.jpg)
رواية عشقتها رغم صمتها
الفصل السادس والستون 66
بقلم حبيبه
ياسين بفرحه : زينه فاقت ياماما امال زينه فاقت فاقت
وقعت سماعة الهاتف من امال ارضآ مما ارعب الجميع عليها.....
يونس بخوف: في ايه ياماما قالك ايه ياسين
نظرت له امال والدموع تنهمر من عينيها....
امال: زي ز زينه فاقت يايونس اختك رجعتلي ربنا رجعلي بنتي تاني يايونس ههههه زينه فاقت الحمدلله يارب الف حمد وشكر ليك يارب
يونس: بجد زينه فاقت الحمدلله شكرا يارب الحمدلله
اسيا بسرها: الف حمد وشكر ليك يااااه يالله قد ايه رحمتك واسعه الف حمد وشكر ليك يارب العالمين....
علي: هاتيجوا معايا نشوفها ولا اسيبكم واروح
يونس: ط. طب يلا بينا
اسيا بلهفه: خليك هنا علشان انت تعبان مش هاتقدر
نظر لها يونس بغضب دفين....
يونس: مالكيش دعوه انا كويس
نظرت اسيا ارضآ حزنآ وفضلت الصمت....
امال: ياحبيبي انت لسه خارج من عملية وارهاق وتعبان
يونس: ياست الكل بقالي اسبوع في المستشفى وذهقت من النومه وبعدين لو تعبت هاعرفكم وبعدين عاوز اشوف اختي واخدها في حضني...
سعاد بفرح لاحراجه لاسيا: خلاص بقى ياامال ياختي وبعدين ياسمين خطيبته اهي تسنده وتكون جنبه
علي من الخارج: يوووووه يلا بقى وبطلوا كلام كتير ماهو ذي الشحط اهو قدامكم
يونس: اهو نق امك ده اللي جابني لورا ياجزمه
يلابينا
دارين: هاي من معي.
دارين: انت اين انت واين اختفاء
دارين: ياللهي مستر چاك سوف يقتلوني ان علم اني اخونه معك
دارين: لماذا انت مصمم هكذا على هذه فقط يا
دارين: اوكي حسنآ حسنآ اعتذر...
دارين: ماذا!!!!! انت حقآ تريد نهايتي...
دارين: لا لا لا ان شعر مستر چاك بشيئ سيقتلني بدمآ بارد
دارين: حسنآ حسنآ سأحاول
چاك: عزيزتيي
دارين: ياللهي چاك قادم سااكلمك لاحقآ اغلق
چاك: دارين اين انتي عزيزتي
دارين: انا هنا عزيزي في غرفة النوم...
چاك: ماذا تفعلين عزيزتي كنت ابحث عنكي لماذا لم تچيبي
دارين: اعتذر حبيبي كنت اغير ثيابي فقط ماذا تريد.
چاك: كنت اريد ان نترك مصر لقد مللت كثيراً
دارين: والصفقه فانحن بحاجتآ اليها كثيراً
چاك: لم ارى يونس يبدوا انه قد نهى كل شيء
دارين: فالنصبر قليلآ ياعزيزي فالقد سمعت انه وقع في كثيرآ من المشاكل لننتظر بضع ايام اخرى ونرى...
چاك: امممممم حسنآ فالننتظر
دعك من هذا فاانا قد اشتقت اليك كثيرآ
دارين: وانا ايضآ عزيزي
ثم ذهبوا ليفعلوا فيما حرمه الله
وصلت العائله للمشفى وذهبوا جميعآ بلهفه لغرفة زينه دخلوا الغرفه وجدوها تجلس على الفراش وياسين يقف بعيدآ قليلآ والطبيب بجانبها يتفحصها...
امال بدموع: ز زي زينه
نظرت زينه لها سريعآ والا ان رائتهم انهمرت دموعها..
زينه: ماما
الا ان سمعت امال صوتها وبدون مقدمات رقضت اليها واخذتها بين احضانها...
امال وهي تقبل يدها بلهفه: وحشتيني وحشتيني ياحبيبتي وحشتيني ياقلبي الحمدلله يارب الحمدلله الحمدلله كده ياقلبي توجعي قلبي عليكي وحشتيني يانن عيني وحشتيني ياقلبي الحمدلله يارب الحمدلله الحمدلله
زينه: حبيبتي ياماما ربنا يخليكي ليا ياقلبي احضنيني ياماما حضنك وحشني اوي...
علي: لأ لأ وسعولي كده عاوز اسلم على جاموستي ياامال
امال: بس ياواد ماتقولش على روحي كده
زينه: قلبي ياامولتي
اخذها علي بين احضانه وانهمرت دموعه دون شعور منه وشعرت بها زينه علي عنقها
زينه: علي ياحبيبي انا كويسه اهو
علي: كده يازينه تبعدي كل ده عارفه حسيت اني وحيد بعدك اوي ماكنتش عارف مين اللي مربي التاني من صغره ههههه انتي... انتي انتي عارفه انك الوحيد اللي قريبه منه ليه تبعدي عني كل ده ليه هونت عليكي ياجزمه مش عارف ارخم علي حد بعدك انتي كنتي اساس الرخامه
زينه بدموع: ههههه اتلم ياذفت وبعدين انا اهو كويسه قدامك اهدى ياواد بقى اخويا مش نحنوح انشف كده ياض
علي: اشبح عيب عليك احنا رجاله اوي
زينه: ههههه طبعا طبعا
يونس: احم احم اسف لو ازعجتكم ممكن تتنيل تقوم ياض علشان عاوز اخد اختي في حضني.
علي: اتحايل عليا شويه
يونس: قوم يااااااض
علي: تحت امرك ياابو الانس
اخذ يونس زينه بين احضانه بقوه...
يونس: يااااه يازينه يااااه ياحبيبتي يالله يالله الحمدلله الحمدلله حرقتي قلبي في بعدك عني ياحبيبتي
زينه بدموع: اسفه ياحبيبي اني تعبتك اسفه اسفه
يونس: وحشتيني ياحياتي وحشتيني يااختي وابويا واهلي وحشتيني ياسندي وقوتي يااااااااااه والله حاسس روحي رجعتلي برجوعك ليا ياقلب اخوكي اوعى اوعي يازينه تبعدي عني تاني
زينه: حاضر ياحبيبي حاضر حاضر
علي: كفايه ياجماعه كفايه ام العشق المفقوع ده بيوجعلي بطني والله جرى ايه ياامال ياختي ماتقولي حاجه للنحانيح دول
امال: بس ياواد
يونس: غور من وشي ياجزمه بدل مااديك بالجزمه....
ضحكوا الجميع عليهم
نظرت زينه وجدت اسيا تقف علي الباب بصمت
زينه: ايه يااسو معقوله مش عاوزه تسلمي عليا حتى اه ياواطيه نستيني يابت
يونس: انا هاروح للدكتور اتطمن علي صحة زينه واشوف لو تقدر تخرج النهارده ولا لا
ذهبت اسيا اليها وارتمت في احضان زينه
اسيا ببكاء: وحشتيني يازينه سبتيني ليه كل ده
نظرت زينه بصدمه للجميع وجدتهم ينظرون لها باابتسامه فالتزمت الصمت في الوقت الحالي.
زينه: ههههه اهدي يابت انا ذي القرد اهو
اسيا: كنت محجاكي جنبي اوي اوي اوي اوي اتعذبت اوي في بعدك عني ياحبيبتي
نظرت زينه سريعآ الى سعاد وياسمين
زينه: خلاص ياروحي انا رجعتلك اهو ياحبيبتي ومافيش عذاب تاني
اسيا: الحمدلله الحمدلله انك رجعتي بالسلامه ياقلبي الحمدلله
زينه: سيبك انتي بس ايه الصوت العسل ده يابت صحيح من امتى ده ياابو صوت عسل انت
اسيا: ههههه الحمدلله ربنا كاتبلي مافضلش خرسا كتير واهو حصل اللي حصل قومي بس انتي بالسلامه علشان في حاجات كتييييير عاوزه احكيلك عنها
زينه: ههههه حاضر حاضر
سعاد: حمد لله على السلامه يازينه يابنتي الحمدلله انك رجعتي بخير
زينه بدون نفس: الله يسلمك ياخااالتي
ياسمين: حمد لله على السلامه يازوزو
زينه: اسمي زينه ياعنيا الدلع ده بيوجع بطني
علي: ههههه حلوتك
امال: اتلم ياجزمه انت
علي: الله وانا مالي احجه
نظرت زينه وجدت ياسين ينظر لها ويبتسم
زينه: ابو طويله واقف بعيد كده ليه ياعم بس مالك متبهدل كده ودقنك طويله صحيح لما فوقت شوفتك قدامي اول واحد
امال: اصل
ياسين بسرعه: اصل كنت جاي اتطمن عليكي ومن حسن الحظ انك فوقتي وقتها وانا جنبك واهو الحمدلله بقيتي بخير ياجعفر
زينه: اعاااااا جعفر في عينك ياابوطويله ماتقولش جعفر ياذفت
ياسين: ههههه ههههه حاضر ياجعفورتي
يلا بعد اذنكم انا
امال: رايح فين ياحبيبي خليك
ياسين: معلش ياماما امال عندي مشوار بس ولما الاستاذه جعفر تروح البيت هابقى اجي اتطمن عليها
زينه: ماتقولش جعفر يابو طويله
ياسين: ههههه سلام
ذهب ياسين الى المسجد وسجد لربه والا ان سجد له حتى انهارت دموعه..
ياسين ببكاء: الف حمد وشكر ليك يارب انك رجعتهالي يااااه يالله الحمدلله الحمدلله الحمدلله الحمدلله الحمدلله الحمدلله...
يونس: الدكتور بيقول ان صحتك بفضل الله كويسه وتقدري تروحي معانا البيت دلوقتي
امال: طب كويس الحمدلله اطلعوا بره لحد مااجهزها انا اسيا.
علي: فل انا هاكلم الحرس بره يجهزوا العربيات
يونس: تمام واحنا هانستناكم بره
بعد مده قصيره خرجت اسيا وامال وهم يعاونون زينه
حمل يونس زينه بين زراعيه وذهب للخارج بدون كلام..
زينه: ههههه حبيبي ياابيه طب لف بيا شويه في المستشفى والنبي
يونس: ههههه اتلمي ابت
زينه: ههههه اخويا حبيبي رياضي وعضلاته بسم الله ماشاء الله خمسه وخميسه فى عين اللي يحسده مش من حقي ادلع بقى اجدع
بونس: ادلعي وخدي راحتك ياروح اخوكي بس صحتك تبقى كويسه الاول وانا هادلعك براحتك تمام
زينه: حاضر ياحبيبي
علي: خيانهههههه بتخونيني ياريا ومع مين مع الهضبه ده
زينه: عضلاته غرتني ياحصبوا
علي: بكره احجز في الچيم ياريا والزمن يشهدلك
يونس: ثانيه واشوفك في العربيه لازرعك زرع بصل هنا
علي: احيه اعتبره حصل امعلم سمعليكوا
زينه: ههههه خواف
علي: بس ابت انا خوفت لتتعبي
يونس: بتقول حاجه
علي: بقول اتفضل ياابو الانس ياعسل حسبي الله
زينه: ههههه ههههه واضح واضح
ذهبوا جميعآ للمنزل والا ان دخلوا حتى وجدوا ياسر يجلس امام التلفاز
يونس بااستغراب : ياسر
ياسر: حمد لله على السلامه ايه ياجماعه فينكم
سعاد: ياسر حبيبي فينك وحشتني
ياسر: كويس ياماما شغل بس ورجعت اتمنى ماكنش اذعجتكم ياطنط امال
امال: لأ ياحبيبي بيتك ومطرحك واوضتك لسه ذي ماهي
ياسر: حبيبتي ياطنط تسلميلي
اسو القمر عامله ايه ياحلوه وحشتيني جدا
لم يرى ياسر ذلك الذي اصبحت عينيه ملئه بالغضب ووجه لا يبشر بالخير