روايه وجع حنين الفصل الخامس والعشرون25 والسادس وعشرون26بقلم رحانة الجنه
(في المطار)
حنين :انت مجنون كنت حتضرب الظابط
يوسف:ماهو اللي بيستهبل ال اشوف وشك قال. ده عند امه
حنين:ههههههههه
يوسف:انتي بتضحكي ماشي
حنين :اصلك شكلك حلو وانت متعصب
يوسف: اعمل ايه بس حرق دمي الله يحرق دمه
حنين :مخلاص ماانت عملتله مشكلة ومردش وخليت واحدة تشوفني خلاص بقي
يوسف: ايوة طبعا في كل الاحوال ماكنش حيشوفك ده انا كان ممكن اقتله
حنين :تعرف وانت لابس النظارة ومتشيك كدة بتفكرني . لما كنت بنزل من عند الدكتورة والاقيك واقف مستنيني. كنت ببقي حموت عليك وعلي جمالك
يوسف:ههههههه اومال كنتي تقلانة عليه ليه
حنين :ماانت عارف بقي حنعيدوا تاني
يوسف :لا خلاص انا المهم انك معايا دلوقتي ومحدش يقدر يا خدك مني
حنين :ربنا يخليك يا حبيبي . قولي احنا حنروح بتاكسي
يوسف:لا يا حبيبتي محمود جابلي العربية هنا اهو هناك تعالي
محمود :حمد علي السلامة يا يوسف بيه حمد علي السلامة يا مدام
يوسف:الله يسلمك يا حودة عامل ايه واخبار الشغل ايه
محمود :تمام يا باشا مش نقصنا غير وجدك المعارض مضلمة والله
يوسف:تسلم يا حبيبي . يلا تعالي اوصلك
محمود :لا اتفضل حضرتك انا رايح المعرض علي طول
يوسف:خلاص اشوفك بكرة بقي . سلام
يوسف :اركبي يا حبيبتي
حنين :شكرا يا حبيبي لازم تفتحلي الباب كل مرة كدة
يوسف :طبعا عمرك شوفتي أميرة بتفتح الباب لنفسها
حنين :اه منك انت واكل عقلي دايما . بقولك ايه ماتخلينا نروح وبابا حيجيب الولاد بكرة علي الفيلا . انت تعبان ومانمتش من امبارح
يوسف :لا يا روحي انا وعدتك انهم حيباتوا في حضنك النهاردة . انا عارف هما قد ايه وحشوكي
حنين : هما فعلا وحشوني اوي بس ماجتش من يوم احنا لسة مكلمنهم فيديو كول ومطمنة عليهم
يوسف:لا خلاص احنا حنجبهم النهاردة وحنخرج نتغدا برا كمان قبل مانروح
حنين :حبيبي ربنا مايحرمنيش منك ابدا
يوسف :باس ايديها ولا يحرمني منك انتي خليتي لحياتي طعم انامن غيرك مكنتش عاش
(في بيت عبد الرحمن )
الجرس بيضرب
هنا :صرخت . ماما وحشتيني اوي
عمر :جه وراها . ماما ماما وحشتيني
حنين:حضنتهم اوي . حبيبي وحشتوني اوي اوي . عاملين ايه
عمر :حضن حنين تاني . ماما متبعديش تاني عننا
يوسف :ايه يا عم عمر ما تحضنش اوي كدة انا بغير علي الموزة بتاعتي
عمر : علي فكرة بقي هي مامتي من الاول
حنين :ههههه انت اللي جبته لنفسك
يوسف :كدة . ماشي بس تعرف انت معاك حق . بس بردوا بغير واستني بقي لما نروح حلعبك ماتش كورة واغلبك علشان تعرف تحضن اوي كدة
عمر :طيب حضر نفسك للهزيمة
يوسف :هههههه حنين انتي متاكدة ان الواد عنده عشر سنين
حنين :هههههه اه بس هو لسانوا طويل حبتين
خديجة :اهلا اهلا حمد علي السلامة كدة يا ولاد طيب سيبوهم يا خدوا نفسهم الاول
يوسف :ازيك يا حجوك وحشتيني .
خديجة :انت اللي وحشتني والله يا يوسف انت متعرفش غلاوتك عندي
يوسف :بس قوليلي ايه الحلاوة دي براحة علي الراجل ده لسةقايم من عيا
خديجة :هههههه والله انت عسل وحشني كلامك تعالي يلا اقعد حاكلك بقي حبة محشي. مقلش وكمان بط وملوخية
يوسف:مبلاش اغراء يا جميل احسن اضعف والغيلهم الخروجة واقعد اكل
عمر :لا بقي انت وعدتني في التليفون
حنين :انت كنت قايلهم ان احنا جاين النهاردة
هنا :طبعا وقالنا نحضر حاجاتنا علشان نروح معكم وكمان حنتغدا برا الاول
حنين :بصت ليوسف . بحب اكنها بتشكره
يوسف:ابتسم . وغمزلها بعنيه
يوسف :اومال فين بابا وحشني
عبد الرحمن : جه من وراه . يا أونطجي بقي وحشتك وانت معاك القمر بردوا
يوسف :حبيبي يا عمي والله وحشني
عبد الرحمن : وانت يا حبيبي وحشتني
حنين :بابا حبيبي طمني عمال ايه وصحتك
عبد الرحمن :حبيبتي انا كويس انت اللي وحشتيني
يوسف:يا جماعة راعوا مشاعري مش كدة هو كل شوية حد يحضنها انا بغير
عبد الرحمن: ههههههه خليك بقي غيران واتلم بدل مابيتها معايا النهاردة واقهرك
يوسف:لا كله الا كدة انا خلاص مقدرش انام من غيرها
حنين :هههههه يوسف بس
خديجة :يا بت هو انتي لسة حتتكسفي ماخلاص بقالكوا اسبوعين
يوسف:قوليلها يا ماما احسن دي طلعت روحي بكسوفها ده . يلا بقي احنا حنمشي علشان نلحق نتفسح شوية
خديجة :يا بني ماانتوا قاعدين. والله مابشبع من قاعدك يا يوسف لسانك زي العسل
عبد الرحمن :خالي بالك ياخديجة انا بغير من الواد ده
يوسف:ههههههه شوفتي يا حجوك بيغيروا مننا خلي بقي الكلام ده بيني وبينك علشان متنتحسدش
حنين :طيب يالا يا حبيبي احسن انا حاسة ان طلاق امي علي ايدك
(في العربية )
يوسف :هاه يا ولاد عايزين تروحوا فين
عمر: انا عايز اكل بيتزا
يوسف:و هنون هانم تحب تاكل ايه
هنا :انا عايزة كووك دور
يوسف:والبرنسيس بتعتنا تحب تاكل ايه
حنين :انا اي حاجة اللي حتاكل منه انا حكله
يوسف:مال علي حنين ووشوشها . انا عايز اكلك انتي
حنين :هههه بس بقي الولاد يسمعوا
عمر :انا سمعت علي فكرة
يوسف :شكلنا حنتعب مع بعض اوي يا عمور . واخدلي بالك انت
عمر:علي فكرة انت مش قدي يا عمو يوسف
يوسف :امممم اولا انا قدك بقي اوي . ثانيا من هنا ورايح انا بابا يوسف مفيش عمو دي تاني اوك
عمر :اوك وانا موافق
هنا :وانا كمان
يوسف :اسمعاها بقي .
هنا . وعمر :مع بعض . اتفقني يا بابا يوسف
يوسف :حبايب قلبي. كتاكيت زي اللي خلفتكوا
حنين :هههههههه كل دي كتوكتة
يوسف :احلي كتكوتة يا روحي
يلا بقي علشان نتغدا وبعدين حنطلع علي الملاهي ونقعد فيها لحد ماتقفل
هنا. عمر : في وقت واحد . yes
حنين :وشوشت يوسف . بحبك
يوسف :طيب بس بقي لحسن انا ممكن بسببك اضرب علشان ممكن لروح حالا علي البيت
(تاني يوم في الفيلا )
حنين :صباح الخير يا روحي
يوسف :صباح العسل يا قمر . بقولك ايه انا كلمت المكتب وحيبعتوالك الشغالة النهاردة
حنين :لا يا يوسف اوعي تعمل كدة . انا قولتك مابحبش حد غريب في بيتي
يوسف:يا حبيبتي انا قلبي عليكي مش عايزك تتعبي . البيت كبير ومش حتقدري لوحدك عليه
حنين :لما اقصر في حاجة ابقي اتكلم
يوسف :وبعدين انا مش حقدر اشوفك بتتعبي قدامي اصلا
حنين:انت مش حاتشوفني اصلا انا علي ما انت ترجع حكون انا خلصت كل حاجة. بعدين انا بصحي بدري وموريش حاجة متقلقش عليا انت بس
يوسف:باسها مقلقش عليكي اومال اقلك علي مين . عموما خليني معاكي للاخر بس لو يوم شوفتك تعبانة حجيب الشغالة تاني يوم
حنين:قول بقي ان انت بتتلكك علشان تجيب الشغالة وتقعد تتفرج عليها
يوسف: ههههههههه غيارة انت اوي . يا روحي انا مبشوفش غيرك اصلا كل الستات بالنسبة ليه رجالة بشنب
حنين :هههههه طيب يلايا مغلبني علشان تفطر وتنزل
(في العربية )
يوسف اول ما خرج ومشي بالعربية بعت لحنين اغنية زي ماكان بيعمل قبل الجوازعلشان ماتحسش ان اهتمامه بيها قل بعد الجواز وبعتلها اغنية لعمرو دياب
كالعادة واسمها إلا هي (شغلاني بحبها شغلاني بيها شغلاني بحبها والشوق نداني اه يامين يقولها انا روحي فيها اه يامين يقولي لفين مودياني . نظرة تاخدني اطلع لفوق وانتي في حضني مش عايز افوق نظرة عنيها يامغرمين سلمت ليها واحلف يمين . ولا ليه الاهي دي حبيبة عنية . شغلاني بحبها ليلي ونهاري اه يامين يقدر يطفي في قلبي ناري . شغلاني بحبها ولا حد داري وازي بحبها وازاي اداري. همس الشفايف. لمس الايدين . مش جنة واحدة لا جنتين . والعين عليها والقلب حارس . ولا ليه الا هي . دي حبيبة عنيا) . حنين سمعتها وفرحت ان يوسف لسة بيعمل معاها كدة
(في المعرض )
يوسف قاعد في المكتب
أمير:مدخل راسه من الباب . ادخل يا عريس
يوسف:ميرو حبيبي وحشني
أمير :وانت كمان. هاه قولي ايه الاخبار اوعي تكون اكمنك كنت بعيد عن ارض الملاعب بقالك سنين تكون فضحتنا
يوسف:هههههه عيب عليك يا معلم دانا يوسف شهاب انت نسيت ولا ايه وبعدين حنون دي تنطق الحجر
أمير:ههههه ايوة مين يشهد للعروسة
محمود :يوسف باشا اللواء اللي كلمتني عليه وانت مسافر جه تحت علشان يستلم العربية اخليه يطلعلك ولا انت نازل
يوسف:لا يا عم انت عايز سيادة اللواء يطلعلي انا نازل . معلش يا أمير مش حتاخر .
أمير:خد راحتك يا جو .
واخد أمير اللاب توب بتاع يوسف ولفة يشوف يوسف كان بيعمل ايه . فتح لقي فيل بإسم حنين فتحه وتنح لما لقي صور لحنين لما كانوا في الجونة بالمايوه وفي البيسين وفي اليخت والبحر وكمان صور ليها يوسف مصورهلها وهي نايمة وكمان صور وهو معاها في البسين . أمير مصدقش جمال حنين كان فاكر يوسف بيبالغ وجمع بين اللي كان يوسف بيحكيهوله عن حنين وبين صورها . وللحظة حس انه اشتهي حنين وحسد يوسف عليها وعلي جمالها وكمان اخلقها وشخصيتها اللي يا يوسف كلمه عنها . سمع أمير صوت يوسف طالع قفل الاب بسرعة ورجع مكانه
يوسف :اتاخرت عليك
أمير: وهو مسهم وملخبط . لا ابدا
يوسف:مالك يا ابني في ايه .
أمير :انا كويس قولي انت عملت ايه هناك
يوسف:اه يا أمير انا لوعليا كنا قعدنا هناك شهر شهرين . بس علشان حنين ماتبعدش عن ولادها
أمير :شكلك انبسط اوي معاها
يوسف:هههههه أور بقي
أمير :لا ياعم ربنا يسعدك . انا ماشي
يوسف:يا بني انت لحقلت
أمير: معلش بقي علشان ورايا مشاوير
ومشي أمير وهو مش عارف يشيل صور حنين من دماغة طول عمره كان نفسة في ست زيها بس زعل من نفسه انه بيفكر كدة
أمير:مالك يا أمير ايه اللي بتفكر فيه ده معقول . دي مرات يوسف . عارف مين يوسف . الي عمره ماسابك وعلي طول واقف جنبك . استغفر الله العظيم
(في الفيلا عند حنين باليل)
جيهان :حمد لله علي السلامة يا حنون
حنين :الله يسلمك . تعالي اقعدي
جيهان :احكيلي عملتي ايه انبسطي
حنين:انبسط بس ده انا كنت حموت من السعادة اسكتي مش اختك لبست بيكيني ونزلت البيسين والبحر كمان
جيهان:يخرب عاقلك . يبقي عمار كان معاه حق لما قال ان يوسف حيفسد اخلاقك
حنين :استني بس انا ححكيلك ..........
جيهان:ههههههه والله يوسف ده عسل مش ممكن محظوظة انتي يا بت يا حنين
حنين :الحمد لله . تعرفي يا جيهان انا نفسي اوي احقق ليوسف حلمه انه يكون اب . لما كنا مسافرين وهو بيكلمني في الموضوع ده كانت عنيه ماليانا دموع هو حاول يداريها بس انا شوفتها . انا قلتله اني عايزة اعمل العملية ونجرب
جيهان :بصراحة انا شايفة انك تنسي الموضوع ده مش في مصلحتك خالص
حنين :ليه بتقولي كدة
جيهان :يعني بصراحة انتي جوزك حليوة وشايف نفسه وممكن لو حملتي واتلهيتي بالبيبي عنه يرجع لايام زمان وواحدة تانية تخطفوا . ده غير ان ده حيأثر علي هنا وعمر . هو دلوقتي مهتم بيهم علشان بيعوضه عن اللي ناقصه لكن لو بقاله ابن حيتغير معاهم
حنين :لا لا يا جيهان انا لايمكن اعمل كدة . يوسف مايستهلش مني كدة . وبعدين هو بيحبني وبيحب الولاد . لا انا كمان شهرين تلاتة كدة حروح للدكتورة اللي كنت بتابع معاها في هنا وعمر هي دكتورة كبيرة وان شاء الله اعمل حقن مجهري . المهم يوسف يكون مبسوط .
جيهان :انتي حرة انا حزرتك . يلا بقي اكلم حمدي يجي بسرعة علشان يروحني
حنين :لا طبعا احنا حنتعشا سوا يوسف زمانوا جاي
جيهان :لا عشا ايه يادوب نروح
يوسف:مساء الخير . اهلا ازيك يا جيهان
جيهان :ازيك يا يوسف . كدة تاخد البونية وتبوظ اخلتقها . بيكيبني يا يوسف يادي الفضيحة
يوسف:هههههههههه هي حكتلك
جيهان :اه يا سيدي . بس المهم انكم انبسطوا . يالا عن اذنكم انا زمان حمدي جه بره
يوسف :مفيش الكلام ده اندهيلو ونتعشي سوا
جيهان :مفيش لزوم . انتوا عرسان ولازم نخللكوا الجو
يوسف:هههه لا ماتقلقيش انا بعرف اخد حقي في اي وقت . عن اذنكم انا حطلع اغير هدومي
جيهان :بيت يا حنين هوانا ابقي قليلة الادب لوقلتلك ان جوزك ده قمر يخربيت حلوته
حنين :هههههه والله لقول لجوزك انك بتعاكسي جوزي
جيهان : يا ختي بقي . قوليلي هي البرفاه اللي هو حاطتها دي اسمها ايه
حنين :حبقي اديكي واحدة تديها لحمدي يحطلك منها
جيهان :والله لواستحمي بيها حتي ماحتفرق
حنين: هههههه لا يابت انا حبتدي اخاف منك تعالي معايا ياختي نحضر العشا
وجه حمدي واتعشوا كلمهم سوا وبعد ما مشيوا
يوسف :اخيرا بقينا لوحدنا . وحشتيني
حنين:انت اللي وحشتني اوي
يوسف:عارفة كنت طول اليوم بتفرج علي صورك. علي الاب توب . مش عايز عيني تشوف غيرك
حنين : بس خالي بالك لحسن حد يشوفهم وانت اصلا كنت مصورني صور مسخرة
يوسف :ماتخافيش انا بجيبه معايا هنا وكمان انا عامل باص ورد محدش يعرفه . متقلقيش . المهم دلوقتي تعالي علشان عايزك في موضوع مهم .................
❤❤❤
بقلم ريحانة الجنة
(((الحلقة السادسة والعشرون )))#ريحانة
وعدي علي جوزاز يوسف وحنين شهرين كانوا احلي شهرين كلهم حب وفسح ودلع يوسف كان مغرق حنين حب ودلع وهدايا وكل يوم وهو خارج من البيت يبعتلها أغنية وحنين كانت في منتهي السعادة وكمان الولاد حبوا يوسف اوي ومابقوش يناموا من غير ما يشفوه ويلعبه معاه ويوسف كان سعيد بجو العيلة والدفا ده اويييي وفي يوم يوسف راجع بالليل لقي الولاد في الليفنج بيتفرجوا علي tv
يوسف :مساء الخير يا حبيبي
هنا :مساء النور يا بابا
عمر:مساء النور يا بابا وحشتني مش حتلعب معايا بلاي استشن
يوسف:ههههه من عنيا يا حبيبي اغير هدومي واجي اغلبك . بس قولولي فين ماما . ماشوفتهاش من ساعة ماجيت
هنا:بصراحة يا بابا ماما تعبانة من الصبح
يوسف:بان عليه القلق. تعبانة مالها
هنا:من الصبح عمالة ترجع ودايخة ومأكلتش حاجة طول اليوم
يوسف:معقول . طيب ليه ماكلمنتتيش يا هنا
هنا:٠اصل بصراحة لما هي تعبت اتصلت بتية وقالتلي اعملها نعناع ولما قلتلها. زعلت وقالتلي متتصليش بحد علشان محدش يقلق . وبالذات حضرتك
يوسف:طيب يا حبيبي انا حروح اطمن علي ماما
يوسف دخل لحنين الاوضة لقاها نايمة فقعد جنبها علي السرير وبيملس علي شعرها
حنين :فتحت عنيها. حبيبي انت جيت
يوسف:اه يا قلبي . مالك سلامتك الولاد قالولي انك تعبانه . ليه ماكلمنتنيش من بدري
حنين :مفيش حاجة يا روحي انا كويسة بس واضح اني اخدت برد جامد . علشان تبطل تتشاقي كل شوية .
يوسف :لا بس انتي شكلك تعبان خالص . قومي تعالي اوديكي للدكتور
حنين :صدقني مش مستهالة والله انا الصبح حبقي كويسة
يوسف:صبح ايه انا مش حقدر اقعد دقيقة واحدة غير لما اطمن عليكي . قومي بسرعة علشان نلحق الدكتور
حنين :بس بصراحة انا مبحبش اروح لدكتور راجل بتكسف
يوسف:اه صح. انا كمان مش حقدر اخليه يكشف عليكي وبيمسك بطنك. بس مش مهم البسي انتي وانا حعمل تليفون واجبلك اسم أكبر دكتورة باطنة في البلد . بس قومي معايا ..... تعالي يا حبيبتي ..... حساعدك تلبسي......
وفعلا يوسف اخد حنين للدكتورة
(عند الدكتورة )
الدكتورة :قومي يا مدام حنين البسي هدومك
يوسف :خير مالها يا دكتورة
الدكتورة:ههههه مالها متقلقش هي كويسة
يوسف:ازاي بس دي وشها اصفر خالص ورجعت كتير ومأكلتش حاجة من الصبح .
الدكتورة:لا متققلش هي ان شاء الله حتبقي كويسة . بس هي تعملي التحاليل دي وتجبهالي
يوسف:تحاليل ايه هي حنين مالها
الدكتورة: مفيش دي تحاليل علشان اشوف الانبيما واضح انها قليلة شوية وكمان تحليل حمل .😊
يوسف:وهو بيبص لحنين نظرة كلها خيبة أمل . حمل . طيب شكرا لحضرتك عن اذنك
(في العربية)
حنين :مالك ياحبيبي من ساعة ما الدكتورة قالت علي التحليل وانت كدة
يوسف :اتنهد . مفيش يا حبيبتي بس اول ماقالت كلمة حمل حسيت بوجع . انا اسف يا حنين اني. مقدرش اخليكي تحملي زي باقي الرجالة
حنين :رجالة ايه انت احسن راجل في الدنيا
يوسف:بإبتسامة سخرية راجل ومش عارف اخلي مراتي تحمل . المهم احنا حنروح المعمل علشان نعمل التحاليل التانية ونطمن عليكي . واضح ان البرد اللي عندك شديد علشان كدة هي شكت
حنين :يوسف انا حعمل تحليل الحمل
يوسف :يا حنين ارجوكي ماتتعبنيش انا مش ناقص
حنين :يا حبيبي خالي عندك ثقة في الله انه مش حيضيعك . علشان خاطري نعمله ولو مفيش حمل . انا وانت بكرة حنروح للدكتورة ونحدد معاها معاد ونعمل حقن ونحاول اتفقنا
يوسف :ربنا يسهل يالا نروح المعمل
(في المعمل )
يوسف :واقف برة في المعمل بيشرب سجاير
حنين :تاني يا يوسف انت مش وعدتني تبطلها
يوسف :معلش ياروحي بس اصلي كنت محتاج اشرب دلوقتي . اوعدك ان شاء الله ابطلها ماتزعليش . هو لسة بدري
حنين :لا الدكتور قالي 5دقائق
يوسف :مكنلوش لزوم يا حنين كان كفاية التحاليل التانية
حنين :متقلقش شوية ونعرف
الدكتور :مدام حنين اتفضلي النيجة
يوسف :حس انه دايخ ومخنوق ومش قادر يسمع. خير يا دكتور .
الدكتور :خير هي بس محتاجة اليومين اللي جاين تهتم بأكلها وتابع مع دكتورة نسا
يوسف :مش فاهم . يعني ايه
الدكتور :مش فاهم ايه حضرتك . المدام حامل في شهرين
يوسف :حامل 😍😍😍😍مش ممكن انت متاكد
الدكتور :ايوة طبعا التحليل مبين عدد الاسابيع
يوسف:كان حيموت من الفرحة . حنين انتي سمعتي بيقول حامل
حنين :كانت مدمعة من كتر مافرحانة ليوسف اكتر منها . ايوة يا حبيبي مبروك
يوسف :حضن حنين وشالها اولف بيها . انا مش مصدق مش مصدق
الدكتور:لا غلط عليها كدة دي لسة في الاول
حنين ويوسف اتكسفوا من الدكتور
يوسف :نزلها. معلش يا دكتور انت عارف بقي الفرحة
الدكتور :واضح انكم متجوزين بقالكم سنين
يوسف:ههههههه سنين ايه يادكتور احنا يادوب شهرين
الدكتور:شهرين ؟؟ الفرحة دي كتير علي شهرين بس عموما مبروك . هي لازم تتابع مع دكتورة نساء لان اللي طالبة التحاليل باطنة
يوسف: اكيد طبعا
(في العربية )
يوسف :حنين انا مش مصدق معقول حبقي اب . حنين انتي فعلا مباركة كل حاجة في حياتي بقت احسن من يوم ماعرفتك. انا لو شكرتك من هنا لحد ماموت مش حوفيكي حقك
حنين :حبيبي تشكرني علي ايه دي حاجة بتاعة ربنا هبة منه مش بإيدينا
وانا لو كان عليا كنت مستعدة اعمل اي حاجة علشان اشوف الفرحة دي في عنيك
يوسف :عيونه دمعت والمرة دي مقدرش يمنعها
حنين :يوسف انت بتعيط .
يوسف :مش قادر اوصفلك انا كان بيقي ايه احساسي لما بشوف حد من صحابي معاه ابنه اوبنته كنت بحس اني مش راجل زيهم كنت بخاف اشيل حد من ولادهم ليبان عليا لهفتي واصعب علي حد . انا كنت بموت يا حنين بموت.
حبين :حبيبي كفاية ارجوك الحمد لله خلاص ربنا رزقك . افرح وانسي
يوسف :عندك حق . بس ربنا رزقني بسببك انتي. انتي اللي حليتي دنيتي يا حنين . انا مش عارف اكفأك ازاي اهديكي بأيه اطلبي اللي نفسك فيه وانا اجبهولك
حنين :تاني وانا بس كنت عملت ايه دي نعمة من ربنا . وبعدين لو علي الهدية انا معايا احلي واغلي هدية في الدنيا انت يا روح قلبي ربنا ما يحرمني منك ابدا
يوسف:هو انا لو بوستك دلوقتي يحصل حاجة
حنين :هههههه اه طبعا فعل فاضح في الطريق العام
يوسف :هههههه بس انا عايز ابوسك
حنين :اتلم بدل مانقضي الليلة في القسم
يوسف :اسم مين عيب عليكي القسم كلهم صحابي . وبعدين المكان هنا هادي مفيش حد . تعالي بس .......
حنين :كل دي بوسة انت جنون
يوسف:طيب بس بقي بدل ماانتي عارفة اللي بعد البوسة ايه وهنا
حنين :هههههه لا يا حبيبي خليها في البيت لينا بيت يلمنا
يوسف:ههههههه ماشي كلامك يا قمر
(في البيت )
حنين :ايه يا ولاد اللي مصحيكوا لحد دلوقتي
هنا. وعمر :علشان نطمن علي حضرتك انتي عاملة ايه
يوسف:عندي ليكوا مفاجأة . ماما حتجبلنا بيبي صغير
هنا . وعمر:اتنططوا من الفرحة
عمر :الله يا ماما حتجبيلي ولد علشان اعلمه الكورة . والعب معاه
هنا :لا طبعا ماما حتجيب بنت علشان العب معاها كفاية عليا انت
يوسف:ههههههه متزعلوش نفسكم ان شاء الله لما ماما تولد انتوا الاتنين تلعبوا بيه اذا كان بنت او ولد
حنين :هههههه لا والله وانا بقي اجيب البيبي علشان تلعبوا بيه
يوسف :حقهم مش اخوهم وبعدين كلنا حنلعب بيه والكم انا
حنين :ماشي ربنا يستر . يالا يا ولاد بقي اطلعوا ناموا الوقت اتأخر
هنا وعمر :حاضر يا ماما تصبحي علي خير
يوسف :مش يالا احنا كمان ننام احسن انا النهاردة ناوي احتفل
حنين :ههههه لا بقي انت لازم تهدي شويه لحد ما نروح للدكتورة بكرة ونشوف الدنيا فيها ايه
يوسف:بس انا مقدرش انا مش واخد علي كدة
حنين :حرام عليك انت بقالك شهرين يا مفتري . وبعدين احنا لازم نستحمل علشان النونو يجي بالسلامة
يوسف:يا لهوي علي النونو دي تجنن ماشي انا تحت أمر النونو وأم النونو
حنين : طيب يالا بقي علشان تنام مؤدب زي الشاطر
يوسف: ماشي ماهو شكل ابن الكلب ده حيربيني
حنين :لوسمحت متشتموش اصل انا بحب الكلب ده اوي
يوسف :كدة طب والله ماانا عاتك الليلة دي اناحوريكي الكلب ده حيعمل ايه . تعالي هنا
حنين :لا لا يا يوسف علشان خاطري خلاص ماتخلنيش اجري منك
يوسف :انتي كمان حتجري عايزة توقعي الواد يومك مش معدي . تعالي .........
تاني يوم عند الدكتورة
الدكتورة: اهلا يا حنين عاملة ايه بقالك كتير ماحتيش
حنين :معلش بقي الظروف حضرتك عاملة ايه
الدكتورة:خير مالك
حنين :اصل انا اتجوزت بقالي شهرين وعملت تحليل امبارح وطلعت حامل
الدكتورة :والله مبروك . ده جوزك صح
حنين :ايوة ده يوسف جوزي
الدكتورة :اهلا يا استاذ يوسف .
يوسف:اهلا بحضرتك
الدكتورة:تعالي يا حنين علشان نعمل سونار
حنين علي السرير والدكتورة بتعمل السونار . ويوسف واقف بعيد بيشوفها
حنين: يوسف تعالي يا حبيبي قرب
يوسف:قرب منها ومسك ايدها
حنين :بص ده البيبي
يوسف :بس ده مش باين خالص
الدكتورة :احنا لسة شهرين بيبقي لسة بيتكون . ان شاء الله علي الشهر اللي جاي يكون بان اكتر . قومي يا حنين البسي
يوسف : هي كويسة
الدكتورة :بص يا أستاذ يوسف . انت لازم تعرف حالة حنين كويس علشان تقدر تساعدها انها تكمل للاخر
يوسف :ليه هي مالها
الدكتورة :هههه متخافش . هي عندها مشكلة صغيرة . حنين عندها الرحم عصبي
يوسف:مش فاهم يعني ايه
الدكتورة :حفهمك يعني زي القولون العصبي كدة بس الرحم مختلف . يعني لو انفعلت ولا اتضايقت زيادة بيحصل انقبضات في الرحم وكل انقبض بعديه انبساط يعني لو الرحم انقبض بقوة بينبسط بقوة وسعتها ممكن بحصل اجهاض
يوسف :بس دي مش مشكلة صغيرة دي حاجة تقلق
الدكتورة :لا عادي متقلقش هي بس تسمع الكلام وتنفذ التعليمات وكل حاجة تبقي تمام
يوسف :حضرتك قوليلي اعملها ايه وانا اعمله
الدكتورة :ابدا . ممنوع انها تتعب نفسها ولا تعمل مجهود ولا تشيل حاجة تقيلة وطبعا مفيش سفر الفترة دي . ده غير ان ممنوع الانفعال ولا النرفزة وكمان الموضوع اياه لازم يقل الفترة اللي جاية . فاهمني يا أستاذ يوسف
يوسف :هههه فاهم بس يعني هو المفروض يبقي كل قد ايه . اصل انا ممكن اعملها كل اللي قولتي عليه بس الحكاية دي صعب اوي
الدكتورة :ههههههه فظيع جوزك ده يا حنين
حنين :ما انا عارفة ده مجنني
الدكتورة :بص يا سيدي . اقل حاجة كل يومين
يوسف :ايه يومين . هو كتير بس حاحاول
الدكتورة :ههههه حنين ما تجبهوش معاكي تاني
حنين :حاضر حبقي اجي لوحدي
وفعلا يوسف سمع كلام الدكتورة وكان بيريح حنين جدا اكتر من الاول ومابيتعبهاش وعدي حاوالي اسبوع
(في المعرض )
محمود :يوسف باشا مدام رانيا تحت وعايزاك انا مردتش اخلها تطلع
يوسف :رانيا مين
محمود :مدام رانيا اللي حضرتك كنت متجوزها
يوسف :ودي عايزة ايه . روح اندهلها
رانيا دخلت علي يوسف في كامل زينتها فستان قصير ومكشوف وميكب وشعرها الكاريه الاسود
رانيا :بتقرب علي يوسف تحضنه. يوسف وحشتني
يوسف :بعدها عنه . اهلا رانيا ازيك خير في حاجة
رانيا :كدة يا يوسف . دي مقابلة تقابلني بيها ده انا رانيا حبيبتك
يوسف :حبيبة مين انتي عمرك ما كنتي ولا حتكوني حبيبتي .
رانيا :كدة نستني ولا ايه . طيب تعالي وانا افكرك
يوسف : رانيا انا اتجوزت ماشي يعني اللي بتعمليه ده ملوش لزوم
رانيا:ايوة واسمها حنين مش كدة
يوسف يعني عرفتي اومال بقي بتستعبطي ليه . امشي يا رانيا وخليكي في حالك
رانيا :انا أسفة لو كنت سبتك زمان بس احنا ممكن نرجع لبعض وخلي حنين علي ذمتك عادي
يوسف :انتي اتجننتي . مستحيل طبعا وبعدين هو انا كنت طايقك زمان لما ارجعلك دلوقتي امشي يا رانيا ومشفوكيش هنا تاني
رانيا :كل ده علشان البتاعة دي
يوسف:احترمي نفسك البتاعة دي تبقي مراتي وام ابني اللي جاي
رانيا :اتصدمت . ايه ازاي مش فاهمة حاجة
يوسف:حنين حامل .
رانيا :حامل ازاي وانت مبتخلفش
يوسف :مين قال كدة الدكتور قال ان ممكن اخلف عادي هو كان صعب بس حصل
رانيا : لا يا بيه انت مبتخلفش روح شوف المدام جابته منين ولبستهولك
يوسف:ضربها قلم . اوعي تجيبي سيرة حنين تاني . فاهمة دي برقبتك انت واللي زيك
رانيا :بتضربني يا يوسف ماشي انا هوريك متبقاش انا ان ماخلتك تتطلقها
أمير :ايه ده مش دي رانيا اللي كانت خارجة
يوسف:ايوة هي زفتة
أمير:وجاية ليه
يوسف: بنت الكلب جاية تشككني في حنين
أمير:ابتلع ريقه بصعوبة . قصدك ايه
يوسف :بتقولي اني مابخلفش وروح شوف مراتك جابته منين بت الكلب فاكراها زيها
أمير:طيب اهدي بس انت واثق في حنين يبقي مايهمكش
يوسف:طبعا واثق فيها دي حنين يا أمير . انا لوكنت مش واثق فيها كنت علي الاقل روحت عدت التحاليل بتاعتي بس مستحيل ده يحصل انا اشك في نفسي وحنين لا
أمير:خلاص اهدي . هو انت حتقول لحنين
يوسف :مستحيل يا أمير اوعي حنين ممنوعة من الانفعال ولو سمعت كدة ممكن تتعب ده غير انها حساسة وممكن تفتكر اني بشك فيها
ربنا يستر بس ورانيا تسبنا في حالنا
بس يا تري رانيا حتسبهم في حالهم ولا حتحاول تفرق بين حنين ويوسف أكيد مش حتسكت .