ا
ا
رواية الاخ الاكبر
الفصل السابع والعشرون
بقلم حبيبه
ويمر اليوم على خير ويعود كل شيء كما سبق.....
#ذهبت روح وندى وايمان للجامعه وكانت روح وايمان يتابعون نظرات اسلام لندى في صمت
ايمان بهمس لروح:وبعدين يااوختي في العشق المفقوع ده
روح: ههههههه والله يابنتي مااعرف والمشكله ان الواد واقع علي بوزه ومش عارف يخبي دا مفضوح قدام العيله كلها الا الحوله اختي لحد الان مش شيفاه
ايمان: اختك حوله وكلنا عارفين انها حوله دي لو كان عندها دم كانت حست بالواد اللي شويه وهايغنيلها بحبك ياساره حب الاسمنت للشكاره لكن تقولي ايه البعيده جبله
روح: يابت اتهدي راعي انها اختي
ايمان: يعني اكدب ماهي رخمه ومش شايفه الواد اللي عينه بتقول ندى ندى ندى
روح: بصراحه عندك حق هي جبله فعلاً
ايمان: شوفتي ظهر الحق
ندى: في ايه ياعيال بتتودودوا على ايه
روح وايمان: هاااااا
ندى: هو ايه اللي ها بقولكم بتتودودوا على ايه
روح: انتي مالك يابت بنتكلم في حاجه
ندى: طب ماتعرفوني
ايمان: لا يلا يابت انتي هش
ندى: يابارده
ايمان: حبيبتي تسلميلي يارب
روح: بس يابت انتي وهي
ندى: هاتقوليلي انتي ياروحي صح
روح: لا
ندى: اه يارخمه انتي وهي
اسلام: في حاجه ياندى
ندى: العيال دي بيقولوا حاجه لبعض ومش راضين يعرفوني
اسلام: معلش ياقمر هما عيال وحشه
ايمان: اخص عليك ياسلوم بقى احنا وحشين
ندى: سا. ايه ياختي
ايمان: سلوم
ندى: اتلمي يابت عيب اسمه اسلام
ايمان: انتي مالك يارخمه وبعدين هو قابل وراضي صح ياسلوم
اسلام: ها
ندى: ها ايه انت هاتهوهو انت راضي بالدلع الماسخ ده
#كاد اسلام ان يقفذ قلبه من مكانه من سعادته
ندى: انت يابني
اسلام: نعم
ندى: رد
اسلام: عادي ياندى ايمان ذيها ذيك انتي وروح وروان
ايمان: ههههههه ههههههه ههههههه انا لو منك ادفن نفسي في الارض ههههههه
روح: يابت اتهدي بقى
#لم تعلم لما لم يعجبها مقارنتها بأحد
ايمان بصوت هادئ لا تسمعه سوى روح: يابت دي حاجه صغننه كده يمكن البجم دي تحس بالواد
روح: بس دي ماحسيتش
ايمان: ومين قال كده دي شويه كمان وهاتنفجر في وشنا
روح: ماعتقدش
ايمان: طب بصي لاختك كده وانتي تتأكدي من كلامي
#نظرت روح لاختها وجدتها سوف تنفجر من غيظها
روح: ههههههه يالهوي دي هاتنفجر بجد
ايمان: ههههههه قولتلك
اسلام: انتي بخير ياندى
ندى: اه
اسلام: متاكده
ندى: قولتلك اه كويسه اهو
اسلام: طيب
ايمان وروح: ههههه
اللهم صلِّ وسلم وبارك على سيدنا محمد وعلى آله الطيبين الطاهرين اجمعين وسلم تسليما كثيراً
*بسم اللّٰـه
*وأنتِ على أعتاب الجامعة تذكـري أن:(صاحبي... حبيبي... الإكس... الكراش) هي مفردات لا وجود لها بالقاموس الأخلاقي للمـرأة المسلمة
*واعلمي أن شيـوع الزّلل في تلك العلاقات المحـرمة، واستمـراء المجـاهرة بها، واعتبارها من مظاهر الحرية والتحضـر والتمدن، اعلمي أن ذلك كله لن يجعل الحـرام حلالًا.
*وأن الرجـل حقًّا هو ذو الدين والخلق الذي يعلم أن الطريق الشـرعي للارتباط بامـرأة مسلمة يبدأُ من بيت أبيها لا من خارجه.
ذهب محمد لورشته اخيرآ...
محمد: وحشتيني ياروح قلبي
عامل في الورشه: اسطى محمد منور ورشتك
محمد: عاملين ايه يااحمد ايه اخبار الورشه
احمد: فل يااسطى الحمدلله بس كويس انك جيت في عربيه معصلجه معانا شويه
محمد: ايه مشكلتها
احمد: المتور فيه مشكله وبنحاول معاه بقالنا فتره بس حالف مايتحركش
محمد: ههههههه ماشي
روز بمياعه: هااااي
#التفت محمد ليرى من تلك التي تتحدث وياليته لم يراها كانت ترتدي لا شيئ كانت ترتدي جيب قصير جداً من الچينز وفوقه شميز ابيض وتربطه عقده وتطلق لشعرها العنان وتضع ميكاب صارخ.....
محمد بأشمأزاز: مين حضرتك
احمد وهو يلوح بيده بتوهان : هااااااااااي
تقدمة روز من محمد وهو تتمايل في سيرها: انت محمد
محمد: لأ مش انا
روز بمياعه: اومال انت مين
محمد: الاسطى محمد
روز: يعني انت اومال بتقول مش انت ليه
محمد: اه انا بس الظاهر نسيتي تقولي الاسطى محمد فاقولة افكرك
روز: اوكي يابيبي
#وبدون سابق انذار اقتربت روز من محمد واحتضنته ثم قبلته من خده
#وفي تلك الاثناء كانت تقف نور وترى كل هذا بعينيها ووجهها لا يبشر بالخير أبداً....
محمد: ايه اللي عملتيه ده
روز: عادي ياروحي دا مجرد وداع
محمد: تمام ياريت ماتتكررش
روز: اوكي حبيبي
#التفت محمد خلفه رائ تلك التي اعماها الغضب فااستغرب من نظراتها.....
محمد: نور ايه جابك هنا في حاجه ولا ايه
#نور وهي مازالت تنظر لتلك الروز: كنت جيبالك الاكل مكان روان علشان انت مافطرتش وكانت مصممه تجيبه بس هي مش فاضيه
محمد: فيكي الخير والله تسلميلي ياقمره
رفعت نور اصبعها اتجاه روز: محمد هي مين الحلوه اللي مش لابسه دي
نظر محمد اتجاه اصبعها: قصدك دي
نور: اه دي
محمد: اه دي روز
نور: اه ومين رز دي
محمد: ههههههه رز مين يابنتي اسمها روز
نور: قطيعه المهم يعني مين دي وجايه هنا تعمل ايه وثواني بس انا شوفتها بتبوسك من خدك انت اذا تسمحلها تعمل كده
محمد: لا اصل هو ال ال ثواني بس انتي بتسألي ليه مش فاهم
نور: عادي يعني بسأل عادي
محمد؛ متاكده انه عادي يعني مش فارق معاكي
نور: اه مش فارق معايا
محمد: اممممممم طيب
نور: ها مين دي
محمد: وانتي مالك
نور: اذاي يعني انا مالي
محمد: انتي يعني انتي مالك ايه مش فهماها ثم انتي بتسألي بصفتك ايه أصلآ اختي صحبتي حبيبتي خطيبتي مراتي انتي حاجه من دول
نور: لأ
محمد: طيب يبقى بتسألي ليه بقى
نور بغيظ: خلاص انا غلطانه روح يمكن تو ل ع انت وهي قبر يلم. ال عفش اتفضل الاكل اهو يكش تطف....... يووه سلام
#ظل محمد ينظر لها وهي تذهب وتدبدب بقدمها على الارض........
محمد: ههههه مجنونه بس عسل بس هي مالها اتعصبت كده ليه معقوله يكون اللي في بالي ههههه ممكن برضو اممممممم وماله نتأكد الاول وماله يانور وماله
روز من خلفه: في حاجه حبيبي
تحول وجه محمد للجمود: لأ مافيش واسمي اسطى محمد تمام
روز: اوكي طيب امتى اجي استلم عربيتي
محمد: الجمعه ان شاءلله..... ولا اقولك هحتاج تجيلي بكره بس تجربي العربيه دا لو مش هاعطل حضرتك
روز: اوكي اجي بكره بااي
محمد: وعليكم السلام ورحمة الله وبركاته
ماشي يابنت عبدالله يلا اما اروح اكل
استغفرالله العظيم واتوب اليه
وصلت ايمان وندى وروح للجامعه وذهبت كل واحده الى تخصصها....
كانت روح ذاهبه للمدرج ولكن توقفت على ذلك الصوت التي يناديها
فارس: روح ياروح ياروح
روح ببرود: افندم
فارس: روح انتي لسه زعلانه منى
روح: انا مابزعلش غير من الناس اللي بعزهم
فارس: يعني ايه
روح: يعني ولا اي حاجه حصلت وابعد طريقي واه ياريت لسانك ماينطقش اسمي ولا كأنك تعرفني
بعد اذنك عندي محاضره
فارس: روح مش هاقدر
روح: اذاي مش هاتقدر
فارس: مش هاقدر مانطقش اسمك مش هاقدر ماشوفكيش مش عارف ليه بس فرحت لما اعتبرتيني صديق ارجوكي بلاش تبعديني ارجوكي
روح: انت عملت اكبر غلط
فارس: اسف اسف والله مااقصد اقسم بالله مااقصد مش هاكررها تاني
#هنا وتذكرت روح بعض كلام اختها ليه.....
روان: روح ان جالك حد كان جرحك وندمان من قلبه وبيطلب السماح منك حاولي تسامحيه ماتسبيش فرصه للشيطان يضحك عليكي بلاش تخلي غضبك يعميكي سامحي ياروح سامحي ياقلبي
فارس: روح ياروح
روح: نعم بتقول ايه
فارس: بقولك حاولي تسامحيني انا والله ندمان
روح: طب هاتلي شاورما وحواوشي
فارس: ايه
روح: ايه اللي ايه شكلك بخيل وجلده وهاتقرفني ياض
فارس بعدم فهم: ثواني بس ي يع يعني انتي خلاص سامحتيني
روح: هافكر في الموضوع ده بس لو جبتلي شوارما وحواوشي وكمان كبده
فارس بسعاده وهو يركض: هوا تخلصي محاضرتك هاتلاقيني قدامك...
روح: ههههههه مجنون .... روان تسلمي ياروحي يخليكي ليا يارب...
وكم كنت بلهاء حين استمعت للشيطان اغواني بالدنيا وجمالها ونسيت اخرتي بحلالها وكم ضللت طريقك يالله وانت مازلت ترشدني اليك فاان اقتربت منك صباع اقتربت مني دراع وكم احببت قربي اليك وكم اطمئن قلبي من جوارحه وكأنك تداوي حزني ياعبدي وان جافوك فاانا حبيبك وان الموك فاانا طبيبك فاانا اقرب من حبل الوريد ياالله كم اغمرتني بلطفك ورحمتك فااللهم والهدايه ياالله اللهم والهدايه ياالله ......