قصة المحتاله التى اوقعتني فى حبها
البارت الحادي عشر 11
بقلم/ منه محمد
ظل حزينا فتره طويله لم يكن يخرج لعمله او لفعل اي شئ فقد حبيسا في غرفته ،طرقت امه علي باب طرقات خفيفه
عز بلامبالاه : ادخل
ناهد : و بعدين يا ابني هتفضل حاسب نفسك كتير ف اوضتك
عز : سيبني ف حالي يا ماما انا مرتاح كده
ناهد : لا انت مش مرتاح انا امك واحس بيك اكتر منك قولي ايه اللي واجعك ، انت لسه زعلان عليها
عز : مش لاقيها اختفت دورت عليها ف كل حته دي اكن الارض انشقت و بلعتها
ناهد : خلاص يا بني انساها ، و عيش حياتك
عز بحزن : هي كانت حياتي ، و نزلت من دمعه حزينه ، عانقته امه لكي يهدئ قليلا
في احد الشركات الكبيره في مكتب المدير
دخلت فتاه قمحيه البشره و شعرها قصير، ترتدي نظارات كبيره و عيونها عسليه اللون و تضع تقويم في اسنانها
آيه : هي دي كل المعلومات عن خطتهم عشان يكسبوا الصفقه الجايه
الغرباوي : هايل ياروان جيبتهم ازاي ؟
آيه : ده سي (سر) المهنه يا فندم
الغرباوي : ههههههه انت هايله يا روان مشكلتك بس ف حرف الراء اللي طاير بس
آيه : اي اوامي (اوامر) تانيه يا فندم
الغرباوي : لا اتفضلي انت
آيه : بعد اذن حضيتك (حضرتك)
عادت لمخبئها امام سبورتها الكبيره
آيه : هههههه دلوقتي اوقع بينهم هما الاتنين والصفقه دي بتاعتي انا ، او مش بتاعتي بالظبط هتبقي بتاعت ليلي هانم سيده الاعمال البنانيه ، بس اخلص بس دور السيكرتره دي الاول واثناء ما هي تنظر إلي السبوره لاحظت صوره ل"عز" كانت معلقه ف اخذتها ونظرت إليها بحزن شديد و قررت الاحتفاظ بها
جهاد : خلاص بقي يا عز اكيد مش هتعيش بقيت حياتك كده ده انت شغلك مبترحهوش ، دول كلموك كتير
عز : مين ؟
جهاد : هادي و كان عايز يجيلك البيت بس خاف مترضاش تقابله ، و كمان انهارده المفروض معاد مقابلتك مع عمرو ولا هتلغيها دي كمان ، واقعد جمبك انا كمان
عز : لا لا خلاص هاقبله انهارده ، انت عندك حق انا لازم اتعايش مع الوضع الواضح اني كنت عايش ف وهم ، ثم هب واقفا
جهاد : رايح فين ؟
عز : هاروح الشغل و بالليل هابقي ابقي اقابل عمرو ، عن اذنك
آيه : قهوه حضيتك (حضرتك)
الغرباوي: متشكر يا روان ، مفيش اي معلومات عن الصفقه ؟
آيه : لا لسه مفيش اي حاجه جديد
الغرباوي : طب اتفضلي انت
ذهبت ، و غادرت المكتب ، واثناء ذلك رن هاتفه الغرباوي : الو
عز : انت تبقي زميل جهاد ف الكليه
عمرو : مظبوط يا فندم
عز : و بتشتغل و لا لما تتخرج
عمرو : لا يا فندم بشتغل جمب الدراسه مع بابا ف المصنع بتاعه
عز : اممممم ، تمام احنا هنفكر ، ونرد عليك
عمرو : و انا منتظر رد حضرتك
تصافحوا وذهب ، بمجرد ذهابه خرجت "جهاد" من غرفتها ركضا
جهاد : ها ايه الاخبار ؟
عز : قولته هنفكر و نرد عليك
جهاد : ونفكر ليه منا موافقه
عز : يا ستي منا عارف انك موافقه ، بس لازم نفكر بالعقل شويه
نظرت له بحزن
عز : لا بقولك ايه بلاش النظرات دي ، الحاجات دي بتاخد وقت لازم نسأل عليه ونعرف اذا كان كويس
جهاد بحزن : اللي انت شايفه
عز : يا عبيطه انا اخوكي اكيد مش هاعمل حاجه تخليكي تزعلي بس المواضيع دي مينفعش فيها تسرع ، يلا اضحكي بقي
ابتسمت و عانقته
جهاد : بجد انت احلي اخ ف الدنيا كلها
في شركه "الغرباوي" جاء "شرف" و معه مساعده
شرف : لو سمحت عازين نقابل الغرباوي بيه
موظفه الاستقبال : ممكن تستنوا شويه اديله خبر ان حضرتك موجود
شرف : مفيش مشكله
ثم ذهبوا للجلوس في المكان الذي اشارت لهم بيه
مرت "آيه" من امامهم دون ان تلاحظهم
صعدوا إلي المكتب
الغرباوي : اهلا شرف بيه هنا بنفسه دي مفجأه كبيره
شرف : ههههه متكبرش الموضوع كده
الغرباوي متحدثا إلي الهاتف : اعملي اتنين قهوه مظبوطه ، ها بقي ايه الموضوع اللي جاي ليه ؟
شرف : الحقيقه انا كنت عايز نبقي شركه و نقضي ع الصراع الطويل اللي كان بينا
الغرباوي بضحك : كل ده عشان تكسب الصفقه مش كده
شرف : يعني انا فكرت ان شراكتنا هتبقي خطوه كبيره للشركتين و زي ما بقولوا ايد لوحدها متسقفش
دخلت لتقدم القهوه إليهم وصدمت عندما وجدت "شرف " ف المكتب لكنها تماسكت و قدمت لهم القهوه ، لاحظ "شرف " جرحا في يدها و هي تقدم له القهوه كان نفس الجرح في يد " هدي" الخادمه