قصة الهروب من المافيا
البارت الرابع 4
بقلم منه محمد
واول ما بتفتح الباب بتصدم صدمه كبير
عبله : ايه ده انت اتجوزت وخلفت امتى
كريم : لا لا لا دى مش مراتى
عبله بصدمه :مش مراتك !! يعنى ايه مش مراتك اومال الواد ده ابن مييين ؟
كريم : اهدى يا عبله
عبله : اهدى منين جايبلى واحده حامل وبتقولى اهدى اهدى ازاااى ؟
كريم : ابوس ايدك وطى صوتك ودخلينا
بيدخلو البيت وبتقعد "مروه"
علبه : انا عايزه اعرف مين دى فتحى
مروه : ايه ده اسمك فتحى !!
كريم : لا لا مسميش فتحى هى عيله امى بينادونى يافتحى انما انا اسمى الحقيقى كريم والله
مروه برخامه : افتحييييى ههههه
كريم لعبله : عجبك كده انا مش ميت مره قولتلك متقوليلش يا فتحى ده تانى اهى هتشتغلى دلوقتى
مروه : فتحييييي
كريم بزعيق : ما خلاص بقى
مروه : انت بتزعقلى تانى
كريم : انا اسف
عبله : مين دى يافتحى
كريم : فتحى تانى
علبه : مش مهم دلوقتى مين دى ؟
كريم وهو بياخدها على جمب : بصى ياستى
وبيحكليها اللى حصل (ايه انا مش لسه هاحكى تانى المفروض انتوا عارفين الحوار من نفسكوا )
كريم : بس وهو ده بقى اللى حصل انت بقى هتخليها عندك كام يوم كده لحد اما تصرف
عبله : لا اخليها عندى ايه انا خايفه
كريم : عشان خاطرى يا عبله
عبله : لا يا اخويا لا افرض عرفوا مكانها انا كده ممكن اروح فيها وانا لا ليا ام ولا اب ومحدش هايزعل عليا
كريم : متقلقيش ان شاء الله محدش هايعمل حاجه
عبله : طب متوديها لوكنده ولا اى حاجه
كريم : مينفعششش وبعدين دى واحده حامل مين اللى هايخلى باله منها
عبله : بس انا خايفه وبعدين افرض دى واحده ناصبه وبتتضحك عليك
كريم : معتقدتش
عبله : انا عارفه انك طيب وبتحب تساعد الناس بس احنا منعرفش افرض الموضوع كله لعبه وهى اصلا مش حامل بجد
كريم : انا متأكد انه مفيش حاجه من اللى انت بتقوليها دى ، ارجوكى ارجوكى يا عبله وافقى
عبله : مواقفه
كريم : يسسسس
عبله : بس بشرط
كريم بضيق : اي هو
عبله : تجيلى الخلاط ابو تلت سرعات ده (ده هبده منى معلش عدوها )
كريم : ايدا هو فى خلاط بتلات سرعات
عبله : اه ياخويا ده لسه طالع جديد
كريم : ماشى
مروه : ايوه وانا كمان شنطه جديده وموبايل بدل اللى رمتهولى
كريم : يا مدام انا مش جوزك
بتزغله "مروه"
كريم : هييييح حاضر
وبعدها بيمشى "كريم" وهو وطالع بتوقفه "مروه"
مروه : انت رايح فين ؟
كريم : هاروح ادور على اى دليل اوقعهم بيه
مروه : بس ده خطر عليك لو مسكوك ممكن يودوك وراه الشمس
كريم : متقلقيش عليا
وقبل ما بيطلع "كريم" بتمسكه "مروه" من ايده
مروه : ارجوك متروحش هناك
كريم : بس لازم اعمل كده
مروه : مفيش داعى تضيع نفسك بسببى
كريم : متقلقيش ان شاء الله مش هايحصل حاجه
وبيبعد اديه عنها وهو بيمشى بيبص ل " مروه" وهى بتبصله بصه فيها معانى كتير
اكنها بتقوله متمشيش ، خاليك جمبى انا محتاجالك ، لكنه بيتجاهل كل الاحاسيس دى و بيمشى
بتفضل " مروه " باصه ف اللاشئ
عبله : يا مدام يا مدام
مروه : ايوه معلش سرحت شويه
عبله : تعالى عشان تغيرى هدومك وترتاحى
وبيوصل "كريم" لمكان العصابه اخيرا وبيتنكر (يلبس شنب ونضاره شمس )
واحد من افراد : انت مين وبتعمل ايه هنا ؟
كريم وهو بيطلع مسدس فيشنك : انا النقيب ادهم صبرى
الراجل : رجل المستحيل !!
كريم : ايوه انا وانت مقبوض عليك بتهمه تجاره المخدرات ، يلا ورينى مكان العصابه فين ؟
و ف بيت "عبله"
عبله : ايه ده يخربيتك مفيش حاجه داخله فيكى
مروه : هو فى ايه انت بتتريقى عليه ما قولتلك حامل حامل هلبس لبسك المحزق ده ازاى ؟
عبله : هيييييه انا لبسى محزق
مروه : اه
عبله : لا يا حبيبتى انا لبسى زى الفل انت اللى تخينه
مروه : هى مين دى اللى تخينه
وبيفضلوا يشرحشوا لبعض طول الليل لحد اما بيتهدوا اخيرا ويقعدوا ع السرير يتحكوا
عبله : يعنى يا بت يا مروه جوزك الشرانى ده زعيم المافيا اللى بنشوفها ف التلفزيون دى
مروه : انيل م اللى بتشوفيه
عبله : يلاهوى
مروه : ده حازم ده شغال ف كل حاجه مخدرات ماشى سلاح مفيش مشاكل تجاره اعضاء شغال نسوان عادى
عبله وهى بتحط ايدها على صدرها : نسوان
مروه : هو ده بس اللى لفت نظرك واللى قبل كده عادى
عبله : لا مش عادى بس بيلعب ببنات الناس كده عادى مفيش حيا
مروه : هو انا بقولك كنت متجوزه شيخ ازهر ما بقولك بتاع مافيا ومخدرات عايزه يكون ايه بيبع سبح
عبله : صح عندك حق ، طب انت هتعملى ايه دلوقتى
مروه : معرفش كريم قال ان هو اللى هايتصرف
عبله : ربنا يرجعك بالسلامه يابن خالتى
مروه : يارب ، انا خايفه عليه اوى
عبله : ايه !!
مروه : اااا خايفه عليه زى اى انسان بعرض نفسه لخطر عادى ، ف ايه يا عبله
عبله: مفيش حاجه
مروه : صحيح يا عبله انت ليه عايشه لوحدك
عبله بحزن : ابويا وامى ماتو ف حادثه عربيه ومليش حد يخلى باله منى عشان معنديش اخوات
مروه : طب وليه مقعدتيش عند خالتلك
عبله : مرضتش اتقل عليها كفايه عليها اللى هى فيه
مروه : طب وانت هتفضلى قاعده كده لحد امتى ؟
عبله : لحد اما يجى بن الحلال اللى يخرجنى من اللى انا فيه
مروه: وهتفضلى مستنيه كده كتير
عبله : وانت هتفضلى تسألى كده كتير ، روحى نامى ياوليه انت متعبتيش م الجرى طول النهار
مروه : عندك حق تصبحى على خير
عبله : وانت من اهله وبتطفى النور
بيوصل "كريم" و الراجل اللى معاه لمقر العصابه وبيصولوا
الراجل : ده المقر ياباشا
كريم : تمام
وبيدخل " كريم " وبيمثل عليهم دور الظابط وبيرفع المسدس الفيك عشان يخوفهم
كريم : محدش يتحرك المكان كله محاصر
احد افراد العصابه : انت مين؟
كريم : انا المقدم ادهم صبرى
كلهم بصوت واحد : رجل المستحيل !!
وبيسلموا كل اللى ف المكان نفسهم
واحد من العصابه بيمسك تلفونه من غير ما "كريم" يشوفه
الراجل ٢ : ايوا يا بوس الحقنا احنا اتقبض علينا
البوس : ايييه
الراجل٢ : ايوه ياباشا والظابط اللى قبض علينا طلع مش ظابط عادى
البوس : هايكون مين يعنى ؟
الراجل٢ : ده ادهم صبرى
البوس : رجل المستحيل !!
طب طب اقفل اتت دلوقتى اتعاملوا طبيعى وانا هتصرف
الراجل ٢ : تمام
كريم : هتولى الحاجات اللى انتوا بتشتغلوا فيا
احد افراد العصابه : حاجات ايه ياباشا
كريم بزعيق : انت هتسطعبت انتوا مش بتأجروا ف المخدرات طلعوها كلها يلا
الراجل٣ : حاضر يا باشا
البوس : ادهم باشا نورت الدنيا والله
وبيلف "كريم" وبيفأجى لما بيشوفه
حازم : خير ياباشا مالك قلقان كده ليه؟ (البوس هو حازم باينه عادى )
كريم : ايييه لا مش قلقان مين اللى قلقان
وبيرفع المسدس ف وشه : سلم نفسك
حازم بسخريه : امرك يا ادهم باشا ياراجل المستحيل
وبيكمل بأمر : امسكوه
احد افراد العصابه (حد تانى ) : ازاى يا باشا ده ظابط
حازم بأمر : اعمل اللى بقولك عليه ده مش ظابط ده الولاه اللى كان مع مروه
بيمسكوه الرجاله وبيحاول " كريم " يقاوم لكنه بيفشل وبيمسكوه
بيقرب " حازم " منه وبيوطى عشان يبقى ف مستواه
حازم : وانت بقى فاكرنى هاصدق الهبل ده يا ادهم يا صبرى
وبشيل الشنب اللى " كريم " كان مركبه.