رواية بائعة الورد
الفصل الخامس والعشرون والأخير 25
بقلم اسراء محمد
#الفصل الخامس والعشرون
#الاخير
#بائعه الورد
ملك دخلت المطبخ اخدت العصير
ودخلت عليهم
لاقيتهم كلهم قاعدين ما عدا العريس
حطت العصير علي الترابيزه
وقالت باستغراب : اومال فين العريس
العريس من وراها : انا اهو
ملك : فين ده
يحيي : انا
ملك بعدم فهم : انت اي
يحيي : العريس
ملك : عريس مين
يحيي : عريسك انتي
ملك : مش انت هتخطب واحده تانيه
يحيي : لا انا هخطبك انتي
ملك : ازاي هتخطبني وانت هتخطب غيري
يحيي : يا بنتي انا مش هخطب غيرك
ملك : ازاي وانت كنت بتقول قبل فرح يمني انك هتخطب واحده تانيه
يحيي : لا انا قولت هخطب بس مقولتش هخطب مين
ملك بغباء : طب هتخطب مين طيب
يحيي : انا رجعت في كلامي ومش عايزه اخطبها
سندس : استني بس انا هفهمها
يحيي : طب فهميها عشان لو مفهمتش هغير رأيه ومش هتجوز
سندس : بصي يا ملك يا حبيبتي
ملك : قولي
سندس : بصي يا حبيبتي هو قال انه هيخطب اه بس ده الكلام اللي قاله قدامكم
ملك : وبعدين
سندس : بس قالي بينه وبينه انه عايز يخطبك انتي بس قالي مقولش لحد ما نخلص فرح يمني وبعدين نقول بقي انه هيخطبك
ملك : يعني في الاخر هو عايز بخطني انا
سندس : اه
يحيي : بعد ما عرفتي بقي رأيك اي
ملك بغباء : رأيي في اي
يحيي : خلاص انا غيرت رأيي مش عايز اتجوز
كريم : براحه عليها بس لحد ما تفهم
يحيي : طب فهموها
يمني : ملك يا حبيبتي انتي دلوقتي اختي صح
ملك : اه
يمني : دلوقتي هتبقي اختي ومرات اخويا وانا هبقي عمت عيالك
ملك : مش فاهمه
يحيي : طب نقرأ الفاتحه وبعدين تفهم
سندس : لما تقول رأيها الاول
يحيي : تقول رأيها اي هي فاهمه عشان تقول رأيها
سندس : طب اي رأيك يا ملك
ملك : في اي
يحيي : انا صرفت نظر عن الجوازه دي
وسابهم وقام مسكه كريم
وقال : استني بس المفاجأة كانت جامده عليها
يحيي قعد وقال : اهو استنيت ، اي رأيك يا ست البنات
ملك : مش موافقه
يحيي بانفعال : نعم يا ختيييي
سندس بضحك : اهدي بس ، ملك يا حبيبتي انتي مش عايزه تتجوزي يحيي
ملك : لا عايزه اتجوزه
يحيي : اومال اي مش عايزه اتجوزك دي
ملك : عشان مش عايزه اتجوزك
يحيي : بصي يا ماما عشان مش عايز ارتكب جريمه احنا نقرأ الفاتحه وهتجوزها غصب عنها
سندس : يلا
وقرأوا الفاتحه
يحيي : بصي يا طنط
سندس باست : طنط
يحيي : اه مش انتي المفروض امها وانا جاي اتقدم تبقي طنط
سندس : طب قول يا حبيب طنط
يحيي : احنا نخلي الخطوبه وكتب الكتاب بعد امتحانات السنه دي اي رأيك
سندس : بس مش شايف ان الخطوبه تبقي لوحدها وكتب الكتاب لوحده
يحيي : لي
سندس : عشان لو قدر الله محصلش نصيب
يحيي : لا متقوليش كده ان شاء الله هيحصل
سندس : يارب
يحيي : المهم قولتي اي
سندس : انا موافقه
يحيي : والجواز خلال شهرين من الخطوبه اي رأيك
سندس : وهتلحق تجهز شقتك في شهرين
يحيي : ما انا هبدأ من دلوقتي
سندس : اي رأيك يا لوكا
ملك : رأيي في اي
كريم : دي لسه مش مستوعبه
يحيي : طب سيبوها تستوعب براحتها ونكمل كلام ، قولتي اي
سندس : موافقه
يحيي : علي بركه الله
سندس : بس خلي بالك كده قدامك 4 شهور عشان تجهز الشقه
يحيي : قولي يارب
سندس : يارب
وخلص اليوم
وملك لسه مش مستوعبه
تاني يوم
يمني دخلت تصحي ملك عشان تفطر معاهم
يمني : ملك يا ملك
ملك بضحك : نعم
يمني : بتضحكي علي اي قومي
ملك قامت
وقالت : صباح الخير
يمني : صباح النور ، صاحيه مبسوطه كده لي
ملك : كنت بحلم حلم جمييييل
يمني : لا احكيلي بقي اي الحلم الجميل ده
ملك : حلمت ان يحيي اتقدملي
يمني بضحك : هو ده الحلم
ملك بأستغراب : اه ، بتضحكي علي اي
يمني : عشان ده مش حلم
ملك : يعني اي
يمني : يعني يحيي اتقدملك بجد مش حلم
ملك بخضه : اي
يمني : في اي
ملك : اي اللي انتي قولتيه ده
يمني : بقولك يحيي اتقدملك بجد وقرأنا الفاتحه
ملك : يعني ده دش حلم
يمني : لا مش حلم
وقعدت شويه عقبال ما استوعبت
ان يحيي فعلا اتقدملها
وكلمت اناهيد قالتلها
واناهيد فرحتلها وباربكتلها
وبعد شهر ونص
كانت ملك بتمتحن
ويحيي والباقي بيجهز للخطوبه
ملك كانت قاعده بتذاكر في اوضتها
عشان عندها امتحان تاني يوم
يحيي دخل عليها
يحيي : ملك
ملك : نعم
يحيي : بصي كده الصور دي
ملك : صور اي
يحيي : صور اوض نوم اختاري منهم
ملك شافت الصور
وقالت : الله حلوين اوي بس مش شايف انهم غاليين اوي
يحيي : مفيش حاجه تغلي عليكي
ملك : ربنا يخليك ليا
يحيي : ويخليكي ليا
ملك اختارت اوضه حلوه اوي
بلون السيلفر
ملك : خلاص اختارت الاوضه اخرج بقي عشان اكمل مذاكره
يحيي : خلاص خارج
وعدا الوقت
لحد ما جه يوم الخطوبه
يحيي جاب ميك اب ارتيست ليهم
وكانوا بيجهزوا واسيل معاهم
كانت ملك لابسه فستان كشمير وحاطه ميكياچ خفيف
وسندس كانت لابسه اسود في سيلفر وحاطه ميكياچ خفيف جدا
ويمني وماس كانوا لابسين فساتين رصاصي
اسيل كانت لابسه كحلي
ويحيي كان في شقته بيجهز
وكان لابس بدله سوداء وكرفته كشمير
وكالعاده معرفش يربط الكرفته
ونزل عشان ملك تربطهاله
يحيي : ملك ملك
ملك جت تخرج
يمني : انتي رايحه فين
ملك : رايحه اكلمه
يمني : لا لما تخلصي
ملك سابتها وخرجت
وهي بتقول : لا هخرج
اول ما خرجت
يحيي تنح
ملك : نعم
يحيي مردش
ملك : يحيي يحيي يحيي
يحيي برضو مبيردش
ملك : يحيييييي
يحيي بانتباه : نعم
ملك : كنت عايزني في اي
يحيي : اه صح انا اللي عايزك
ملك : انت نسيت
يحيي : اه ، كنت عايزك تربطيلي الكرفته
ملك ربطتله الكرفته
يحيي : بقولك اي
ملك : قول
يحيي : مش احنا هنكتب الكتاب النهارده
ملك : اه
يحيي : طب ما تيجي نكمل الجوازه للآخر ونخلص
ملك : لا
يحيي : اصل انتي قمر اوي والصراحه مش هقدر اصبر الشهرين دول
ملك سابته ورجعت اوضتها
لحد ما الكل يخلص تجهيز
كريم كان لابس بدله سوداء وكرفته رصاصي
وحسام جه عشان ياخد اسيل
ويروح معاهم القاعه
وكان لابس بدله رصاصي وكرفته كحلي
ونزلوا راحوا القاعه
رقصوا الرقصه السلو الاول
وبعدين لبسوا الشبكه وكتبوا الكتاب
وبعدين كملوا رقص علي اغاني عاديه
لحد ما خلصوا
رقصوا رقصه سلو اخيره
وخلص اليوم
وعدا الوقت
لحد ما جه الفرح
واتجوزا
بعد 6 سنين
مامي يا مامي
ملك : نعم يا ريتا
ريتا : سيليا بنت عمتو مث عايزه تلعب معايا
ملك : طب خدي عروستك وخليها تلعب معاكي وهي تلعب
ريتا : ماثي
ملك : ريتا حبيبت مامي
ريتا : نعم
ملك : مامي هتروح الشغل اوعي تزعلي آنه سندس او عمتو يمني او ماس
ريتا : حاضر يا مامي
ملك : وتلعبي مع سيليا من غير خناق عشان مامي وعمتو ميزعلوش منك
ريتا : حاضر يا مامي
يحيي جه من وراها حضنها
وقالها : وحشتيني
ملك : وانت كمان وحشتني اوي
يحيي : رايحه فين
ملك : رايحه المكتب انت ناسي ولا اي
يحيي : لا طبعاً مقدرش انسي انك اصغر واشطر محاميه شوفتها
ملك : لولاك مكنتش وصلت لده كله
يحيي : لولا مجهودك وشطارتك
ملك : ربنا ما يحرمني منك يا اجمل واحلي واعظم حاجه حصلتلي في حياتي
يحيي : ولا يحرمني منك يا اغلي من روحي
ريتا مسكت رجله من تحت
وقالت : وانا اي
يحيي باسها
وقال : انتي كل حياتي
ملك : انتي كل حاجه حلوه في حياتنا
. تمت بحمد الله
وايضا زورو قناتنا سما القاهرة للروايات
من هنا علي التلجرام لتشارك معنا لك