رواية فاز القلب
الفصل الثامن عشر 18
بقلم/يارا عبد العزيز
بعدت ايديها عنه بغضب و اتكلمت بأنهيار:- انا مش عايزة اقعد معاك انت ايه معندكش د...م و لا كرامة
مازن :- طب ممكن تهدي
حياة بغضب :- اهدى مازن انت مش عارف انت عملت فيا ايه مازن انا دلوقتي مش بشوف بسببك بسببك أنت انا فقدت بصري عايز مني ايييه تاني
مازن :- هنروح لمليون دكتور و هتشوفي انا مش هسيبك
حياة :- و انت مفكر ان لما يرجعلي نظري انا هسامحك هنسى اللي عملته هنسى انك ضـ...ربتني و جرتني وراك على السلم زي البهيمة و انت عارف اني اصلا تعبانة مازن انا مفقدتش بصري من الضـ..رب انا فقدت بصري من صدمتي فيك و كل دا عشان مين عشان واحدة بعـ..يتك و حبيت غيرك انت عارف انا لما رنيت عليها قالتلي ايه قالتلي لمـ..ي جوزك جوزك اللي بيجري ورايا و أنا اصلا مش عايزاه
مازن :- هتصدقي لو قولتلك انها مبقتش في دماغي انا مش بفكر غير فيكي انتي و بس
حياة بعصبية:- دا شئ ميخصنيش تفكر فيها أو في غيرها انا مليش دعوة بيك انت مش حاجه يا مازن و لو بجد عندك كرامة طلقني و سبني في حالي بقى
مازن بعصبية:- مش هطلقك و البيت دا انتي مش هتخرجي منه إلا و انتي مسامحني و شايلة فكرة الطلاق دي من دماغك غير كدا هتفضلي هنااا و متفكريش ان ابوكي بسلطته هيقدر ياخدك مني تبقي بتحلمي انتي هتفضلي لاخر نفس فيا مراتي
قال كلامه و سابها و دخل الحمام هي بصتله و ابتسمت بتلقائية منها على كلامه و تمسكه بيها
حياة :- استحاااالة اسامحك حتى لو قلبي كله معاك
مازن من ورا الباب بصوت عالى:- و انا هفضل عمري كله بحاول يحياة و محافظ على قلبك دا
حياة بهمس :- دا سمعني ازاي دا
عائشة ببكاء:- بابا خليه يوافق يخليني اجاي معاكوا البيت فترة الحمل و بعدين يطلقني انا مش عايزة اعيش معاه
محمود بصرامة:- انتي كمان بتتشرطي عليه بعد اللي عملتيه انتي مش مدركة انتي عملتي ايه انتي كنتي هتقـ..تلي ابنه جبتي منين قساوتك دي انا و امك ربناكي على كدا
عائشة بشهقات:- يا بابا انت مش عارف اللي حصل بلاش كلكوا تيجوا عليا كدا
محمود بغضب:- ايا كان ايه اللي حصل ما بينكم دا ميديكيش اي حق تعملي اللي عملتيه انك تقـ..تلي روح ملهاش اي ذنب معرفتيش جوزك بحملك و اتصدم انك كمان عايزة تقـ...تلي ابنه هتعملي ايه اكترر من كدا يعائشة هااا ما تنطقي
عائشة كانت بتعيط في حضن امها بأنهيار و هي حاسة ان الكل ضدها و محدش حاسس بيها
خالد :- براحة عليها شوية يا بابا هي لسه تعبانة
محمود :- و الله تعباها داا هي السبب فيه طب كنتي على الاقل فكري في نفسك دا انتي لولا اللي انتي دلوقتي بتقولي مش عايزة اعيش معاه و انتي كنتي هتقـ..تلي ابنه كان زمانك دلوقتي مع الاموات..... حراام عليكي نفسك يا شياخة بدل ما تعتذري على اللي عملتيه جاية تقوليلي عايزة اطلق....
عزة:- خلاص بقى يا محمود كفاااية بقى البت هتروح مني
محمود بعصبية:- ما دا اخرة دلعك فيها يلا جهزيها عشان اخوها ياخدها بيت جوزها
عائشة ببكاء:- يا بابا لأ بالله عليك مش عايزة اعيش معاه
محمود :- انا قولت اللي عندي يلا
بعد ساعة كان خالد وصل عائشة بيت نوح دخلت و هي باين عليها التعب الشديد
خالد :- انتي تعبانة اوي ابات هنااا انهاردة
عائشة:- لا روح انت عشان مراتك هي حامل برضوا
خالد :- عائشة انا اسف بس انتي عارفه بابا محدش يقدر يكـ...سرله كلمة و الصراحة يا عائشة انتي غلطتي
عائشة بدموع:- حتى انت يا خالد بتقول كدا
كملت بأنهيار
:- حرااام عليكوا و الله انتوا ليه بتعملوا كدا انت عارف الطفل دا جيه ازااااي عشان تحكم عليا و تقول اني غلطتتتتت ليه كلكوا ضدي ليييه انا و الله مبقتش قادرة حرااام عليكوا
خالد و هو بياخدها في حضنه :- هششش اهدي مقصدش و الله أنا هفضل على طول جانبك و بابا يومين و هيروق هو بس عشان متعصب دلوقتي ما انتي عارفه
فضلت تتنفض في حضنه و اتكلمت بشهقات
:- ارجع كلمه تاني بالله عليك مش عايزة اعيش مع نوح تاني انا خايفة من رددد فعله
خالد بعصبية:- طب يبقى يفكر يمـ..د ايده عليكي تاني و الله هنسى انه صاحب عمري و هكون معلمه الادب ايه اللي حصل ما بينك و ما بين وصلكوا لكدا يعائشة
كانت لسه هتقوله بس حسيت ان لو خالد عرف هيتـ...خانق هو و نوح و هي مكنتش عايزة تضيع صداقتهم و كانت خايفة عليهم هم الاتنين من بعض فقررت انها متقولش حاجه
عائشة :- انا مش قادرة اتكلم دلوقتي عايزة انام
خالد :- طب تعالي يحبيبتي تعالي
خدها و دخلوا الأوضة و نامت فضل قاعد جانبها و هو بيقرأ قرآن لحد اما راحت في النوم ، قبل راسها بحب و خرج من الاوضة و من الشقة كلها
كان نازل من باب العمارة لمح داليا و هي قاعدة على الرصيف في اخر الشارع و بتعيط بشدة راح عندها بسرعة و خوف و وقف قدامها
خالد :- ايه دا فيه ايه انتي ليه مش البيت و بعدين بتعيطي ليه
فضلت تعيط بشدة و مش بترد عليه
خالد بغضب:- فيه ايه ما تبطلي عياط و تنطقي
داليا بشهقات :- امشي لو سمحت روح بيتك و سابني انا ربنا يتولاني
خالد :- طب ممكن تهدي و تفهمني ايه اللي حصل عشان اعرف اتصرف
داليا بدأت تحكيله و هي منهارة... من العياط
خالد :- يعني اروى اللي عملت كدا
داليا بشهقات:- هي معاها حق تخاف عليك لانك جوزها بس هي ملهاش ايي حق تتهمني ان فيه
خالد :- فيه ايه سكتي ليه كملي
داليا:- هي مفكرة ان فيه حاجه ما بينا
خالد :- بس ديي حقيقة انا بحبك
داليا بصتله بصدمة شديدة ، بصلها بحب و نزل لمستواها و هو بيعقد قدامها على الأرض
تتجوزيني يا داليا
رجع نوح من برا و لاقى عائشة نايمة أو كانت شبه نايمة صحيت على صوته و هو بيفتح الدولاب ياخد منه هدوم قامت اتعدلت و هي بتبصله بخوف ، راح عندها و قعد قدامها بعدت بخوف من انه يمـ..د ايده عليها
نوح بجمود و هو بيمسك ايديها يشوف النبض حاسة بي ايه دلوقتي
عائشة:- بقيت احسن الحمد لله
نوح :- تمام شد حيلك بقى عشان تعرفي تحضري الخطوبة
عائشة و هي بتبلع ريقها بخوف :- مش فاهمة
نوح بنفس الجمود :- انا اتقدمت لسارة بنت عمتي و هتجوزها