رواية بائعة الورد الفصل الرابع عشر 14 بقلم اسراء محمد

               

رواية بائعة الورد

الفصل الرابع عشر 14

بقلم اسراء محمد

 

وقفلت ملك مع اناهيد

وراحت شقه سندس 

ولسه هتخبط 

سمعت يحيي 

بيقول : يا ماما والله بحبها بس زي يمني مفيش حاجه تانيه

سندس : اومال جبتها تعيش معانا لي لو انت مش بتحبها

يحيي : عشان صعبت عليا عشان هي حد جميل ومينفعش يحصل فيها اللي كان بيحصل ده 

سندس : طيب اتجوزها ولما تتجوزها هتحبها بطريقه تانيه

يحيي : مقدرش اتجوزها لمجرد انتي عايزه كده عشان بالطريقه دي هظلمها 

سندس : هي دي الطريقه الوحيده اللي هتخليها متبعدش عنا 

يحيي : وهي لي اصلا تبعد عنا

سندس : افرض اتجوزت واحده عاملتها وحش مش ممكن ساعتها تبعد عنا

يحيي : ومين قالك اني لو حتي اتجوزت دلوقتي او بعدين هسمحلها انها تعامل ملك وحش 

سندس : ما هي لو عرفت حياه ملك اللي قبل كده هتعاملها وحش 

يحيي : ومين قالك اني هحكي لحد حياة ملك اللي قبل كده

سندس : اومال هتقول اي وانتوا اساميكم مختلفه 

يحيي : هبقي اقول ساعتها بنت عمي بنت عمتي بنت خالي وباباه ومامتها ماتوا اي حاجه بس مش هسمح لاي حد يأذيها او يعاملها وحش 

سندس : ماشي يا يحيي اللي تشوفه

ملك رجعت شقة يمني تاني وكانت فرحانه باللي سمعته من سندس ومش مصدقه ان سندس حبتها لدرجه انها عايزه تجوزها يحيي عشان متبعدش عنهم 

ومش عارفه تزعل ان يحيي رفض الجواز منها ولا تفرح من اللي سمعته منه 

وبعدين سمعت الباب بيخبط قامت تفتح 

سندس : كل ده نوم

ملك : انا صاحيه بقالي شويه بس كنت بكلم اناهيد ويمني وماس لسه نايمين 

سندس : طب تعالي اقعدي معايا بدل ما اقعد لوحدي

ملك باستهبال : اومال فين يحيي نايم لسه

سندس : لا نزل مشوار تبع الشغل 

ملك : طب يلا 

وراحوا شقه سندس 

سندس : انا عملالك سندوتشات في المطبخ ادخلي هاتيها وتعالي اقعدي 

ملك : عنيا 

ودخلت جابت السندوتشات وخرجت 

قالت : بقولك يا ماما 

سندس : قولي 

ملك : اناهيد عايزاني اخرج معاها ممكن 

سندس : ماشي بس متتأخريش 

ملك : حاضر 

سندس : وانتي نازله تكلمي يحيي تقوليله هتروحي فين عشان لو حصل حاجه يجيلك 

ملك : حاضر 

كلمت ملك اناهيد 

اناهيد : الو 

ملك : بقولك انا قولت لماما اننا نخرج ووافقت 

اناهيد : طب خليها لبكره عشان خالتو جت عندنا النهارده

ملك : خلاص ماشي 

وقفلت مع اناهيد 

سندس لاقتها قاعده مقامتش عشان تلبس 

قالت : مش هتقومي تلبسي ولا اي

ملك : لا اجلتها لبكره عشان خالتها عندها 

سندس : احسن برضو انا كنت عايزاكي تريحي من تعب امبارح بس مرضتش ازعلك 

ملك : مقدرش ازعل منك ابدا 

سندس : طب خلصي عشان تقومي تعمليلنا كوبايتين شاي ونقوم نحضر الغدا 

ملك : عيوني 

وخلصت ملك الفطار وقامت عملت الشاي ورجعت 

ملك : ممكن طلب 

سندس : اطلبي 

ملك : ممكن انا اعمل الغدا 

سندس : هتعرفي

ملك : هبهرك 

سندس : ياخوفي لاتبهريني فعلا وتحرقي الاكل 

ملك بضحك : متخافيش 

سندس : طب انا مطلعه فراخ ولحمه مفرومه جوا كنت هعمل مكرونه بالبشاميل هتعرفي تعمليها ولا مش هتعرفي اقوم انا

ملك : الله ما قولت هبهرك بقي

سندس : طب ابهريني وربنا يستر 

ملك : بس محدش يدخل عليا لحد ما اخلص 

سندس : ده لي بقي 

ملك : هو كده 

سندس : طيب يلا ادخلي 

دخلت ملك المطبخ وقفلت علي نفسها الباب 

 سلقت الفراخ وسلقت المكرونه وعصجت اللحمه 

عند سندس

دخلت يمني عليها وهي ماسكه ماس 

يمني : صباح الخير

سندس : قولي مساء الخير الساعه 3 العصر 

يمني : انا نمت كتير اوي 

سندس اخدت ماس من يمني تلاعبها 

يمني : اومال فين ملك مش هنا ومش في الشقه التانيه 

سندس : في المطبخ بتعمل اكل 

يمني باستغراب : بتعمل اكل 

سندس : اه

يمني : طب انا هدخلها

سندس : لا 

يمني : لي 

سندس : قبل ما تدخل قالت مش عايزه يدخل عليا

يمني : طيب انا جعانه

سندس : استني شويه بقي اخوكي يجي وهي تكون خلصت الاكل وناكل

يمني : طيب

بعد شويه 

خرجت ملك من المطبخ 

سندس : عملتي اي

ملك : حطيت المكرونه في الفرن 

سندس : شاطره 

وقعدوا يتكلموا شويه 

وبعدين قامت ملك تبص علي المكرونه 

ورجعت 

سندس كانت لسه هتسألها اي الاخبار 

يحيي دخل عليهم 

يحيي : عاملين اي

كلهم : الحمدلله

يحيي : طب انا جعان

سندس : ادخل غير هدومك لحد ما نحضر الغدا 

يحيي : حاضر 

ودخل 

سندس لملك : اي الاخبار 

ملك : الاكل هيكون ع السفره حالا 

سندس بضحك : ربنا يستر 

ملك حضرت الاكل ويحيي جه 

وقال : الله مكرونه بالبشاميل

سندس : دوق وقولي اي رأيك 

وفعلاً يحيي اكل 

وقال : الله حلوه تسلم ايدك يا ماما 

سندس : مش انا اللي عامله الاكل دي ملك والصراحه كنت خايفه فقولت انت تدوق الاول 

يحيي : بتعامليني دايما علي اني فار تجارب

سندس بضحك : الصراحه اه 

يحيي : ماشي ، تسلم ايدك يا ملك الاكل حلو بجد 

ملك : الف هنا 

سندس اكلت وعجبها الاكل

وقالت : بجد بهرتيني مع اني كنت جهزت الفلوس اللي هنجيب بيها اكل بعد ما تبوظي ده 

ملك بفخر : عشان تثقي فيا بعد كده

سندس : لا بعد الاكل الجامد ده هسيبك انتي تطبخي كل يوم لو عايزه 

ملك : عيوني 

يمني : تسلم ايدك يا لوكا 

ملك : تسلمي يا حبيبتي

وقضوا باقي اليوم وسط ضحك وهزار 

تاني يوم

ملك صحيت 

دخلت الحمام واتوضت وصلت ولبست

 وراحت عند سندس

ملك : صباح الخير

سندس : صباح النور ، تعالي ادخلي 

يحيي وهو خارج 

قال : انتي لابسه ورايحه فين 

ملك : طب مش تقول صباح الخير الاول 

يحيي : صباح الخير الاول ، ها بقي رايحه فين

ملك : هقابل اناهيد 

يحيي : من غير ما تقولي لحد 

سندس : لا قالتلي امبارح 

يحيي : طيب ماشي ، لما توصلي ابقي قوليلي مكانك فين بالظبط عشان ابقي مطمن 

ملك : حاضر 

يحيي : وبلاش تروحي الملاهي لوحدك

ملك : وانت عرفت منين اننا ممكن نروح الملاهي

يحيي : عشان عارف بتحبيها قد اي وبتكوني مبسوطه لما بتروحي 

ملك : طب خلاص طالما انت عارف يبقي سيبني اروح 

يحيي : لا ، مره تانيه اكون مخرجك وهاتيها معاكي اوديكوا الملاهي لكن لوحدكم لا 

سندس : خلاص يا ملك اسمعي الكلام يحيي خايف عليكم 

ملك : حاضر 

ملك كلمت اناهيد

واتفقوا انهم يتقابلوا في كافيه عشان يحيي مش موافق علي الملاهي 

اناهيد : عامله اي وحشاني 

ملك : الحمدلله وانتي عامله اي وانتي كمان وحشتيني اوي 

وطلبوا حاجه يشربوها وقعدوا يتكلموا 

وفي نص الكلام 

اناهيد : انا ممكن اسألك سؤال

ملك : طبعاً اسألي

اناهيد : فين مامتك وباباكي ولي سابينك تعيشي مع يحيي واهله

ملك تعابير وشها اتغيرت ومبقتش عارفه تقول اي 

بس افتكرت كلام يحيي 

وقالت : اولا مامت يحيي تبقي خالتي ثانياً انا عايشه معاهم عشان بابا وماما اتوفوا 

اناهيد بحزن : انا اسفه مكنتش اعرف

ملك : ولا يهمك محصلش حاجه

وقضوا باقي اليوم 

واناهيد حاسه بالذنب طول اليوم بسبب سؤالها عن والد ووالدة ملك 

وبعدين روحوا 

اول ما دخلت ملك البيت 

شافت 

      لقراءة الفصل الخامس عشر من هنا 

تعديل المقال