رواية اتجوزنى عشان اربيله ابنه
الفصل التاسع 9
بقلم رحاب القاضي
_كان قاعد سيف وحاطط رجل علي رجل وقدامه معتز اللي متعصب جدا وقال..
معتز
انت جاي تتامل في البيت، ما تنطق يااد انت عايز ايه؟..
سيف
عيب كده. يا ابو نسب ده انا حتي ضيف عندك..
معتز
لو فاكر انك جاي للبيت هنا هتلوي دراعي ومش هعرف اقطع لسانك واكسرلك رجلك اللي رافعها في وشي دي تبقي غلطان..
نزل سيف رجله بقلق وقال
انا جاي اقولك بالذوق طلق مريم..
معتز
وانت بصفة اهلك ايه بتقولي طلقها، وازاي اصلا تجيب سيرة مراتي علي لسانك..
ضحك سيف وقال
هو انت هتصدق اللعبه اللي عملتوها يا معتز باشاا..
وقف معتز وقال ليه بحده
انت قصدك ايه يالااا؟..
سيف
يعني اللعبه دي تدخل علي اهلك، تدخل علي خالتها اللي عامله نفسها امها، انمة مريم ليا انا يا وهي اللي قالت ليا كده، اووي لمحتلي بحاجه زي دي..
وقف سيف قدامه وقال بخبث
مريم بتحبني من طفولتها غلطت في حقها شويه، بس هي حبت تغيظني بيك مش اكتر..
ادايق معتز جدا وقال ليه
اطلع بره عشان لو فشلت دقيقه تاني قدامي مش هخلي فيك حته سليمه..
ابتسم سيف بسخريه وقال
هنبقي انا وانت يا حضرة الظابط هههه..
زعق فيه معتز
اطلع بره يالاااا..
_مشي سيف ومعتز زق برجله الترابيزه اللي قدامه علي الاوض، وكان لاول مره في حياته يحس بالغيره بالشكل ده ومش، وفضل يفكر انها ازاي تقول لسيف علي حاجه زي دي..
معتز لنفسه
غبي ما هي بتبعد عنك ليه اكيد عشان لسه بتحبه..
دخلت عنده الفت وقالت بقلق
في ايه يا معتز، ومين الولد ده وقالك ايه عصبك اوووي كده؟..
معتز بضيق
مفيش حاجه يا ماما انا نازل وشويه وجااي..
الفت
طيب مش هتروح الدفنه بتاعت خالة حازم، باباك جهز؟..
معتز
مش فاضي ابقي اخدك ونروح نعزي بعدين..
_مشي معتز وطلع عربيته ومسك موبيله كلم مريم اللي كانت انتظار، وجه في باله علي طول انها بتكلم سيف، فرن علي فريده اللي ردت عليه وقالت..
فريده
ايوه يا معتز..
معتز
فين مريم وبتكلم مين؟..
فريده
اهي قدومي بتذاكر لاياد. واياد. بيكلم مدام. الفت علي موبيلها..
اتنهد بضيق وقال
طيب قوليلها تجهز انا جاي عايزها في كلمتين بره البيت..
فريده
حاضر يا حبيبي، بس في حاجه ولا ايه؟..
معتز بضيق
اقولك حاجه يا فريده ما تقوليلهاش حاجه، ابقي وقت تاني اكلمها..
_قفل معتز مع فريده وفضل يفكر بجد وبهدوء، ان ممكن يكون سيف عمل كده بيوقعو في الكلام..
معتز
اما نشوف اخرتها معاك يا سيف الكلب..
ـ في بيت فريده كانت قاعده بتذاكر لاياد، وقالت لفريده..
مريم
كان عايز ايه معتز يا ماما؟..
فريده
بيطمن علي اياد يا حبيبتي، ياريت بقي تعقلي وترجعي بيت جوزك..
مريم
فريده كوباية شاي بلبن وما تخليش سيده اللي تعنلها انتي بتظبطيها ليا..
اياد
وانا كمان عايز واحده زي ميمي..
ابتسمت ليهم فريده وقالت
بس كده من عينيا يا حبايب فريده انتو..
اياد
ديدا دي حلوه اووي يا ماما انا هتجوزها لما اكبر..
_ابتسمت ليه مريم، وبعدين كشرت لما لقيت سيف باعت ليها رساله برقم غريب وقال ليها
«قرب اووي هترجعي لحضني تاني با حبيبتي»
_قفلت الموبيل ودموعها ملت عيونها وطلعت فريده من المطبخ وفايدها اللبن وسالتها بقلق وقالت..
فريده
مالك يا مريم، حصل ايه؟..
قامت مربم قربت منها وقالت
انا عايزاكي تروحي لسيف تقوليلو يبطل يبعتلي رسايل علي الفون لو معتز شافها الاتنين هيولعو في بعض..
فريده
منها لله امك راحت اتجوزت واحد كل قرايبه واطين واولهم عمك وسيف ابنه، علي العموم حاضر هروح وما تخليش معتز يمسك موبيلك..
مريم
ربنا يستر يا ماما..
_في المطبخ مسكت الخدامه موبيلها وكلمت سيف بصوت واطي وقالت ليه..
سيده
ايوه يا سيف بيه لا لسه ما رجعتش ولا هو ما جاش، حاضر لو حصل اي جديد هبلغك...
ــــــــــــــــــــــــــــــــــــــــــــــ
_في مكان تاني وسط الترب، كانت واقفه نيره وبتبص لامها واختها اللي بيتدفنو تحت التراب ودموعها بتنزل علي وشها وهي ساكته.. قربت ننها خالتها وطبطبت عليها وقالت..
ناهد
ربنا يصبر قلبك يا بنتي..
حازم
يلا بينا يا جماعه..
نيره
حازم انا عايزه اشوف عمر..
حازم
طيب اهدي يومين كده وهاخدك عشان التحقيق..
نيره
معلش بس انا عايزه اشوف اخويا دلوقتي..
ناهد
خلاص يا حازم خدها وديها لاخوها وانا هروح، مش طايقه اشوف الواد ده ربنا يجازيه علي اللي عمله بس..
_واخد حازم نيره وراحو لعمر اللي اول ما دخل المكتب وشاف نيره حضنها جامد وهو بيبكي وقال..
عمر
مو تزعليش مني كان غصب عني والله..
نيره ببكاء
محتجالك جنبي يا عمر مو بقاش ليا حد والله غيرك..
بعد عمر عنها ومسح ليها دموعها وقال
انتي هتكملي لوحدك انتي احسن منها ومش ضعيفه، انتي هترفعي راس اخوكي بيكي سواء كنت عايش او ميت..
نيره ببكاء
طيب قول الحقيقه يمكن الحكم يبقي خفيف وتطلع و....
بص عمر لحازم وقال
لا لا مش هينفع وخلاص ده نصيب، خليكي مع خالتك وحازم وخلي بالك من جامعتك عايزك ديماً الاولي وتفضلي قريبه من ربنا زي ما كنتي بتعلمينا وبتنصحيناا..
حازم وقف وقال
يلا يا نيره مش هينفع نطول اكتر من كده...
ــــــــــــــــــــــــــــــــــــــــــــــ
_بعد كام يوم في شغل معتز كان قاعد هو وحازم وزمايلهم، وقال حازم بحماس..
حازم
اقسم بالله انت برنس يا واد يا معتز..
معتز
بقي بعد ده كله واد برضو..
حازم
تخيلو كده يا جماعه فخري لما يعرف ان العمليه بتاعته اتعكشت..
معتز
اتعكشت ايه، انت يالا بقيت تنزل تقعد مع المساجين تاني صح؟..
رد عليه واحد من زمايلهم وقال
امبارح الليل كله قاعد معاهم..وبيحكيلهم مشاكلو كمان..
معتز
يخربيتك انت مش بتحرم يالا، اللواء لو شم خبر هتاخدلك تلات اربع ايام جزا زي العسل..
حازم
طيب والله يو جماعه القعده وسطهم ما تتعوضش، انا مش برتاح غير وانو بربر معاهم..
وقف معتز وقال
بربر يا اخويا براحتك، المهم انا همشي..
حازم طلع معاه وقال
عارف المهمه دي كانت هتكمل لو كنا اثبتناها علي فخري...
معتز
مش بالسهوله دي، بس لو راجل يوريني هيستلم ولا هيسلم حاجه ازاي وانا موجود. فب القضيه، المهم قولي بنتظخالتك دي بقيت احسن دلوقتي..
حازم بحزن
للاسف حالتها زفت دي تبص في وشها تحس نفسك عايز تنتحر، بس حقها..
معتز
دور ورا الموضوع يا حازم ما فيش اخ يقتل اخته الا لو كان الموضوت كبير جدا..
حازم
هشوف يا معتز، ابقي سلملي علي المدام..
معتز
وانت مالك ومال المدام ياد انت.؟..
حازم
ده امترام وتقدير والله اهي دي بجد اللي يتقال عليها قادره علي التحدي والمواجهه.
ابتسم معتز وقال
مع الاسف هي فعلا قادره..
_مشي معتز واول ما وصل بيته لقي اياد قاعد بيبكي والفت وفاروق بيسكتو فيه..
معتز
انت جيت امتي يا ولد وبتبكي ليه كده..
فاروق
مامتك راحت جابته من عند مريم، وهو علي الحال ده من لما جه..
اياد ببكاء
انا عايز اروح عند ماما ماليش دعوه..
الفت
يا حبيبي ما ينفعش كده الناس تقول علينا ايه، عيب تقعد كل ده عندهم، ربنا يهديه باباك ويصلها..
معتز بعصبيه
بطل عياط يا اياد وانا هروح اجيبهالك وجااي..
الفت
انت بتتكلم جد يا معتز
معتز
لا ما هي نسيت نفسها انا متجوزها ليه..
فاروق
معتز الكلام بالراحه مش كده..
اتنهد معتز بضيف وقال
حاضر يا بابا..
_مشي معتز وقام فاروق وهو ماسك موبيله، فبصت ليه الفت بشك وقالت..
الفت
رايح فين يا فاروق؟..
اتوتر فاروق ورد عليها وقال
ها لا ابدا هقعد جوه شويه..
الفت
طيب براحتك..
ــــــــــــــــــــــــــــــــــــــــــــــ
_وصل معتز بيت مريم وفتحت ليه فريده وقالت..
فريده
لا والله لسه فاكر تيجي تشوف مراتك..
معتز
هي فين اصلا
فريده
قاعده جوه بتتفرج علي التلفزيون، ومدايقه جدا علي اياد هو عامل ايه..
دخل معتز وقال
لا وايام فارق معاها اووي، هي دي حد فارق معاها..
ردت عليه مريم وهي بتتفرج علي التلفزيون وقالت
لاا ما فيش حد فارق معاياا واول حد مش فارق معايا انت..
معتز
معلش يا طنط فريده ممكن كوباية شاي
فريده
من عينيا يا حبيبي، بس قولي الاول ايه رئيك في حواجبي....
معتز
وانا مالي انا يا فريده بالحاجات دي..
ضحكت مريم وقالتله
ههههههه مش قصدها كده، هي بتقولك علي الحلق اللي شعلقته في حواجلها، قولها عيب علي سنها الحاجات دي..
فريده
انتي مالك انتي يا قليلة الادب..
معتز
زي القمر يا طنط والله سيبك منها
فريده
تسلملي يا حبيبي يا رافع من روحي المعنويه هعملك الشاي وجايه..
_دخلت فريده المطبخ وراح هو قتد قدام مريم وبصلها بعصبيه وقال..
معتز
هو سيف عامل ايه؟..
بصت ليه مريم بسرعه وقالت.
انت ايه اللي بتقوله ده، علي العموم كويس بيسلم عليك..
معتز
الله يسلمه، يلا قومي اجهزي..
مريم
روح ارجع بيتك يا معتز جيت علي الفاضي انا لو السما اطبقت علي الارض مش هرجع..
معتز
انتي لقتيها حجه بقي عشان تطفشي مني..
مريم
افهمها زي ما انت عايز مش هتفرق معايا..
معتز
طيب قومي هاتي حجتك وارجعي با مريم عشان انا حايش نفسي عنك بالعافيه ومش حتت بنت زيك هتشحطتني وراها يمين وشمال..
مريم بعصبيه
انت ازاي تكلمني كده اصلا، حتت البنت دي انت اللي طلبت منها الجواز وضحكت عليها عشان توصل للي عايزه، بس مش انا اللي يتضحك عليا يا خفيف..
معتز
والله العظيم يا مريم لو ما قومتيش دلوقتي وجهزتي وجيتي معايا لكون نازل من هنا وطالبك في بيت الطاعه وانا بقي ظابط شرطه وحبايبي كتير وفي يوم واحد اجيبك تحت رجلي...
مريم بغيظ
جاتك كسر رجلك، بقولك مش عايزاك هو ايه بالعافيه..
معتز
ايوه بالعافيه يلاااا..
زقته مريم جامد وقالت
ربنا ينتقم منك يا شيخ..
_دخلت اوضتها ومعتز مسك موبيلها بس كان مقفول برقم سري، ابتسم غصب عنه لما لقي انها حاطه صورتها هي واياد علي الخلفيه..
_بعد شويه وصلو البيت وكانت مامته نامت والشغاله فتحت ليهم دخلت جابت اياد وطلعت لقيته قالع الجزمه ورامي كل فرده في مكان والجاكيت بتاعه رمااه علي الترابيزه قدامه..
مريم
ايه اللي انت عامله ده بهيم..
معتز
لمي لسانك يا بت انتي وادخلي نيمي الولد وتعالي جهزيلي العشاا..
مريم بغيظ
جرا ايه يالا انت لتكون فاكرني الخدامه اللي جلتهالك امك، وبعدين ما تقوم تجهز لنفسك ولا اتشليت..
معتز بعصبيه
طيب ادخلي نيمي الولد وبعدين نتكلم..
_دخلت مريم نيمت اياد وبسرعه قفلت الباب بالمفتاح، وراحت نامت جنب اياد.. وبعد شويه خبط معتز علي الباب وهي قالت
مريم
معلش بقي جهز لنفسك العشاا..
معتز بغيظ
طيب افتكريها كله هيبقي علي دماغك الصبح..
ــــــــــــــــــــــــــــــــــــــــــــــ
_في بيت ناهد خالة نيره راحت ليها صاحبتها وقعدو لوحدهم في الاوضه، وقالت ليها نيره..
نيره
ها يا مي جيبتي اللي قولتلك عليه؟....
مي
ايوه ابن عمي شغال في شركة اتصالات وليه معارف كتير وخليته جابلك كل المعلومات عن سيف عزت البدري.. بس انتي ناويه تعنلي ايه ومين ده اصلا؟..
نيره بدموع وحقد
هقولك ناويه اعمل ايه ومين ده بس تفضل بينا با مي...
مي
اكيد طبعا، حازم طلب مني اخدك واخرجك بيحبك اووي علي فكره..
نيره
سيبك من حازم دلوقتي وخلينا في المهم، انتي هتطلعي تقوليلهم اني هروح ابات عندك كل كام يوم تغير جو..
مي
لا لا انا افهم الاول انتي عايزه ايه بالظبط..
نيره
؟؟؟.
_في الوقت ده صحيت مريم وطلعت من اوضتها، ودخلت عند معتز اللي كان نايم فتحت الدولاب وجابت هدوم ليها وجات تمشي لقيت معتز في وشها..
مريم
بسم الله الرحمن الرحيم انت مش كنت متنيل نايم
معتز
لسانك يتلم معايا احسنلك..
اتنهدت مريم وقالت
انت عايز ايه دلوقتي؟..
معتز
انا مش عايز منك حاجه.، وانتي اصلا عارفه انا جيبتك ليه عشان اياد وبس..
ادايقت مريم من كلامه وقالت
وانا مش هفضل العمر كله عايشه عشان اربيلك ابنك، احنا اتفقنا انه مجرد وقت..
معتز
لا احنا اتفقنا ان مشكلتك ومسملتي يتحلو واظن ان ابن عمك بعد. عنك عشان كده عايزه تنهي الموضوع..
مريم
بالظبط كده
معتز
بس انا لسه ما اتحلتش هتفضلي هنا تخلي بالك من ابني ولما ابقي الاقي وحده ابني يحبها وتعجبني ابقي اطلقك..
مريم ببرود
ده عند امك يا معتز عارفها..
_في الوقت ده الباب خبط ولما طلعو لقيو اياد فتح الباب وكانت خالته علا..
مريم بضيق
اصطبحنا واصطبح الملك لله..
قرب منها معتز وحضنها وقال
ازيك يا لولو عامله ايه..
علا
الحمد لله يا ميزو..
بصتلهم مريم بقرف وقالت
يا حنين منك ليها..
علا
هي البتاعه دي لسه موجوده هنا..
مريم شمرت اكمام بجامتها وقالت
ورحمة ابويا وامي ما هعديهالك يا صفراا..
معتز بخوف
اجري يا علا بسرعه..