قصة الهروب من المافيا
البارت الثالث 3
بقلم منه محمد
الظابط : ايوه انا مش فاهم بردو انتوا عايزين ايه ؟
مروه : يا سعاده البيه زى ما قولت لحضرتك جوزى طلع زعيم مافيا كبير وباعت ناس عشان يقتلونى لما عرفت كل خططه
الظابط : معاكى دليل ع الكلام ده ؟
مروه : طبعا ياباشا كل حاجه معايا ف الشنطه دى
الظابط : ورينى
بتحط" مروه" الشنطه ع المكتب ، وبفتشها الظابط
الظابط : ايه ده يا مدام ، وبيطلع بودره اطفال
مروه : ايه ده ! وبتبص لكريم وبتقوله : ايه ده !
كريم : وانت بتسألينى انا انا ايش عرفنى
مروه : مايمكن ياباشا دى مخدرات و هما خبوها ف العلبه عشان تبان انها بودره اطفال
الظابط : محمد شوفلنا البودره دى بتاعت ايه؟
وبيكمل الظابط تدوير ف الشنطه وبيلاقى بامبرز و حاجات اطفال
الظابط : ايه يا مادم
مروه : ههههه دى حاجات للبيبى يعنى وكده ، اااااا دور تانى ياباشا معلش
بيدور الظابط لكنه مبقليش حاجه جديده
كريم بهمس ل مروه : شكلهم بدلوا الشطنه ساعت ما سرقوها منك
مروه : يا خرابى
الظابط : ها ايه يامدام ينفع كده ، ولما اعمل لحضرتك دلوقتى بلاغ كاذب وتترمى ف الحجز يومين حلوين دلوقتى
مروه : لا حرام عليكى يا باشا انا واحده حامل ومش حمل مرمطه ابوس ايدك ياباشا
الظابط : بصى انا هاعديها عشان انت شكلك ست غلبانه
مروه : الله يخليك ياباشا
الظابط : اتفضلى ومشوفكوش هنا تانى
مروه: حاضر ياباشا
وبعد ما بيطلعو من القسم
مروه : ها هانعمل ايه دلوقتى ؟
كريم بتنهيده : مش عارف
فجأه بيلاحظ "كريم " ان فى حاجه بتنور ف التلفون بتاع " مروه" ، فبياخد التلفون وبيرمى
مروه بعصبيه : ليه عملت كده !!
كريم : كان لازم اعمل كده دول حاطيلك جهاز تتبع ف الموبايل
مروه : ايه !!
كريم : الظاهر كده احنا وقعنا مع ناس مش سهله
مروه : طب ها نعمل ايه ؟
كريم بصوت واطى وهو بيبص حواليه عشان يتأكد ان مفيش حد مراقبهم : بصى انا هوديكى عند بنت خالتى هى عايشه لوحدها و ساكنها بعيد عن هنا هتقعدى عندها فتره لحد تما نشوف ها نعمل ايه
بعدها بياخدوها مشى
مروه وهى بتنهج وحاطه ايدها على وسطها : كفايه كفايه بقى حرام عليك بقالى ساعه ماشيه انا تعبت تعبت حرام والله اللى بيحصل فيا ده
كريم : ما خلاص بقى افوره وبعدين احنا مكملناش ربع ساعه خلتيهم ساعه امتى
مروه : ما انت لو بتمشى وانت شايل حد مكنتش قولت كده ، بس هتحس بيا ازاى
كريم : خلاص ياستى حقك عليا نبعد بس عن هنا وهاركبك تاكسى
مروه : طب احنا فضلنا اد ايه ؟
كريم : يعنى نص ساعه كده
مروه بصوت عالى : اييييه لسه نوص ساااااعه
كريم : وطى صوووتك ، معلش عندى دى وبعدين افتكر ان هما عايزينك انت اصلا
مروه بتهديد : منا لو ضعت هضيع معايا انت كمان ولا نسيت انك تعرف موضوعهم
كريم : هى بقيت كده يعنى
مروه : لا كده ولا كده انا ، ااااااااه
كريم : فى ايه ؟
مروه : بطنى بطنى وجعانى مش قادره
بيمسكها كريم من ايديها : طب اهدى طب اهدى هوقفلك تاكسى دلوقتى استنى
مروه : مش قادراااااااه
كريم : معلش معلش هتبقى كويسه دلوقتى
وبعدها بيوصلو اخيرا عند البيت
بيطلع " كريم " عشان يحاسب الراجل
مروه : انت سايبنى ورايح فييين ؟
كريم : فى ايه ياستى بحاسب الراجل الله
مروه بصوت عالى : طب طلعنى الاول (ملوحظه هى مروه صوتها عالى ف الكلام شبهى كده )
كريم بضيق : حاضر
كريم وهو بيطلعها : على مهلك على مهلك
بس عشان " مروه" تقليه كانت هتقوفع كريم وهو بيطلعها من التاكسى
كريم : يخربيتك هاقع هاقع وبعدها عنه بعد اما بتطلع اخيرا : ايه ياشيخه ده كنتى هتموتينى
مروه : اصدقك ان انا تخينه
كريم : ياختيييي اشتغلنا
مروه : لا اقول اصدقك ايه ها
كريم : يا مدام والله ما اصدقى
مروه بزعيق : لا انا اصدقك ان انا تخينه
كريم بزعيق : ما قولنا مش اصدقى حاجه بقى الله
مروه : انت بتزعقلى
كريم : انا اسف
مروه : لا لا لا انت بتزعلى
وبتقعد تعيط
كريم : ياختيييييييي
وبعدها اخيرا بيطلعوا ع الشقه
مروه : تعبت
كريم : تعبتى ايه الشقه ف الدور الاول
مروه : ما انت لو حامل هتحس باللى انا حاسه بيه
بخبط " كريم " ع الباب
بنت خالته وهى بتفتح الباب : ايوه مين وبتفتح عادى عشان احنا قولنا قبل كده ده شعب الIQ بتاعه عالى
واول ما بتفتح الباب بتصدم صدمه كبيره من اللى بتشوفه.