رواية بائعة الورد
الفصل الثامن عشر 18
بقلم اسراء محمد
عمرو : طب نقرأ الفاتحه بقي
يحيي : نقرأ الفاتحه
ويحيي حط ايده في ايد عمرو ولسه هيقرأوا
شاديه : استنوا
عمرو : في اي خضتينا
شاديه : انا ليا شرط قبل ما نقرأ الفاتحه
يحيي : شرط اي
شاديه : هو الشرط لكريم
كريم باستغراب : شرط اي
شاديه : انك تحافظ علي ماس قبل يمني وتعاملها كأنها بنتك مش بنت مراتك واوعي في يوم تحسسها او تحسس يمني انك عملت فيهم جِميله انك اتجوزتها وهي معاها بنت
كريم : متخافيش يا امي ماس في قلبي من قبل ما يمني توافق حتي علي الجواز
يمني فرحت بكلام كريم اكتر من كلام شاديه وحست انه بيحبها فعلا
سندس : وانتي كمان يا يمني تحافظي عليه وتعامليه بما يرضي الله
يمني : حاضر
كريم : ممكن بقي نقرأ الفاتحه قبل ما العروسه ترجع في كلامها
يحيي : يلا
وحط ايديه في ايد عمرو وقرأوا الفاتحه
وكلهم باركوا ليمني ومحدش بارك لكريم
كريم : هو انا شفاف
يحيي بأستغراب : لي
كريم : كلكم ما شاء الله باركتوا ليمني ومحدش باركلي
عمرو : انا مش عارف انت قاعد معانا لي انت المفروض اصلا تقوم تصلي ركعتين شكر أنها وافقت بيك اصلا
كريم : انت كده بتعصيها عليا وهي مش ناقصه
يمني بابتسامة : ربنا يخليك ليا يا عمو
عمرو : لا عمو اي قوليلي يا بابا
يمني : ربنا يخليك ليا يا بابا
كريم : ويخليك ليا انا كمان يا بابا
عمرو بضحك : لا انت ممكن تقولي يا عمو لان مينفعش تقولي يا بابا بعد الرقه دي
كلهم ضحكوا
كريم : شايفه جوزك يا ست شاديه
شاديه : شايفه وعاجبني
كريم : حتي انتي يا ماما
شاديه : هو انت فاكر انك بعد ما خطبت اننا هنقف في صفك اكيد لا يا حبيبي ده كان زمان
سندس : انا هقف في صفك يا حبيبي متزعلش
كريم : ربنا ما يحرمنش منك يا ماما
وطلع لسانه ليمني
كلهم ضحكوا
كريم : طب شويه جد بقي
يحيي : انت عايز تقول اي حد بعد اللي حصلك ده
كريم : يلا ربنا يسامحهم
سندس : قولي يا حبيبي اللي انت عايزه
كريم طلع علبه من جيبه وفتحها واداها ليمني
وقال : اتفضلي
يمني : اي ده
كريم : ده خاتم قراية الفاتحه
يمني : شكراً
ومدت ايديها تاخد الخاتم
كريم قالها : لا انا هلبسهولك
يمني ابتسمت ومدت ايديها ولبسها الخاتم
وشافته فرحت بيه اوي وبالذات عشان كان عليه حرفها
بصتله وقالتله : شكراً
كريم : شكرا علي اي انا لسه خلصت
يمني : يعني اي
كريم طلع علبه تانيه من جيبه وفتحها كانت سلسله ناحيه عليها صورتها هي وبنتها وناحيه صورته
وقال : لما نتجوز صورتي دي هتتشال وتتحط صورتنا مع بعض
يمني بابتسامة : ان شاء الله
عمرو : نحدد ميعاد الخطوبه ونكتفي بقراية الفاتحه لمده شهرين مثلاً ويبقي جواز علي طول
كريم : موافق يبقي جواز علي طول
يحيي : طب احنا ممكن نعمل خطوبه صغيره للاهل والصحاب المقربين والجواز برضو يبقي بعد شهرين عادي
كريم : بعد اذنكم لو ينفع تبقي الخطوبه بعد اسبوعين
يمني : اشمعنا
كريم : مزاجي كده ولا هتبقي عيانه برضو
يمني : هشوف ساعتها لسه
يحيي : موافقه يا ماما
سندس : اللي تشوفه يا ابني
يحيي : وانتي يا طنط موافقه انتي وعمو
عمرو : والله يا ابني انت اللي مسؤول عن يمني لو تمام موافق يبقي كلنا موافقين
يحيي : طب علي بركة الله يبقي الخطوبه بعد اسبوعين
سندس : طب هتبقي في البيت ولا قاعه
يحيي : زي ما يمني وكريم يحبوا هنعملها
واتصورا صور كتير
و بعدين استأذنوا ومشيوا
ملك : اخيرا هيبقي في البيت عروسه
يمني بضحك : عقبالك
ملك : يارب
ويمني اخدت بنتها ودخلت شقتها هي وملك
ملك : هتنامي
يمني : لا هكلم اسيل ابلغها وبعدين هنام
ملك : طيب انا هنام
يمني : تصبحي علي خير
ملك : وانتي من اهل الخير
يمني : الو ازيك يا اسيل
اسيل : الحمدلله وانتي عامله اي
يمني : الحمدلله
اسيل : وماس عامله اي
يمني : الحمدلله
اسيل : شكل صوتك فرحان
يمني : اه
اسيل : طب فرحيني معاكي
يمني : خطوبتي كمان اسبوعين
اسيل بعدم استعياب : خطوبه مين
يمني : خطوبتي انا
اسيل : ده بجد ولا مقلب
يمني بضحك : لا بجد
اسيل : اخيرا اخدتي القرار تاني
يمني بضحك : لا مش انا اللي اخدت القرار
اسيل : اومال مين
يمني : يحيي
اسيل : لا احكيلي
وحكتلها يمني كل حاجه من ساعة ما كريم جه لوحده وقعدوا مع بعض لحد ما قرأوا الفاتحه
اسيل : يااااه ده انا فاتني كتير اوي
يمني : اوي
اسيل : المهم مبروك يا قلبي
يمني : الله يبارك فيكي يا حبيبتي ، اخاف اقولك عقبالك تضربيني
اسيل : اقفلي كفايه كده
يمني : يا بت انتي بقي عندك 28 سنه
اسيل : حتي لو كان عندي 128 برضو مش هتجوز
يمني بضحك : طيب خلاص يا ستي براحتك
اسيل : طب يلا سلام بقي ونتكلم بكره
يمني : سلام
قفلت اسيل
وقعدت تفكر
وتقول : يا تري يا يمني لو عرفتي اني كنت بحب يحيي من قبل ما يتجوزك ومش عايزه اتجوز لحد دلوقتي عشانه هتعملي اي
وقعدت تفكر لحد ما نامت
عند يمني
كانت قاعده بتتفرج علي الصور
لقت رقم غريب بعتلها رساله علي الواتس
مكتوب فيها : مبروك يا عروسه
قبل ما ترد بتبص علي الصوره لقت صوره كارتونيه لولد وبنت قاعدين مع بعض
فردت باستغراب : مين
مجهول : يعني مش عارفاني يا عروستي
يمني : انا مش عروستك لسه يا استاذ كريم وبعدين انت جبت رقمي منين
كريم : هكون جبته من مين غير اخوكي وبعدين مش عروستي ازاي اومال كنا بنقرأ فاتحة مين من شويه
يمني : معرفش وتصبح علي خير بقي
كريم : هتنامي بدري كده
يمني : اه في حاجه
كريم : لا مفيش
يمني : طب سلام
كريم : سلام
وسابت التليفون
وهي من جواها مبسوطه باللي حصل
تاني يوم
صحيت يمني علي رنه موبايلها
يمني بنوم : الو
كريم : احلي الو سمعتها
يمني : صباح الخير
كريم : صباح الورد والياسمين
يمني : عايز اي ع الصبح
كريم : في واحده تكلم خطيبها كده وبعدين صبح اي الضهر اذن
يمني : بجد اذن
كريم : اه
يمني : طب عايز اي
كريم : اي يا بنتي البلطجه اللي انتي فيها دي
يمني : طب هقوم اصلي واصحي ملك عشان كانت نازله المحل النهارده واكلمك
كريم : ملك مين اللي تصحيها ملك في المحل بقالها ساعه
يمني : بجد
كريم : اه والله
يمني : طب هقوم اصلي طيب
كريم : طيب ربع ساعه وهرن عليكي تاني
يمني : طيب
وقفلت وقالت : ابقي شوف مين اللي هيرد عليك
سندس كانت داخله عليها
وقالت : انتي اللي هتردي عليه
يمني بخضه : انتي هنا من امتي
سندس : من ساعة ما كنت بتحاولي تقفلي عشان تصحي ملك
يمني : اممممم طيب انا هقوم بقي
سندس : طب بسرعه عشان نفطر سوا
يمني : انتي مفطرتيش مع ملك ويحيي
سندس : لا صحيوا ونزلوا وانا نايمه
يمني : طب خلاص هصلي واجي علي طول
سندس : طيب انا هروح هناك عقبال ما تيجي
يمني : طيب
يمني دخلت الحمام
وسندس راحت تحضر الفطار
يمني خرجت صلت وصحت بنتها واخدتها معاها
وسابت موبايلها في الاوضه عشان لما كريم يرن متردش
يمني راحت كملت الفطار مع سندس وقعدوا فطروا
وفجأة لقت موبايلها بيرن
يمني باستغراب : اي اللي جاب موبايلي هنا
سندس : انا
يمني : اي
سندس : عشان كنت عارفه انك مش هتجبيه معاكي عشان لما كريم يرن مترديش عليه
يمني : بتحطيني قدام الأمر الواقع يعني
سندس : اه
يمني بغيظ : طيب
وردت علي كريم
يمني : الو
كريم : مبترديش لي
يمني : بفطر مع ماما
كريم : طب سلميلي. عليها
يمني : خد سلم عليها انت
وأدت الموبايل لسندس
سندس : ازيك يا كريم
كريم : الحمدلله ازيك انتي يا طنط
سندس : الحمدلله
كريم : ينفع اللي بنتك بتعمله ده
سندس : بتدلع عليك يا كريم
كريم : لا إذا كانت بتدلع خلاص ماشي
سندس : ربنا يسعدكم يا حبايبي
كريم : اللهم امين
يمني في نفسها : اللهم امين
كريم : طب بقولك يا طنط
سندس : قول يا حبيبي
كريم : احنا نسينا امبارح نتكلم في الشبكه
سندس : لا احنا منسناش بس الشبكه دي هديتك ليمني يبقي تشوف مقدرتك اي وتجيبها محدش هيغصبك علي مبلغ معين
كريم : لا إذا كان كده دي يجيلها احلي شبكه
كانت في الوقت ده سندس فتحت الاسبيكر عشان تسمع يمني هو بيقول اي
ويمني فرحت بكلامه بس حاولت متبينش
سندس : ربنا يسعدك ويفرحك زي ما انت عايز تفرحها كده
كريم : اللهم امين ، طب شوفي بقي هتعملوا الخطوبه في البيت ولا قاعه عشان اعمل حسابي
سندس : لما يحيي يجي هنشوف ويمني هتبلغك
كريم : خلاص ماشي ، طب ممكن تديني يمني بقي
يمني شاورتلها عشان تقوله قامت
سندس : طب معلش يا حبيبي يمني قامت عشان ماس صحيت هتغيرلها. وتفطرها وتكلمك
كريم : خلاص ماشي ، عايزه حاجه
سندس : عايزه سلامتك
كريم : الله يسلمك ، باي
سندس : باي
سندس : لي بتكابري يا يمني
يمني : يكابر فين
سندس : انتي فاكره اني مش واخده بالي بالفرحه اللي بقت في وشك من امبارح
يمني : انا مفضوحه اوي كده
سندس : اوي
يمني : عشان خايفه يا ماما
سندس : خايفه من اي
يمني : خايفه احب والتعلق بيه وفجأة ميكونش موجود
سندس : الحب والخوف مبيجتمعوش مع بعض لو حبيتي مش هتخافي وانتي عايزه تحبيه يبقي حبيه ومتخافيش
يمني : يعني انتي شايفه كده
سندس : اه شايفه كده
يمني : حاضر
سندس : ربنا يسعدك يارب
يمني : يارب