رواية بائعة الورد
الفصل الواحد والعشرون 21
بقلم اسراء محمد
اسيل : بس انا مبفكرش في الموضوع ده وانتي عارفه
يمني : ولحد امتا هتفضلي رافضه الجواز
اسيل : لحد ما اموت
يمني : يعني انتي هتوقفي حياتك عشان يحيي
اسيل : يحيي مين اللي وقف حياتي عليه يحيي اخويا يا بنتي
يمني : بس انا مقصدش يحيي اخويا
اسيل بتوتر : اومال تقصدي يحيي مين
يمني : اقصد يحيي جوزي
اسيل : وانا اوقف حياتي علي يحيي جوزك لي
يمني : يمكن عشان بتحبيه مثلا
اسيل : اي اللي انتي بتقوليه ده
يمني : انا عارفه كل حاجه من زمان يا اسيل
اسيل : عارفه عارفه اي
يمني : عارفه انك بتحبي يحيي جوزي من زمان وهو للاسف محبكيش وحبني انا وتهربك مني الفتره اللي فاتت دي كانت بسبب كده
اسيل : وعرفتي منين
يمني : من نظرتك لي لما كنتي بتشوفيه ولا وشك اللي بينور لما بتيجي سيرته ولحد
اسيل : يعني عارفه ان عيني كانت من جوزك ورغم كده كنتي مصحباني وبتسألي عليا
يمني : عشان الحب مش بأيدنا مش ذنبك انك حبتيه ومش ذنبي اني حبيته وهو حبني
اسيل : بس لو واحده تانيه مكانك ماكنتش لسه فضلت علي علاقه بيا
يمني : اللي تخسر صاحبة عمرها عشان راجل اياً كان مين الراجل ده تبقي عبيطه وبعدين افرضي يا ستي خسرتك عشانه هو فين دلوقتي في مكان تاني وفي دنيا تانيه يبقي اخسرك لي وعشان اي
اسيل اترمت في حضنها وهي بتعيط
وقالت : متتصوريش انا كنت مكسوفه منك ازاي
يمني : عشان عبيطه وهبله
اسيل : الله يسامحك
يمني : المهم دلوقتي بقي ادي لنفسك فرصه وتحبي غيره
اسيل : يعني ده رأيك
يمني : اه رأيي ورأي كل الناس
اسيل : وافرضي طلع مش كويس
يمني : لا كويس متقلقيش
اسيل : وانتي عرفتي منين انه كويس واي الضحكه الساذجه اللي انتي بتضحكيها دي
يمني : عشان يا ستي العريس يبقي حسام
اسيل : حسام انا سمعت الاسم ده قبل كده
يمني : حسام اخو كريم
اسيل : وهو لحق يعرفني عشان يتجوزني
يمني : يا بومه هيقعد معاكي لو تمام هيجي يكلم اهلك
اسيل : هيقعد معايا ازاي يعني
يمني : هنخرج انا وانتي وهو وكريم ونقعد احنا الاربعه مع وتشوفي الدنيا ارتحتي يكلم اهلك مرتحتيش خلاص
اسيل : هفكر
يمني : نعم يا ختيييي
اسيل : في اي انتي اتحولتي كده لي
يمني : انتي تطولي انك تبقي سلفتي يا بت
اسيل : انتي جبتي الكلمه دي منين
يمني : مرات اخو يحيي كانت علي طول بتقولي يا سلفتي بس مكنتش حابها البت دي احسن اني خلصت منها
اسيل بضحك : للدرجه دي مكنتيش طايقها
يمني : اه كانت حربايه في نفسها
اسيل بضحك : اهو خلصتي منها وهتتجوزي غيره
يمني : اه تصدقي يا بت انا كنت هبله اني كنت رافضه كريم
اسيل : اه شكله بيحبك اوي
يمني : اه اوي
اسيل : ربنا يسعدكم
يمني : يارب عقبالك
اسيل : يارب
وقعدوا شويه مع بعض وبعدين يمني مشيت
وبعد مرور اسبوع
كانت اسيل قاعده مع كريم ويمني في كافيه مستنين حسام
يمني : حسام اتأخر علي فكره
كريم : بكلمه بيكنسل مش عارف في اي
يمني : ربنا يستر
وبعد عشر دقائق
حسام : ازيكم
كريم : اي كل التأخير ده يا ابني
حسام : معلش كنت بجيب حاجه
كريم : حاجه اي
حسام : انت مالك
كريم : طب يلا يا بنات نمشي احنا ونسيبه بقي مع نفسه
حسام : اقعد ياض
كريم : حاضر
يمني : جبت ورا كده لي
كريم : اخويا الكبير برضو ولي احترامه
اسيل بضحك وهمس ليمني : واضح ان لو حصل نصيب هبقي انا السلفه المسيطره برضو
يمني : واطيه
حسام : في اي بتتوشوشوا كده لي
اسيل : لا حاجه متخصكش
حسام : اي البلطجيه دي مكنتيش كده المرتين اللي فاتوا
اسيل : عشان كنت عيانه بس
حسام : طب يا كريم خد خطيبتك وروحوا اقعدوا هناك لحد ما اشوف اللي كانت عيانه دي
اسيل : لا طبعا يروحوا فين
حسام : متخافيش علي نفسك مش هاكلك
اسيل : لا خاف انت علي نفسك
حسام : يلا يا كريم قوم انت ويمني عشان اشوف مين اللي يخاف علي نفسه من التاني
كريم اهدي يمني وراحوا قعدوا بعيد شويه بس في نفس الوقت شايفنهم
اسيل بعد ما يمني وكريم قاموا قعدت ساكته
حسام : اي القطه بلعت لسانك
اسيل : مردتش
حسام : انتي يا بنتي انا بكلمك
اسيل بهدوء : نعم
حسام : اي الهدوء ده اومال اي خاف علي نفسك وحسستيني انك هتغزيني
اسيل : انا قولت كده
حسام : لا خيالك
اسيل : شوفت بقي ان مش انا اللي قولت
حسام ضحك : طب يا ستي سيبك من اللي اتقال دلوقتي وخلينا في اللي جايين عشانه
اسيل : اتفضل
حسام : انا اسمي حسام اخو كريم الكبير بس مش كبير اوي يعني
اسيل : ايوه يعني كام سنه
حسام : 30 سنه
اسيل : العمر كله خريج اي
حسام : صيدله
اسيل : ما شاء الله
حسام : وانتي خريجه اي
اسيل : اداب قسم ترجمه
حسام : ومشتغلتيش لي انتي شهادتك دي مطلوبه في شركات كتير
اسيل : اشتغلت فتره وبعدين حصل ظرف عندي فسيبت الشغل ومن ساعتها وانا مبشتغلش
حسام : طب انتي حابه اي اكتر بعد الجواز تشتغلي ولا تقعدي في البيت
اسيل : والله انا حابه اشتغل
حسام : طب ولو جوزك قالك اقعدي في البيت
اسيل : هقعد
حسام : طب بصي يا ستي انا بقي عندي حل وسط يرضيكي ويرضيني
اسيل : اي هو
حسام : ان شاء الله بعد الجواز هتشتغلي وتقعدي في البيت في نفس الوقت
اسيل : ازاي
حسام : يعني هشوفلك شركه ترجمه ممكن تشتغلي فيها وانتي قاعده في البيت
اسيل : هو ينفع
حسام : اه ينفع تبقي قاعده في البيت وهما يبعتولك الحاجات اللي عايزه تترجم وانتي تترجميها ومش هتنزلي بس غير وانتي بتسلميها
اسيل : الله حلوه الفكره دي
حسام : طبعا انا كل افكاري حلوه
اسيل : اي الغرور ده
حسام : لا ثقه مش غرور
اسيل : وانت بقي بتشتغل فين ولا عندك صيدليه ليك
حسام : نفسي يبقي عندي صيدليه ليا لوحدي بس لسه النصيب مجاش ان ابقي صاحب صيدليه
اسيل : ان شاء الله تبقي صاحب اكبر صيدليه في مصر
حسام : ان شاء الله
اسيل : ممكن اسألك سؤال
حسام : اتفضلي
اسيل : بتصلي
حسام : الحمدلله وانتي بتصلي
اسيل : الحمدلله
قاطعهم كريم
وهو بيقول : مش كفايه كده ويلا نتغدا عشان البنات متتأخرش
حسام بتلقائية : ان شاء الله قريب هتبقي في بيتي ومحدش هيقولي يلا عشان متتأخرش
كريم : طب يلا يا عم الحبيب انت وهي
يمني : انا عايزه اكل بيتزا
حسام : وانتي يا اسيل عايزه تأكلي اي
اسيل : بيتزا برضو
حسام : طب يلا نروح ناكل بيتزا
كريم : مسألتنيش انا تاكل اي
حسام : من غير ما اسألك هتاكل زي خطيبتك ما هتاكل
كريم : ماشي
وراحوا كلوا
وبعد الاكل
اسيل : انا لازم امشي
حسام : مش هقدر اقولك حاجه عشان لسه حتي مكلمتش اهلك
كريم : جدع يا حسام
حسام : خليك في حالك وتخلي بالك منها وانت بتوصلها
كريم : اي أوامر تانيه
حسام : لا
كريم ويمني واسيل ركبوا عربيه كريم
حسام : استنوا
وفتح عربيته طلع منها بوكس صغير
واداه لاسيل
اسيل : اي ده
حسام : ده اللي اخرني عليكي
اسيل : بس ده كتير
حسام : مفيش حاجه كتير على اللي هتبقي المدام
اسيل اتكسفت واخدت البوكس
وقالت : يلا يا كريم
حسام : كلمني لما توصلها عشان اطمن
كريم : حاضر
ومشيوا
وبعد ما وصلوا
يمني كلمت اسيل تسألها عن رأيها
اسيل : بصي انا حاسه اني مرتاحه بس مش عارفه
يمني : طب صلي استخاره وسيبي ربنا يختارلك
اسيل : ان شاء الله
وبعد اسبوعين
حسام اتقدم لاسيل وقرأوا الفاتحه
واتفقوا ان الخطوبه كمان شهر
وبعد اسبوعين كمان
كان يحيي جايب ناس يشيلوا عفش يمني
اخد منه اوضه النوم والانتريه طلعهم شقته
وباعوا الباقي
وبالليل وهما قاعدين
ملك : انا عايزه اقول حاجه
سندس : قولي
ملك : انا .
لقراءة الفصل الثاني والعشرون من هنا