رواية بائعة الورد الفصل الثانى والعشرون 22 بقلم اسراء محمد

                  

رواية بائعة الورد

الفصل الثانى والعشرون  22

بقلم اسراء محمد

#الفصل الثاني والعشرون 

#بائعه الورد

وبالليل وهما قاعدين

ملك : انا عايزه اقول حاجه

سندس : قولي 

ملك : انا هشوفلي مكان تاني اقعد فيه 

سندس بخضه : لي يا بنتي حد ضايقك 

ملك : والله ابدا محدش ضايقني 

يحيي : اومال عايزه تسيبينا لي 

ملك : عشان يمني خلاص هتتجوز وهتقعد مع كريم في الشقه هناك ومينفعش اقعد معاهم وانت وماما قاعدين هنا وبرضو مينفعش اقعد هنا 

يحيي : فهمت بس انا اكيد عامل حسابي علي اللي انتي بتقوليه ده

ملك : ازاي بقي 

يحيي : اومال انا اخدت جزء من عفش يمني لي عشان انا اطلع اقعد فوق وانتي تقعدي هنا مع ماما 

ملك : بس انا اكيد مش هرضي انك تسيب بيتك عشاني 

يحيي : فين البيت اللي هسيبه ما انا هبقي معاكم في نفس البيت باختلاف الشقه فمفرقتش انهي شقه وبعدين يا ستي ما احنا هنبقي طول اليوم مع بعض وهسيبكم ع النوم زي ما كنتي بتعملي لما كنتي قاعده مع يمني في شقتها 

ملك : بس 

قاطعتها سندس 

وقالت : مفيش بس انتي بنتي التالته واكيد مش هسيب بنتي تقعد في شقه لوحدها 

يمني : وبعدين ماما قايله ان يوم ما ربنا يكرمك بعريس ابن حلال هتشرط عليه يبنيلك شقه فوق عشان متبعديش عننا 

ملك : لا كده كتير 

سندس : مفيش حاجه تكتر علي حد من ولادي 

ملك : ربنا ما يحرمني منكم ابدا 

كلهم : ولا يحرمنا منك 

يحيى : بمناسبه اللمه الحلوه دي بقي عندي ليكم خبر حلو 

سندس : اي هو 

يحيي : قررت اتجوز 

يمني : بجد

سندس : اخيرا هتفرح قلبي 

ملك : مبروك 

سندس : ومين بقي العروسه 

يحيى : هتعرفوا كل حاجه بعد جواز يمني 

يمني : اشمعنا بعد جوازي 

يحيي : عشان فاضل علي الجواز شهر فمش عايزين نشغل بالنا بحاجه تانيه 

يمني : طب قولي مين 

يحيي : هتعرفي وانا رايح اتقدملها 

سندس : طب ناخد فكره طيب 

يحيي : واحده من معارفنا 

سندس : واحده من بنات صحابي او قرايبنا يعني 

يحيي : او من جيرانا 

سندس : ممكن 

يمني : انا كده هقعد افكر في كل اللي جيرانا وقريبنا وبنات صحاب ماما مين فيهم اللي مش متجوزه وتنفعلك 

يحيي : طب ربنا معاكي بقي انا هقوم انام عشان عندي شغل وانتي يا ملك يلا عشان عندك مدرسه 

ملك : حاضر 

يحيي : تصبحوا علي خير

كلهم : وانت من اهل الخير

وسابهم وطلع 

ملك : وانا كمان هقوم انام تصبحوا علي خير

سندس ويمني : وانتي من اهل الخير

دخلت ملك الاوضه 

وانهارت من العياط 

وهي مش عارفه هي بتعيط لي بتعيط عشان بتحبه وهيتجوز غيرها ولا بتعيط عشان ممكن اهتمامه بيها يقل لما يتجوز ولا عشان ممكن يستغنوا عنها منعاً للمشاكل لو مراته محبتهاش

فضلت تعيط لحد ما نامت 

عند سندس ويمني

يمني : علي قد ما انا فرحانه ان يحيي هيتجوز بس زعلت عشان مش هيتجوز ملك 

سندس : انا فاتحته في الموضوع ده قبل كده وقالي انا بحبها زي يمني بالظبط عشان كده مستغربتش لما قالي انه هيتجوز من بره 

يمني : بس انا حاسه انهم لايقين علي بعض وهي عايشه معانا وفهماه وفاهمها هيلاقي فين احسن من كده 

سندس : هعمل اي بقي ربنا يسعده ويكرمها بابن الحلال اللي يصونها وميبهدلهاش 

يمني : يارب 

سندس : يلا احنا كمان نقوم ننام عشان ورانا حاجات كتير لازم تتعمل

يمني : حاجات اي 

سندس : انتي ناسيه اننا اللي هنبيض الشقه ونظبطها عشان الهانم طالبة كده 

يمني باحراج : صح 

سندس : قومي بقي يلا 

يمني : حاضر 

وقاموا ناموا 

تاني يوم

صحيت ملك علي صوت المنبه طفته وكملت نوم 

وبعدها بشويه 

سندس دخلت تصحيها لما لاقتها مصحيتش 

سندس : ملك ملك 

ملك بنوم : اممم 

سندس : قومي يا بنتي عشان المدرسه

ملك : لا مش رايحه النهارده

سندس : لي كده انتي اول مره تعمليها 

ملك : حاسه جسمي مكسر مش قادره

سندس : خلاص يا بنتي نامي 

وسابتها وخرجت

كانت يمني في المطبخ بتحضر الفطار 

يمني : صحيت 

سندس : لا جسمها مكسر فهتقعد 

يمني : طب تحاول تقوم تفطر معانا وبعدين ترجع تنام 

سندس : خلاص بقي سيبها 

يمني : طيب 

نزل يحيي

يحيي : صباح الخير

سندس ويمني : صباح النور

يحيي : اومال فين ملك 

سندس : نايمه 

يحيي : لي كده

سندس : جسمها مكسر فهتقعد النهارده

يحيي : طب.نوديها للدكتور

سندس : لو قامت عيانه اكتر هوديها 

يحيي : خلاص ماشي

وفطروا وبعدين يحيي نزل 

وملك قضت اليوم نوم لحد المغرب 

وكل ما سندس تدخل تصحيها متقدرش تقوم 

ملك : صباح الخير

سندس : عامله اي دلوقتي يا حبيبتي

ملك : الحمدلله

في نفس الوقت دخل يحيي

وقال : السلام عليكم ، اي دا يا ملك انتي فيكي اي

ملك : لسه صاحيه

يمني : من امبارح

يحيي : هو اي اللي من امبارح

يمني : يعني من ساعة ما نامت امبارح لسه صاحيه دلوقتي

يحيي : لي كده

ملك : جسمي مكسر ماكنتش قادره اقوم

يحيي : امممم طب انتي عامله اي دلوقتي 

ملك : الحمدلله

سندس : قومي يا يمني حضري الاكل لملك ويحيي 

يمني : حاضر 

ملك : انا مش هاكل

سندس : لي كده

ملك : مش قادره

سندس : يا بنتي انتي مكلتيش حاجه من امبارح ومقضيها نوم 

يحيي : خلاص انا كمان مش هاكل

سندس : لي انت كمان 

يحيي : ما انتي عارفه اني مش بعرف اكل لوحدي 

سندس : خلاص يا ملك كلي معاه بقي وافتحوا نفس بعض 

ملك : مش 

قاطعتها سندس : لما الاكل يتحط هتقدري 

ملك باستسلام : طيب 

يحيي : طب انا هطلع الشقه فوق بسرعه عقبال ما الاكل يجهز

سندس : طيب 

وبعد اسبوعين

 خلاص فاضل اسبوع علي الفرح 

فكانوا اهل يمني ومامت كريم وكريم واسيل موجودين عشان يفرشوا الشقه 

يحيي وكريم نصبوا خشب اوضه النوم 

ويمني دخلت تكمل باقي فرشها 

كريم دخل وراها وهي مش واخده بالها 

وقال : اساعدك في اي

يمني بخضه : حرام عليك خضتني 

كريم : اسم الله عليكي من الخضه 

ولسه هيقرب منها لقي حد مسكه من قفاه 

يحيي : انت بتعمل ايه هنا 

كريم : بساعدها

يحيي : لا عايز تساعد في حاجات بره اخرج ساعد فيها لكن هنا لا 

كريم : متنساش انها مراتي 

يحيي : مكتبتوش الكتاب يبقي لسه خطيبتك 

كريم : مفرقش اسبوع 

يحيي : لا فرق اسبوع ويلا من هنا 

ونده علي ملك

سندس : ملك في الشقه التانيه بتعمل اكل 

يحيي : طب تعالي انتي يا اسيل 

اسيل راحت له 

وقالت : نعم 

يحيي : ساعدي يمني معلش 

كريم : حرام

يحيي : هو اي اللي حرام 

كريم : البنت خطوبتها بكره حرام نشقيها

اسيل : مش حرام ولا حاجه انا عندي كام يمني اتعب عشانها 

يمني : ربنا يخليكي ليا

اسيل : ويخليكي ليا

يحيي اخد كريم وهو ماسكه من قفاه لسه 

لحد الاوضه التانيه اللي فيها سندس وشاديه 

سندس : انت ماسكه كده لي

كريم : قوليله يسبني والنبي يا طنط

يحيي : لا مش هسيبك قبل ما تقولهم انت كنت فين 

سندس : سيبه طيب وبعدين نعرف 

يحيي : لا 

شاديه : كنت مع يمني في الاوضه صح 

يحيي : صح 

كريم : وانتي عرفتي منين 

شاديه : من مسكته ليك يا جزمه 

كريم : في اي يا ماما مراتي 

شاديه : لسه مبقتش مراتك 

يحيي : شوفت اهو طنط رأيها من رأيي 

شاديه : جدع يا يحيي 

كريم : انتي معاه ولا معايا 

شاديه : مع الحق 

سندس : خلاص سيبه يا يحيي 

شاديه : سيبه يا يحيي بس علي باب الشقه بره 

كريم : انا ابنك علي فكره 

شاديه : ابني في الصح مش الغلط

يحيي خده من قفاه 

وطلعه فعلا بره الشقه 

تاني يوم في الخطوبه 

بعد ما حسام لبس اسيل الشبكه 

كريم : انا عامل انا مفاجأه ليمني تسمحولي اقدمها

يمني : يا ابني مش احنا العرسان مفاجأة اي

كريم : لا احنا عرسان فرحنا كمان كام يوم 

يحيي : قدم يا عم الحبيب خلينا نخلص 

كريم : 

    لقراءة الفصل الثالث والعشرون من هنا 

تعديل المقال