قصة الهروب من المافيا
البارت السابع 7
بقلم منه محمد
كريم : عبله خدوى مروه وامشوا من هنا بسرعه
عبله : وانت ؟
كريم : مش مهم دلوقتى يلا امشوا بسرعه
مروه : لا انا مش هسيبك تانى
كريم : مش وقته يلا امشوا
عبله : يلا يا مروه
مروه : لا مش همشى مش هسيبك هنا تانى
عبله : يلا يا مروه وبتمشى بيها
كريم : خالى بالك من مروه يا علبه
مروه : كريم لاااااااا
وبعدها بيمشوا
بيحاول " كريم " انه يقاومهم لكنه بيفشل
وواحد من الرجاله بيضربه ضربه قويه بتخليه يقع ع الارض وبيفضلوا الرجاله يضربو فيه برجلهم لحد اما بيظهر "حازم
بيفضلوا "عبله " و "مروه " يجروا وهما مش عارفين هما رايحين فين بس هما بيحاولوا بيعبدو عن العصابه وخلاص
مروه بعياط : كريم لااااا هيقتلوه
عبله : اهدى يا مروه
مروه : انا السبب انا السبب ف كل اللى حصله وهو ضحى بنفسه مرتين عشانى
عبله : متقلقيش عليه انا متأكده ان كريم هايبقى كويس ، وبعدين احنا اكيد مش هنسيبه وهنروح نبلغ البوليس
مروه : بس احنا معناش دليل
عبله : مش مهم بس يلا عشان نحلق ننقذ كريم
وهما ماشين بتبدأ "مروه" تتعب
مروه : اه بطنى مش قادره حاسه ان انا هولد
عبله : لا تولدى ايه دلوقتى مش هاينفع هنا
مروه : مش قادره ااااه
عبله : خلاص خلاص حاولى تمسكى نفسك
وبتوقف "عبله" تاكسى
عبله : متخفيش كل حاجه هتبقى كويسه امسكى نفسك بس
مروه بتعب : مش قادره
وف مقر العصابه بيكون "كريم" اتمسك للمره التانيه
حازم : واضح انك مش ناوى تجيبها لبر ابدا ، بس عجبتنى عندك اصرار بردو
وبيكمل بزعيق وهو بيضرب "كريم" بالقلم
حازم : وديت البت فين ؟
كريم : معرفش
حازم : متعرفش تمام حلو اوى انت اللى اخترت الطريقه الصعبه ، يارجاله عايزيكوا تخلصوا ع الولاه ف اقرب فرصه وتتأكدوا انه مات مش عايزه يطلعى تانى وانا بقى هاشوف حوار السنيوره اللى هربت دى هى وابنها
وف المستشفى
عبله : خير يا دكتور
الدكتور : لازم تولد دلوقتى
عبله : تولد ايه دى لسه ف السابع
الدكتور : بعض الحالات بتتولد ف السابع ، بعد اذنك انا هاروح اجهز اوضه العمليات
عبله : اتفضل يا دكتور ، ربنا يقومك بالسلامه يا مروه
بيأخدوا الرجاله "كريم" لمكان مقطوع
الراجل ١ : تمام يارجاله اقفوا هنا
بتقف العربيه ويطلعوا كلهم منها
الراجل ٢ : ها نعمل ايه
الراجل ١ هنرميه من الحته العليا دى واستحاله هايطلع منها حى
الراجل ٢: تمام ارموه يارجاله
وبيرموا وبيتأكده انه ملهوش اثر
الراجل ١ :اظن انه كده خلاص مش هايطلع لنا تانى ، يلا بينا يارجاله
وبيمشوا لكن ف الحقيقه بيكون "كريم" ماسك ف جذع شجره ضعيف وبيحاول يطلع نفسه وبيقدر انه يطلع اخيرا
ف المستشفى
بتولد "مروه" وبتجيب ولد وبعد ما بتفوق بتروحلها "عبله"
عبله : حمد الله على سلامتك
مروه بتعب : الله يسلمك ، كريم كويس
عبله : متقلقيش هو لسه مكلمنى وقالى انه كويس
مروه : كلمك ازاى ؟
عبله : مش مهم دلوقتى ، ايه مش عايزه تطمنى على ابنك
مروه : ابنى ؟؟
عبله : اه اهو
وبتقوم "عبله" وبتجبلها الولد
عبله : سمى بس الاول
وبتعدل "مروه"
مروه بألم : اااه
عبله : على مهلك على مهلك
وبتشيل مروه الطفل : بسم الله الرحمن الرحيم
عبله : ها ايه رايك
مروه و هى ماسكه من ايده الصغيره بحب : الحمد لله طلع شبهى مش شبه ابوه
عبله بضحك : يارب يطلع مش شبه ف الصفات كمان مش بس ف الشكل
مروه : متقلقيش المره دى هنقيله الاب المناسب
عبله : ايه !!
مروه : انت متأكده ان كريم كويس
عبله : ايوه يا بنتى اطمنى ، انا هسيبك دلوقتى ترتاحى
بيوصل "كريم " المستشفى اخير وبتشوفه "عبله" وهى طالعه من اوضه "مروه " وبتجرى عليه
عبله : كرييييم كريم انت كويس
كريم : انا كويس انتوا عاملين
عبله : متقلقش علينا احنا بخير الحمد لله
كريم : اومال مروه بتعمل ايه هنا
عبله : متقلقش هى كانت بتولد
كريم : ايه !!
عبله : متقلقش هى كويسه دلوقتى وولدت الحمد لله لو عايز تشوفها
كريم : تمام ، بس عبله احنا لازم نبلغ البوليس قبل اما حازم يحاول يأذى مروه
عبله : بس احنا معناش دليل
كريم : انا معايا وبيطلع موبايل حازم
عبله : بس جيبته ازاى ؟
كريم : سرقته منه وهو بيحاول يضربنى مش مهم دلوقتى احنا لازم نطلع حالا
عبله : خاليك انت هنا مع مروه وانا هاروح
كريم : مينفعش تروحى لوحدك
عبله : متقلقش عليا وكمان انت مينفعش تخرج لانهم فاكرينك موت خلاص ، ومروه محتاجه حد يقعد معاها دلوقتى
كريم : تمام ، بس ارجوكى خالى بالك من نفسك ولو فى اى حاجه كلمينى
عبله : تمام
وبتمشى" عبله " وبيروح " كريم " ل اوضه " مروه"
مروه بفرح : كريييم
بيجى " كريم " وبيقعد جمبها
كريم : عامله ايه دلوقتى ؟
مروه : انا كويسه الحمد لله ، هربت منهم ازاى
كريم : صدقينى انا نفسى مش عارف ، بس دى اراده ربنا
مروه : الحمد لله انك كويس انا كنت قلقانه عليك اوى
كريم : لا متقلقيش انا كويس ، بيسكت شويه وبيكمل باستغراب : قلقانه عليا !!
مروه : اه بس انت كنت هتموت بسببى
بيفتكر "كريم" الكلام اللى قالهوله "حازم" (اومال تفتكر واحده لما تجيلها فرصه تهرب وبدل ما تهرب ترجع للموت برجيليها عشان تنقذ شخص يبقى ايه شفقه )
باليل بيجى "حازم" المستشفى وبيتنكر ف لبس دكتور وبيلبس كمامه عشان يدارى وشه وبيخبى السلاح ف هدومه ، بيروح لاوضه اللى فيها "مروه" و بتكون نايمه و منيمه ابنها ف حضنها وببيدخل الاوضه وبيبصلها بكل شر
حازم : نهايتك انهارده انت وابنك ، هتوحشنى يا ياحبيتى (بقولها بسخريه)
وبيرفع المسدس ف وشها وقبل ما بضرب بيدخل "كريم" فجأه.