قصة بنات السكن
الفصل الخامس عشر 15
بقلم/منه محمد
الجميع بصدمه : اييييه !!
لمياء بخجل : ده بعد اذنكوا يعني، انا خمس دقايق و هاحضر كل حاجه و ذهبت مسرعه إلي المطبخ
كان صوت الصمت هو الصوت السائد تحت دهشه الجميع لما تتصرف بتلك الطريقه الغريبه !!
تجمعوا علي طاوله العشاء و بدأوا ب الاكل، اعجب "احمد" كثيراً بالطعام لكنه لم يعلق كل لايثير شكوكهم
لمياء : عجبكوا الاكل
نظروا لها بتعجب من طريقتها
هند : جميييل الحمد لله، يلا بينا يا احمد
لمياء : ما تسيبه يكمل أكل
نظرت لها بتعجب ثم قالت : لا حلو كده عليه خاليه يلحق يروح يلا يا احمد
فرغ من طعامه و شكرهم ثم رحلوا الاثنين
مي : ايه اللي انت عملتيه ده؟
لمياء : الله مش انت اللي قولتي استغل الحدث
مي : مش اصدقي كده ده انت كده مدلوقه خالص
لمياء : اومال اعمل انا مبقتش فاهمه حاجه
في الطريق
احمد : علي فكره ماكنش يصح اللي عملتيه ف صاحبتك ده انت كده احرجتيها
هند : و الله و لا بتقول كده عشان قومتك من الاكل يا طفس
احمد بضحك : مش مسألة الاكل بس البنت حبت توجب معانا
هند : ملكش انت دعوه انا هابقي ارضيها بعدين، المهم طمني لما توصل و سلم علي بابا و ماما
احمد : ماشي بس بردو لازم مره تنزليلهم دول بقالهم كتير مشفوكيش
هند : حاضر هاحاول بس اديك شايف اللي انا فيه
في صباح اليوم التالي ف المحاضره طلب الدكتور (مش ياسر ها) بحثاً من الطلبه و تلخيص لعده فصول ف المنهج
هند : ايه الدكتور اللي طلابته كتيره ده
هايدي : هو علي طول كده بيحب يتعبنا معاها هتعملي ايه ف حوار التكاليف الكتيره دي
هند بخبث : هاقولك بس مش دلوقتي
وبعد انتهاء المحاضره ذهبت "هند" إلي "مروان"
هند : مروان ازيك
مروان : انا كويس الحمد لله
هند : معلش مروان بس كنت عايزه اطلب منك طلب
مروان : طلب واحد بس، اااااصدقي اتفضلي
هند : بصراحه كده في كام حاجه ف المنهج انا مش فاهمهم ممكن تشرحهملي بعد اذنك
مروان : اه طبعاً طبعاً تحبي نبدأ امتي؟
هند : اي وقت تكون فاضي فيه
مروان باندفاع : انا فاضي دلوقتي ايييه يعني لو تحبي
هند بضحك : خلاص مفيش مشكله
مروان : طب ايه رايك نقعد ف اي كافيه قريب م الكليه
هند : اوكيه ماشي
ذهب امامها بفرح بينما هي تضحك عليه : يلاهوي ده واقع خالص
مرت الايام و كانت كل شئ علي حاله "زينب" تخرج مع "كرم" و تعود متأخرة كالعاده، "مي" مع "ياسر" في الكليه يطلبها في اشياء كثيره مما جعلها سعيده و "هند" تتحدث مع "هاني" و "مروان" ف ان واحد
دون ان يعرف اي احد منهم (الاتنيييين )
كانت "هند" تجلس مع "هاني" ف احد المطاعم و كانوا يقضون وقتاً رائعاً، في "نفس" المطعم دخلت "مي" إلي هناك و لاحظت شئ غريب
مي : هند !!
اثناء ما كانت "هند" مشغوله بالحديث مع "هاني" وقع نظرها علي "مي"
كانتا تحدقا في بعض بالصدمه تتمني كل منهما ان يكون ما رأته غير حقيقي