.jpg)
رواية عشقتها رغم صمتها
الفصل الخامس والستون 65
بقلم حبيبه
مر اسبوع علي ابطالنا كانت اسيا خلاله تطمئن علي يونس عندما ينام فقط ولا تختفي عندما يستيقظ....
قرر يونس الرجوع للمنزل بعد الحاح كبير منه ومتابعة رعايته في المنزل....
كانت اسيا في سيارت البادي جارد بعد طلبها ذلك من علي...
عادوا جميعآ للمنزل
امال: يلا ياعلي طلع يونس يرتاح فى جناحه
يونس: معلش ياحبيبتي سبيني قاعد هنا معاكم شويه.
امال: ماينفعش ياحبيبي لازم ترتاح علشان خاطري
يونس مقبلآ يدها: ياست الكل انا تمام التمام اهو قدامك وبصراحه ذهقت من رزعت المستشفيات دي وعاوز اقعد وسطيكم شويه والنبي ...
علي: خلاص ياامال سبيه براحته ابنك دماغه جزمه وعنيد
يونس: لم نفسك ياض..
امال: خلاص اقعد بس شويه وتطلع ترتاح ماشي
يونس: عنيا ياست الكل
كل هذا وسعاد تنظر لهم بحقد
سعاد في سرها: ايه ياختي المحن ده صبرني يارب...
دخلت اسيا بدون كلام وذهبت لغرفتها..
بعد وقت ليس بكثير نزلت اسيا.
علي: ايه ده انتي رايحه على فين يااسيا...
علم يوسف بقدوم جميله للشركه فذهب لها سريعآ...
يوسف بلهفه: جميله انتي كويسه صح صحتك بخير
جميله: اه الحمدلله اهدى اهدى انا بخير الحمدلله...
يوسف: الحمدلله يارب دايما لو محتاجه اي مساعده ا انا مو..........
جميله: لأ شكرا ليك مستوره والحمد لله
يوسف: جميله فهمتيني غلط انا قص.....
جميله: لأ مش غلط بس انا مش شحاته يايوسف انا من يومي بصرف علي البيت مش هاجي دلوقتي واشحت
يوسف بتبرير: جميله انا.....
جميله: بعد اذن حضرتك عندي شغل.
يوسف:اوووووف يعني كان لازم اتسحب من لسان امي ده واقولها انا كنت جاي اسألها عن اهلها الحقيقين واساعادها روحت عكيتها بدل ماافرحها زعلتها يووووووووه خلاص انا استنى لما تهدى واصالحها....
مر قليلآ من الوقت وطلب يوسف القهوه خاصته...
ذهبت له جميله بالقهوه
جميله: هوبا ياحبيبتي ماتاخدي القهوه دي وحيات. اهلك دخليها
جوه ليوسف
هبه: اسفه ياجوجو ضغط شغل كبس فجأه والله مش عارفه اقوم من مكاني معلش ياحبيبتي دخليها انتي لمستر يوسف
جميله: اووف ماشي
#دخلت جميله بعد طرقها للباب...
يوسف: ادخل
جميله وهي تنظر في اتجاه اخر: القهوه يايوسف بيه
يوسف: تعالي ياجميله ادخلي
جميله: لأ اسفه عندي شغل يافندم اتفضل قهوة حضرتك بعد اذنك انا
#وقف يوسف امامها بسرعه.....
يوسف: جميله اسف والله مااقصد انتي فهمتيني غلط ماتزعليش مني زعلك ده مدمرني مش عارف اعمل اي حاجه من ساعت مازعلتي اسف ياجميله.
جميله: حصل خير
يوسف: جميله ماتبقيش رخمه بقى والله مااقصد اجرحك اسف بقى علشان خاطري سامحيني بقى وحشتني رخامتك وضحكتك البايخه..
جميله:.........
يوسف: جميله علشان خاطري بلاش زعلك ده علشان مأثر فيا اوي سامحيني بقى اخر مره
جميله:........
يوسف بحزن: يعني برضو مش مسمحاني
جميله: جبلي كشري وبيتزا وانا اوعدك هافكر اسامحك
يوسف: هههههه عيوني ليكي ياجميلتي
امال: رايحه فين يااسيا
#كانت اسيا تحمل حقيبة ثياب في يدها
اسيا: احم هو يعني اظن ان وجودي مالوش لازمه هنا واسفه بجد لو تعبت حد منكم معايا واسفه جداً لو تقلت على حد واسفه اوي اوي علي كل اللي حصل ليكم بسببي حمد لله على سلامة استاذ يونس وشكرآ بجد على انكم فتحتولي بابكم ورحبتم بيا انتم ناس طيبين جداً و.....
اخذت اسيا نفس عميق حزين: و.. والهدوم دي مش ليا انا جيت هنا باللي كنت لابساه بس ودي حقكم بعد اذنكم
#كان يونس لا ينظر لها ولكن يشتعل بداخله ويغلي غضبآ منها...
امال: استني عندك رايحه فين هو دخول الحمام ذي خروجه ولا ايه انتي عبيطه يابت انتي ولا ايه يلا هاتي اللي خدتيه الاول.
اسيا: والله ماخدت حاجه ياماما امال
امال: لأ خدتي وخدتي كتير اوي اوي اوي
اسيا: والله ماخدت حا...
امال: خدتي قلبي وخدتي مكان في بيتك ده كلمة ماما اللي قولتيها من شويه دي حقي انا بس اسمعها منك انا بس انتي بنتي مش لازم تكوني من دمي كفايه اني حضنتك وحبيتك من كل قلبي
اوعي يابت تكوني زعلت من كلامي في المستشفى اوعي
ياحبيبتي اعذوريني اي ام مكان ابنها بيروح منها قدام عينها وانتي ظهرتي قدامي فجأه فازعلي وقهري طلع فيكي ياروحي المفروض تستحمليني يابت انتي والله مااقصد اجرحك ياحبيبتي سامحيني
احتضنتها اسيا وهي تبكي....
اسيا ببكاء: ياحبيبتي انتي قولي اللي تحبيه وانا راضيه والله انا تحت امرك في اي وقت وهاستحملك والله
امال: علشان خاطري بقى لو بتحبيني بجد خليكي
ده بيتك ياهبله عاوزه تسيبي بيتك يابت..
اسيا: بسسس
امال: مابسش هو كلمتي تتسمع فاهمه
اسيا: هههههه حاضر عيوني ياماما امال
امال: يلا علي فوق طلعي هدومك وارتاحي
ام سيد: ياست امال ياست امال
امال: خير ياام سيد في ايه
ياسين بيه علي التليفون وعاوزكم...
امال: ايه طب هاتي هاتي
ايوه يابني خير زينه فيها حاجه.
ياسين: ما... ما.. زي. زي. زينه
امال: خير يابني في ايه ماتخوفنيش.
ياسين: زينه فاقت ياماما امال زينه فاقت ياماما زينه فاقت