قصة احببت معلمتى
البارت الثاني 2
بقلم/منه محمد
بتمر السنين ويكبر "ادهم"ويبقى شاب ملو هدومه وبيصحى يروح شغله (ملحوظه :ادهم شغال محاسب فاحدى البنوك )
بس قبل ما بيروح الشغل بيعدى على مدرسته بتاعت ابتدائى وبيلاقى شكل المدرسه اتغير كتير عن الاول واثناء ما هو بيتمشى فيها بيلاقى لوحه عليها صور للمدرسين اللى اتكرموا ومنهم صوره ميس "سمر" وبتكون ف الصوره شكلها عجوز جدا والتجاعيد ماليه وشها وشعرها ابيض اوى
بيستغرب من شكلها اللى اتغير كتير وبعدها بيسأل مدرسه كانت معديه من جمبه
ادهم :لو سمحت هى فين ميس سمر سالم
المدرسه :ميس طلعت ع المعاش من سنه
ادهم :تمام شكرا ، يااااااه ياميس للدرجاتى كبرتى طلعتى ع المعاش كمان !!
وبعد ما بيخلض شغل بيعدى على صديق طفولته "سيف"
ادهم :ايه ياسيف اقدرت تلاقى اخر حته
سيف :لاقيتها بس بعد ما اتبهدلت
ادهم بفرحه :اخير
سيف :هتعمل ايه دلوقتى؟
ادهم :هتعرف كل حاجه ف وقتها
بيروح "ادهم" البيت بحماس وبعد مابيتأكد ان مامته نامت بيروح حط الجزء الفاضل ف آله الزمن اللى هو اخترعها وبعدين بشغلها
وبيرجع بالزمن لسنه ٢٠٠٤وبيفتح عنيه بيلاقى كل حاجه زى ما هى متغيرتش ف بيحس انه فشل بينزل الشارع ويدور على اى حاجه تأكدهله ان ف الماضى ف بسأل حد ف الشارع
ادهم لو سمحت انهارده كام ؟
الراجل:انهارده ٤/١٦
ادهم:ايوه يعنى سنه كام ؟
الراجل :باستغراب انت مش عارف احنا ف ٢٠٠٤ يابيه !!
ادهم بحماس :yesssss
الراجل م هو بيضرب كف على كف :لا حول ولاقوه الا بالله
بيدخل" ادهم" المدرسه وبيلاقيها شبه ماكنت لما كان لسه بيدرس فيها واثناء ما هو ماشى ف المبنى بتاع المدرسه بسمع صوت موسيقى
ادهم : الصوت ده انا عارفه كويس ، ميس سمر
وبيطلع يجرى ناحيه الصوت وبيقف عند فصل من الفصول بيبص من الشباك بيلاقيها ف الفصل بتعزف ع البيانو بتاعها
بقف "ادهم" وهو سرحان ف المزيكا بتاعتها وفجأه بتمسكه واحده من المدرسين من قفا
المدرسه : انت بتعمل ايه انها ؟
ادهم بتوتر :اااااااااااه ابيييييي
المدرسه :انا عرفت انت المدرس الجديد اللى هايمسك فصل ١/٣
ادهم :اااااا ااااه انا انا هو
المدرسه :تمام اسمك ايه ؟
ادهم :ادهم سلي اااااااا ادهم عيد ادهم عيد
المدرسه: تمام يا فندم تعالى اوديك للفصل بتاعهم
بيدخل "ادهم" الفصل وبيلاقى العيال شكلهم متوحشين وعمالين يصوتوا ويضربوا بعض ويكسروا كل حاجه ف الفصل ، بيدخل "ادهم" وبيحاول يسكتهم لكنه بيشفل واول ما الطلبه بيعرفو ان ده المدرس الجديده بيبتدوا يحدفوا على الورق اللى كوره وبيترقيو عليه
ادهم بزعيق :اسكتوا بقى ايه انتوا فاكرينى كيوت ولا ايه لا حبيبى انت وهو انا من بولاق يعنى صايع وادى اتخن واحد فيكوا بالجزمه
فجاه بيكتموا العيال
بيعرف "ادهم"انه المفروض مدرس رياضه فبيبدأ يشرحلهم المنهج بطريقه سهله ومبسطه جدا وده لانه خريج من كليه التجاره، والعيال بيفهموا الشرح ويبقوا مبسوطين جدا
وبعد ما بتخلص الحصه بيمشى "ادهم" ف المدرسه وبيسمع صوت نفس المزيكا بيروح وبيلاقى "سمر" قاعده ف مسرح المدرسه بتعزف ع البيانو بيفضل قاعد يسمعها لحد اما بتخلص واول ما بتخص بسقفلها "ادهم"
بتتخض "سمر"
سمر:اسفه مخدتش بالى ، هو انت هنا من امتى ؟
ادهم : بصراحه مش فاكر كنت سرحان ف مزيكتك
سمر: هو انت تبقى مين ؟
ادهم : انا المدرس الجديد هنا ف المدرسه
سمر: مش معقول انت اللى هتمسك فصل١/٣ ، بس ده فصل صعب جدا ومحدش قدر يسيطر عليه
ادهم بثقه: يمكن محدش قدر بس ده انت كان قبل كده
سمر بذهول : بس ازاى ده فصل مشاغب جدا
ادهم :بالطريقه، الاطفال كانوا محتاجين حد يفهمهم
فجاه بيرن الجرس
سمر: اظن عندك حصه دلوقتى
ادهم :عرفتى منين ؟
سمر :عشان انا اللى بعمل جدول المدرسه
وفى نهايه اليوم الدراسى بيروح "ادهم" لكن وهو ماشى بيلاقى ميس "سمر" وهى بتدرب الطلابه عشان حفله هتتعمل ف المدرسه