قصة اوقعنى القدر بحبها
البارت التاسع 9
بقلم دينا محمد
تاني يوم
كان ادهم نايم وف حضنو فيروز الي حاضنها بتملك وحب شديد
ادهم فضل يبص في وشها شوية
فيروز اتحركت بنوم وفتحت عينيها
فيروز بابتسامة : صباح الخير
ادهم : صباح النور وقرب باسها
فيروز اتكسفت واستخبت في حضنو اكتر
ادهم بحب : يلا بينا نقوم عشان ننزل نفطر
فيروز هزت راسها
عند مازن في اوضته صحي من النوم ونزل تحت قعد ع سفرة الطعام
شوية وادهم وفيروز نزلوا
ادهم بابتسامة : صباح الخير
صبري ومازن : صباح النور
ادهم قعد وفيروز قعدت جنبو
مازن لابوه : بابا انا قررت اني هخطب
ادهم بفرحة : بجد الف مبروك ي حبيبي
ادهم بتساؤول : ومين بقا
مازن بابتسامة : كنت اعرف بنت كده هنا ف مصر رقيقة جدا ولما رجعت قابلتها وقولت اني هتقدم ليها
صبري بحب : مبروك ي حبيبي
مازن بابتسامة : الله يبارك فيك ي بابا
ادهم : انا بقالي كتير مش واخد بالي من الشركة ولازم انزل القاهرة ي ابوي
صبري بهزة راس : أيوة فعلا بقالك كتير مش بتسال عنها ولا بتروح تشوف اي الاخبار هناك
ادهم : تمام ي بابا هاخد فيروز معايا عشان مش هينفع اسببها هنا لوحدها
مازن : تمام ي ادهم بس عايز اتقدم الاول قبل م تسافر
ادهم بابتسامة : طبعا هعمل كده
خلصوا فطار وفيروز كانت ف اوضتها ماسكة بطنها بحب وفرحة
فيروز بطفولة : انا فرحانة اوي بطني كبرت وباين فيها البيبي
ادهم جه من وراها ولف أيده علي وسطها من ورا ودفن وشو في عنقها
فيروز ابتسمت بحب : انا بحبك ي ادهم تعرف ماما وبابا ماتو وسابوني ونا صغيرة بس انت ربنا عوضني بيك ومهمنيش كنت متجوز ولا لاء
ادهم بهدوء وحب : فيروز ي حبيبتي دي مكنتش تعتبر جزازة اصلا اولا كانت بترفض اني المس*ها ومش عايزة تخلف مني وغير كده كانت بتخوني كمان وف نظرها اني مش راجل من الأساس
فيروز بحب وباست خده بعشق : انت سيد الرجالة ي ادهم كفاية اني بحبك وانت ف نظري عالي جدا بحبك
ادهم باسها بحب
نسيب الناس المحن دول ونروح ل مازن احسن
مازن لبس ونزل
مازن راح كافية كانت فيه بنت رقيقة قاعدة فيه مازن راح لها بابتسامة
(دارين بنت رقيقة وجميلة عندها ٢٣ سنة بتحب مامتها جدا ومحجبة عيونها رمادي بشرتها بيضاء شعرها اسود جميل )
مازن بحب : هتقدم ليكي بكره ي دارين بجد مش مصدق أن بعد حب سنين هخطبك وبعدها اتجوزك وتبقي حلالي
دارين بكسوف : مبروك ي مازن
مازن بحب : بحبك
دارين بحب اكبر :ونا كمان
وعدي اليوم عادي زي الفل
وجه تاني يوم
كلهم كانو مبسوطين ب مازن وانو هيخطب البنت الي بيحبها
بليل
مازن بحب : انا اسمي مازن وحضرتك اكيد عرفاني انا بحب دارين من زمان وطالب ايديها
الام بفرحة وحب : انا عن نفسي موافقة انت شاب محترم واصيل نشوف رأي العروسة
دارين بكسوف : موافقة ي ماما
ماجدة بفرح وزغروطة : لولولوليي الف مبروك ي ولاد
وقروا الفاتحة وتتحدد ميعاد الخطوبة لبعد ما ادهم يشوف الشغل ويرجع من السفر
مازن كان فرحان جدا واخد دارين ونزلو يحتفلو ب الانجاز الي حصل وأنهم اخيرا هيبقوا لبعض
وادهم فرح جدا لأخوه لانه بيحبو جدا وادهم روح وفيروز حضرت شنطتها وشنطة ادهم عشان السفر لأنهم هيقعدو حوالي أسبوعين
وناموا نوم عميق
ورجع مازن بعد ما وصل دارين وصل بيتو دخل اوضته وغير هدومه ونام وهو بيبتسم وبيفتكر تفاصيل اليوم لحد منام
تاني يوم الصبح
صحي ادهم تاني يوم وفيروز صحيوا علي صوت المنبه
ادهم بنوم : صباح الخير ي حبيبتي
فيروز بحب : صباح النور
قامو وستحمو ولبسوا
ادهم سلم علي صبري ومازن قبل ما يمشي
وادهم انطلق بعربيته وطلع من الصعيد إلي القاهرة ووصل شقته الي هناك
فيروز بانبهار : الله ي دوما الشقة جميلة جدا
ادهم بحب : عجبتك
فيروز : جدا ي دوما
ادهم : طيب يلا بقا ناكل وننام لاني هروح الشركة بكره
فيروز بحب : ماشي
واكلوا وخلصوا ونامو صحيوا بليل بتعب من السفر وقررو يقعدوا مع بعض شوية
جه الليل
فيروز بحب : بقولك اي ي دوما
ادهم بنوم : همم نعم
فيروز : متخدني الشركة معاك بكره
ادهم بغيرة : لاء مش هينفع فيها رجالة
فيروز باستغراب : ما الشارع فيه رجالة
ادهم ضغط ع وسطها : حبيبتي انتي حامل ف مش هينفع مرة تانية هبقي اخدك
فيروز بصتلو بغيظ ونامت
تاني يوم صحي ادهم ولبس بدلته الجذابة وكان شكله يخطف الأنفاس
فيروز بحب : شكلك جميل اوي ي دومي
ادهم باسها برقة : ونتي اجمل ي فيروزي
فيروز : خلي بالك من نفسك ي دوما
ادهم حضنها بشدة وحب وهو بيشم شعرها
وفيروز كانت مبسوطة وكانت مرتاحة وهي شامه ريحتو الي بتعشقها
ادهم باسها ومشي
ادهم دخل شركته بهيبته المعتادة وكان الموظفين مستغربين أن ادهم اخيرا جه كان بقالو فترة كبيرة جدا مرحهاش
السكرتيرة : نورت ي فندم
ادهم : بنورك + ابعتيلي ورق الشغل الجديد
ادهم وهو بيشوف الورق دخل عليه شخص بخبث
ادهم قام بغضب : انت اي الي جابك ؟؟!
الشخص بخبث : هنتكلم كلمتين