رواية اعشقها
الفصل الرابع 4
بقلم/مريم الشهاوى
فريد وقع كوباية الشاي من ايديه وهو واقف على الباب
علي:فريد
مصطفى:انت هنا من امتى
فريد:ااا لسه جاي انا اسف كوباية الشاي وقعت من ايدي بالغلط
علي:لا عادي ولا يهمك تعالى ادخل
فريد بإبتسامه:انا جاي اشكرك بجد انك رجعتلي روحي تاني
علي بوجع:تشكر اي بس يابني احنا اخوات
فريد حضنه وقعد شرب الشاي معاه واستأذن عشان مشواره هو ونورا
ف كافيه فريد ونورا
فريد:انت مش عارفه انت وحشتيني قد اي
نورا بكسوف:وانت كمان متزعقليش تاني يا فريد فهمني براحه
فريد مسك ايديها وباسها:اوعدك صوتي ميعلاش عليكي تاني
(وقعدوا يتكلموا كلام الحبايب والمخطوبين دا وانا عندي مراره واحده ف مش هكتبو
مر عدة شهور•••••
مصطفى كان رايح ينام بس شاف ريناد بتعيط ف الجنينه
مصطفى جري راحلها
مصطفى:رينادمالك
ريناد....
مصطفى: ردي عليا يا ريناد
ريناد بزعيق:انت بتحب آيه
مصطفى:في اي الي دخل موضوع آيه ف الحوار دلوقتي
ريناد بعياط اكثر:بتحبها
مصطفى:ايوا بس فيه اي
ريناد سابته ومشيت وكملت عياط ف اوضتها
مصطفى:ريناد استني افتحي الباب يا ريناد
ريناد عماله تعيط وتقول روحلها اتفلقوا انتو الاتنين
مصطفى فضل يخبط لحد اما زهق وراح الاوضه وهو عمال يفكر اي الي مخليها تعيط للدرجة دي عشان بحب آيه
تاني يوم الصبح الكل على السفره وريناد مش معبره مصطفى
ريناد على هات عيش من جمبك
مصطفى اخد حبة عيش واداها ل ريناد
ريناد مبصتلوش وقامت اخدت من جمب علي
علي استغرب وسأل مصطفى في ايه اتخانقتوا ولا اي
مصطفى همس ف ودنه:والله ما عارف اي الي مزعلها مني
علي:لا دا باين على وشها قرفانه من خلقتك مش زعلانه منك بس
مصطفى:انا هموت واعرف فيه اي
علي:ف.....تلفونه رن
نورا:علي
علي:صباح الخير عامله اي
نورا:كويسه اوي وفرحانه اوي
علي:ربنا يفرحك كمان وكمان من اي بقا يا ستي
نورا:طنط سميه مامت فريد جات النهارده الصبح وحددنا موعد جوازناااا
علي بزعل:بجد
نورا:اي بجد دي انت مفرحتليش
علي:ازاي بس فرحت اوي كمان
كريمه:مين يا علي
علي:نورا يا ماما
نورا:قولها اني حددت موعد جوازي
علي بفرحه مزيفه:ن..نورا حددت موعد جوازها هيا وفريد
كريمه سكتت وقامت من على الاكل ومصطفى زعلان على حال اخوه
علي:بت....بتقولك مبروك
نورا:الله يبارك فيها ماما بتقولك تعالى اتغدى معانا النهارده
علي:بالهنا والشفه لا والله عندي شغل
نورا:ونبي يا على انا نفسي اشوف ريناد هات ماما وصاصاوتعالى عشان خاطري
علي مرضاش يزعلها ف وافق
كريمه ف اوضتها مكسوره على ابنها
علي خبط على الباب:ممكن ادخل
كريمه:ااااه يا بني ادخل
علي:ممكن اعرف انت زعلانه ليه
كريمه بكسره:ودا سؤال تسألهولي انت يوم عن يوم نفسيتك بتدمر وتيحي تقولي انت زعلانه ليه
علي بزعل:يا امي الجواز دا نصيب وهيه مش نصيبي
كريمه:قولتلك من بدري روح اتقدملها وانت تقولي استني شويه اما احسها فيها واستني شويه الشقه خلاص بتخلص و... وو.... لحد اما راحت منك وانت مش عارف تتصرف دا حتى مش راضي تبدأ حياه جديده
علي:يا امي انا قولتلك حياتي ادمرت من اول ما قالتلي انا هخطب ف لزومه اي بقا كل الكلام دا
كريمه بزعيق:لا انت حياتك مدمرتش انت هتشتغل وانا هسفرك الكام شهر دول عشان بجد مش طايقه ولا حابه انك تتوجع
علي:هسافر فين
كريمه:المانيا بلد عمليه اهي تشغلك بشغلك بدل ما انت
علي:يا امي مش عاوز اسافر
كريمه:لا لازم تسافر لازم تبعد عن كل حاجه بتوجعك طول ما هيه قدامك هتتوجع وانا مش عاوزاك تتوجع يا بني (ودموعها ابتدت تنزل)
علي:طب السفر امتي
كريمه:يوم الاربع الجاي
علي:قريب اوي يا ماما
كريمه:معلش يا حبيبي
علي:طب انا كنت عاوز اطلب منك طلب
كريمه:اتفضل
علي:نورا وماما ضحى عزمنا علي الغدا النهارده
كريمه:وانت قبلت
علي:معلش يا امي فضلت تتحايل عليا وانا مقدرتش اقولها لا
كريمه:ماشي يا بني وربنا يستر على اليوم دا
علي راح هو وعيلته وف الطريق ريناد مش بتتكلم نهائي مع مصطفى وكل ما يفتح كلام معاها تقفلوا
نورا:اهلا اهلا يا ماما نورتوا
كريمه:دا نورك يا عمري
ريناد:نوناا وحشاني جدا ومبروك على معاد جوازك يا ستي
نورا:الله يبارك فيكي
ضحى:كريمه وحشتيني جدا يا بنتي اي دا ولا بنشوفك انت اتبريتي مننا من ساعت ما سبتي العماره ولا اي
كريمه:اا والله بس اتشغلت شويه يا حببتي ومش هقطع تاني انا اسفه
ضحى:طب يلا تعالي انا حضرت السفره
مصطفى جالوا تلفون وريناد لاحظت وراقبته
مصطفى:ايوا يا آيه بتصل بيكي من بدري
ايه:اسفه يا حبيبي بس كنت نايمه مسمعتش الموبايل
مصطفى:انت اتكلمتي مع ريناد امبارح
ايه بقلق:ايوا ليه
مصطفى:امبارح سألتني اذا كنت بحبك ولا لا.فقولتلها اه فضلت تعيط وراحت على اوضتها ومن ساعتها وهيه مش بتكلمني
ايه:مش عارفه بقا يا مصطفى انا ايش عرفني هيه كانت بتعيط ليه انت عارف ان ريناد اوفر حبتين ممكن تكون اتفرجتلها على مسلسل والبطل مات مثلا
مصطفى بضحك:تصدقي ممكن
ايه:ماما بتناديني عشان اتغدا يلا باي يا حبيبي بحبك
مصطفى:وانا كمان بحبك وقفل معاها وريناد عينيها رغرغت من الدموع
كريمه:ريناد مصطفى تعالوا يلا عشان الاكل
ريناد مسحت دموعها وراحت على السفره ومصطفى زعلان انها زعلانه هو لحد دلوقتي مش عارف هيه زعلانه منه ليه
(ما تفهم بقا يلا خلاص بقيت اهبل مبتفهمش
اتجمعوا كلهم على السفره
علي:تسلم ايدك يا احلى ماما ضحى ف الدنيا
ضحى:بالهنا والشفا يا حبيبي انت مبتاكلش ليه
علي:والله باكل بسك على صاصا مش راضي ياكل
ضحى:ولا يا مصطفى مبتاكلش لي الاكل مش عاجبك
مصطفى:لا والله تحفه هاكل بس ف دماغي حاجه شغلاني مش عارف ليه ووجه كلامه لريناد وهو ينظر لها
ريناد حاطه وشها ف الاكل ونورا لاحظت دا
حسن طول عمره معجب ب علي وكان نفسه بنته تتجوزه لكن النصيب اهو فريد بردك شاب كويس
حسن:قولي بقا يا علي رجعت المفعوصه دي لفريد ازاي
علي:يا عمي كل الحكايه انها كانت شايفه الموضوع من ناحيه تانيه مش اكتر هيه شافت انه زعقلها وبس انما زعقلها ليه انا عرفتهولها
حسن:طول عمرك عاقل يابني وشوفوا كنت دايما اقول علي دا لنورا ونورا لعلي بس القدر بقا
نورا بتوتر:ازاي بقا يا بابا دا علي دا اخويا
كريمه انفعلت:لا مش اخوكي يا نورا انت اسمك نورا حسن وهو اسمع علي مختار
نورا اتكسفت
علي اتكلم:هيه تقصد يا ماما اني زي اخوها لاني بقف جمبها كتير
وخلصوا الغدا ف صمت وبعد الغدا نورا اخدت ريناد اوضتها تتكلم معاها تفهم هيا ليه كانت زعلانه
ريناد:اي يا نورا
نورا:مالك مبووذه ليه طول اليوم
ريناد ما صدقت حد قالها انت مالك واترمت ف حضن نورا
ريناد بعياط:صاحبتي آيه عرفتها على مصطفى وقولتلها لمحيله اني بحبه لدرجة اني ادتها رقمه وخليتها تكلمه وانا كنت واثقه فيها لانها صاحبتي من الدرجه الاولى اجي اكلمها امبارح بخصوص مصطفى تقولي بكل بجاحه معلش يا ريناد انا حاولت الفت نظره عنك بس هو التفت ليا انا قولتلها قصدك اي يا آيه مش فاهمه ردت وقالتلي ريناد مصطفى حبني وقالي هيجي يطلب ايدي وانا معرفتش اقوله لا عشان حبيته انا كمان سامحيني انا معرفتش اقولها اي وقعدت اعيط ف الجنينه وجيه مصطفى بيقولي مالك قولتله هو انت بتحب آيه رد وقالي اه وانا سمعته النهارده وهو بيكلمها وبيقولها بحبك حاسه اني عاوزه اموت يا نورا مش قادره اتنفس نفس تاني بعد الي سمعته
نورا بزعل مزيف:طب اهدي بس كل حاجه هتتصلح
وخرجت ريناد من اوضتها بعد ما هديت ونوركلمت آيه
نورا:كدا تمام جات وعيطط كمان
آيه بسعاده:الخطه كده ماشيه تمام
مصطفى دخل على نورا:كله تمام كده
نورا:عيب عليك...