رواية بائعة الورد
الفصل العشرون 20
بقلم اسراء محمد
راحوا القاعه
وبدأوا بالرقصه السلو
وبعدين الاغاني العاديه
ويمني كانت فرحانه من قلبها
لحد ما جه وقت تلبيس الشبكه
راحوا قعدوا في الكوشه
ولسه كريم هيلبسها الشبكه
قال : فين ماس
سندس باستغراب : انت عايز ماس لي دلوقتي
كريم : عايزها
جابوا ماس وهو اخدها قعدها علي رجليه
وقال : مينفعش يمني تلبس شبكتها قبل ما ماس تلبس حاجتها
ولبسها خاتم وسلسه
سندس : بس ده كتير
كريم : مفيش حاجه تغلي علي ماس ولا علي يمني
وبعدين لبس يمني الشبكه
وهي كانت طايره من الفرحه بسبب اللي كريم عمله
وفجأة سمعوا الدي جي
كل سنه والعروسه طيبه والتورته دي هديه العريس ليها
وحد من اللي شغالين في المكان قرب عليهم بالتربيزه عليها تورته مكتوب عليها
كل سنه وانتي جوا قلبي
وغنوا Happy birthday to you
وقبل ما تطفي الشمع اتمنت امنيه
وبعدين طفت الشمع
وكملوا رقص
ويمني ماكنتش مصدقه نفسها من الفرحه اللي هي فيها
وان كريم بيحبها الحب ده كله بالرغم انها رفضته لما اتقدملها زمان واتجوزت غيره
وخلصوا الفرح
ورجعوا البيت
وكريم اتفق مع يحيي انه هياخد يمني وماس يفسحهم تاني يوم
تاني يوم
كريم راح ليمني عشان ياخدها
سندس : ازيك يا كريم
كريم : الحمدلله يا طنط انتي عامله اي
سندس : الحمدلله
كريم : اومال فين يمني
سندس : بتجهز في شقتها بس كنت عايزه اقولك حاجه
كريم : اتفضلي
سندس : اخرج انت ويمني بس وسيب ماس معايا
كريم : معلش يا طنط ماس قبل يمني اصلا
سندس : يا ابني خلي اول خروجه بينكم تبقي لوحدكم
كريم : معلش يا طنط انا مش هرتاح غير لو ماس خرجت معانا
سندس : خلاص اللي يريحك
وخرج هو ويمني وماس
وقضوا يوم لطيف مع بعض
وفي اخر اليوم
وهما مروحين
كريم : صحيح نسيت اقولك
يمني : قول
كريم : شكل صاحبتك وقعت حسام
يمني : صاحبتي مين
كريم : اسيل
يمني بفرحه : بجد
كريم : اه والله بجد
يمني : طب ده خبر كويس
كريم : عايزين بقي نخليهم يخرجوا مع بعض عشان يتعرفوا علي بعض وبعدين يروح يتقدملها
يمني : لا الموضوع ده عايز وقت
كريم : لي بقي
يمني : لأنها مش عايزه تتجوز اصلا ورافضه الموضوع
كريم : لي كده
يمني : هقولك
كريم : قولي
ويمني قالتله
كريم : اظن ان الموضوع خلص لانه مبقاش موجود
يمني : اه
كريم : طب مش عايزه تتجوز لي بقي
يمني : عشان يمكن لسه بتحبه
كريم : طب شوفيها وحاولي تقنعيها وبلغيني
يمني : اوك
كريم : يلا وصلتي تصبحي علي خير
يمني : لا تصبحي علي خير اي انا مش هنام قبل ما تروح وتكلمني
كريم : اللي انا سمعته ده صح
يمني : سمعت اي
كريم : قولي كده تاني اللي انتي قولتيه
يمني : قولت انا مش هنام قبل ما تروح وتكلمني
كريم : ده بجد
يمني : هو اي اللي بجد
كريم : انك هتستنيني اروح عشان نتكلم
يمني : اه فيها اي
كريم : لا فيها كتير
يمني : مش فاهمه
كريم : انا بقول اطلع معاكي واكلم ابويا وامي يجيبوا المأذون ونتجوز وخلاص بقي اي رأيك
يمني بضحك وهي نازله من العربيه
قالت : باي يا كريم وخلي بالك من نفسك وانت سائق
كريم : لا انا بحلم كده
يمني : لا مبتحلمش
وسابته وطلعت
دخلت علي شقتها وبدلت هدومها هي وبنتها
ودخلت على السرير تنيم بنتها لحد ما كريم يكلمها
وبعد ما نيمت ماس
تليفونها رن
وخرجت برا الاوضه عشان ماس متصحاش
وبعد ما خلصت كلام
دخلت نامت
تاني يوم
صحيت دخلت الحمام واتوضت وراحت صحت ملك عشان المدرسه ودخلت اوضتها صلت
ملك قامت
دخلت الحمام واتوضت وصلت ولبست هدوم المدرسه وخرجت
ملك : صباح الخير يا عروسه
يمني : صباح النور يا قلب العروسه
ملك : خارجه تاني النهارده
يمني : مش عارفه لي
ملك : عشان لو خارجه اخلص المدرسه واروح المحل
يمني : امممم انتي تقصدي مع كريم
ملك : اه
يمني : لا انا لو خرجت هخرج اروح لاسيل
ملك : خلاص تمام
وراحوا عند سندس
سندس : تعالوا ادخلوا
يمني : عامله اي
سندس : الحمدلله ، رجعتي امتا امبارح
يمني : الساعه 9
سندس : ومجتيش لي هنا
يمني : كانت ماس عايزه تنام فدخلت علي هناك علي طول
سندس : طيب ادخلي اندهي اخوكي عشان نفطر
يمني : طيب
ملك : وانا هاجي معاكي نحضر الفطار
سندس : طب يلا
ودخلوا حضروا الفطار
واتجمعوا عشان يفطروا
وهما بيفطروا
يمني : انا ممكن اروح لاسيل النهارده
سندس : لي
يمني : عشان كريم قالي انه حسام معجب بيها وعايز يتقدملها ف انا هروح اشوف اي الدنيا
يحيي : خلاص يا ماما سيبها تروح يمكن عقدة اسيل تتفك علي ايد حسام
سندس : خلاص روحي
يمني : عقبالك يا يحيي انت وملك
يحيي : يارب
وخلصوا فطار ونزلوا
يحيي وصل ملك المدرسه وراح شغله
ويمني كلمت كريم وقالتله انها هتروح لاسيل عشان تكلمها في حوار حسام
يمني : ماما انا داخله البس
سندس : طيب بس متتأخريش
يمني : حاضر
ولبست وراحت لاسيل
اسيل : ازيك يا عروسه
يمني : الحمدلله وانتي عامله اي
اسيل : الحمدلله
يمني : عندي ليكي خبر جامد
اسيل : قولي
يمني : جايلك عريس
اسيل بصدمه : اي
يمني : جايلك عريس
اسيل : عريس ازاي يعني
يمني : يعني راجل شافك في خطوبتي وقال انه معجب بيكي
اسيل : بس انا مبفكرش في الموضوع ده وانتي عارفه
يمني : ولحد امتا هتفضلي رافضه الجواز
اسيل : لحد ما اموت
يمني : يعني انتي هتوقفي حياتك عشان .
لقراءة الفصل الواحد والعشرون من هنا