.jpg)
رواية عشقتها رغم صمتها
الفصل الثامن والخمسون 58
بقلم حبيبه
وصلت ورد للمنزل وهي مازالت فى صدمتها ذهبت لغرفتها بهدوء تام على غير عادتها ....
زينب: ورد
ورد:..........
زينب: ورد ورد انتي يابت
ورد:...........
زينب: يوه مالها البت دي كانت كويسه من شويه ايه اللي حصلها اما اقوم اشوفها وبالمره اخد رائيها في كتب الكتاب.
ژﻈ
ورد: احيه طلع بيحبني
ايوه بس انا بعتبره اخويا.
مالك ياورد فى ايه ليه مااقدرتيش تردي عليه يووووه ماعرفش بقى بس لأ انا مش بحبه هو ذي اخويا ايوه اه هو ذي اخويا.
زينب: ورد ورد بت ياذفته انت ياجاموسه.
ورد بفزع: ايوه ايوه في ايه.
زينب: ايه يابنتي مالك كده كنتي كويسه فيكي ايه طمنيني دا انا امك
ورد: هااااا..... ماتقلقيش ياامي انا كويسه
زينب: طب هو احمد عاوز يعمل كتب الكتاب اخر الشهر ايه رأيك يابنتي.
ورد: ماشي
زينب: يعني موافقه
ورد: ايوه انتي مبسوطه ياامي
زينب: اي ام هاتفرح لما تشوف حلمها بيتحقق وهو تشوف بنتها في الكوشه جنب عريسها وتفرح بيها...
الحمدلله الحمدلله اني هاتطمن عليكي يابنتي قبل مااموت
ورد: بعيد الشر عنك ياروحي ربنا يخليكي ليا وميحرمنيش منك ابدا وبعدين هو انا اقدر اعيش من غيرك يامزتي دا انتي اللي في القلب ياوزتي....
زينب: يابكاشه
ورد: قلب البكاشه ياناس يلا هاقوم اصلي وعاوزه اكل ياوليه.
زينب: قومي ياجزمه يابنت الجزم من قدامي
ورد: هههههههه قايمه ياختي
لجأت ورد لربها وسجدت له.
ورد ببكاء: يارب يارب ماتسبنيش خليك جنبي والنبي والنبي يارب ماتسيبني انا هاموت قويني يارب وحطني علي الطريق الصح..
يونس: معقوله انتي انتي ياخالتي.
سعاد بخوف: ي يو ي يونس.
يونس بغضب: ايوه ذفت اللي هايطلع بروحك لو مانطقتيش بكل حاجه دلوقتي...
انطقيييييييييي
سعاد بفزع: و و و والله و والله
يونس: لاااااااء اوعي اوعي تحلفي كدب اوعيي تنطقي اسمه بكلام كدب اوعي انطقي يلا عملتي ايه من ساعت مادخلتي البيت ومين ده اللي باعتك وكنتي بتكلميه ومين دي اللي بتكلمي عنها يلا انطقييييي
سعاد: ح. ح حا. حاضر حاضر. ه ها هاقول د د د دا ك ك
يونس بغضب: اخلصييي
سعاد بفزع: د د ده كان ابوك.
يونس بصدمه: ننعم ابويا اذاي مش فاهم لأ انتي ذي العسل كده احكيلي كل حاجه تعرفيها سامعه كل حاجه بدل وعزت جلالة الله ادفنك انتي وعيالك احياء وانتي عارفه اني اقدر اعملها يااااا هههه ياخالتي.
سعاد: ح حا حاضر بس والنبي يا يابني ولادي لأ والنبي
يونس: انا مش ابنك.
سعاد: ماشي ماشي بس والنبي ولادي لأ
يونس: هههههههه ايه خايفه عليهم هههههههه متخافيش كل حاجه هاتبقى على حسب كلامك لو نطقتي بكل حاجه هاتعيشي لو خبيتي حاجه كده ولا كده ولا كده..................
هاخليكي تقرائي الفتحه علي ولادك قبل ماتحصليهم.
سعاد بأنهيار: حاضر حاضر هاقول علي كل حاجه
يونس: كلي اذان صاغيه
سعاد: ابوك اللي قتل اهل اسيا وماكنش يعرف انها عايشه هي واختها ولاجل الحظ هي دخلت ميتم واتربت فيه واختها الله اعلم فينها ولسوء حظها وصلت لشركة ابوك واشتغلت فيها مع راجل هناك غلبان كان بيعمل شاي ابوك شافها طمعت في عينه وصمم عليها جداً بعت رجاله ورا عشان يجبوها ليه وللاسف شهوتهم شدتهم ليها واعتدوا عليها.
كل هذا ويونس اصبحت عينيه بسواد الليل من كثرت غضبه.
يونس بصوت هادئ ماقبل العاصفه ارعبها: كملي
سعاد: حا حاضر
بعد مااعتدوا عليها اغمي عليها فكروا انها ماتت رموها وهربوا بسبب خوفهم.
بس لسوء حظهم وحسن حظها.
يونس: رموها في طريقي انا صح.
سعاد: ص ص صح
يونس: كملي
سعاد: انت خدتها ودخلتها البيت بس عز الدين ماكنش يعرف انها عايشه علشان رجالتها قالوله انها ماتت
ولما انت خدت صفقتك الجديده منه هو صمم ياخدها منك بأي تمن حتى لو كان موتك.
بعت ناس تراقبك و. وي. وي. وبعتي انا علشان ابلغه بكل حاجه هنا.
يونس: كملي
سعاد: واحد من رجالته شاف اسيا معاك مره بلغه بيها ووصفها وعرف ساعتها انها البنت اللي كان مصمم عليها.
الموضوع كبر في دماغه اكتر واكتر وصمم ياخدها ويحصرك عليها علشان.. علشان.. علشان عرف انك انك. بتحبها.
صمم ياخد الاتنين الصفقه والبنت علشان يقهر قلبك اكتر واكتر.
يونس: كملي وماتنسيش ولا حرف.
سعاد: ك ك كمان هو هو هو اللي كان ورا اللي حصل لاختك علشان يجبر اسيا تروحله.
يونس: ايييييه.
انتهت جميله من وداع مامتها وذهبت لبيتها. توضأت وسجدت لربها
جميله: يارب يارب يارب
ربنا يرحمك ويجعل مثواكي الجنة ياحبيبتي ربنا يرحمك يارب يارب صبرني يااارب الحمدلله على كل شيء الحمدلله على كل شيء الحمدلله الحمدلله
ريم: جميله
انتهت جميله من صلاتها
جميله: ايوه
ريم: خديني في حضنك
جميله: تعالي ياقلبي
ريم: جميله ماتزعليش انتي مش وحيده انا جنبك ياحبيبتي ومش هاسيبك ما ماما وصتني افضل جنبك على طول
جميله: وحشاني اوي اوي ياريم حاسه اني هموت من غيرها ماكنتش اعرف اني بحبها اوي كده مش هاقدر اعيش من غيرها
ريم: لأ اقدري علشاني انا وانتي دلوقتي مالناش غير بعض وانا ماما علمتني الصلاه واقراء قرءان ومؤمنه بربنا قولي الحمدلله ياروحي وارمي حملك على الله
جميله: مش زعلانه علي فراق ماما يارييم
ريم: زعلي على امي مايتوصفش عارفه احساس انك تلاقي حاجه منك ناقصه وماتعرفيش تعيشي من غيرها وتحسي كأنك مش عارفه تتنفسي اهو ده انا حاسه ان روحي اتسحبت مني ياجميله
بس انا مؤمنه بربنا وبحبه اوي وبحمده دايما واتعلمت اصبر اصبري ياجميله احنا مانملكش في ايدنا دلوقتي غير اننا ندعيلها بالرحمه ونستنى رحمة ربنا هو رحمته واسعه.
جميله: كبرتي اوي ياريم وانا مش حاسه ربنا يخليكي ليا ياقلبي وميحرمنيش منك ابدا.
ريم: ويخليكي ليا ياحبيبتي يارب ماتسبنيش ياجميله خليكي جنبي والنبي
جميله: جنبك ياروحي وهافضل جنبك عمري ماهابعد عنك هو انت ليا غيرك ياروحي.