قصة الجمال الحقيقى
البارت التاسع 9
بقلم/منه محمد
الام : هدير !!
هدير : ازيك يا طنط انا اسفه انى جيت من غير معاد بس انا كنت ف مشوار قريب من هنا وقولت اعدى على ملاك ، هى موجوده؟
الام : اه اه موجوده اتفضلى يا حبيبتي
دخلت عليها "هدير" لغرفتها وصدمت عندما رأتها
هدير : ملاك !!
ايه اللى ف وشك ده
كانت "هدير" قد جاءت بدون ان تخبرها بأنها قادمه لذلك ف لم تستطع "ملاك" اخفاء وحمتها
ملاك بحزن : دى دى دى وحمه عندى من وانا صغيره
هدير : بس انا اول مره اشوفها
ملاك : انا كنت بخبيها
هدير : ليه يا ملاك
طأطات "ملاك" راسها بحزن
هدير : ليه يا ملاك مقولتليش حاجه زى انت عمرك مخبيتى عليا حاجه
ملاك : مش انت لوحدك انا خبيت عن كل الناس
هدير : طب ليه؟
ملاك بحزن : عشان انا مش مستحمله نظرات الناس ليا اللى كلها نظرات شفقه او ازدراء انت مشوفتيش الترقيه اللى كنت بتعرضلها لما كنت صغيره ولما عزلنا من بيتنا كان لازم اخبيها عشان مامرش بده تانى
ونزلت منها عينيها دمعه عانقتها "هدير" ثم قدمت لها الكتاب اللى كانت دائماً ما تقرئه كتاب (الجمال الحقيقى)
هدير : خدى الكتاب ده هيفيدك وتقبلى نفسك زى ما انت مش مهم كلام الناس طول ما انت واثقه من نفسك محدش هايقدر يقلل منك
عانقتها "ملاك" وهى سعيده لانها تأكدت من اختيارها
ذهبت الى الكليه فى اليوم التالى وعندما رأتها "هدير" فحزنت
هدير : خبتيها ليه احنا مش اتفقنا يبقى عندك ثقه ف نفسك
ملاك : محتاجه وقت عشان اعمل اتقبل الموضوع
هدير : ماشى ياحبيبتي
كانت تجلس فى منزلها وسمعوا جرس الباب يرن
الام : ايوه
زين : ازي حضرتك يا طنط
كان "زين" قد اتى مع والدته
الام : اتفضلوا اتفضلوا
كان "زين" يحمل علبه شوكولاته باقه زهور باللون الاحمر
ودخل وهو ووالدته الى الصالون
زين : انا اسف احنا جينا من غير معاد
هو الحقيقه انا هدخل ف الموضوع على طول انا دكتور ف القسم بتاع ملاك
كانت "ملاك" تجلس فى غرفتها تذاكر فجأة وجدت الباب يفتح وكانت امها دخلت باندفاع
ملاك بفزغ : ماما !! ف ايه؟
الام : فى دكتور من عندك ف الكليه اتقدم ليكى
ملاك بتعجب : دكتور !!