رواية وقعت في حب خادمتى
الفصل الثالث عشر 13الجزء الثاني
بقلم فرح القصاص
سما: الله... الله.. اجبلكو اتنين لمون طيب؟
يزن بيسيب نازلي ويروح لسما
يزن: متتسرعيش يسما انتي بس... وبتقاطعه
سما: عارفه الكلمه المعتاده انتي بس فاهمه غلط...يعني الي شوفته ده الصح يعني ولا اي؟
نازلي: سما انا... وبتقاطعها بزعيق
سما: اسمي سما هانم
نازلي: سما هانم كل الي انتي شوفتيه هو...
سما وهي تنظرلها بحده: انتي متتدخليش في حاجه متخصكيش طول منا بتكلم انا وجوزي او مع اي حد تاني متتدخليش انتي فاااهمه روحي علي شغلك يلاااا
نازلي: حاضر وبتطلع من المطبخ
يزن بندهاش: انا اول مره اشوفك بتكلمي حد بطريقه دي يسما
سما: والله؟؟ دلوقتي بقيت وحشه
يزن: بس انا مقولتش كدا
سما؛ منغير متقول كلامك بيدل علي كدا
يزن: انا قصدي انك عمرك ماكنتي كدا وتعاملي شخص بطريقه القر*ف والتكبر دي
سما: وانت خايف علي مشاعرها لي ان شاءلله.. انت نسيت كنت بتعمل فيا ومكنش بيتهز فيك شعره واحده
يزن: انتي بتفتحي في الماضي لي دلوقتي؟
سما: عشان شيفاك بدافع عنها وخايف علي مشاعرها اويي
يزن: انا بقول مستغربك انتي عمرك ماكنتي كدا
سما بنرفزه: وانا بقيت كدا تمام
يزن: سما والله مش الي ف بالك كانت هتتزحلق وسندها فين المشكله
سما بغيرهه: وهو الي بيسند حد بيحض*نه؟؟؟
يزن: انا اسف بس حركه تلقائيه
سما: امم حركه تلقائيه تمام
يزن بخنقه: انا مش فااهم في اي انتي عايزه تنكدي مش كدا
سما عنيها بدمع: كمان بتزعقلي عشانها يايزن؟؟.. اهه طبعا انت مليت مني وزهقت مني
يزن بيمسح بإيدو وهو بياخد نفس: سماا.. سما انا بجد مكنش قصدي ازعقلك
سما بعصبيه: المره الفاتت مكنش قصدي ارفع ايدي عليكي و دلوقتي مكنش قصدي ازعقلك كا حاجه مكنش قصدي كل حاجه وبتسيه وبتمشي تطلع اوضتها
يزن بيطلع وراه
قمر بإبتسامة: برافو عليكي بجد
نازلي: عجبتك؟
قمر: جدا.. كويس ان فكرت فيكي لان مازن مش هينفعني
نازلي: بس انتي كشفتي نفسك قدامه
قمر: مش هيقدر يعمل حاجه ولا يقول حاجه
نازلي: وانتي متاكده كدا لي؟
قمر: عشان لو فكر بس ينطق بكلمه هو عارف.. كويس انا ممكن اعمل اي
نازلي: امم طلعتي مش سهله خالص
قمر: المهم عارفه هتعملي اي الخطه الجايه
نازلي: ايوا.. اومال فين ياسين؟
قمر: مسافر يومين تبع الشغل
نازلي: امم تشربي قهوه؟
قمر: اوكي
ناديم: ها فكرت؟
مازن: اهه
ناديم: هتعمل اي هتوافق؟
مازن: لا طبعا انا مستحيل اعمل كدا او اتسبب في اذي اكتر واحده حبيتها انا مش هكدب انا لسه بحب سما وعايزها اسعد انسانه علي وجه الارض وهي دلوقتي سعيده مع يزن ومعاها اولاد بس مش عايز حاجه تاني
ناديم: لو تعرف ريحتني قد اي بكلامك ده
مازن: معقول تفتكر ان ممكن اعمل كدا
ناديم: لا اكيد بس قولت الحب اعمي زي مابيقولو بس طلعت متفتح وعاقل اكتر ماكنت متصور
مازن: انا صديق عمرك المفروض تكون عارفني شكلي هنكد عليك
ناديم: لا خلاص..طيب هتقول لسما ع قمر؟
مازن: لازم اقولها تاخد بالها منها
ناديم: ايوا هو ده الصح... بقولك انا جعان تعالي ناكل بره
مازن: ونا كمان طيب يلا
سما كانت طلعت الاوضه وقفلت الباب عليها
يزن بيخبط علي الباب: سما.. سمااا.. سما افتحي الباب
سما: مش هفتح يايزن
يزن: سما اسمعيني بس الاول
سما: مش عايزه اسمع حاجه يايزن وامشي عشان مش هفتح
يزن: يعني مش هنام؟
سما: اهه روح نام ف اي حته تانيه او روح للسنيوره التانيه
يزن: اي حركات العيال دي يسما افتحي الباب
سما: قولت مش هفتح
يزن: هكسر الباب
سما بتحس بالدوخه تاني وبتحاول تسند نفسها بس الدوخه كانت شديده وبتمسك ف التسريحه وبيقع البرفيوم
يزن بخضه: سمااا اي ده.. وبيخبط سماا انتي كويسه... سمااا ردي
سما بتقع الارض وهي فقده وعيها
يزن بيفضل يزق في الباب لحد ما بيكس"رو وبيدخل بيلاقيها واقعه علي الارض وفقده وعيها.. بيجري عليها وبيشيلها يحطها علي السرير
وبينزل بينده للخدم
نازلي: يزن.. احمم قصدي يزن بيه في حاجه
يزن: اتصلي بالدكتورة العيله بسرعه او قولي حد من القصر بسرررررعههه
نازلي: حاضر
الدكتوره بتخرج من الاوضه
الدكتوره: دكتور يزن المدام سما عايزاك جوه
يزن: طيب هي كويسه بقالها كذا فتره كدا
الدكتوره بإبتسامة: لمه تدخلها هتعرف بنفسك بس هي بخير
يزن بيدخل ليها علي طول
قمر: ثانيه بس يادكتوره
الدكتوره: اتفضلي
قمر: هي سما كويسه يعني مفيش حاجه وحشه
الدكتوره بإبتسامة: لا بلعكس المدام سما بخير جدا وهي دلوقتي حامل
قمر بصدمه واكن حد كب مايه ساقعه عليها
قمر: حاامل؟؟