البارت السابع عشر 17
بقلم أسماء محمد
هديل نظرات غير واعية..
غازي\عائلتي.
هديل\عا ئل تك !!
غازي\نعم عائلتي..الجناحين تكون جاهزة..مفهوم..
هديل وكانها تكلم نفسها\م عك عا
ماكملت كلامها وهو رفع راسها له وناظر بعيونها..
غازي\ايه عائلتي..كوني مستعدة يارسل..
هديل\مستعدة..!!
غازي تنهد\انتبهي على نفسك ونامي هنا في القصر..
ولتفكري تطلعي من المزرعة مرة ثانية..
مسح باصبعه على اسفل عينها..
أدركت انها تبكي من دون شعور واصبعه مسحت الدمعه..
قفى عنها طالع من الجناح وهي تناظر فيه..بخطوات مترددة مشت وراه..
شال شنطته وتوجه ل الدرج يبي ينزل..
بس همس مخنوووق أجبره يلتفت عليها..
هديل بصوت مخنوق\و أنا ....
ترك الشنطة وقرب منها وعيونه على عيونها..
غازي\أنتي..؟؟
هديل بألم\أريد هلي..
غازي\أنا هلك..
هديل بحنين\أريد أمي..
غازي بقسوة\مالك أم..مالك أحد غيري..
هديل\بس أنت معك أم ..
غازي بتجبر\ايه معي أم وعائلة ولا محسبتني مقطوع من شجرة مثلك..
هديل بحزن\أنت اللي قطعتني..
غازي\ولاني بندمان..
قفا عنها ونزل من الدرج وبعدها ترك القصر..
وهي ماتدري كم مر من الوقت وهي واقفة بمكانها..
معه أهل عنده أم..يعرف غلا الأم وحرمني من أمي..حرمني من ريحتها وصوتها..
حرمني من حضنها ونصايحها..
عنده أهل وهو حارمني من هلي..
أنا كنت أظنه وحيد وماله أحد..وهذا كان مصبرني لانه مثلي..
بس الحين طلع عنده أهل وأنا ما لي أهل..
لا لا مو بكيفه والله مايتهنى بأهله ويحرمني..
كانت تتكلم وتشهق من البكي وترتجف من القهر والزعل ..
أريد أمييييييييي اريد ابوي واخواني..ابي ارجع بيتنا..ما ابي اشوفه مع اهله..
ما ابي ألتقي فيهم ..رجعني لأمي رجعنييييي..
صوفي بقلق\ما الأمر..؟؟ماذا أصابك..؟؟
هديل\أريد الرحيل من هنا..أخرجني من هذا المكان أريد الهرب..
صوفي تقرب منها\اهدئي أرجوك..أخبريني لما كل هذا البكاء؟؟
هديل\صوفي أرجوكي أخرجيني من هذا المكان..أريد العودة للوطن..
صوفي تمسك هديل وتجلسها\يافتاة اهدئي وأخبريني مابكي؟؟
حطت يدينها على وجها وانخرطت في بكاء مرير..
تتخيل اهله وهو بينهم..وهي واقفة على الطرف مالها وجوووود..
صوفي\هل أطلب من ماريا الحضوور؟؟
هديل\لا..أريد الهرب من هنا أخرجيني..
صوفي\كم اتمنى مساعدتك ولكن ماكس لن يسمح لي بذلك..
هديل\لن نخبره بذلك فقط أخرجيني من هنا أخرجيني..
صوفي تمسح دموع هديل\لقد وعدته بأن لا أخرجك من هنا مرة أخرى..
هديل وقفت بعصبية\ومنذ متى قررتي الوفاء بوعودك..ألم تهجريه بعد عهود الزواج..
والان تقولين لن تخلفي وعدك له..
صوفي بقهر\حياتي الخاصة لا تخصك..ابقي بعيدة عنها..
هديل\ارحلي من هنا لا أريد رؤيتك..سأهرب لوحدي سأهرب..
صوفي\افعلي ماتريدين لايهمني..ولكن كوني على يقين من أن السيد سيجدك..
هديل\حسبي الله عليه الله لاينصره ولا يوفقه..قهرني قهرنيييييي..
نزلت الدرج بسرعة وكانت ماريا قدامها..
ماريا\لم كل هذا الصراخ ألن تكفا عن الشجار؟؟
هديل\أريد الخروج من هنا..
ماريا\مابك لماذا تبكين؟؟
هديل بقهر\ماريا أريد العودة لمنزلي..لا اريد البقاء هنا..
ماريا\لا أستطيع ان أسمح لك بالرحيل..
هديل\حياتي ليست ملكاً لكي ولا له..لاشأن لك برحيلي وبقائي..
ماريا بعصبية\بل هو شأني أنتي هنا في عهدتي حتى عودت السيد..فلا تفكري با الرحيل..
هديل\سأرحل ماريا سأرحل يوماً ما ولن أسامحكم أبداً..
ماريا\لاتغضبي مني فأنا أتمنى لكي كل السعادة..ولكن السيد أمر بمراقبتك..
هديل\لن أغفر لكم أبداً..
صوفي تسحب هديل وتخرجها من القصر..بس هديل سحبت نفسها منها..
وتوجهت للاسطبلات..دخلت الحضيرة عند الفرس والمهرة الصغيرة..
قربت من الفرس وضمتها وبكت بقووووة..
هديل بصوت مخنوق\أريد امي مشتاقة لها..بيجيب أمه..بيعيش معها وأنا حارمني من امي..
ما أبي أشوفه مع امه ما ابي أشوووف اهله ما ابي ما ابي..
صوفي\سأساعدك على الهرب..ولكن كفي عن البكاء..
هديل\ارحلي عني..
صوفي تمسح على ظهر هديل\أنا لا أطيق حبسك هنا والتحكم بك..سأساعدك..
هديل بسخرية\وماذا عن وعدك لماكس..؟؟
صوفي\وعدته أن لا اخرجك من المزرعة..ولكني لم اعده بعدم مساعدتك على الهرب..
هديل جلست على القش\وان خرجت من هذا المكان..فأين أذهب..
ضحكت بسخرية\حتى أني لا أعرف ما اسم هذه البلاد..ولا كم تبعد عن موطني..
ان خرجت من هنا فلن اعود الى أمي أبداً..فأنا لا أملك الا اسمي وأخشى بأني بدأت أنساه.
في السيارة كان هادي وراكان ماشين ع المطار لأن اليوم..
يوم سفر هادي..
راكان\تروح وترجع بالسلامة يا أبو حسين..
هادي\الله يعين..والله أحس بالضيق من دموع امي وأختي..
حتى جدتي ماهي براضية..
راكان\لابد من حزنهم الحين بس بكره يتعودون..المهم اهتم بمستقبلك ودراستك..
هادي\راكان؟؟
راكان\سم..
هادي\تدري وش أخبار غازي بن جالي..
راكان بعصبية\وأنت وش تبي فيه؟؟
هادي\أسال عنه ودي أشوفه..
راكان\وليه تبي تشوفه..ترى بينكم دم والحمدلله انه تنازل عنكم..
ماله داعي تشوفه أو تقابله..
هادي بهمس\ما انت فاهم..
راكان\ولا أبي افهم..ياهادي خل الوضع على ماهو عليه..الجروح بعدها ماطابت..
هادي\خلاص انسى الموضوع..
رد على جواله وكانت غادة متصلة فيه..
هادي\هلا..
غادة\هادي تكفى اول ماتوصل اتصل فينا زين..أمي تحلفك بالله تكلمها اول ماتوصل..
هادي\ابشري أنتي وامي أكلمكم اول ما اوصل..
غادة\ولا تنام في الطيارة..
هادي\هههههههه طيب خلاص فهمت..
غادة بقهر\صدق هادي لاتنام في الطيارة أمانة..
هادي\لا تحلفيني المشوااار طوييييييييل واكيد راح انام..أنتي فكيني من اوهامك..
غادة\لااااااا هادي تكفى لاتنام اوعدني..
هادي\ماني بواعدك لاني بانام تعباان مو نايم الا ساعتين بس..
غادة بعصبية\أجل ارجع البيت نام وارتاح وبكره سافر..
هادي\ايه لان النظام بكيف ابوك وأبوي..اقوول توكلي يالغالية..
غادة\لاتنام...
هادي\ههههههههههههههه يصير خير يالله انتبهي على نفسك وعلى هلي..
غادة\مع السلامة ولا تنام..
قفل هادي وهو يضحك على اخته..
راكان\وش الضحك كله عليه؟؟
هادي\غادة متصلة علي تحذرني لا انام في الطيارة..
راكان يبتسم\غريب طلبها هذا بس ليش؟؟
هادي يكتم ابتسامته\مرة كنا مسافرين لعمتي أمي وابوي كانوا بجنب بعض..
وانا والمرحومة جنب بعض..وهي كانت جالسة لوحدها..
المهم وصلنا المطار ونزلنا من الطيارة وهي نايمة ولا انتبهنا عليها..
هههههه واحنا ننتظر الشنط الا والأمن يتراكضون والدنيا قامت ولاقعدت في المطار..
رحت اتطمن على امي وخواتي لقيتهم ناقصين غادة..رحت ادورها مع ابوي..
طلعت الحلوة تصارخ في الطيارة وتبكي..وتقول ان فيه احد خطف أهلها..
راكان\هههههههه يخطفكم كلكم..
هادي\هي لما صحت كانت تظن الطيارة الى الحين في الجو ماكانت مستوعبة..
بس يالله كيف زعلت علينا وهاوشتنا وحلفت ماتنام في الطيارة مرة ثانية..
راكان\ههههههه والله رهيبة اختك...
هادي\ترى هي مصدقة بها الشيء..المصيبة لما تصحى من النوم تجيب العيد..
راكان\الله يطعمنا هالتوصيات..
هادي\والله ماكنت اتمناها الا لك..
راكان بثقة\وهي لي..
هادي\بس هي ردتك..
راكان بغموض\عاذرها..
هادي\عاذرها؟؟
راكان بتمويه\ايه أدري انها الى الحين ماهي متقبلة وفاة هديل..
وجرحها بعده طري..وانا استعجلت..
هادي\لو ما اللي صار معي انا وسلمان كان الحين غادة زوجتك..
راكان\قدر الله وماشاء فعل..لكل شيء حكمة يا هادي..
هادي\لا حول ولاقوة الا بالله..
وصلوا المطار خلص اوراقه وتوجه لصالة الانتظار..
شاف ابوه واقف قدامه..أنصدم ماتوقع أبداً..لان ابوه ودعه بكلمتين من الليل..
ولما طلع مع راكان ماقدر يلقى ابوه..بس الحين ابوه في المطار..
هادي\يوبه..؟
أبوعلي يقبل راسه\ودعتك الله ياهادي..طريق السلامة يابوووك..
هادي انحنى يقبل يدين أبوه وكتفه وراسه ويضمه بقووووة..
ابوعلي\لاتقهرني فيك ولاتضيع سبيلك..حط ربي بين عيونك..
وارجعلنا بخير وسلامة..
هادي بضيق\حللني يوبه وافسحني..شايل بخاطرك علي الكثير..
مدري السبب لاني ذبحت نفس ولاهو شيء ثاني..
ابوعلي\لا ياهادي ماهو بذنبك مير ان شوقي لاختك يذبحني..
هادي\سلامة قلبك يا الغالي..والله لو تدري وش الشوق مسوي فيني..
غير ماعاد لها رجووع يا ابوعلي ماعاد لها رجوع..
ابوعلي\ربك كريم ياهادي والله قادر على كل شيء..
هادي يقبل راس ابوه\صار الوقت يوبه أعلنوا وقت الرحيل..
ابوعلي بعصة\ارجع ورجع هديل معك كنك لقيتها..
هادي\ان شاء الله اني راجع وهديل ما ضيعتها تراها عايشة فيني..
ابوعلي يهز راسه بحسرة\فمان الله يابوووك..
هادي\فمان الله يالغالي..
توجه للبوابة الخاصة برحلته..صعد على متن الطائرة..
وحلق الى عاصمة الضباب لندن.
كانت جالسة بغرفتها وتراجع منهج الامتحانات اللي راح تقرره للبنات..
في الامتحانات النهائية..لما سمعت الدق على باب غرفتها..وقبل لاتسمح بدخول احد..
تفاجئت بدخول سارة بنت عمها وتسكر الباب وراها..
سارة\السلام عليكم ..
غادة\وعليكم السلام ورحمة الله..هلا سارة
وقفت وسلمت عليها..جلسوا على السرير..
سارة\كيفك ان شاء الله بخير.؟؟
غادة\الحمدلله بخير..أنتي كيفك وكيف عيالك؟؟
سارة تتنهد\ماعليهم طيبين مع ان لقافتهم زايدة ها الفترة..
غادة\الله يعينك عليهم اعرفهم ملاقيف..
سارة بسخرية من عيالها\لاعاد ترى يكونون محترمين لما تشوفينهم يعننهم ذربين..
غادة\ههههه ربي يسعدهم..
سارة\أشتقت أشوفك تضحكين..
غادة تبتسم\الله كريم..
سارة\غادة خلينا نتفاهم..
غادة\اذا بتتكلمي عن اخر موضوع صار بينا انسيه الله يخليك..
سارة\انتي اسمعيني لاتضيعي حياتك بسبب اوهام..
غادة\أنا وانتي ندري انها مو اوهام..
سارة\كنت اظن اني ادري..بس كنا فاهمين غلط..
غادة بحنين\تذكرين لما كنا نعلق على هديل..ونضحك عليها وهي كانت تعصب علينا..
سارة تبتسم\ايه واذكر يوم كبت الماء على عباتي عشان اسكت وما اعلق عليها..
غادة\وكأن كل هذا صار أمس..
هديل بخجل\وجع وجع ياقليلاااااااات الادب عيب ها الكلام..
سارة\يعنني يا عيب ههههه
غادة\هدوولة سمي بنتك الاولى غادة بنت راكان..
هديل\غادة ترى باعلم امي تكفخك اسكتي..
سارة\ياختي وش فيك مستحية كذا..ركووون يبيك يالبزر..
والله وناسة تصيرين مرت اخوي وانا اتوطاك وانكد عليك..
غادة\شفتي ياسوسو اختي بتتزوج قبلي..ابوو العنووسة..
سارة\أصير أنا وانتي هدووول المتزوجات من بنات العائلة ونترزز في المواجيب..
هديل\سوير بتسكتين عن خبالك ولا اسوي شيء يطفشك..
سارة\يعني وش بتسوين ياحرم راكان بن حثلين..
هديل كبت الماء على عباية سارة وعضت غادة على كتفها..
سارة بشهقة\حسبي الله عليك يالمجنونة لييش..
غادة\اي اي اي فكي يا عضاضة يا مقرووودة فكي..
هديل بعدت عنهم\تعلموا كيف تتكلمون معي ياللي ماتستحون..
ماخليتوا شيء الا وقلتوه يالدوبات..ما ابى اخوك ولا ابى العرس من اصله..
سارة\ياعليك سحى ماهو بسنع ياهذي البنت مدري من وين ورثتيه..
هديل بسخرية\محسبتني مثلك وجهي مغسول بمرق..
سارة تمثل العصبية\المهم زواجك بعد شهرين جهزي عمرك..
والله اني مستخسرة أخوي فيك..ابيله وحدة جريئة مو مثلك تبكي من السحى..
هديل بغضب\قليلة ادب وقليلة ادب ياقليلة الادب..
ضيعتي السحى من يومك اعرستي يا قليلة الادب..يا يا يا قليلة الادب..
غادة\ههههه سارة خلاص ضايقتي اختي ياقليلة الادب..
سارة تغمز لهديل\عقبال ماتضيعين الادب يا السحاوية..
هديل\يوووووومه شوفي سارة وش تقوووول..
ام علي\وش فيك تصارخين؟؟
هديل\سوير اسمعوا وش تقووول..
ام راكان\وسارة وش تقول؟؟
هديل تناظر بسارة وغادة اللي انخطف اللون من وجيهم ويترجون هديل بعيونهم ماتتكلم..
سارة بلعثمة\ما ما ماقلنا شيء بس قلت لها تدرس زين عندها امتحانات..
هديل\كذابة ماقالت كذا..قولي الصدق قولي..
سارة ووجها احمر\هديل تعالي هنا انتي فهمتي غلط..
هديل\يعني ماتبين تعلمينهم وش قلتي..طيب انا اعلمهم..
سارة تهمس لغادة\ياويلي ياغادة البزر بتقول لامي وعمتي وش انا اقول لها..
هديل\يومه سارة تقووووول ان البنت لما تتزوج تصير..
ام راكان بعصبية\تصير وشهو؟؟
هديل تناظر سارة بخبث\ان البنت لما تتزوج تصير أم لزوجها..
كلهم ضحكوا عليها..بس هديل كانت تضحك على شكل سارة المرعوبة..
غادة\ههههه اهه بس لوعادت كلامك لامك كان ليلك رمادي..
سارة\ههههه والله كنت اظنها راح تقووول كل شيء..
غادة\الله يرحمها فقدتها مررررة..
سارة\الله يرحمها..
بعد صمت قصير..استئنفت سارة الكلام..
سارة\غادة راكان ماكان يحب هديل..
غادة\براحته الحب مو غصب..
سارة\انا فهمته غلط واوهمتك انتي وهديل بهذا الشيء..
غادة\هديل ماكان يهمها الموضوع لانها كانت مشغولة بدراستها وماتفكر بها الشيء..
سارة\وانتي كنتي تفكري بهذا الشيء؟؟
غادة\ماكان يهمني الموضوع..
سارة\وراكان ماكان يهمك..؟؟
غادة\لا..
سارة\كذابة..
غادة\بكيفك..بس ليش تفتحي هالموضوع الحين؟؟
سارة\لاني مسئولة عن رفضك لراكان..
غادة\المعذرة منك بس هذا قراري انا وانتي ماتدخلتي فيه..
سارة\ليش رفضتي راكان؟؟
غادة\لانه يحب هديل..ولان هديل فكرت بيوم يكون زوجها..
سارة\وانا قلتلك هو مايحب هديل..
غادة\وانا قلتلك براحته..
سارة\الحين انتي عرفتي انه مايحب هديل ومع ذلك رافضته..
غادة\هديل بسبب كلامك اكيد فكرت فيه كزوج وحبيب..
باي حق أخذ نصيبها بها الشكل..
سارة بعصبية\بحق انه ماكان نصيبها وهو نصيبك انتي..
غادة\ما ابيه ياسارة والله يوفقه با اللي تسعده..
سارة\لا أنتي عندك سبب ثاني غير هديل.قوليه..
غادة\أسبابي تخصني..
سارة توقف\اوكى ياغادة الحين باخليك براحتك..
بس تاكدي على نهاية هالسنة وانتي في بيت راكان..
غادة بعصبية\لاتهدديني وتستعملي هالاسلوب معي..
قلتلك ما ابيه ما ابيييييه..
سارة\انتي عارفتني زين واللي اقوله اسويه..
اخوانك وعمي راح اقنعهم بزواجك..وانا بازفك لاخوي..
غادة\خلينا خوات ومانخسر بعض..
سارة\مابنخسر بعض تطمني..وجهزي نفسك ل الزواج..
خرجت سارة من غرفة غادة وهي مصممة على زواج راكان من غادة..
وتخطط لاقناع عمها ابوعلي بفكرة الزواج..
بينما غادة جلست على سريرها بقهر وضيق..
يوم اني احبه وابيه كان يحب أختي..
ويوم صديت عنه وماتت اختي قال انه يبيني..
هديل بلقافة\ماهذا اللذي ترسمينه؟؟
صوفي\ايتها الريفية هذا تصميم جديد أعمل عليه..
هديل\يبدو سخيفاً..
صوفي\يا لذوقك الغبي..
هديل تبتسم\حسناً يبدو جيداً ولكن تقليلدي جداً..
صوفي بشك\هل تعتقدين ذلك؟؟
هديل\لا تهمتي لرئي فتاة الريف..
صوفي\كم اتمنى لو احصل على فكرة فقط..لكي ابداء التصميم..
هديل وقفت قدام صوفي وصارت تمشي يمين يسار ..
هديل\هيا احصلي على فكرتك..
صوفي\هههههههههههههههه من فتاة الريف..
هديل\لعلك الجرب جزاتي ابي اساعدك..
صوفي\لم افهم..
هديل\انا امامك رثت الثياب كما تقولين ايتها المنمشة..
صوفي توقف وتدور حول هديل..وتمسك ملابسها بتفكير..
وبعد فترة وهي ترسم وتفكر وتناظر بهديل..
صوفي بصراخ\وجدتها...
هديل\يامال الصمخ أذوووني ابيها وجع..
صوفي\سوف سوف تكون فكرة جديدة جداً وناجحة بكل تأكيد..
هديل\قولي الحمدلله..
صوفي\ماذا؟؟
هديل\قولي الحمدلله فهو من ساعدك..
صوفي\وماذا يعني الهمدو لله.؟؟
هديل\لا قولي الحمد
صوفي\الحٌمد
هديل\لله
صوفي\لله
ماكس\الحمدلله ليس كلمة صعبة صوفي..
صوفي بفرح\ماكسي لقد حصلت على الفكرة وساقوم بتصميمها ..
ماكس\تهانينا..ماهي فكرتك..
صوفي تاشر على هديل\هذه القزمة هي فكرتي..
هديل\ايتها الجاحدة لاتقولي قزمة..
صوفي\سوف اقوم بتصميم ازياء لفتيات الريف لاول مرة يحدث هذا..
ماكس بتشجيع\فكرة عظيمة اتمنى نجاحها..
صوفي\يالهي كم انا سعيدة..سوف اذهب للاتصال باميليا كي تجهز كل شيء..
سنبداء التصميم قريبا..
راحت صوفي واتصلت باميليا وطلبت فريق عملها يجون للمزرعة..
لانها ناوية يتم العمل بسرية ولا تتسرب الفكرة لجهة ثانية تنافسها على هالشيء..
هديل\اول مرة اراها سعيدة..
ماكس\لقد تعرضت لخسارة في عرضها الاخير..فلقد سُرق منها دون ان تعلم..
هديل\ماكس..
ماكس\نعم..
هديل\اريد ان اطلب منك شيئا..
ماكس\ماذا؟؟
هديل\أريد أن تعلمني ركوب الخيل..
ماكس\هل أنتي واثقة؟؟
هديل\نعم ..
ماكس\متى تريدين أن نبدء ذلك..
هديل\انت قرر..
ماكس\لاباس في الغد..فلن اكون مضطرا ل الذهاب الى المدينة..
رد على جواله وتكلم بلغته غير المفهومة..
هديل ظلت تناظر فيه..ومستغربة من ارتباكه ونظراته لها..
هديل\ما الامر؟؟
ماكس\او اا لاشيء..
كمل كلامه وهو يناظر بهديل وبعدين يشيل عيونه من عليها..
ماكس\ههههههههههههههههه سافعل..بالتاكيد..وداعا..
هديل\لم تنظر الي بهذا الشكل؟؟
ماكس\لا اقصد ازعاجك المعذرة..
هديل\من كنت تكلم؟؟
ماكس\صديق قديم..
هديل\ايها الخائن بل صديقة الازلت تخون صوفي..؟؟
ماكس بصدمة\ماذا؟؟
هديل\كنت تكلم فتاة اليس كذلك..لازلت تخونها..يالك من نذل..
ماكس\ههههه لا لم اكن اكلم فتاة..
هديل\ساخبرها بانك تخونها..
ماكس\لا لا انتظري كنت اكلم شخص اخر وليس فتاة اقسم لك..
هديل\كاااااااااذب لم اذن تكلمت بلغتك غير المفهومة لي؟؟
ماكس\لاني لا اريدك ان تعرفي انا ماذا اقول..
هديل\لانك تكلم فتاة..
ماكس\لا اه يا الهي كنت اكلم رفيق لي لا تثيري شكوك صوفي..
هديل\من كنت تكلم؟؟
ماكس\لا احد..
هديل اخذت الجوال من يده واعادت طلب الرقم الوارد..
أول مارد الجهة الثانية..
هديل\ايتها الوقحة كيف تكلمين رجلا متزوجاً..هو يحب زوجته ولن يهتم لكي ابداً..
اياكي ان تكلميه مرة أخرى..هل فهمتي..؟
ماكس\ههههه اوه يا الهي ههههه
هديل\يا خطافة الرجال ضفي وجهك..>>بالعربي
يالبى الصوت اللي وحشني..شهر ماسمعت حسك..
هديل شهقة بقوة ورمت الجوال على ماكس..
ماكس\نعم هههههه لقد شكت بي ظنت اني اخون صوفي..
غازي\لقد عذبتني ماكس لن اسامحك..
ماكس\المعذرة هههههه
غازي\ابعد الهاتف عنها اياك ان تغفل عنها أبداً.
لقراءة البارت الثامن عشر من هنا