رواية عشقتها رغم صمتها
الفصل مئة و أربعة 104
بقلم حبيبه
رجعت تلك المحطمه للبيت لا تشعر بأي احد حولها وكأن العالم اختفى من حولها...
كانت جميله تضع الطعام علي الطاوله
جميله: اسوا وصلتوا دا الواحد كان هايموت من جوعه اومال الواد يوسف فين....
اسيا: جاي ورايا انا سبقته بس علشان كنت تعبانه شويه
جميله: سلامتك طيب ثواني هاطلبلك دكتور
اسيا بهدوء: لاء متخافيش هاطلع ارتاح شويه وهابقى تمام
بعد اذنك
جميله: اسيا هو قالك ايه زعلك كده
توقفت اسيا مكانها ولم تنطق بكلمه...
جميله: ماتردي يونس قالك ايه زعلك كده معقوله يابنتي ضعفك ده طيب هو انتي راضيه عن نفسك عاجبك شكلك ده كل ماتقابليه ويقول حاجه ليكي تعيطي وتحبسي نفسك فى اوضتك فوقي يااسيا فوقي يابنتي هو علشان عارف ضعفك ده وعارف انك هاتزعلي وتعيطي علي حبك ليه ماكنش قال اللي قاله فوقي بقىىىى
#هنا ولم تستطيع اسيا ان تتحكم. في دموعها انفجرت واخرجت مابداخلها
اسيا بدموع : طب اعمل ايه اعمل ايه بحبه والله كل مااقول هنساه مابقدرش مابقدرش مش عارفه اكرهه رغم جرحه ليا مش عارفه انساه رغم بعده عنه دا الوحيد اللي اداني اهتمام من غير مايستنى مني مقابل حبني وحبه جبرني احبه واعشقه بس مش عارفه ليه الدنيا ماشيه عكسي في كل حاجه كل حاجه ياجميله وكأنها مستخسره فيا الفرحه بقيت كل ماافرح بخاف بس برضوا بفتكر ان ده اكيد ابتلاء من ربنا سبحانه وتعالى وبحمده وبصبر بس اعمل ايه قلبي بيشتقاله وبيشتاق لاهتمامه بيا
بس خلاص هو هايبعد
جميله: يعني ايه مش فاهمه قصدك
اسيا بضحكه وسط دموعها: يعني هايتجوز بعد شهر هايتجوز ياجميله هايتجوز هايتجوز يارب يارب صبرني يارب يارب يارب
ذهبت جميله واخذت تلك المحطمه بالكامل في احضانها علها تهداء....
جميله بدموع علي تلك المسكينه: اهدى ياحبيبتي اهدي الله يخليكي
اسيا بدموع وسط احضانها: مش قادره استحمل فكرت انه يبعد عني ياجميله بحبه والله بحبه عارفه والله اني غلطت لما حبيته بس والله غصب عني حبيته ليه ليه انا ياجميله انا ليه الحياه بتيجي عليا اوي كده مع ان عمري ماضريت حد ولا اتمنيت الشر لحد اناتعبت ياجميله تعبت تعبت والله العظيم تعبت.....
جميله: طب اهدي يااسيا وسبيه لربنا واصبري ولو ليكي هتاخديه غصب عن عين اي حد حتى لو امه
وبعدين ياقلبي انتي مؤمنه بربنا وصبوره وبتحمديه دايما سواء في الحلو او الوحش صح
اسيا: اه
لا حول ولاقوة الابالله العلي العظيم واتوب إليه
جميله: طيب خلاص بقا المفروض نمسح دموعنا ونسيبه لربنا وليكي خير فيه هايتكتبلك
بسم الله الرحمن الرحيم وعسى ان تكرهون شيئآ وهوخيرآ لكم وتحبون شيئآ وهو شرآ لكم والله يعلم وانتم لا تعلمون
اسيا: صدق الله العظيم
جميله: صدق الله العظيم
اصبري ياقلبي سيدنا يوسف لما بعد عن سيدنا يعقوب كان ربنا سبحانه وتعالى حط اخواته السبب وكان بيختبر صبر سيدنا يعقوب علي ابتلاء ربنا وايمانه بيه
اسيا: حاضر هاصبر الحمدلله على كل شيء الحمدلله
جميله: شطوره يابطتي
اسيا: ههههههه تسلميلي ياقلبي انتي قمر اوي ياجميله ربنا يخليكي ليا
جميله: احم احم لا انا كده هاتغر في نفسي واتنفخ...
اسيا: ههههههه
جميله : حبيبي اللي بيضحك ياناس بت انا رجلي ورمت يلا قومي خلينا نطفح انا جوعت والواد يوسف لسه مجاش قومي ناكل وهو مع نفسه بقى
اسيا: يلا بينا
اللهم صلِّ وسلم وبارك على سيدنا
ونبينا وحبيبنا محمد وعلى آله الطيبين الطاهرين اجمعين وسلم تسليما كثيرآ
نظرت ورد وعلي اتجاه الصوت وكان يونس يقف علي الباب....
علي بصدمه: ي يو يونس
يونس:............
علي: يونس مالك يابني دا انا كنت بهزر اناوورد
يونس:...........
ذهب علي ووقف امامه
علي: شوفتي ياورد اهو اتنيل علي عينه وصدق مش انتي كنتي عاوزه تشوفي هو هيخاف عليا ولا لا شوفتي...
يونس:...........
علي: ابو الانس ياعسل مالك يابني ساكت ليه سمعني سلام مربع اجدع
#صعق علي من ذلك الكف الذي هبط علي وجه.
علي: ي يو يونس اسمعن......
يونس: الكف ده علشان ضحكت في وشي رغم وجعك
#اعطاه يونس كف اخر
يونس: وده علشان ساكت كل ده ومش بتشاركني المك
#اعطاه كف اخر
يونس بدموع: وده علشان اعتبرتني غريب للدرجه دي
#اعطاه كف اخر
يونس: وده علشان وقت حزني وقفت جنبي ووقت حزنك بعدتني عنك
علي: يونس اسمعني
يونس: ليه ياعلي ليه سكت ليه ضحكت في وشي وانت موجوع ليه خبيت عني رغم اني لما ببقى محتاج حد جنبي من غير ماانطق بتحس بيا ليه ياعلي بعدتني عنك للدرجه دي دا انت اخويا دا انت اقرب ليا اكتر من نفسي تقوم في ماانت محتجلي تبعدني عنك كده ليه ياعلي ليه
علي: يونس والله والله كنت خايف عليك انا ماصدقت اشوفك فرحان والعيله فرحانه وكنت هاعرفكم بس بعد مازينه تتجوز انت عارف وانا عارف قد ايه تعبت مش هاخلي مرض غبي يوقف فرحتها بس والله كنت هاعرفكم دا انتم عيلتي يااهبل
زينه بدموع من خلف يونس: ملعون ابو فرحتي انتم سبب فرحي ياعلي انتم ضهري وسندي انتم اخواتي انتم الاساس بتاعي دا انا لما دخلت في غيبوبه انت اول واحد اتوجعت اكتر مني طيب انت دلوقتي تعتبرنا غرب عنك معقوله مش معتبرنا اخواتك ياعلي مش مهم مش مهم انت معتبرنا ايه اما انت هاتفضل اخويا حبيبي اخويا وضهري وسبب فرحتي برضاك ا او او حتى غصب عنك هاتفضل اخويا يعني هاتفضل اخويا انت فاهم
#اخذها علي بين احضانه وهو يبكي: طبعا اختي وبنتي اللي كبرت قدامي وحياتي وكل ماليا ياهبله دا انتي قمري وحبيتي
زينه: طيب ليه خبيت عننا وجعك ياحبيبي ليه ماشركتناش حزنك ليه واحنا لما بنتوجع بتبقى انت اول واحد حاسس بينا
علي: اسف ياقلبي مش هاتتكرر اسف اسف
زينه: اوعدنا ماتخبيش حاجه تاني عننا
علي: اوعدك ياستي
ترك علي زينه وذهب ليونس وبدون سابق انذار احتضنه بقوه
علي: مش هتسامحني بقى يارخم
يونس: حسستني اني غريب عنك ياعلي وجعتني اوي ماكنتش اعرف اني بعيد عن اخويا قوي كده....
علي: انت اقرب حد ليا يايونس علي من غير يونس الاسد مايسواش ربع جنيه بس والله العظيم كنت خايف علي زعلك انا اكتر حد عارف انت تعبت قد ايه في حياتك اسف بقى اجدع ماتزعلش مني
يونس: للاسف مابقدرش ازعل منك طيب لو مش عاوزني ازعل تسمع كلامي انا هاكلم احسن دكاتره بره وتسافر تتعالج وترجع ماشي....
ورد؛ هو مش محتاج سفر بره يايونس المرض لسه في اوله وهانقدر نعالجه هنا المستشفيات هنا بقت متقدمه....
يونس: ولو برضو لازم يسافر بره علشان اتطمن علي اخويا...
ورد: بسسس
يونس: ورد علشان خاطري ماتقوحيش معايا علشان قراري مش هاغيره حتى لو على ذات نفسه معترض برضو هاسفره غصب عنه...
على: ياعم هو انا نطقت
ورد: طيب ممكن بعد كتب كتابنا يايونس اذا سمحت عاوزه اكون جنبه خطوه بخطوه ممكن
يونس: هاتفضلي جنب علي ياورد
ورد: لحد اخر نفس يطلع مني
يونس بفخر: شرف ليا انك معتبراني اخوكي ياورد ربنا يحفظك ويبارك فيكي طيب ماشي انا هاجهزلكم كل حاجه وهاجهز الطياره تستناكم بالليل بعد كتب الكتاب على طول كأنكم رايحين شهر عسل ماما ماحدش يعرفها ماشي
الجميع: ماشي
لم يرى يونس تلك الاذان التي تختبئ وتستمع لكلامهم بالكااامل.....