رواية اتجوزنى عشان اربيله ابنه
الفصل الثلاثون 30 والاخير
بقلم رحاب القاضي
_وصل معتز وقوته الجبل وحصل بينهم اشتباك قوي، بس قدر معتز ورجالته من الشرطه يسيطرو علي الوضع لانهم اكتر وكمان استخدمو متف*جرات، وسابهم معتز ودخل جوه الجبل لانه لمح يوسف ودخل للمكان اللي بيضر*ب منه وقال..
معتز بجمود
طيب وما لكش عليا حلفان وحشتني يا جدع..
شاور يوسف بسلا*حه علي معتز وقال
جيت برجليك، عارف انا عندي ما انزلش من هنا عايش بس اصفيك دلوقتي..
معتز
سبحان الله ده نفس السبب اللي انا جاي عشاانه..
_جه يوسف يضربه باالنا*ر، بس معتز كان الاسرع ونشل علي ايده ووقع يوسف علي الارض بيتألم، ورمي معتز سلا*حه ومسكه وفضل يضر*ب فيه بس يوسف ما كانش ساهل برضو وضر*ب معتز بكل قوه رغم اصابته..
_وعند حازم قبض هو وعلاء علي اغلب الرجاله اللي كانت علي الجبل وسيطرو علي الوضع، والباقي هرب..
عوض
انتو غلطتو اوي علي اللي عملتوه ده، كل واحد فيكم هيندم علي اللي عمله استنو بس..
حازم
لا قولي هتيجي امتي بالظبط تندمني بلاش تخليني استني انا ما بحبش المفجآت..
علاء
انت بتهزر يا ابني فين معتز؟..
حازم بقلق
ايوه راح فين ده، استني انت هنا وانا هشوفه..
_وعند معتز كان واقع يوسف علي الارض ووشه كله د*م، ومسك معتز سلا*حه وقال..
معتز
كده اللعبه جابت اخرها، جيت تهرب مني قت*لتك..
يوسف
انت لو موتني دلوقتي مش هتعرف توصل للاكبر مني..
معتز
كده كده انتو مالكمش اخر واللي هيجي بعدك انت وابوك هيسهلي الطريق اعرف مين اللي فوق ما تشغلش بالك..
دخل حازم ومسك ايد معتز ووقف قدامه وقال
مش وقته كلامك ده يا معتز، سلمه للقانون وهو هيترقص علي الشناكل..
معتز بعصبيه
اوعي يا حازم من قداامي، انا قولتهالك مش هنزل من هنا غير وانا واخد تاري..
_قبل ما يرد حازم كان يوسف مسك سلا*حه وضرب علي حازم اللي وقع علي الارض بيتألم من الرصا*صه اللي جات في كتفه، ومعتز كان هيتجنن وقبل يوسف ما يهرب من الشباك فضي فيه معتز سلا*حه كاه وكانت دي نهايته انه وقع مي*ت...
معتز
شوفت اخرة الرغي يا حيوان، حازم رد طيب عليا..
حازم بالم
انت لسه بتقولي رد عليا، يا عم ده اللي بيمو*ت الناس ما تروحو تجيبو الاسعاف الاول وبعدين اتصدمو..
معتز
لا انا كشفتك اصلا قوم يا حازم انت لابس الساتر ..
حازم
بقيت ممثل فاشل ولا ايه؟..
حازم
يا اخي وقعت قلبي هو انا ناقصك قووم..
حازم
قايم اهو هو تقريبا بقي جرح سطحي، بس بالك انت لو كنت موت دلوقتي قبل ما اتجوز كانت هتحصلي حاجه...
ضحك معتز غصب عنه وقال
ههههههه كان هيجرالك ايه اكتر من انك هتموت يا غبي..
_بعد يومين قدام بيت فريده وقف معتز بعربيته وكان هادي جدا وماسك علبه صغيره وطلع فوق، وفتحتله الشغاله..
معتز
هما نايمين ولا ايه؟..
قبل ما ترد عليه جات فريده وقالت
لا مامتك جوه بتفطر ومريم واياد هما اللي لسه نايمين، لانهم كانو سهرانين بالليل...
معتز
طيب لحد. ماما ما تفطر هدخل اطمن عليهم..
فريده
بيتك ومطرحك يا حبيبي اتفضل..
_دخل معتز اوضة مريم وكانت كالعاده نايمه واياد في حضنها، ابتسم معتز وحط العلبه جنبيها علي المخده وقرب منها وباس راسها، وهي فتحت عينيها وقامت بسرعه..
مريم
انت بتعمل ايه هنا، وايه اللي رجعك..
معتز
لا كنت زمان بقي بصدق الشويتين بتوعك دول وازعل، بس دلوقتي عرفت انك لما تبقي زعلانه بتقولي كل حاجه عكس اللي جوه قلبك..
مريم بضيق
بقولك ايه يا معتز خد ابنك وامك وامشي ولو عايز تسيبهم كام يوم براحتك، بس وجودهم هنا مالوش علاقه اني سامحتك ولا هرجعلك، ولو مطلقتنيش انا هطلق منك من المحكمه..
معتز بجمود
يعني ده اخر كلام عندك، انك عايزه تطلقي وتسبيني..
وقفت مريم وقالت بدموع
ايوه عايزه اطلق واسيبك، هو انت احسن مني في ايه عشان تسيبني وانا عادي اسامحك وافضل اجري وراك..
وقف معتز وهو متعصب وقال
طيب يا مريم بعد متخلصي فقرة رضوي الشربيني دي ابقي صحي اياد واجهزو عشان هترجعي بيتك ، عشان انا لا هسيبك ولا هطلقك وفكري بس تروحي ترفعي عليا قضيه عشان انتي للنهارده ما شوفتيش وشي التاني ولعب عيال مش عايز، ومدام دماغك الصغيره دي مش عايزه تفهم انا عملت كده ليه يبقي افهمها بطريقه تانيه..
مريم بغيظ
مش عايزاك مش عايزه اعيش معاك يا معتز، انا معاك مش مرتاحه يا اخي، ولا انت اصلا الشخص اللي كنت عايزاه كل حاجه عيشتها معاك كانت عكس توقعاتي، ابسط حاجه لما كنت حامل انت لا اهتميت بيا ولا بابنك اللي كان في بطني، ده انا كنت كل ما اروح للدكتور كنت بكون لوحدي لدرجة الستات هناك فكروني مطلقه او ارمله، انت ما جيتش مره سالتني اخبار الحمل ايه، ما جيتش مره قولتلي مبسوطه ولا لا وانا معاك، ولما كنت ازعل كنت تقولي انتي نكديه انتي مش بتفهمي انتي دماغك صغيره، انا تعبت معاك يا معتز ومش عايزه ارجع للتعب ده تاني..
قرب منها ومسحلها دموعها وقال
وانا هريحك مني ومن ابني واعتبرينا ما ظهرناش في حياتك اصلا يا مريم مدام وجودي تاعبك اووي كده ومش مرتاحه ولا مبسوطه معايا..
_خلص كلامه وشال اياد وخرج من اوضتها، وهي قعدت علي السرير تعيط، ومسكت العلبه الصغيره وفتحتها وكان فيها ملبن احمر ابتسمت وقالت..
مريم
للاسف الحلو بتاعك ما بيكملش يا معتز..
_في بيت حازم دخل اوضته لقي نيره فارشه كتب كتير علي السرير وبتذاكر..
حازم بغيظ
ايه ده هو مش احنا كنا خلصنا من الجامعه، انتي مش كانت اخر سنه اللي عدت دي يا بت انتي..
نيره
ايوه بس انا بذاكر للدبلومه عشان بعد كده اعمل الماجستير وبعد كده الدكتوراه..
حازم
ده عند امك الله يرحمها ، اومال هتخلفيلي عيال امتي ان شاء الله..
نيره بسخريه
يا شيخ اتنيل ده انا متجوزاك بقالي شهر اهو الا حتي ما شوفت كعب رجلي قال عيال قال..
حازم
طيب اوعي كده هي راحت فين بالظبط؟..
نيره
هي ايه دي؟..
حازم بحزن
جبهتي اللي طيرتيها يا بعيده..
ضحكت نيره وقالت
ههههه معلش انا خلاص اتعودت علي البومه اللي عايشه جواك..
حازم
لا ما انا اطلقت حوريتها، وقفلت الموبيل واخدت اسبوع اجازه...
نيره
لا لا ما ينفعش انا فاضلي اسبوعين وهمتحن للدبلومه..
حازم بحده
بقولك ايه يا بت انتي انا مش اظبطها من ناحيه تيجي تخربيها من ناحيه لمي ام الكتب دي..
نيره بقلق
انت بتتعصب ليه طيب حاضر..
_في مستشفي الامراض النفسيه كان سيف قاعد ودموعه في عينيه، ودخلت عنده مامته وقعدت قدامه..
سيف
جايه ليه امشي من هنا..
الهام بدموع
انت كنت ديما تقولي ما عرفتش اربيك، انا عشان كنت بحبك بزياده وعايزاك ديما قبل ما تتمني الحاجه تكون عندك، عشان تبقي احسن واحد ابقي ما عرفتش اربيك..
سيف بدموع
وانا ما بقتش اي حاجه من كده من صغري وانا حاسس ان الكل بيكرهني عودتيني ما اكتفيش بالحاجه وديما اطلب ما انا كل حاجه هطلبها هتجيلي، انا حتي لما حبيت ما عرفتش احافظ علي اللي حبيتها وبهدلتها معايا، عملتي مني مريض نفسي...
طلعت الهام سكينه من شنطتها وقالت
انا مش هتحمل اشوفك هنا، انا هريحك خالص..
_خلصت كلامها وغرزت السكينه في بطنه، وهو بصلها بصدمه ودموع انها عملت فيه كده،ووقع علي الارض وفارق الحياه، وقعدت هي جنبيه وقالت..
الهام ببكاء
دلوقتي هيحبوك شوفت دلوقتي هيقولو ان انا السبب، انت هتصعب عليهم وهيحبوك صح يا سيف صح يا حبيب ماما طيب رد عليا والنبي، انا بحبك اووي انا ماليش غيرك..
_وبعد ما شافتها الممرضه اتقبض عليها بس في الاخر اتحولت لمستشفي الامراض العقليه، لانها هي السبب في اللي عمله سيف هو بقي كده نتيجة انه اتربي علي ايد واحده مش طبيعيه مريضه نفسيه..
_بعد كان يوم كان معتز قاعد في البلكونه وبيسمع كلمات الاغنيه دي، وقربت منه الفت وهي سانده علي عكازها..
الفت
تعالي اسندني اقعد يا معتز..
قام معتز وقال
تعالي يا ماما علي مهلك، اياد نام؟..
الفت
ايوه نام بس بعد ما فضل يعيط عشان مريم، ما تشوفها يا حبيبي عايزه ايه واعمله ليها وخليها ترجع..
معتز اتنهد وقال
انا مش عارف هي عايزه ايه، عامله من حورات تافهه مشاكل، انا يا ماما لما اختارت اروح لاياد عشان والله كنت متأكد اني هروح عند سيف مش هلاقي حاجه وفي نفس الوقت بعتت قوه هناك تدور عليها وخليت يطلع قرار يمنع سيف من السفر..
الفت
انا فاهمه كده كويس، بس الست مننا ديما بتبقي عايزه تحس انها مهمه عند جوزها انها اهم حاجه عنده وبيخاف عليها، اعذرها حتي لو مش غلطان اعتذر وتعالي علي نفسك عشان خاطرها مريم مش وحشه بالعكس يا معتز دي اطيب قلب ممكن تقابله في الدنيا ومش انا اللي هقولك عليها..
معتز
هتتحل ياماما، اطمني انتي..
_وفي المستشفي بتاعت بهاء، كان واقف بره اوضة العمليات اللي جواها ندي ومش قادر يدخل وطلعت الممرضه وقالت..
الممرضه
دكتور بهاء بعد. اذن حضرتك المدام عايزاك جوه..
مسح دموعه وقال
اوكي رايحلها روحي انتي شوفي شغلك..
_قام بهاء ودخل جوه وبص ليها وهي لابسه لبس العمليات ووشها باين عليه التعب وحاطه ايدها علي بطنها ومغمضه عيونها..قرب منها وقعد جنبيها ومسك ايدها وغصب عنه دموعه نزلت..
ابتسمت ندي وقالتله
احلي حاجه حصلت في حياتي اني قابلتك، اوعي تنساني فاهم ولا لا..
بهاء ببكاء
لا لا اوعي اوعي تقولي كده انتي هتكملي معايا، انا ما صدقت ما لقيتك اوعي تسبيني...
ندي مسحتله دموعه وقالت
لا انت لازم تضحكني قبل ما اعمل العمليه، ولا عايزني اعملها وانا متنكده كده..
بهاء
لا انا مش هضحكك برضو غير لما تقومي وتبقي كويسه فاهمه ولا لا..
دخل احمد الدكتور وقال
دكتور بهاء بعد اذنك بقي عشان هنبدأ العمليه..
بصلها بهاء وقال
انا هستناكي انتي مش هتسبيني صح؟..
ندي ابتسمت
خلي بالك من بناتي، عايزاهم يبقو زيك كده..
احمد
بهااء لو سمحت مش هينفع كده..
بصله بهاء وقال
واغلي حاجه عندك. يا شيخ تخليها عايشه دي روحي انت فاهم..
احمد
انا هعمل اللي عليا واكتر والباقي بتاع ربنا ادعيلها..
_طلع بهااء وقعد بره ودموعه نزلت، وافتكر اول مره شافها ومواقفهم وقال ببكاء..
بهاء
ياارب انت عالم بحالي يارب قومهالي بالسلامه يارب..
_وعدت ساعه في التانيه وسمع صوت طفل بيعيط، قام وقف بس ما سمعش صوت حاجه تاني وعدت نص ساعه وطلع احمد ومعاه الممرضات اللي شايلين البنات التلاته..
بهاء
ها يا احمد هي كويسه مش كده انا هدخل اشوفها..
مسك احمد ايده وقال
العمليه كانت صعبه اووي جسمها ما اتحملش ولا اجدعها ست كانت هتقدر تتحمل الالم ده، ادعيلها هي راحت للاحسن مني ومنك..
بهاء ببكاء
يعني طيب... انا كنت مستنيها انا ملحقتش اقولها كل حاجه و..
تحمد حضنه وقال
صلي علي النبي كده بس اللي كان جواك ليها عوضه في بنتها هما مالهمش غيرك، بس انت لازم تخلص اجراءات الدفن..
_وفعلا خلص بهاء كل اجراءات الدفن ودفن ندي في مقابر عيلته، وبعدين راح المستشفي ووقف عند الحضانه وبص للبنات التلاته وجه احمد وقف جنبيه..
احمد
واخد بالك اتنين لونهم ابيض وواحده سمرا شكلهم يجنن..
بهاء
هي مين فيهم اللي اتولدت الاول ومين التانيه ومين التالته؟...
احمد
الكلبوظه اللي هناك دي اول واحده، والتانيه الصغيوره اووي دي، واخرهم بقي السمرا ام عيون خضرا دي..
بهاء ابتسم وقال
سما وملك وناني ايه القمر ده بجد...
احمد
انت هتسجلهم باسمك ده حرام علي فكره وو..
بهاء بجمود
هوديهم ملجأ واعملهم شهاده، ولما اطلعهم هسجلهم باسمي واسم ندي..
احمد
انت اتجوزت ندي امبارح مش كده؟.
بهاء
ايوه عشان اقدر اكتب البنات باسمي كان لازم اكتب عقد جواز، البنات دول مش زنبهم حاجه ان يكبرو ويلقو ابوهم مجرم..
_وفي يوم كانت مريم رايحه الحضانه وسمعت صوت اياد وراها..
اياد
ماما يا ماما...
مريم حضنته وقالت
اياد انت ايه اللي جابك هنا انت مش المفروض في سنه اولي دلوقتي..
اياد بصوت واطي
بابا جاي يصالحك ما تبقيش بومه وفقر بقي وصالحيه الراجل تعب..
مريم
وانت بقي اللي قولت الكلام ده من نفسك ولا حد قالك تقوله يا اياد..
طلعت نيره من ورا عربية معتز وقالت
لا انا قولتله يقوله علي فكره..
وطلع حازم هو كمان وقال
وانا اللي قولتلها تقول لاياد يقولك كده فاهمه حاجه، صباح الفل..
طلع معتز هو كمان وقال
وانا اللي قولتلهم يقولولك كده، ايه رئيك بقي في الحركه كريتيف مش كده..
مريم
تعبتو نفسكم والله علي الفاضي، بقولكم ايه خدو بعضكم وامشو عشان ما افرجش عليكم الشارع..
حازم بحده
جرا ايه يا بت انتي ما تتلمي بقيى هو انتي ما حدش عارف يلمك ولا ايه..
نزلت مريم اياد وقالت
استني هنا كده يا اياد لحد اما افك الكوتشي ونشوف مين دي اللي عايزه تتلم..
حازم بخوف
وربنا ما عليكي ده انا اقصد البت اللي ماشيه تتقصع دي ما تتعدلي يا بت انتي..
نيره بسخريه
وكان عليك ايه من الاول جيبت التهزئ لنفسك اسكت عايزه اروح بيك سليم قدها انت المفتريه دي..
مريم بغيظ
وحياة امك يا نيره ما هسيبك...
_جريت نيره وحازم وهما بيضحكو، وقرب منها معتز وقال..
معتز
بعيد عن جوز الهُبل اللي جيبتهم معايا دول، وحشتيني وهترجيلي يا مريم عارفه ليه؟..
مريم بضيق
امم ليه ان شاء الله؟..
معتز
عشان وحشتك يا قلبي، وعشان انا اسف ومش قادر اعيش من غيرك وانا اللي محتاجلك جنبي ومعايا مش اياد..
مريم بدموع
مش قادره اصفالك يا معتز بجد...
معتز بهدوء
انا ما اتربتش وحيوان وكفايه بقي كرامة اهلي اتبعترت علي الارض..
ابتسمت غصب عنها وقالت
لا لا ما اتكيفتش لسه، في حته كده شايله منك..
قرب منها وباسها وقال
كده صافي يا لبن بقي؟..
مريم وشها احمر وقالت
ايه اللي انت عملته ده عيب؟..
معتز
خلاص بقي تعبتي امي معاكي، تعالي بقي عشان هنطلع شرم بس لوحدنا اياد هيقعد مع تيته يونسها صح يا اياد؟..
مريم بقلق
ايه ده فين اياد هو راح فين؟..
معتز بخوف
يخربيت سنينك نستيني الواد..
مريم
تاني برضو بتغلط فيا عشان ابنك طلقني يا معتز..
اياد وهو بيبص عليهم من شباك العربيه
زهقتوني كرهتو الناس اللي بتقرا الروايه فيا اديني مرزوع مستني فقره المحن بتاعتكم تخلص..
مريم
شايف ابنك؟..
معتز
تربيتك يا روح امك، يلا بينا بس..
مريم
عايزه فستان فرح وعايزاك تعملي فرحي في ياخت لوحدينا انا وانت بس يبقي جو رومانسي و..
معتز
اتلمي يا وليه، ده انتي لو كنتي لسه حامل كان زمانك شايله ابنك علي ايدك...
مريم بغيظ
معاك حق انا غلطانه هحقق احلامي مع مين مع بوز الاخص اللي متجوزاه، اتنيل استناني هاخد اذن وجايه..
معتز
بحبك يا احلي مريم.
ابتسمت مريم وقالت
وانا كمان بحبك ياللي مشحططني معاك
_وبعد خمسه وعشرين سنه، وقف اياد بعربيته قدام نفس القسم اللي كان شغال فيه معتز زمان ونزل منها وكان شبه معتز جدا بس علي احلي وقال وهو بيتكلم في الفون..
اياد
والله العظيم يا ميمي هفطر معلش بس هقفل عشان وصلت الشغل..
مريم
هتفطر ايه عارف تاكل حاجه مش صحيه هزعلك وازعل ابوك..
ضحك اياد وقال
لا هجيب اكل صحي المهم روحي اتكلمي مع انس اخويا عشان بابا شد عليه جامد النهارده..
مريم
حاضر يا حبيبي المهم خلي بالك من نفسك..
اياد
حاضر يا احلي ماما في الدنيا..
_دخل اياد القسم وقابله العسكري وقال..
العكسري
بعد اذنك يا اياد باشاا في بنت قاعده هنا من الصبح مستنيه حضرتك..
اياد بص للبنت اللي قاعده بتقلب في موبيلها وقاال. وهو طالع مكتبه..
اياد
طيب خليها تجيلي المكتب فوق..
_وبعد شويه في مكتب اياد دخلت بنت بشرتها سمرا وعيونها خضرا بس لابسه نضارة نظر وشعرها كيرلي وطويل جدا ولابسه سوليبت جينز وكوتشي ابيض وقالت..
البنت
لو سمحت ممكن ادخل؟..
اياد بصلها وقال
انتي دخلتي اصلا، فين العسكري اللي بره؟..
البنت
راح تقرببا يجيب موز باللبن..
اياد
الله يفضحه انا قولتله ما يقولش لحد، انتي مين المهم عايزه ايه؟..
البنت وهي بتعدل نضارتها
انا ناني..
اياد
ايوه يا ناني الظابط بتاع الاداب الناحيه التانيه، بس اول مره اشوف رقاصه لابسه نضارة نظر..
ناني بغيظ
انت قليل الادب ومش متربي علي فكره..
وقف اياد وضرب ايديه علي المكتب وقال
نعم يا رووووح اممممك...
ناني بخوف
انا اسفه والله ما اقصد انا بس بنت ناس والله بس بابا سماني كده اعمل ايه، المهم انا اسمي ناني صاحبة اكبر برنامج علي السوشيال ميديا.
اياد
اهلا وسهلا نعمم؟..
ناني
طبعا حضرتك بعد المهمه الاخيره وانك قبضت علي الخليه الارها*بيه واسمك بقي بيلمع علي السوشيال ميديا وانا عاوزه انفرد بيك..
اياد غمزلها وقال
ايه الصراحه دي تنفردي بيا مره واحده..
برقت ناني وقالت
قصدي علي البرنامج انت بتفهم منين؟..
اياد
بس انا مش بطلع في برامج..
ناني
طيب عشان خاطري..
اياد
اطلعي بره.
ناني
علي فكره انا من اسكندريه وجايه القاهره مخصوص عشانك، والتيم بتاعي كله في انتظارك...
اياد
طيب هيكون نظامه ازاي البرنامج ده؟..
ناني
انت هتقعد والكاميرا هتكون عليك لوحدك ونسالك شوية اسالها وانت ترد..
اياد
وايه نوع الاسئله بقي.؟..
ناني
اسئله عاديه زي اسمك ايه؟ كده و..
اياد بحده
انتي هتستهبلي يعني جايبني ومش عارفين اسمي..
ناني بغيظ
ما تصبر افهمك ايه الغلب ده، يا باشا الاسئله بتكون في الايطار ده حاجات خفيفه كده نخطف بيها التريند..
اياد
والله ما حد خرب البلد غيركم يا تافهين..
ناني بغيظ
اللهم طولك يا روح، حضرتك موافق ولا لا..
اياد
هاتي رقمك ولما افضي هبقي اكلمك واجي..
ناني
هديلك رقم المسؤلين هما هيتفقو معاك وو..
اياد بخبث
رفمك انتي يا مش هاجي، محسسني انكم بتقدمو برنامج مني الشاذلي..
طلعت موبيلها وقالت
اتنيل اديني رقمك وهكلمك..
اياد
اتنيل؟..
ناني
قصدي اتفضل حضرتك ..
_واخدت الرقم وجات تمشي بس هو وقف بسرعه وقرب منها وقال..
اياد
اسمك ايه بقي ثلاثي عشان انا من الناس اللي بتحب تسجل الرقم بالاسم الثلاثي..
ناني ابتسمت
اسمي ناني بهاء فخر الدين باي..
ابتسم اياد وقال
بااي يا شوكلاته سايحه جوه كيك..
فضل اياد سرحان ودخل العسكري وقال
الموز باللبن يا افندم..
اياد بغيظ
اعمل فيك ايه فضحتني.. بقي في ظابط شرطه يشرب موز باللبن..
العسكري
ما حضرتك اللي طالبه يا افندم..
اياد
تقوم تسيحلي هات واطلع اقف بره..
تمت بحمد الله
وايضا زورو قناتنا سما القاهرة للروايات
من هنا علي التلجرام لتشارك معنا لك
كل جديد من لينك التلجرام الظاهر امامك