رواية بائعة الورد
الفصل الرابع والعشرون 24
بقلم اسراء محمد
وبعد ما رجعوا
وهما قاعدين كلهم
سندس : بمناسبه التجميعه الحلوه دي ملك جالها عريس
ملك بصدمه : عريس
سندس : اه عريس
ملك : وشافني فين
سندس : في فرح يمني شافك وعجبتيه وعايز يتقدملك وتتعرفوا علي بعض في الخطوبه
ملك : بس انا مش عايزه اتجوز دلوقتي
سندس : طب اقعدي معاه وشوفيه وبعدين قرري
ملك : واضيع وقتي ووقته لي طالما مش هقبله
سندس : عشان اتفقت معاه علي الميعاد وجاي الجمعه الجايه
يحيي : خلاص يا ملك طالما ماما اتفقت اقعدي معاه وبعدين ارفضيه بس مينفعش تطلعي ماما عيله ومش قد كلمتها
ملك : خلاص هقعد معاه عشان خاطر ماما
سندس : ربنا يخليكي ليا وافرح بيكي يا حبيبتي
ملك : ويخليكي ليا يا ست الكل
يمني : الله هيبقي عندنا فرحين
كريم : هنعمل فرح تاني ولا اي
يمني : هي هيصه يا ابني
كريم : اومال فرح مين التاني
يمني : يحيي
كريم : بجد هتتجوز
يحيي : اشمعنا انا ما انتوا كلكم اتجوزتوا
كريم : ومين بقي العروسه
يحيي : انا كنت هتقدملها بعد فرحكم
كريم : واي اللي حصل
يحيي : نشوف بقي موضوع ملك الاول وبعدين نشوف جوازتي انا
ملك : لا ملكش دعوه بيا
يحيي : لا اطمن علي البنات الاول وبعدين اتجوز انا
ملك : لا متوقفش موضوعك عليا
يحيي : ملكيش دعوه
ملك : طيب براحتك
وسابتهم وقامت دخلت اوضتها
قعدت تفكر في موضوع العريس ده ويا تري ممكن تغير رأيها وتوافق ولا اي
وقررت تصلي استخاره قبل ما تقعد معاه وتسيب ربنا يخترلها
تاني يوم
ملك راحت المدرسه وخلصت وراحت توقف في المحل شويه عقبال ما كريم يجي
وهي قاعده قررت تكلم اناهيد تاخد رأيها
اناهيد : اهلا بست المختفيه
ملك : عامله اي
اناهيد : الحمدلله وانتي عامله اي
ملك : الحمدلله
اناهيد : مال صوتك
ملك : جايلي عريس
اناهيد بفرحه : بجد اخيرا هلبس فستان
ملك : هو ده كل اللي همك
اناهيد : اه يا بت بس قوليلي عرفتيه منين
ملك : بيقولوا شافني في فرح يمني
اناهيد : طب وانتي صوتك مش فرحان لي
ملك : عشان مش عايزه اتجوز
اناهيد : اقعدي معاه ارتحتي وافقي مرتاحتيش خلاص
ملك : ما انا هعمل كده
اناهيد : بس انتي هتوافقي
ملك : اشمعنا
اناهيد : عشان ألبس فستان
ملك : يعني اوافق عشان تلبسي فستان
اناهيد : طبعاً اومال انتي فاكره اي
ملك : طيب يا ختي اقفلي بقي عشان كريم ويحيي قربوا يجوا
اناهيد : يجوا منين
ملك : يحيي يجي ياخدني عشان نروح وكريم يقف في المحل
اناهيد : طيب يلا سلام
ملك : سلام
يحيي : علي فكره يحيي واقف هنا من خمس دقائق
ملك بخضه : حرام عليك تخضني كده
يحيي : انا رميت السلام اول ما دخلت بس انتي مسمعتيش
ملك : حصل خير
يحيي : طب يلا
ملك : كريم لسه مجاش
يحيي : مش معاه مفتاح
ملك : اكيد
يحيي : طيب وقت ما يجي يفتح
ملك : طيب يلا
وقفلت المحل ونزلت
في العربيه
ملك : عايزاك في موضوع ممكن
يحيي : قولي
ملك : ممكن تخلي كريم شريك في المحل
يحيي : لي
ملك : عشان مينفعش يبقي زوج اختك ويبقي شغال عندك
يحيي : تفكيرك حلو وعجبني بس جه متأخر
ملك : جه متأخر لي انت شاركت حد تاني
يحيي : عشان كريم شريك في المحل من الاول اصلا
ملك : بجد
يحيي : اه بجد
ملك : ازاي
يحيي : المحل اصلا بتاع كريم وكان مقفول ومش مستفاد منه بحاجه كلمته وقولتله هشاركك ونفتحه محل ورد عشانك رحب بالفكره ووافق وظبطناه وفتحناه
ملك : طب لي مقولتليش
يحيي : عشان هو ماكنش عايز يعرف حد
ملك : يعني كده انا اللي شغاله عنده
يحيي : لا انتي مش شغاله عند حد انتي شغاله في ملك اخوكي اللي هو ملكك برضو
ملك : انت قولت اهو ملكك انت
يحيي : ملكي انا عشان الورق باسمي عشان انا اللي بدفع الضرائب والكهرباء والمياه بتوع المحل لكن انتي لو عايزه الورق باسمك اخدك ونروح بكره اعملك تنازل وتبقي انتي صاحبه المحل وشريكه كريم
ملك : لا يا عم ده طلع حوار
يحيي بضحك : متخافيش حتي لو المحل بقي باسمك انا اللي هدفع الضرائب والحاجه اللي علي المحل
ملك : لا خليه باسمك شكراً وربنا معاك
يحيي : ماشي يا ختي بتبيعيني
ملك : ده طلع حوار كبير انا مش قده انا لسه صغنونه يا خويا
يحيي : صغنونه اي بقي وانتي جايلك عريس كمان كام يوم
ملك : بتفكرني لي
يحيي : مش عايزه تفتكري يعني انك هتبقي عروسه
ملك : لا مش عايزه
يحيي : طب اعملي حسابك بكره هاخدك انتي وماما ننزل نجيبلك فستان جديد عشان تقابلي العريس
ملك : لا
يحيي : اه ويلا بقي نطلع عشان انا ميت من الجوع
ملك : وانا كمان
يحيي : طب يلا
وطلعوا
ملك ويحيي : السلام عليكم
سندس وكريم ويمني : وعليكم السلام
ملك : اي انت بتعمل اي هنا
كريم : ناوي اكسل النهارده
ملك : طيب
يمني قامت حضرت الاكل وقعدوا ياكلوا
ويحيي قال لسندس انهم هينزلوا هما التلاته عشان يجيبوا فستان لملك
سندس : ماشي
كريم : خلاص انزلوا وخدوا يمني معاكم وانا هقف في المحل الصبح ونتقابل اخر النهار واعزمكم علي الغدا
سندس : يا ابني لم ايدك شويه وبطل مصاريف
كريم : مش مهم الفلوس المهم ان يمني بقت معايا وجنبي
يمني : ربنا ما يحرمني منك يا قلبي
كريم باس ايديها وقال : ولا يحرمني منك يا عمري
يحيي : طب لاحظوا ان في سناجل معاكم
كريم بغيظ في يحيي : مخدتش بالي معلش اصل يمني طول ما هي جنبي بتخليني مبخدش بالي من حد غيرها
يحيي : تلزيق اوفر
كريم : ملكش دعوه
وقضوا باقي اليوم في هزار وضحك
تاني يوم
ملك راحت المدرسه ورجعت ويحيي اخدهم ونزلوا اشتروا الفستان لملك
كان لونه موڤ بورد صغير وجابلها طرحه اوف وايت وجزمه بكعب عالي بسيط لونها ابيض
وراحوا اتغدوا
وعدا باقي الاسبوع من غير اي احداث
لحد ما جه يوم الجمعه
سندس صحت ملك ويمني عشان يظطبوا البيت
وبعد ما خلصوا
سندس : اعملي حسابك يا ملك العريس هيجي الساعه 7
ملك : وجايه تقوليلي قبلها بساعتين
سندس : لما افتكرت بقي
ملك : ماشي
ودخلت المطبخ عشان تجهز العصير وتشوف الكيك استوت ولا لسه
وبعدين دخلت اوضتها
جهزت وحطت مكياچ خفيف جدا
ولسه بتبص في الساعه لقت الجرس رن
وقعدوا بره مع العريس
وملك في اوضتها مش مهتمه حتي هما بيقولوا اي
لحد ما يمني دخلت عليها
وقالتلها : يلا اخرجي بالعصير
ملك دخلت المطبخ اخدت العصير
ودخلت عليهم
لاقيتهم كلهم قاعدين ما عدا العريس
حطت العصير علي الترابيزه
وقالت باستغراب : اومال فين العريس
العريس من وراها : انا اهو
ملك : .
لقراءة الفصل الخامس والعشرون من هنا