا يلا يوسف وجه كلامه لاروى وهو بيبص على حنين وقال على فكرة انا بسأل العسل مش انتي حنين ردت وقالت كنا بنرخم عليها شويه ف اتعصبت يوسف قالها اممم طيب سلميلي عليها بقى اما تيجي قالتله حاضر
عند لمار هما بيتكلموا في اي كل ده كنزي ردت وقالت شكل البت الجديده دي عجبته لمار بعصبيه ماشي انا هوريهم هما الاتنين كنزي بسسس جاي علينا اخرسي
عند حنين وأروى حنين بتقولها مالك يااروى متعصبه منه ليه شكل مش مريم بس لوحدها اللي متعصبه اروى ردت وقالت لا الحكايه مش كده اصل ده بتاع بنات ولعبي ومش عايزة احتك بيه بس مش اكتر وانتي بردوا خلي بالك منه حنين ردت بابتسامة حاضر اومال مريم فين كل ده اروى ردت وقالت مش عارفه
عند مريم
مريم زقت عمر وضربته بالقلم وقالتله حسك عينك الاقيك تاني في مكان اكون فيه وقالت بصوت عالي فااااااهم وسابته ومشت وهي ماشيه كان سامر خارج من الحمام قابلته وجها لوجه وقالتله ازيك ياسامر
رد عليها بكل برود وجحود وانتي مالك انا مش بحب اتكلم كتير مع ناس مدوراها شمال ف شمال طبعا مريم اتصدمت من الكلام اللي قاله وقالتله مش فاهمه قصدك ايه رد وقال انتي فاهمه قصدي اي بلاش استعباط مريم فكرت ان هو ممكن يكون شافها مع عمر وهو حاضنها وردت عليه بكل غضب وعصبيه وانت مالك انت مالك انت ادورها ولا مدورهاش ملكش فيه انت فاهم متتدخلش ف حياتي الشخصيه بعد كده انا احضن اللي انا عايزاه او اكلمه انت مالك انت
ولم تكمل كلامها الا اما سابها ومشى من قدامها وهي اتعصبت وراحت لحنين وأروى وقالت يلا نمشي هما فكروا انها لسه متعصبه منهم
اروى:مريم احنا كنا بنهزر و....
مريم:ولا كلمه ويلا امشوا من غير نقاش وسابتهم وخرجت
حنين:دي مالها دي كل ده عشان اللي حصل
اروى:مش عارفه
عند سامر راح على الترابيزة وخد الفون وقال ليوسف يلا طبعا يوسف مفكره انو زعلان منه ف قام من غير ولا كلمه وكنزي ولمار استغربوا من طريقته وسامر ويوسف خرجوا وسابوهم لوحدهم في المطعم
كنزي:هو اي اللي حصل
لمار:مش عارفه
كنزي بحقد:اكيد مريم ورا الموضوع
لمار:ايوة انتي مش شفتيها خرجت ازاي وبعدها سامر بردوا كان خارج ازاي
كنزي:كده الموضوع زاد عن حده ولازم انهيه
في الطريق
سامر بيسوق بعصبيه وكان نفسه انها تقوله انت فهمت غلط وتحكيله حصل اي وبعدها وقف العربيه وقال بصوت عالييي اناااااا ماليييييي اناااااا ماليييييي ما تعمل اللي تعمله انشالله تولع
يوسف قاله اهدى بس وفهمني اي اللي حصل سامر ساق العربيه وقاله مفيش وقطع وعد على نفسه انه معتش يفكر فيها لأنها اصلا مش مهمه بالنسبه له دي مجرد واحده رخيصه زي اي واحده شافها
ومريم روحت البيت ودخلت البيت من غير ماتتكلم مع حد والكل استغرب منها لما دخلت على طول لاوضتها
محمد:دي مالها دي
ملك(اختهم الصغيرة):انا اعرف
امل:هقوم اشوف مالها
حسين:لا سيبيها دلوقتي مع نفسها تهدى وبعدين تدخلي ليها
امل:طب هرن على اروى اشوف حصل اي
ورنت عليها وأروى ردت وقالتلها مش عارفه كنا بنهزر وبعدين دخلت الحمام وخرجت كده ومش عارفين مالها انا وحنين لأننا شوفنا حنين هناك
امل:حاضر وبعدها قفلت وحكت لهم اللي اروى قالته
عند مريم كانت قاعده منهارة من العياط لان اول مرة حد يقول عليها كده انها شمال وفضلت تشتم سامر وتقول بكرهك بكرهك بكرهك اه صحيح عمر اذاني بس عمره ماقال كلمه واحده وحشه ف شرفي وفضلت كده لحد مانامت
عند سامر دخل الاوضه وقال ليوسف يسيبه لوحده وهو قاعد لوحده جاله رساله على الفون مكتوب فيها (وحشتني اوي هترجع امتى)قرأ الرساله ورد (قريب انشاء الله )وبعدها الفون رن وكانت امه
هاله(مامت سامر):عامل ايه ياحبيبي واحشنييي للدرجه دي راس البر حلوة عشان تنسى اهلك
سامر:انتي اكتر ياست الكل ولا طبعا انتوا واحشنيييي موتتت....بجد
هاله:لما احنا واحشينك مرجعتش ليه لحد الان
سامر:انتي عارفه كويس أنا مش هرجع الا اما انفذ اللي في دماغي
هاله:ياحبيبي انا خايفه عليك ل يحصلك حاجه
سامر:متخافيش محدش يقدر يقربلي
هاله:يارب
سامر :اومال اخبار محمد وابويا اي (محمد اخوه)
هاله:كويسين الحمدلله
سامر:تمام هقفل بقى دلوقتي سلام
هاله:سلام
قفل معاها وتلقائي من نفسه رجع يفكر في اللي حصل وبعدها نفض الأفكار دي من دماغه وركز على هدفه اللي هو جاي عشانه وكان مخنوق ف قام يتمشى شويه على البحر وفضل وهو ماشي سرحان وبيفكر ف اللي هيعمله وفجأه وهو ماشي سمع صوت عالي وبيشوف لقى اتنين ماسكين ف بعض وبيتخانقوا ومحدش عارف يبعدهم عن بعض ف سامر راح عندهم عشان يبعدهم عن بعض ف مسك واحد منهم وقاله في ايه عيب اللي انتو بتعملوه ده ف واحد رد عليه وقاله ده انسان زباله جاي بيقولي اختك جامدة اوي عايزني اعمله اي اسقفله
سامر بيكلم الشخص التاني:انت بتقوله كده ليه انت متخلف ولا عايز تضرب ازاي تقول كده على اخت صاحبك مش المفروض دي تبقى اختك بردوا ولا اي الشخص التاني قاله لا مش اختي ،اختي مش جامدة كده زيها طبعا اخوها اتعصب تاني وضربوا وسامر جاي يخلص بينهم قام الشخص التاني ضربوا في وشه خلاه ينزف جامد طبعا سامر مسكوا وفضل ينزل عليه بالبوكسات لحد ما خلاص هيموت في ايده والناس اتدخلت وبعدوا سامر عنو بصعوبه والشخص جري من سامر
محمد اخو مريم:انت كويس كنت سيبني عليه كنت قتلته
سامر:خلاص هو خد جزائه اهدى انت
محمد:اهدى ازاي مش سمعته قال اي على اختي اه تعالى يلا معايا اخلي اختي تنضفلك الجرح
سامر:لا لا مش مستاهله
محمد:هو اي اللي مش مستاهله تعالى يلا ياعم
سامر باستسلام:يلا
في الطريق
سامر:هي اختك دكتورة
محمد بضحك دكتورة اي ياعم دي لو دكتورة كانت هتموت اي حد يروحلها
سامر:وانت بقى عايز تموتني عشان كده هتوديني لاختك طب عملتلك اي عشان تموتني ده بالعكس كنت بساعدك
محمد:لا مش قصدي كده بس هي بتعرف تطهر الجروح بس إنما عمليات وشغل من ده كان فات اتقبض عليها
سامر بضحك:ياااه للدرجه دي بتحب اختك
محمد:اويييي
سامر:اومال هي في اي
محمد:مالك كده من ساعه ما قعدنا مع بعض وانت مش بتجيب غير سيرة اختي عجباك ولا اي يابرنس
سامر:ياعم هو انا شوفتها عشان تعجبني انا بسأل بس
محمد:خلاص وصلنا بقولك اي هقول ان انت صاحبي وكنت بتتشاكل وانا جيت انقذتك وانت اتضربت جامد وجايبك لاختي تنضفلك الجرح
سامر:اي جو المسلسلات ده
محمد:ياعم اصل انا لو قولت ان انا اللي كنت بتشاكل هيفضلوا ماسكين ليا الذله دي ويقولوا ده مصاحب ناس زباله بتتكلم على اخته ومعرفش اي وهيدخلوني في حوارات واختي طبعا اغبى منها مش ممكن تشوف هتفضل تذلني وتذلك انت كمان معرفش ليه بس هي كده بتحب تذل اي حد قدامها وانا مش ناقص كفايه ثانويه عامه ......
سامر:في اي ياعم انا جاي اتذل عند اختك ولا اي
محمد:لا مش كده بس يلا بس تعالى
سامر في سره:اي الولا ده شكل العيله كلها مجنونه
وطلع ومحمد خبط على الباب وبعد ما خبط فونه رن ساب سامر وقاله ثواني بس ارد
سامر:استنى ياعم لو فتحوا اقول اي .... ده اي ده ياربي
ومريم خرجت من الاوضه وكانت رافعه شعرها قطتين لفوق عشان الحر ولابسه بيجامه اوفر سايز وعليها كرتون القط والفار وبتفتح الباب عشان مفكرة انو محمد اخوها
مريم وهي بتفتح الباب وبتتكلم:اي ده اول مرة تخبط مره واحده بس مش تفضل تطبل على الباب وفتحت واتصدمت
وسامر:كان باصص على الناحيه التانيه وبص ساعه ما الباب اتفتح